أدم كول للتكييف والتبريد

23/03/2026

16/05/2025

ليه التكييف بينقط ميه من جوه؟ وإزاي تتصرف لحد ما الفني ييجي؟

لو فجأة لقيت التكييف عندك بيخرّ ميه من الوحدة الداخلية، ما تقلقش… دي مشكلة بتحصل كتير وليها أسباب معروفة، بس المهم تتصرف بسرعة.

أشهر الأسباب:

1. الخرطوم مسدود – التراب والزغب بيقفلوا ماسورة الصرف، فالميه ما بتعرفش تنزل
2. الفلاتر متوسخة – بتقلل التبريد وبتخلي التكييف يعرّق جوا.
3. الفريون ناقص – وده بيأثر على التبريد وبيسبب تكاثف غلط.
4. الوحدة الداخلية مش راكبة مظبوط – لو ميلة، الميه مش هتنزل في المصرف وهتنقط جوا.
5. حوض الميه (الدرين بان) فيه مشكلة – ممكن يكون مليان أو فيه شرخ.

طب إيه ضرر التنقيط ده؟

بيبهدل الحيطة والسقف.
ممكن يعمل ريحة رطوبة وعفن.
ولو الميه قربت من الكهرباء، الموضوع يبقى خطر.
تعمل إيه لحد ما الفني يوصل؟
افصل التكييف مؤقتًا.
حط طبق أو إناء تحت مكان التنقيط.
لو تقدر، افتح الغطا ونضّف الفلاتر بمية وصابون.
لو خرطوم الصرف باين، ممكن تجرب تشفطه بالمكنسة لو فيه سدد بسيط.
وأهم حاجة: ما تفكش التكييف ولا تفتحه من جوه… سيبها للفني.
لو حصل معاك الموقف ده قبل كده، شاركنا إزاي حلّيته!

06/04/2025

أدم كول
لجميع أعمال التكييف والتبريد