23/12/2023
Hola paisanetas!
Estes feches tán llenes de too. Tamién lo sentís?
Anguaño decidimos nun faer eventos per navidá aún sabiendo que sería bonu abrir la llibrería y faer dalgún mercáu para la sostenibilidá económica del proyectu y para aforrar pa les obres que queremos faer. Los motivos son varios, pero unu d'ellos ye'l autocuidado, curiar el nuesu tiempu y nuesa salú. Para les persones que formamos el proyectu estes feches tán llenes de trabayu y de poner la enerxía n'otros llaos. Forzanos a tener tovía más qu'entamar cola paisaneta sabemos que provoca que nun esfrutemos el procesu y pa nós la paisaneta ye un espaciu d'allegría que queremos esfrutar.
Y tamién creemos que ye necesariu qu'haya espacios a los que nun llegue'l consumismu voraz de la navidá, nin les celebraciones masives que nos dicen cuándo y cómo xuntanos a celebrar.
Asina que vamos esperar tranquiles a qu'esta dómina de voráxine pase para siguir programando y faciendo alcuentros.
Sí queremos compartivos, como regalu de fin d'añu, un reportaxe y un trabayu bien guapu que fixo sobro nós Amor Martínez, con tol amor del mundu, fai xusto un añu.
Nél cunta cuál foi nuesa trayectoria dende los sos entamos y cuálos son y siguen siendo los valores que nos xunen.
La llibertá, l'autoxestión, la creatividá en xunto, el crear un espaciu de cuidu y ciñu onde podamos ser y crecer xuntes, en llibertá y allegría.
Creemos que ye xuna bona forma de cerrar anguaño, recordando d'ónde venimos y tolo que pasó antes pa ver pa dónde siguimos caminando.
Nos próximos díes compartimos el restu del reportaxe ❤️
Munches gracies Amor .onfilm por inspirate en nós y querer conocer el proyectu dende dientro, foi un placer para nós tamién 🌿
Y un abrazu a todes les que nos sofitáis, a todes les que pasastis pela paisaneta nestos siete años d'andanza. Que sigan siendo munchos más y que caltengamos vivu entre todes esti espaciu autogestionao, llibre y desinteresáu!
