https://www.facebook.com/104959581126754/

ኦርቶዶክስ ተዋህዶ / Orthodox Tewahedo, Addis Ababa (2026)

20/07/2025

ማማረርን ማጉረምረም ትቻለሁ🎤
አንደበቴን ቅኔ ሞልቻለሁ
ቢፈራረቅ ብርሃን ጨለማ
ከቶ አልወርድም ከምስጋና ማማ (2)🙏💖
† † †
በድንኳኔ እልልታ ሙሉ ነው
በድንኳኔ ዝማሬ ሙሉ ነው
በማንነቴ ላይ እግዚአብሔር ታላቅ ነው

20/07/2025

‹‹አቡነ ዘርዓ ብሩክ›› ወር በገባ በ13 ኢትዮጵያዊው ጻድቁ አባታችን አቡነ ዘርዓ ብሩክ ናቸው።

ሁሉም የአገራችን ክፍሎች ቅዱሳንን አፍርተዋል በምሥራቅም፤ በምዕራብም፤ በሰሜንም፣ በደቡብም ያሉ አካባቢዎች ሁሉ የቅዱሳን ቤቶች ናቸው።

በጐጃም አካባቢ ከተነሱ ቅዱሳን ደግሞ አንዱና ስመ ጥሩ ጻድቁ አቡነ ዘርዓ ቡሩክ ናቸው።

አባታቸው ቅዱስ ደመ ክርስቶስ እናታቸው ቅድስት ማርያም ሞገሳ ይባላሉ።

ከክርስቶስ ልደት በኋላ በአስራ ስድስተኛው መቶ ክ/ዘመን መጨረሻ ላይ በነሐሴ ፳፯ ቀን ተወለዱ።

ይህም ጻድቅ ባሕታዊ በተወለደበት (ክርስትና) በተነሳበት ቀን በካህናት አፍ "ጸጋ ክርስቶስ" ተባለ:: የኃጢአት ማሰሪያን ሁሉ ያስርና ይፈታ ዘንድ ጵጵስና በሾመው ጊዜ እግዚአብሔር ያወጣለት ሁለተኛው ስሙ "ዘርዓ ብሩክ" ነው:: ሦስተኛ ስሙ ደግሞ "ጸጋ ኢየሱስ" (በጸሎት ተደጋግሞ ብዙ ይገኛል) ይባላል።

ከልደቱ በኋላ ያንንም ሕፃን አባቱና እናቱ እስከ ሰባት ዓመቱ ድረስ እግዚአብሔርን በመፍራት፤ በአምልኮት እና በዕውቀት አሳደጉት።

እግዚአብሔር አምላክ ለወዳጁ ለብጹዕ ዘርዓ ብሩክ በጎ ነገር እንዳደረገላቸውና ያለ ድምጽ የሰማይ ደጆችን አልፎ የእሳት ባህርን ተሻግሮ ፈራሽ በስባሽ ሲሆን እንደህያዋን መላእክት በፍጥነት ከጽንፍ እስከ ጽንፍ ከአድማስ እስከ አድማስ ይደርስ ዘንድ 12 ክንፍን ሰጣቸው።

ጻድቁ አባታችን በዚህ ዓለም በህይወተ ስጋ ሳሉ አቡቀለምሲስ እንደሚባል አንደ ዮሐንስ ወልደ ነጎድጓድ እግዚአብሔር እሱ ወዳለበት ወደ ሰማይ አውጥቶ በገነት መካከል ያኖራቸው ነበር፡፡

መላእክትም ለሌሎኝ ቅዱሳን ያልተሰጠ ይህንን ስልጣን አይተው ለምድራዊ ሰው ይህ ነገር እንዴት ይቻላል? እያሉ አደነቁ፡፡

አቡነ ዘርዓ ብሩክ ብዙ ድንቅ ድንቅ ተዓምራትን ካደረጉ በኃላ ከዚህ ከሚያልፈው ዓለም ወደ ማያልፈው ዓለም ወደ ወደዱት ወደ እግዚአብሔር 482 አመታቸው ጥር 13 ቀን ዐርፈዋል::

የጻድቅ አቡነ ዘርዓ ብሩክ በረከታቸው ይደርብን🙏

10/03/2024

ዐቢይ ጾም
እንኳን ለዐቢይ ጾም በሰላም አደረሳችሁ!!!

በመ/ር ጌታቸው በቀለ

በኢትዮጵያ ኦርቶዶክስ ተዋሕዶ ቤተክርስቲያን ሥርዐት መሠረት ሁሉ እንዲጾማቸው መጀመሪያቸውና መጨረሻቸው ተቀምሮ ጊዜና ወቅት ተወስኖላቸው የተደነገጉ ሰባት የዐዋጅ አጽዋማት አሉ፡፡ እነዚህም በሐዋርት ሲጾሙ የቆዩና ሊቃውንተ ቤተክርስቲያን በቀኖና ያጸኗቸው ዲድስቅልያና ሌሎች የቀኖና መጻሕፍት ሥርዐታቸውን የሠሩላቸው ናቸው። ረዘም ያሉ አጽዋማት ከመጀመራቸው በፊት የሚደረገውን ዝግጅት "ቅበላ" ይባላል። ጸዋሚዎቹ ለረጅም ቀናት ከጥሉላት መባልዕት የሚታቀቡ ስለሆነ ረጅሙን ጾም ለመቀበል እንደየአቅማቸው የጥሉላት ምግቦችን ከተመገቡ በኋላ ጾሙ በሚጀመርበት ዕለት ጾሙን ለመጀመር ያበቃኸን ፈጣሪያችን ለመፈጸምም አብቃን ኃይልና ብርታትን ስጠን በማለት ይጀምሩታል። ጾመው ለመግደፍ እንዲያበቃቸው ራሳቸውን ለፈጣሪያቸው አሳልፈው ይሠጣሉ፡፡ ወርኃ ጾሙ ሲፈጸም ደግሞ ጾሙ ተፈሰከ (ተገደፈ) ይባላል። ምእመናንም እንደየዐቅማቸው ጾሙን በጥሉላት መባልዕት ይፈስካሉ፤ የተቸገሩ ጎረቤቶቻቸውንም ያገድፋሉ። የዐዋጅ አጽዋማትን ምንነት ከብዙው በጥቂቱ፣ ከረጅሙ በአጭሩ፣

ከምሉዕ በከፊሉ እንደሚከተለው ተንትነን እንመለከተዋለን።

ዐቢይ ጾም (ጾመ ፵ ዘጾመ ክርስቶስ)

ይህ ጾም ጌታችንና መድኃኒታችን ኢየሱስ ክርስቶስ ከተጠመቀ በኋላ ፵ መዓልትና ሌሊት ከቆመ ሳይርፍ፣ ከዘረጋ ሳያጥፍ በትህርምት የጸመው ጾም በመሆኑ ህቢይ"ተብሏል፡፡/ማቴ. ፬፥፩/። እኛም ጌታ የጾመውን ለማስታወስ፣ በረከቱን ለማግኘት፣ በግብር እርሰን ለመምሰል፣ የሥጋ ፈቃዳችንን ለነፍስ ፈቃዳችን ለማስገዛት እንጾመዋለን። ጌታችን የጾመው እቀደስ፣ እከብር ወይም እነጻ ብሎ ሳይሆን ለእኛ አርአያ ለመሆን ነው፡፡

ዐቢይ ጾም ስምንት ሳምንታት (፶፭ ቀኖች) አሉት። በውስጡ ስምንት ቅዳሜዎች፣ ሰባት እሑዶች ይገኛሉ። ይኸውም ዐሥራ አምስት ቀን ማለት ነው። ጾሙ በተለያዩ ስሞች ይጠራል፤ አንደኛ ጌታችን መድኃኒታችን ኢየሱስ ክርስቶስ ከተጠመቀ በኋላ የጾመው በመሆኑ፣ እንደዚሁም "ዐቢይ እግዚአብሔር ወዐቢይ ጎይሉ ዐቢይ እግዚአብሔር ወብዙኅ አኰቴቱ /መዝ.፵፯፥፩፤ መዝ. ፻፵፮፥፭/ የተባለ ጌታችን የጾመው ጾም ስለሆነ ዐቢይ ጾም ይባላል፡፡

የዐቢይ ጾም መጠሪያ ስያሜዎች

ጾመ ሁዳዴ

በጥንት ዘመን ገባሮች ለባለ ርስቱ የሚያርሱት መሬት ሁዳድ ተብሎ ይጠራ ነበር፡፡ ሁዳድ ማለት የመንግሥት ርስት ማለት ነው። የመንግሥት ሁዳድ በሚታረስበት ጊዜ፣ አዝመራው በሚሰበሰበት ጊዜ ልጅ ዐዋቂ ሳይባል የመንግሥት ዜጋ ሁሉ ለሥራ ታጥቆ እንደሚነሳ ዐቢይ ጾምም ሠራኤ ሕግ ኢየሱስ ክርስቶስ የጾመው በመሆኑ፤ ምእመናን ይህን እያሰቡ ከልሒቅ እስከ ደቂቅ የሚጾሙት ስለሆነ “ጾመ ሁዳዴ” ይባላል፡፡

የካሣ ጾም

አዳምና ሔዋን አትብሉ የተባሉትን በመብላታቸው ከገነት ለመባረር ለውርደትና ለሞት ለሲዖል ባርነት የበቁት በመብል ምክንያት ነበር።
አዳም ከገነት ሲባረር ረኀበ ጸጋ (መንፈሳዊ ረኀብ) ደርሶበት ነበርና ዳግማዊ አዳም የተባለው ኢየሱስ ክርስቶስ ግን በሆድ ምክንያት ድቀት አግኝቶት ረኀበ ጸጋ ደርሶበት የነበረውን ቀዳማዊ አዳምንና ልጆቹን በፈቃዱ በፈጸመው ጾም ካሠን፤ ስለዚህም ዐቢይ ጾም "የካሣ ጾም” ይባላል፡፡

የድል ጾም

አዳምና ሔዋን ከዚህ ዓለም ርቃ ለምትገኘው በገነት ሳሉ በምክረ ከይሲ ተታለሉና ድል ሆኑ፤ ተስፋ አበውን ሊፈጽም የመጣ ክርስቶስም ዲያብሎስን ድል ያደርግልን ዘንድ ተጠምቆ ሳይውል ሳያድር ከዚህ ዓለም ርቆ ወደ ገዳም በመሔድና ከሰው ተለይቶ ፵ መዓልትና ሌሊት በመጾም ዲያብሎስን፣ ፈቃደ ሥጋችንን ድል የምናደርግበትን ኃይል አጎናጸፈልን፤ ስለዚህ ዐቢይ ጾም ሦስቱ አርእስተ ኃጣውእ ድል የተነሡበት ዲያብሎስ ያፈረበት ስለሆነ "የድል ጾም" ይባላል፡፡

ሊቀ ነቢያት ሙሴ ፵ ቀንና ሌሊት በሲና ተራራ ጾሞ እሥራኤል ዘሥጋንና ከሕገ ልቡና ወደ ሕገ ኦሪት ያሸጋገረ ሲሆን፤ ክርስቶስም እሥራኤል ዘነፍስ የተባልነውን ከሕገ ኦሪት ወደ ሕገ ወንጌል ፵ መዓልትና ሌሊት በመጾም ያሸጋገረን በመሆኑም የመሸጋገሪያ ጾም" ተብሎ ይጠራል።

ጾመ አስተምህሮ

ኃይል ጽንዕ ይግባውና ጌታችን ያለ ድካም ሁሉን ማድረግ ሲቻለው መምህረ ትሐትና ነውና አርአያውን ሊተውልን ራሱን ዝቅ አደረገ፡፡ እኛን ወደ እርሱ በፍቅር ይስበን ዘንድ አስቀድሞ ወደ እኛ መጣ። መጥቶም ረኀባችንን ተራበ፣ ድካማችንን ደከመ፣ ፈተናችንን ተፈተነ። ስለዚህ በጾሙ ትሕትናን ትዕግሥትንና ደለል ማድረግን ስላስተማረበት ጾሙ "ጾሙ አስተምህሮ ይባላል፡፡

የቀድሶተ ገዳም ጾም

ጌታችን ከከተማ ርቆ ከሰው ተለይቶ በመጾም ከከተማ ርቆ ከሰው ተለይቶ በገዳም በብሕትውና መኖርን ለባሕታውያን፣ ለመነኮሳት ቀድሶ፣ ባርኮ የሰጠበት፣ የመጥምቁ ዮሐንስና የነቢዩ ኤልያስን ገዳማዊነት የባረከበት፤ በገዳም ከአራዊት ጋር ኖሮ በዲያብሎስ ተፈትኖ ድል አድርጓልና ጾሙ የቀድሶተ ገዳም ጾም ይባላል፡፡

የመዘጋጃ ጾም

ለእስራኤላውያን ስለ በዓለ ፋሲካ አከባብር ሲነገራቸው የፋሲካውን በግ ሥጋ ከመራራ ቅጠል ጋር እንዲበሉት ታዘው ነበር (ዘጸ፲፪፥፲፰)። ይኸውም መራራ ቅጠል በግብጽ ይኖሩት የነበረውን የመከራ ኑሮ የሚያሳስባቸውና ዳግም ወደ ገብጽ (ምድረ ፋይድ) እንዳይመለሱ ከኃጢያታቸው ይርቁ ዘንድ የሚያስተምራቸው ነበር። የፋሲካ በግ ደግሞ እግዚአብሔር በፍቅሩ የሰጣቸውን ነጻነት ያሳስባቸዋል፡፡

ዛሬም በኦርቶዶክሳዊት ተዋሕዶ በቤተክርስቲያን ከበዓለ ትንሣኤው በፊት የጾም ወራት ያስቀደምነው ለዚህ ነው። ከመብል ስንከለከል አዳምና ሔዋን የተሰጠውን ሕግ እናስባለን ረኀብ ሲሰማን በሰው ልጅ ላይ ደርሶ የነበረውን የጸጋ ረኀብና የመንፈስ ረጎብ ይታወስናል፤ ስንደክም ስንጎሰቁል በአዳምን ሔዋን የደረሰው የመንፈስ ጉስቁልናና የበደልን የእዳ ቀንበር ተሸክመው የደረሰባቸው ድካም ይታሰበናል። እኛም በነርሱ የደረሰችው ሞት በእኛ እንዳትደርስ ዳግም ወደ ኃጢአት እንዳንመለስ ይመክረናል፡፡

በጾሙም መጨረሻ የሐዲስ ኪዳንን በግ የጌታችን የመድኃኒታችን ኢያሱስ ክርስቶስን ሥጋና ደም እንቀበላለን፤ ያን ጊዜም ሞትን ካሸነፈው አምላክ ጋር አንድ እንሆናለን፡፡ ሞታችን በሞቱ እንዳለፈ እናስባለን (፩ኛ ቆር. ፲፩፥፳፮)። በመሆኑም ይህ ወቅት በዓለ ትንሣኤ የሐዲስ ኪዳን ፋሲካን ለማክበርና ሥጋወ ደሙን ለመቀበል እራሳችንን የምናዘጋጅበት የምንፈትንበት ነው(1ቆር11፤27)። ጾሙም "የመዘጋጃ ጾም” ተብሎ ይጠራል።

የሥራ መጀመሪያ ጾም

ጌታችን መድኃኒታችን ኢየሱስ ክርስቶስ የማስተማር ሥራውን ከመጀመሩ፣ አንቀጸ መንግሥተ ሰማያትን ከማስተማሩ አስቀድሞ በገዳመ ቆሮንቶስ የጾመው በመሆኑም፤ የሥራ መጀመሪያ ጾም ተብሎ ይጠራል። ስለሆነም ሐዋርያት እርሱን አብነት አድርገው ሥራቸውን በጾም ጀመሩ፡፡

በዐቢይ ጾም ከተድላ ከደስታ ወገን ማናቸውም ተድላ ደስታ ማድረግ አይገባም፡፡ ሁሉም እያንዳንዱ ከሥጋዊ ነገር መጠበቅ፣ መጠንቀቅ ይገባዋል እንጂ፡፡ ይህቺ ወቅት ክብር ምስጋና ይግባውና ክርስቶስ ስለ ሰው ልጆች ሁሉ በተቀበለው መከራ የምናዝንባት፣ በሰጠን ኃይል መንፈሳዊ ከሰይጣንና ከፈቃደ ሥጋ ጋር የምንጋደልባት፣ እኛ በበደልን እርሱ ክሦ እንዳዳነን በማዘከር ደግሞ ወደ ኃጢአት ላለመመለስ ቃል የምንገባባት፣ አብነት ሊሆነን ከኖረልን ሕይወት ከሠራልን ሕግ የምንማርበት፣ ለቅዱስ ቁርባን የምንዘጋጅባት ክብርት ናትና። ዐቢይ ጾም ደኅንነታችን የኃጢአታችን ሥርየት ተደርጎባታል፡፡ ዕለታቱ ሌሎች ጊዜያት ሰንቅ የምንይዝባቸውና ከተኩላ የምንጠነቀቅባቸው በመሆናቸውም በዓመቱ ውስጥ ከሚኖሩት ቀናት ሁሉ ልዩ ናቸው፡፡፡ በመሆኑም ከቀሩት አጽዋማት ይልቅ በዐቢይ ጾም የሰይጣን ጾር ጭንቅ ይሆናል። ምክንያቱም፡- "ጌታችን ስለ እኛ በጾመው ጾም ጌታም ዲያብሎስን ድል ነሥቶ ያመጣውን ክብር ሰጥቶናልና ስለዚህ ነው፤ ምእእመናን በዐቢይ ጾም ከፈቃደ ሥጋ ከፈቲው ጾር ለመጠበቅ ኃጣውእን አጋንንትን ለመዋጋት ይጸናሉና ስለዚህ ሰይጣናትም ጾሩን ያጸኑባቸዋል፤ በዓመት በዓመት በሚመጣ በጌታ ጾም ከትሩፋት ወገን ለጾም የሚስማማ ሥራ ስለሚሠሩ ጌታ ጸጋ ረድኤት ይሰጣልና ስለዚህ ጾሩ እየተጨመረ ጸጋ ክብር ይጨመርላቸዋልና ስለዚህ ነው” ፊልክስዩስ ተስእሎ ፷፪።

ቅዱስ ያሬድ በጾመ ድጓ በዐቢይ ጾም ለሚገኙት ሰንበታት ሁሉ ተለየ መዝሙር ሠርቶላቸዋል፡፡ ሰንበታቱም በመዝሙሩ ስም ዘወረ ቅድሰት፣ ምኩራብ፣ መጻጉዕ፣ ደብረ ዘይት፣ ገብር ኄር፣ ኒቆዲሞስ፣ ሆሣዕና በመባል ይጠራሉ፡፡ የበረከትና የዕረፍት ዕለታት በመሆናቸው ከሥጋ ሐሳብና ሥራ ተለይተን በእግዚአብሔር ቃል በጸሎትና በዝማሬ ተግተን ለእግዚአብሔር ምስጋና የምናቀርብባት ናቸው፡፡

የመጀመሪያው ሣምንት "ዘወረደ"

ከዐቢይ ጾም ሳምንታት መካከል የመጀመሪያው ሳምንት ዘወረደ (ዘመነ አዳም) ይባላል። ዘወረደ ማለት ከላይ የመጣ፣ የወረደ ማለት ነው። ይህም አምላካችን አዳምንና ልጆቹን ከሞት ለማዳን ሲል ጌታችን መድኃኒታችን ኢየሱስ ክርስቶስ ሰው መሆኑንና የፈጸመውን የማዳን ሥራ ያመለክታል፡፡ ከሰማይ ከወረደው በቀር ወደሰማይ የወጣ የለም' ካለው ከጌታችን ከመድኃኒታችን ከኢየሱስ ክርስቶስ ቃል በመነሣት ሊቁ ቅዱስ ያሬድ በጾመ ድጓው መጀመሪያ ላይ ይህን ዕለት ገልጾታል፡፡ አዳምን ለማዳን ከሰማይ የወረደውን አምላክ አይሁድ ሰቀሉት፤ የሰማይ ሥልጣን ያለው የዅሉ ጌታ እንደሆነም ምንም አላወቁም ማለት ነው። ይህም ድርሰት በቤተ ክርስቲያናችን የጾም መጀመሪያ የሆነው ዕለተ ሰንበት ዋዜማ፣ መግቢያ (መሐትው) ሆኖ ከዋዜማ በፊት ምንጊዜም በየዓመቱ ይቆማል፤ ይዘመራል፤ ይመሰገናል።

ይህ የመጀመሪያው ሳምንት ጾመ ሕርቃል ይባላል፡፡ ሕርቃል (ኤራቅሊየስ) በ614 ዓ.ም የቤዛንታይን ንጉሥ ነበር፡፡ ይህ ሳምንት በስሙ የተጠራበት ምክንያት በዘመኑ ፋርሶች ኢየሩሳሌምን ወርረው፣ የጌታችንን መስቀል ማርከው ወስደውት ነበር፡፡ እርሱ ወደ ፋርስ ዘምቶ መስቀሉን ከእነርሱ ነጥቆ ይዞ ወደ ኢየሩሳሌም ተመልሷል።

ሕርቃል ከፋርሶች ጋር ከመዋጋቱ በፊት ሐዋርያት በሲኖዶሳቸው ነፍስ የገደለ ሰው እስከ ዕድሜ ልኩ ይጹም ብለው ሥርዓት ሠርተዋልና ጾሙን ፈርቶ ስለነበር በኢየሩሳሌም የነበሩ ምእመናን አሳቡን ደግፈው "አንተ ጠላታችንን አጥፋልን፤ መስቀሉን አስመልስልን እንጂ የአንድ ሰው ዕድሜ ቢበዛ ሰባ፣ ሰማንያ ዓመት ነው። ጾሙን አምስት አምስት ቀን ተከፋፍለን እኛ እንጾምልሃለን ብለው ጾመውለታል። ይህንን መሠረት በማድረግ ያላወቁት አንድ ጊዜ ጾመው ትተውታል፡፡ ያወቁት ግን ቀድሞም ሐዋርያት ጾመውታል ብለው ሥርዓት አድርገው በዓመት በዐቢይ ጾም መጀመሪያ ላይ ጾመ ሕርቃል እያሉ የሚጾመት ሆነዋል፡፡ ቤተ ክርስቲያናችን ይህንን ሥርዓት መሠረት በማድረግ ከጌታችን መድኃኒታችን ኢየሱስ ክርስቶስ ጾም የመጀመሪያወን ሳምንት ጾመ ሕርቃል በሚል ስም ሰይማ እንዲጾም አድርጋለች (ስንክሳር ዘመጋቢት ፲ ቀን)፡፡

በቅዱስ ያሬድ ጾመ ድጓ ዘወረደ እየተባለ የሚታወቀው፣ በጾመ ዐርባው ወቅት በተለይም በመጀመሪያው ሳምንት የሚገኘው ድርሰት በነግህ በሠለስት፣ በቀትርና በሠርክ እንደዚሁም ቅዳሜና እሑድ በሌሊት የሚዘመር ነው። በውስጡም የያዘው ፍሬ ሐሳብ የጾምን፣ የጸሎትን፣ የምጽዋትንና የፍቅርን ጠቃሚነት አጕልቶ የሚያስተምር ነው፡፡ ሊቁ ቅዱስ ያሬድ በዘወረደ ጾመ ድጓው "እግዚአብሔር ሙሴን ሕዝብህ የከብትህ መንጋህ ቤተሰብህ ሁሉ በሰንበት ቀን ከድካማቸው ይረፉ በማለት አዘዘው፤” በማለት ሰንበት ለሰው ልጆች ብቻ ሳይሆን፣ ሕይወት ላለው ነገር ሁሉ ጸጥታና ሰላም የሰፈነባት የዕረፍት ቀን ስለመሆኗ ተናግሯል /ዘፀ.፳፥፲፤ ፳፫፥፲፪/። በዚህም ወቅቱ ዘመነ ጾም ወይም ጾመ ሙሴ ይባላል፡፡

ጾምን መጾም የፈቃድ ብቻ ሳይሆን የትእዛዝም ነው። ነቢዩ አዩኤል ጾምን ያዙ፤ አጽኑ። ምሕላንም ዐውጁ። ሸማግሌዎቹን ከፈጣሪያችን ቤት ሰብስባችሁ በአንድነት ሆናችሁ ወደ እግዚአብሔር ጩኹ(ለምኑ)፤” ብሏል /ኢዩ.፩፥፲፩ ፪፥፲፪! ፲፪ ፲፭-፲፮/፡፡ ሐዋርያው ቅዱስ ጳውሎስም "ወኩኑ ላእካነ ለእግዚአብሔር በጾም ወበንጽሕ፤ በጾም፣ በንጽሕና ተወስናችሁ እግዚአብሔርን አገልግሉ፤” ብሏል /፪ቆሮ. ፮፥፬-፮/። ነቢዩ ዳዊትም "ጕልበቶቼ በጾም ደከሙ፤ ሥጋዬም ቅባት በማጣት ከሳ፤ / መዝ.፻፰፥፳፬/ ማለቱ የጾምን አስፈለጊነት ያስረዳል /ዳን. ፱፥፫-፬፤ ፲፬፥፭/፡፡ በቁራኝነት አብሮ የሚኖር መንፈስ ርኩስ (ሰይጣን) እንኳን በጾም የሚወገድ መሆኑን መድኃኒታችን ኢየሱስ ክርስቶስ ተናግሮአል /ማቴ. ፲፯፥፳፩፤ ማር ፲፱፥፪/፡፡

ቅዱሳን ሐዋርያት ሙሸራውን ከእነሱ ለይተው የሚወስዱበት ጊዜ ይመጣል። ያን ጊዜ ይጾማሉ፤ ያለውን የጌታን ቃል መሠረት በማድረግ ጌታችን ሞቶ ከተነሣ እና ካረገ በኋላ ጾመዋል፤ የጾምንም ሕግ ሠርተዋል /ሐዋ.፲፫፥፫/፡፡ ሠለስቱ ምዕትም "ሐዋርያት የጾመትንና እንዲጾም የወሰኑትን መጾም ይገባል ብለው አጽዋማትን እንድንጾም መወሰናቸው ይህን የጌታችንን ቃል መሠረት በማድረግ ነው፡፡ ጌታችን መድኃኒታችን ኢየሱስ ክርስቶስም ሠራዔ ሕግ እንደመሆኑ ዐርባ ቀን ዐርባ ሌሊት ጾሞ እንጂ ዝም ብሎ ጾሙ አላለንም፡፡ ስለዚህ ጾም ትእዛዝ (ሕግ) መሆኑን ተገንዝበን ሁላችንም መጾም አለብን፡፡

ማጠቃለያ

ጌታችን መድኃኒታችን ኢየሱስ ክርስቶስ ይህን ጾም የጾመው ለአብነት፣ ለማስተማር፣ ለአርዓያ ነው። በዚህ ታላቅ ጾም ጥንተ ጠላታችን ዲያብሎስ፣ ከሰው የሥጋ ጠባይ የሚመጣ ስስትና ፍቅረ ንዋይ ድል የተነሱበት ነው። እኛም ይህን እያሰብን በተለያየ መንገድ የሚመጣብንን ፈተና ለማራቅ ከዚህ ታላቅ ጾም በረከት እንድናገኝ እንጾማለን። ጸልዮ ጸልዩ፣ ጾሞ ጹሙ ብሎናል። /ማቴ.6-16/። ጾም ለክርስቲያኖች ዲያብሎስን ድል የምንነሣበት መንፈሳዊ የጦር ዕቃ ነው። ስለዚህ ሐዋርያዊትና ኦርቶዶክሳዊት ቤተ ክርስቲያን እንደምታስተምረን ይህን ጾም ከምግብ ለመከልከል ጋር ጸሎትን፥ ስግደትን፣ ምጽዋትንና የንስሐ ዕንባን ጨምረን እንጹመው።

ጌታችንና ነቢያት፣ ሐዋርያት የተውልን መንፈሳዊ መሣሪያ ነውና፡፡
እንግዲህ ዐብይ ጾም ማለት ጌታ ስለኛ ባየው መከራ የምናዝንበት፣ በሰጠን ኃይል ከሰይጣንና ከፈቃደ ስጋ የምንዋጋበት፣ በበደልነው
ገብቶ የካሠልንን እያሰብን ዳግም ወደ ኃጢአት ላንመለስ ቃል የምንገባበት፤ አርአያ ሆኖ ከሠራልን ሥርዐት፤ ከኖረልን ሕይወት
የምንማርበት፤ ራሳችንን ለፋሲካው በግ ለሥጋ ወደሙ የምናዘጋጅበት ሰሞን ነው፡፡ በመሆኑም በሰላም፣ በፍቅር፣ በትሕትና ጾመን ለበዓለ ትንሣኤው በሰላም እንዲያደርሰን፣ ጾመን ለማክበር እንዲያበቃን እግዚአብሔር በቸርነቱ ይጠብቀን አሜን!!!
ወስብሐት ለእግዚአብሔር ።

10/03/2024

#ዘወረደ

11/09/2023

የሰሜን ሸዋ ሀገረ ስብከት ሊቀጳጳስ ብፁዕ አቡነ ቀሌምንጦስ የዘመን መለወጫ በዓል አስመልክቶ የመልካም ምኞት መልዕክት አስተላለፉ

"በቸርነትህ ዓመታትን ታቀዳጃለህ" መዝ፡ 65÷11

በኢትዮጵያ ኦርቶዶክሰ ተዋህዶ ቤተክርስቲያን በመንበረ ፓትርያርክ ጠቅላይ ጽህፈት ቤት የሰንበት ትምህርት ቤቶች ማደራጃ መምሪያና የሰሜን ሸዋ ሀገረ ስብከት ሊቀ ጳጳስ የቅዱስ ሲኖዶስ አባል ብፁዕ አቡነ ቀሌምንጦስ የዘመን መለወጫ በዓል አስመልክቶ የመልካም ምኞት መልዕክት አስተላለፉ

የተከበራችሁ በሀገር ውስጥ በኢትዮጵያ በውጭውም በመላው ዓለም የምትኖሩ ኢትዮጵያውያንና ኢትዮያውያን ወገኖቻችን ዘመን አልፎ ዘመን ይተካል ትውልድም አልፎ ትውልድ ይተካል ዘመናት ሊሰዋወጡ እርሱ የማይለወጥ የማይቀየር ሠራዔ ዓለማት ወመጋቤ ፍጥረታት የዘመናት ጌታ በሁሉ የመላ ዘመናትን በቸርነቱ እያፈራረቀ የሚኖር የዓለምን ጉድለት በማያልቀው ችሮታው እየሞላ ተስፋ ለሚያደርጉት ሁሉ ወሰን በሌለው ስጦታው እየመገበ የሚያኖር አምላክ እንኳን ከዘመነ ሉቃስ 2015 ዓ.ም ወደ ዘመነ ዮሐንስ 2016 ዓ.ም በሰላም በጤና አደረሳችሁ፡፡

ልበ አምላክ ቅዱስ ዳዊት ዓመታትን በቸርነትህ ታቀዳጃለህ ሲል ልዑል እግዚአብሔር በቸርነቱ የሰውን ልጅ ሁሉ በሰላምና በጤና በሕይወት አቆይቶ ሀገርና ሕዝብን በአምላካዊ ጥበቃው እየጠበቀ ከዘመን ወደ ዘመን የሚያሻግር አምላክ መሆኑን የገለጠበት ቃል ነው፡፡ በሌላ መልኩ ነብየ እግዚአብሔር ቅዱስ ዳዊት በመዝሙር 102÷25 "አቤቱ አንተ ከጥንት ምድርን መሠረትህ ሰማዮችም የእጅህ ሥራ ናቸው፤ እነርሱ ይጠፋሉ አንተ ግን ጸንተህ ትኖራለህ ሁሉም እንደ ልብስ ያረጃሉ እንደመጐናጸፊያም ትጠቀልላቸዋለህ ይለወጡማል አንተ ግን ያው አንተ ነህ ዓመቶችህም ከቶ አያልቁም" በማለት ዘለዓለማዊ ጌታ ሰማይና ምድርን የዘረጋ ዓመታትንና ዘመናትን በቸርነቱ የሚያቀዳጅ ዘመናት ሁሉ ሲለዋወጡ እርሱ የማይለወጥና የማይቀየር አምላክ መሆኑን ያስተምራል።

የተከበራችሁ በሀገር ውስጥ በኢትዮጵያ በውጭውም በመላው ዓለም የምትኖሩ ኢትዮጵያውያን ወገኖቻችን የ2015 ዓ.ም ከአእምሮ በላይ የሆኑ ልዩ ልዩ ችግሮችንና ፈተናዎችን አስተናግደናል፤ አሁንም በፈተና ውስጥ ነው ያለነው ይልቁንም ክቡር በሆነው በሰው ልጅ ላይ አካላዊና አአምሯዊ ጉዳቶች ደርሰዋል፤ ብዙ ወገኖቻችን ሕይወታቸውን አጥተዋል፤ ከዚህ የተነሳ ሀዘናችንም ጥልቅ ነው፡፡

በአጠቃላይ 2015 ዓ.ም ዘመነ ሉቃስ በብዙ ችግርና ፈተና ውስጥ እንድናልፍ አድርጐናል፡፡ ይሁን እንጂ የማይቆም /የማያባራ/ ፈተናና ችግር የለምና ችግሮቻችንን ሁሉ በኢትዮጵያዊያት ጠባይ በትዕግሥት ፣ በጽናትና በማስተዋል ለአንድነት ሲባል ሁሉን በመተው ትናንትና የነበሩት የመከባበርና የመተሳሰብ እሴቶቻችን ባሉበት እንዲኖሩ በነበረው ኢትዮጵያዊነት መንፈስ ሁላችንም ወደፈጣሪያችን እየጸለይን ለሰላምና ለፍቅር ቅድሚያ በመስጠት እንድንኖር መልእክቴን እያስተላለፍሁ በዘመነ ዮሐንስ 2016 ዓ.ም ትናንት የነበረው ችግር እንዳይደገም ሁሉም በየአለበት ለአብሮነትና ለሰላም ቅድሚያ በመስጠት ችግሮቻችንን ሁሉ በመደማመጥና በመግባባት በመፍታት ለሀገራዊ አንድነት ትኩረት በመስጠት የሰውን ልጅ ሁሉ በሕይወት የመኖር መብቱን ሳንጋፋ በወንድማማችነት መንፈስ በመተዛዘንና በመረዳዳት መኖር እንድንችል አጽንዖት በመስጠት ፤ በዓሉን ስናከብር በየሆስፒታሉ ተኝተው ለሚታከሙ ሕሙማን ፣ በየማረሚያ ቤቱ ለሚገኙ የሕግ ታራሚዎች ፣ ጧሪ ቀባሪ የሌላቸውን ወገኖቻችንን በማሰብ ያለንን ለተቸገሩት ሁሉ በማካፈል እንድናከብር አሳስባለሁ፡፡

19/02/2023

"በሻሸመኔ እና በተለያዩ አካባቢዎች ሰማዕትነት የተቀበሉ እና ልዩ ልዩ መከራ የደረሰባቸው ወገኖችን በመርዳትና የተቸገሩትን ሁሉ በማሰብ መጾም ይገባል" ብፁዕ አቡነ ሄኖክ
ET ART MEDIA
+++++++++++++++++++++

ብፁዕ አቡነ ሄኖክ የአዲስ አበባ ሀገረ ስብከት ሊቀ ጳጳስና የተዋሕዶ ሚዲያ ማዕከል የበላይ ጠባቂ በዛሬው ዕለት ዐቢይ ጾምን በማስመልከት በማኅበራዊ ትስስር ገጻቸው ለመላው ኦርቶዶክሳውያን መልዕክት አስተላልፈዋል።

የብፁዕነታቸው መልዕክት ከዚህ እንደሚከተለው ቀርቧል

“ንፍኁ ቀርነ በጽዮን ቀድሱ ጾመ ወስብኩ ምኅላ ፤
በጽዮን መለከትን ንፉ፥ ጾምንም ቀድሱ፥ ጉባኤውንም አውጁ፥”
— ኢዮኤል ፪፥፲፭

በመላው ዓለም የምትገኙ የኢትዮጵያ ኦርቶዶክስ ተዋሕዶ ቤተ ክርስቲያን ልጆች ምዕመናንና ምዕመናት እንኳን ለ፳፻፲፭ ዓ.ም ጾመ እግዚእነ ኢየሱስ ክርስቶስ በሰላምና በጤና አደረሰን አደረሳችሁ !

ጾም "ጾመ" ከሚለው የግዕዝ ግስ የተገኘ ሲሆን ትርጕሙም መጠበቅ ፣ መተው ፣ መከልከል ማለት ነው፡፡ ጾም ከምግብ መከልከል ብቻ ሳይሆን ከክፉ ተግባር ሁሉ መቆጠብ ጭምር ነው፡፡

ቅዱስ መጽሐፍ ጌታችንና መድኃኒታችን ኢየሱስ ክርስቶስ አርባ ቀንና አርባ ሌሊት መጾሙ ያስተምረናል። የጌታችን ጾም በርካታ ነገሮችን ያስተምረናል በዚህም ጾም ከአምልኮ መፈፀሚያ ተግባራት አንዱ መሆኑን እንረዳለን። ጌታችን በተራራ ስብከቱ ላይ ስለተቀደሰው ጾም አስተምሯል (ማቴ ፮፥፲፮) ። ጾም መንፈሳዊ ትጥቅ ነው። እጅግ አስፈሪያ የሚፈቱ የማይመስሉ ችግሮች በጾምና በጸሎት እንደሚወገዱ ጌታችን ተናግሯል (ማቴ ፲፯፥፳፩) ጌታ ራሱ አብነት ከሆነባቸው መንፈሳዊ ክንዋኔዎች አንዱ ጾም ነው። ጾም የሥጋና የነፍስ መድኃኒት ነው።

የተወደዳችሁ የመንፈስ ቅዱስ ልጆቻችን
ምዕመናንና ምዕመናት

ጌታችን በምድር በተመላለሰ ጊዜ አገልግሎቱን ሲጀምር አስቀድሞ አርባ ቀን በጾምና በጸሎት ነበረ ከትንሣኤ በኋላም ምድራዊ አገልግሎቱን ለመፈጸም አርባ ቀን እያስተማረ ቆይቷል። ሙሴ አርባ ቀን በደብረ ሲና ቆይቶ ሕገ ኦሪትን ተቀብሏል። ጌታችንም አርባ ቀንና አርባ ሌሊት ከጾመና ከጸለየ በኋላ የመንግሥቱን ወንጌል ሰብኳል።

በዲያብሎስ ተፈተነ (ማቴ ፬፥፩) ይላል ። ይህ አዳምን ያስታውሰናል። ጌታችን ዳግማዊ አዳም ሆኖ መምጣቱ ካሣ ከፋይ መሆኑን ያሳያል አዳም በዲያብሎስ ለአንድ ጊዜ ተፈትኖ ለ፭ ሺህ ፭ መቶ ዓመታት ወድቋል ። ጌታችን ግን አርባ ቀን ተፈትኖ ድል ነሥቷል አዳም በገነት ጌታችን በምድረ በዳ ተፈተኑ። አዳም በትዕቢት ወደቀ ፤ ጌታችን በትሕትና አሸነፈ ።

የጾም አንዱ ዓላማ በትሑት ልቡና በእግዚአብሔር ፊት ለመቅረብ ነው። ጌታችን ተራበ ተብሎ ተነግሮለታል ፤ የሚራብ ሥጋ መዋሐዱን ለመግለጥ ነው ። ዳግመኛም የረሀብተኞችን ረሀብ ማየቱን ለማስረዳት ነው።

በመሆኑም ጾሙን በምንጾምበት ወቅት ክርስቲያናዊ ተግባራትን በማከናወን በፍፁም የልብ ስብራት ወደ እግዚአብሔር በመጸለይ በቅድስት ቤተ ክርስቲያናችን ላይ የመጣው ፈተና በእግዚአብሔር ኃይል ሙሉ በሙሉ እንዲወገድ እና የእግዚአብሔር ቤተ ክርስቲያን ሰላሟ እንዲረጋገጥ መጸለይ ያስፈልጋል።

በመጨረሻም ፦ መላው ኦርቶዶክሳውያን ስለቤተ ክርስቲያንና ስለሀገር ሰላምና አንድነት ከመጸለይ ጎን ለጎን በሻሸመኔ እና በተለያዩ አካባቢዎች ሰማዕትነት የተቀበሉ እና ልዩ ልዩ መከራ የደረሰባቸው ወገኖችን በመርዳትና የተቸገሩትን ሁሉ በማሰብ ፣ የታሰሩትን በመጠየቅ ፣ የታረዙትን በማልበስ ፣ የተራቡትን በማብላትና የተጠሙትን በማጠጣት ሊሆን እንደሚገባ አባታዊ መልዕክታችንን እናስተላልፋለን።

እግዚ

19/02/2023

📜⛪⛪✦✞✝✞✦⛪⛪

ዐቢይ ለምን ተባለ ቢሉ ‹‹ዐበየ›› ማለት ከፍ አለ ማለት ሲሆን ከዚህም ግስ ዐቢይ የሚለው ቅጽል ይገኛል፡፡ዐቢይ ማለት ከፍ ያለ ትልቅ ማለት ነው፡፡ ዐቢይ ጾም የተባለበት ምክንያት፡-

ሀ. ጌታችን መድኃኒታችን ኢየሱስ ክርስቶስ የጾመው ጾም
ስለሆነ
ለ. በቀኑ ቁጥር ከሌሎች አጽዋማት የሚበልጥ ስለሆነ
ሐ. ሦስቱ ታላላቅ የሰይጣን ፈተናዎች ማለትም
▩➛ ትዕቢት
▩➛ ስስት
▩➛ ፍቅረ ነዋይ ድል የተመቱበት ስለሆነ ነው፡፡

በቤተክርስቲያን ስያሜ መሰረት በዐቢይ ጾም ውስጥ የሚውሉ ሰንበታት እያንዳንዳቸው መጠሪያ ስም ሲኖራቸው እነርሱም፡-

#ዘወረደ
የዐቢይ ጾም የመጀመሪያው ሰንበት ሲሆን ይህም ቅድመ ዓለም የነበረ ዓለምን ፈጥሮ የሚኖር አልፋና ኦሜጋ ከሰማየ ሰማያት መውረዱንና ከእመቤታችን ከቅድስተ ቅዱሳን ከንጽሕተ ንጹሐን ከድንግል ማርያም መወለዱን የሚያመለክት ሥያሜ ነው፡፡
//➣ ጾሙን የበረከት ጾም ያድርግልን!!!🙏

05/02/2023

ሁሉም አሁኑኑ ሰብስክራይብ ያድርግ መልዕክቱንም ያጋራ

ከነምስሉ ይህንን መልዕክት ኹላችንም በየገጾቻችን አሁኑኑ እንለጥፍ

አሁኑኑ!

ሰብስክራይ ማድረግ ይቀድማል
https://youtube.com/

05/02/2023

ደብረብርሃን ‼
የአፄ ዘርያቆብን አደባባይ ማቅ አልብሳለች 🖤🖤🖤

05/02/2023

በደቡብ ኦሞ ሀገረ ስብከት ዳሰነች ወረዳ በማኅበረ ቅዱሳን አስተባባሪነት በዳሰነችኛ ቋንቋ ቅዱስ ወንጌልን ሲማሩ ከነበሩ ወገኖች መካከል 1182 አዳዲስ አማንያን ብጹዕ አቡነ ፊልጶስ የደቡብ ኦሞ ሀገረ ስብከት ሊቀ ጳጳስና የቅድስት ሥላሴ ዩኒቨርሲቲ ፕሬዚዳንት እና ብጹዕ አቡነ ኤልያስ የስዊድንና እስካንዲናቪያን ሀገረ ስብከት ሊቀ-ጳጳስ በተገኙበት በኦሞ መድኃኒዓለም ቤተ ክርስቲያን ሥርዓተ ጥምቀት ተፈጽሞላቸው የቅድስት ሥላሴን ልጅነት በማግኘት የቤተ ክርስቲያን አባላት ሆነዋል፡፡

EOTC 📺

ኦርቶዶክስ ተዋህዶ / Orthodox Tewahedo

20/07/2025

20/07/2025

10/03/2024

10/03/2024

11/09/2023

19/02/2023

19/02/2023

05/02/2023

05/02/2023

05/02/2023

Address

Website

Alerts

Shortcuts

Share

Category

Listing takedown request