12/03/2020
ካነበብነው እናካፍሎ......|ጎገበያ
የቆዳ ላይ ሽፍታ
ውድ የዶክተር ቤዛ ቤተሰቦች እንደምን አላችሁ? ሰውነታችን ላይ በተለያዩ የቆዳ ችግሮች እንዲሁም ሌላ ምክንያቶች ሽፍታዎች ይታዩብናል ዛሬ ስለ ለነዚህ ሽፍታዎች ትንሽ ልንላችው ወደናል መልካም ቆይታ ከዶክተር ቤዛ ባለሙያዎች ጋር !!!
ሽፍታ ምንድን ነው?
👉👉 የቆዳ ላይ ሽፍታ በአጭሩ ቆዳ በተለያዩ ምክንያቶች በሚቆጣበት ግዜ የሚ ከሰት ሁኔታ ነው እንደ ምክንያቱና ባህሪያቸው የሚለያዩ ቢሆንም የሚጋሯቸው ምልክቶች የመቅላት፣ የማሳከክ፣ የመላጥ ባህሪያት ሲሆኑ ደረጃቸው ከፍ ሲል ደግሞ ውሃ መሳይ ፈሳሽ መያዝ እንዲሁም በተቃራኒው ከፍተኛ ድርቀትና መጥቆር ያሳያሉ አንዲሁም ስያሜያቸው ከምክንያትና ከታዩበት የአካል ክፍል እና ከሚኖራቸው ቅርፅ የሚለያ ቢሆንም ህክምናቸው በአብዛኛው ተመሳሳይ ነው፡፡
👉 የቆዳ ሽፍታን ከዚህ በታች በተቀመጡት መልኩ ልንከፍላቸው እንችላለን፡፡
• አለርጂክ፡-መንስኤዎቹ ታሽገው የሚመጡ ምግቦች እና መጠጦች ፣ከምግቦች ደግሞ እንቁላልና ያልተፈተገ ስንዴን እና መድሃኒቶች ተጠቃሽ ናቸው፡፡
• ኮንታክት(የንክኪ)፡- መንስኤ የሚሆኑ ነገሮች በአብዛኛው የፀጉር ቀለም፣ ሜክአፕ፣ የቁልፍ ብረት፣ የቀበቶ ብረት፣ የአንገት ሃብሎች እና አሮጌ ጫማዎች ተጠቃሽ ናቸው፡፡
• ክብ ቅርፅ የሚይዙ፡-መንስኤዎቹ የሚባለው ብዙ ጊዜ ያልተለመደ አይነት የአየር መቀያየር ሲኖር በጣም ትንንሽ የሚያሳክክ ፍሬ የሚያካክሉ ቀያይ ሽፍታዎች በአብዛኛው እግር እና እጅ ላይ በመቀጠልም በመላው የአካል ክፍል ላይ ይወጣሉ፡፡
• አቶፒክ(ኢኬዜማ) ፡-በአብዛኛው በህፃናት ላይ የሚከሰት ሲሆን ከአስምና ሌሎች የአለርጂ በሽታዎች ጋር የተያያዘ ነው መንስኤዎቹ ጸደይ፣የአበባ ብናኝ እና የአየር ለውጥ የመሳሰሉትን መጥቀስ ይቻላል፡፡
• ኢሪታንት (በሚለበልብ ንጥረ ነገር የሚከሰት)፡-እንደ ዋናው ምክንያት የሚገለፀው በባህሪያቸው የመለብለብ ወይንም የማቃጠል ስሜት ከሚያስከትሉ ኬሚካሎች( ንጥረ ነገሮች ጋር ያልተሸፈነ) ቆዳ ንክኪ ሲኖር ነው፡፡
• ኒውሮ ደርማታይቲስ (ከጭንቀት ጋር የሚያያዝ)፡-• ይሄኛው አይነት ከላይ ከተጠቀሱት 5ቱ የሽፍታ አይቶች የሚለይበት ይህ ነው / በዚህ ይመጣል ተብሎ የተለየ ምክንያት ያለመኖሩ ሲሆን እስካሁን ሳይንሱ የተስማማበት ነገር ቢኖር የበዛ የዓይምሮ ጭንቀት ሲኖርና ሽፍታው በሚወጣበት አከባቢ ተደጋጋሚ መፈጋገፈግ በሚኖር ጊዜ እንደሆነ ነው፡፡
ዶክተር ቤዛ
https://gogebeya.com/
