ታላቁ ተስፋ

06/09/2026

ማንን እልካለሁ? ማንስ ይሄድልናል?
ከዚህ በፊት ሚዲያ ጀምረው እየሰሩ ያሉ አጠናክረው እንዲቀጥሉ ፣ ያልጀመሩ ደግሞ በተለየ ትኩረት የመከሩ ሰራተኞች እንዲሆኑ ቤተ ክርስቲያን ጥሪ አቅርባለች። የምድር አድካሚ ጉዟችን እንዲያበቃ የሚፈልግ ሁሉ የዚህ አንድ ድምፅ ተሳታፊ በመሆን ምፃቱን ሊያፋጥን ይገባዋል።
ጌታ እንደዚህ ይላል: ‐

ማንን እልካለሁ? ማንስ ይሄድልናል? ሲል ሰማሁ። እኔም። እነሆኝ፥ እኔን ላከኝ አልሁ።
ትንቢተ ኢሳይያስ 6:8

³⁷ በዚያን ጊዜ ደቀ መዛሙርቱን። መከሩስ ብዙ ነው፥ ሠራተኞች ግን ጥቂቶች ናቸው፤
የማቴዎስ ወንጌል 9:37

05/09/2026

በኮሎምቢያ በደረሰ የመሬት መንቀጥቀጥ ተከሰተ። በሬክተር ስኬል 7.5 በተመዘገበው አደጋ 331 ሰዎች ሞተዋል ፣ ከ400 በላይ ቆስለዋል ከ መቶ በለይ ሰዎችም ጠፍተዋል።
በዚሁ አመት ብቻ Jun 24 በቬንዙዌላ ተመሳሳይ አደጋ ተከስቶ ከ 6500 በላይ ሰዎች ሞተው ከ1700 በላይ ተፈናቅለው ነበር።
ጦርነቶች ፣ ድርቅ ፣ ጎርፍ ፣ የመሬት መንቀጥቀጥ እና የእሳት አደጋ እንደ ቀድሞ ከሩቅ የምንሰማቸው ሳይሆኑ በየቀኑ የምናያቸው የምድራችን ክስተቶች ሆነዋል።

ባለራእዩ ዩሐንስ እንዲህ ተመለከተ በአራቱ በምድር ማዕዘን ቆመው አራት መላእክት አየሁ፥ እነርሱም ነፋስ በምድር ቢሆን ወይም በባሕር ወይም በማንም ዛፍ እንዳይነፍስ አራቱን የምድር ነፋሳት ያዙ።
የሕያው አምላክ ማኅተም ያለውም ሌላ መልአክ ከፀሐይ መውጫ ሲወጣ አየሁ፥ ምድርንና ባሕርንም ሊጐዱ ለተሰጣቸው ለአራቱ መላእክት በታላቅ ድምፅ እየጮኸ።
የአምላካችንን ባሪያዎች ግምባራቸውን እስክናትማቸው ድረስ ምድርን ቢሆን ወይም ባሕርን ወይም ዛፎችን አትጕዱ አላቸው።
የዮሐንስ ራእይ 7:1-3

መንፈስ ቅዱስ ቀስ በቀስ ከምድር እየራቀ ሲሄድ ኢቺ ምድር ለጠላት ተላልፋ ትሰጣለች።
ያ ወቅት አሁን ይሆን? ጌታ ሆይ ቀስቅሰን
ጌታችሁ በምን ሰዓት እንዲመጣ አታውቁምና እንግዲህ ንቁ።
የማቴዎስ ወንጌል 24:42

30/08/2026

ሁሉም ነገር በፀጥታ እና በተለመደው መልኩ ቀጥሏል። ነጋዴዎች ሱቃቸውን ከፍተው ፣ ገበያተኞችም እየተገበያዩ ነበር ፣ የኮንስትራክሽን ሰራተኞች ፣ አስተማሪዎችና ተማሪዎች ፣ ገበሬዎች ፣ ቱሪስቶች ፣ ሞያተኞች ሁሉም በየእለት ስራቸው ላይ በሰላም ተሰማርተው ነበር።
ሁሉም ቀጥሎ ያሉት ሰአታት እንደተለመደው የሰላም እንደሚሆኑ እርግጠኞች ነበሩ። ሁሉም እቅድ እና ሃሳብ ፣ የሚሮጡበትም ምክንያት ነበራቸው። አንዳንዶች ዛሬን እርግጠኞች ሆነው "ነገ" ብለው ተቀጣጥረዋል።
አደጋው ከመከሰቱ በፊት ሁሉም ነገር እንደነበረ እየሄደ ነበር።
በኔፓል እና በቲቤት በድንገት ምድርን የሚያንቀጠቅጥ የጎርፍ ድምፅ ተሰማ። አንዳንዶች ምንም እንዳልሆነ በማሰብ ስራቸውን ቀጠሉ ፣ ሌሎች ራሳቸውን ለማስመለጥ ሮጡ። ግን ጥፋት በድንገት ሆነ።
በሺህ የሚቆጠሩ ሰዎች በዚያ ድንገተኛ ጎርፍ ተወሰዱ።
ከሂማሊያ ተራሮች የበረዶ ግግር መደርመስ ምክንያት የተነሳው ፈጣንና አስፈሪ ጎርፍ ያገኘውን ሁሉ እየጠረገ ቀጠለ። ይህም የሰው ሰራሽ ግድብን በመስበር ከሃይለኛ ነጎድጓዳማ ድምፅ ጋር በፍጥነት ከተሞችን አወደመ።
ቤቶች ከስራቸው ተጠረጉ መኪናዎች ፣ ዛፎች ፣ ሰዎች በዚህ ሃይለኛ ጥፋት ፊት እንደ ጉንዳን ነበሩ።
የክርስቶስም መምጣት እንዲሁ በድንገት ይሆናል። እነዚህ ሁሉ የመምጣቱ ምልክት ቢሆኑም ምልክቶችን በመረዳት ላልተዘጋጁት ሁሉ ግን በድንገት ይሆንባቸዋል። ሁሉም ሲበሉና ሲጠጡ ፣ ሲሸጡ ሲገዙ ፣ ሲያገቡ ሲጋቡ ፣ "ሁሉም ነገር እንደተለመደ ነው ሰላም ነው" እያሉ ድንገት የጥፋት ቀን ይመጣል።

ዋና መቻል ወይም የራስ መፍጨርጨር ከዚህ ሃይለኛ ጎርፍ እንደማያስመልጥ ሁሉ። ዛሬም አለም የምትድነው የሚያስመልጠው በክርስቶስ በማመን ነው። መዳን የሚገኘው በክርስቶስ ሞት እና ትንሳኤ በማመን ብቻ ነው።

ልብ ያለው ልብ ይበል ፣ ጆሮ ያለው ይስማ!

29/08/2026

28/08/2026

በሃያሉ ተፈጥሮ ፊት የሰው ልጅ ምን ያህል ደካማ ነው? ቢሆንም ጌታ ያድናል ፣ ይታደግማል!

26/08/2026

በዚህ መጽሃፍ ላይ የመጽሃፍ ቅዱስ አስፈላጊነት በደንብ ተጥቅሷል፡፡ መጽሃፍ ቅዱስ ከሁሉም የላቀና ሙሉ እው...

25/08/2026

የአንድ ድምፅ 27፡ ተልዕኮ ለሁሉም
@(One_Voice27_Mission_for_All)
የመላው ዓለም የሰባተኛው ቀን አድቬንቲስት ቤተሰብ ኢየሱስ በተጠመቀበት፣ በመንፈስ ቅዱስ የመሲሕነት ቅባቱን በተቀበለበት እና የሕዝብ አገልግሎቱን በጀመረበት በ2,000 ዓመቱ አካባቢ ወደሚውለው ወደ መስከረም 2027 (እ.ኤ.አ) በጋራ እንዲጓዝ ይጋብዛል።
ኢየሱስ ከዚያ ውሳኔ ሰጪ ቅጽበት ጀምሮ ወንጌልን በማብሰር፣ ሰዎችን በማገልገል እና እንዲከተሉት በመጥራት ወደ ሕዝብ አገልግሎቱ ገባ።
OneVoice27 የመላው ዓለም አድቬንቲስት ቤተሰብ የእሱን አርዓያ እንዲከተል
— በመንፈሳዊ ሁኔታ እንዲዘጋጅ፣ በጸሎት እንዲተባበር፣ እና ኢየሱስንና የዘላለም ወንጌልን በመሰጠት እንዲያካፍል ጥሪ ያቀርባል።
ራዕዩ በመላው ዓለም የሚገኙ አባላት፣ አብያተ ክርስቲያናት እና አገልግሎቶች በአንድ ድምፅ እና በአንድ ዓላማ ወደፊት እንዲገሰግሱ ነው፡ የኢየሱስን ተስፋ ለዓለም ማካፈል።

2,000 አመታት
ኢየሱስ ከተጠመቀ እና የሕዝብ አገልግሎቱን ከጀመረ ወዲህ የተቆጠሩ ዓመታት
12 ወራት
የጸሎት፣ የዝግጅት እና የተልዕኮ ወራት — ከተጀመረበት ጊዜ አንስቶ እስከ መስከረም 2027 የቀጥላል።

ዓለም አቀፍ ማስጀመሪያው ቀን
ቅዳሜ (ሰንበት)፣ መስከረም 5፣ 2026 (እ.ኤ.አ)፣ የዓለም ቤተ ክርስቲያን «OneVoice27» የተሰኘውን እንቅስቃሴ በይፋ የምታስጀምር ሲሆን፣ ይህም እስከ መስከረም 2027 (እ.ኤ.አ) የሚዘልቀውንና ለወንጌል ስርጭት ትኩረት የሚሰጠውን የ12 ወራት ጉዞ ያስጀምራል።
አብያተ ክርስቲያናት ይህንን ቀን አባላትን በአዲስ የተልዕኮ ቁርጠኝነት ዙሪያ በማሰባሰብ ለልዩ ጸሎት፣ ለቁርጠኝነት እና ለአገልግሎት ለመላክ እንደ መልካም አጋጣሚ እንዲጠቀሙበት ይበረታታሉ።

ከዚያ ማስጀመሪያ ጀምሮእያንዳንዱ አባል
☞በግል ግንኙነቶች፣
☞በመጽሐፍ ቅዱስ ጥናቶች፣
☞በትንንሽ ቡድኖች፣
☞በማህበረሰብ አገልግሎት፣
☞በወንጌል ስርጭት ስብሰባዎች፣
☞በህትመት፣
☞በሜዲያ እና በዲጂታል ወንጌል ስርጭት አማካይነት
ወንጌልን በማካፈል እንዲሳተፍ ለሁሉም እድሉ ቀርቧል።
ዓላማው አባላትን ማስታጠቅ እና እውነትን ለሁሉ ማድረስ ነው፤ ይህም እያንዳንዱ አማኝ በኢየሱስ ተልዕኮ ውስጥ ንቁ ተሳታፊ እንዲሆን መርዳት ነው።

24/08/2026

ክርስቶስ በዚህ ዓለም ላይ የኖረው ምግባረ ብልሹነትና ጭቆና በሰፈነበት መንግሥት ዘመን ነበር፣
ስለሆነም በየቦታው ሰዎች ሥልጣናቸውን ያለ አግባብ የሚጠቀሙበት፣ በማስፈራራት የፈለጉትን ነገር ከሕዝብ የሚነጥቁበት፣ ተቻችሎ የማይኖርበትና እጅግ የከፋ ጭካኔ የሚፈጸምበት ጊዜ ነበር።
ያም ሆኖ አዳኛችን የመንግሥትን ሥርዓት ለማሻሻል አልሞከረም።
በመንግሥት በኩል በብሔረሰቡ ላይ ይደርስ ስለነበረው ግፍ የወቀሳ ቃል አልሰነዘረም፣ የብሔረሰቡን ጠላቶችም አላወገዘም።
በሥልጣን ላይ በነበሩት ሰዎች አስተዳደርና ሥልጣን ውስጥ ጣልቃ ገብቶ አያውቅም።
የእኛ አርአያ የሆነው ጌታ ከምድራዊ መንግሥት ገለልተኛ ሆኖ ኖረ። ይህን ያደረገበት ምክንያት ስለ ሰው እሮሮ ደንታቢስ ሆኖ ሳይሆን መፍትሔው የሚገኘው ከሰብአዊና ከውጫዊ ኃይል ስላልሆነ ነው።
ዘለቄታ ያለው መፍትሔ እያንዳንዱን ግለሰብ የሚነካና ልብን የሚያድስ መሆን አለበት።
የዘመናት ምኞት ገጽ 527

19/08/2026

ደግ ሰው ከምድር ጠፍቶአል፥ በሰውም መካከል ቅን የለም፤ ሁሉ ደምን ለማፍሰስ ያደባሉ፥ ሰውም ሁሉ ወንድሙን በመረብ ለመያዝ ይከታተለዋል።
እጆቻቸውን ለክፋት ያነሣሉ፤ አለቃውና ፈራጁ ጉቦን ይፈልጋሉ፥ ትልቁም ሰው እንደ ነፍሱ ምኞት ይናገራል፤ እንዲሁም ክፋትን ይጐነጕናሉ።
ከእነርሱም ሁሉ የተሻለው እርሱ እንደ አሜከላ ነው፥ ከሁሉም ቅን የሆነው እንደ ኵርንችት ነው፤ ጠባቆችህ የሚጐበኙበት ቀን መጥቶአል፤ አሁን ይሸበራሉ።
ትንቢተ ሚክያስ 7:2-4