18/09/2023
ይህ ስብስብ በኢትዮጵያ ስም ምሎ የሚገዘት፣ የኢትዮጵያዊነት ደረጃ መዳቢ፣ ለኢትዮጵያ ሕልውና የሚታገል ሀገር ወዳድ እንደሆነ ነበር የሚመፃደቀው። እነሆ ዛሬ እድሜ ለዶር አብይ እና የብልጽግና አመራር፥ ስለብሔር ሲወራ ዘረኛ፣ ስለፌዴራሊዝም ሲነሳ ከፋፋይ ይል እንዳልነበር፤ የኢትዮጵያ ፖለቲካ ምስቅልቅል መንስዔው የብሔር ፌዴራሊዝም፣ መብትሄው ብብሔር የተራጁ ክልሎች ይፍረሱ፣ የብሔር ፌዴራሊዝም በህግ ይታገድ፥ በሚል ሲያደነቁር የነበረ የደም ነጋዴ ሁላ ይኸው ዛሬ ጭምብሉ ተገፎ ሰፈሩ ገብቶ ተወሽቋል።
በግጭት ነግዶ፣ ጥላቻን ኮትክቶ ዘርቶ፣ ጦርነት እምርቶ ሸቅሎ መኖር የለመደ ምላስ እንጂ ማሰቢያ ሕሊና፥ ሆድ እንጂ ማስተዋያ አዕምሮ የሌለው ስብስብ ለዘመናት እጠየፈዋለው የሚለውን ብሔርተኝነት፥ ጭንብሉ ሲወልቅ ተስባስቦ ከትሞበታል። መላው የኢትዮጵያ ብሔር ብሔረሰቦች ሲነቃባቸው አማራን በዙሪያው ካሉ ብሔሮች በማባላት ከጦርነት እንዳይላቀቅ በማድረግ መሸቀያ አድርገውታል። የአማራ ሕዝብ በነዚህ የደም ነጋዴዎች የሃሰት ፕሮፓጋንዳ በመታለል ከወንድም ሕዝቦች ጋር እየገባበት ያለውን ግጭት ቆም ብሎ ሊያስብበት ይገባል። የነሱ ኢኤምኤስ ገቢ እንዲያገኝበት የአማራ ክልል የጦር አውድማ መሆን የለበትም። ይህን እውነት ተረድቶ ቆም ብሎ ማሰብ ከክልሉ ነዋሪዎች ይጠበቃል። አሁንም አልረፈደም። ጃውሳውን አቁም በስሜ አትነግድ! ዲያስፖራውን ከፈለክ ናና እራስህ ተዋጋ! በማለት አሁንም ሰላሙን ማስፈን ይችላል።
#ጃውሳ
#ሰውዬው
