ሑሰት/huset/

26/08/2025

17/07/2025

~~~መጻሕፍትን የማሰባሰብ ዘመቻ~~~
❤መጻሕፍቱ የሚሰባሰቡት ለማን ነው?
በኢ/ኦ/ተ/ቤ/ክ በአዊ ሀገረ ስብከት በጓ/ሽ/ወረዳ የቲሊሊ ደብረ ብሥራት ቅዱስ ሚካኤል አርዕስተ አበው የመጻሕፍት ትርጓሜ ትምህርት ቤት ነው። ይህ ጉባኤ ቤት ከዚህ ዓመት ጀምሮ ደቀ መዛሙርትን ተቀብሎ በማስተማር ላይ ይገኛል።

❤ጉባኤ ቤቱ የተጀመረው በቲሊሊ ደብረ ብርሃን ቅዱስ ሚካኤል ሰበካ ጉባኤ አርቆ አሳቢነት ታሪክን ሀገርንና ቤተክርስቲያንን ለትውልድ ለመጠበቅና ለትውልድ ለማስተላለፍ ትውልድ ላይ መሥራት፣ ትውልድ ላይ ለመሥራት ደግሞ የመጻሕፍት ትርጓሜ ትምህርት ቤት አስፈላጊ መሆኑን በመገንዘብና ለወጣቶች፣ ለመንፈሳዊ ማሕበራትና ለቤተክርስቲያን የቁርጥ ቀን ልጅ የሆኑ ታላላቅ አባቶችን በማማከር ሲሆን ከጅማሮው ጀምሮ እስከዛሬ ድረስ እንደ እግዚአብሔር መልካም ፈቃድ ያለ አቅሙን አሟጦ እየተንቀሳሰ ይገኛል።

❤ጉባኤ ቤቱ ጀማሪ እንደመሆኑ ያቀዳቸውን ዘርፈ ብዙ ጉዳዮችን ለማከናወን ዘርፈ ብዙ ግብአቶችም ያስፈልጉታል። ከእነዚህም መካከል
፩. መንፈሳዊ መጻሕፍት
፪. የታሪክ፣ የልብ ወለድ፣ የሥነ ልቡና መጻሕፍት
፫. የሳይንስ፣ የቅኔ፣ የዜማ መጻሕፍት
፬. ንጽጽር ለመሥራት እንዲያመች የሌላ እምነት ሰዎች የጻፏቸው መጻሕፍት
፭. የኤሌክትርኒክስ እቃዎች ኮምፒውተር፣ ፕሮጀክተር፣ ስልክና መሰል እቃዎች።
፮. ሌሎች ቁሳቁሶች፦ የመጻሕፍት መደርደሪያዎች፣ የቤተ መጻሕፍት ወንበሮችና የመሳሰሉት ቅድሚያ የሚሰጣቸው ናቸው።

❤ጉባኤ ቤቱን ለመደገፍ የምትፈልጉ በሙሉ በሚከተሉት አማራጮች መደገፍ የምትችሉ መሆኑን እናሳውቃለን።

1ኛ፦ በጉባኤ ቤቱ አካውንት መደገፍ የምትችሉትን ገንዘብ አስገብታችሁ ጉባኤ ቤቱ የሚያስፈልጉትን መጻሕፍት በቅናሽ ዋጋ ተስማምቶ መግዛት እንዲችል መርዳት፤

2ኛ፦ መጻሕፍትን መግዛትና አንብባችሁ ያስቀመጣችሁትን ማንኛውንም ዓይነት መጻሕፍት መስጠት

❤በጉባኤ ቤቱ ስም የተከፈቱ የባንክ ቊጥሮች፦
↪ ንግድ ባንክ፦1000708001094
↪ አቢሲኒያ፦227710489
↪ ዐዋሽ፦ 013201564641701
(አርዕስተ አበው የመጻሕፍት ትርጓሜ ቤት)

11/07/2025

አብነት የትውስት ትምህርት አይደለም።
አብነት ማለት
፡-አባትነት ፣ጥንታዊ፣ ትውፊታዊ፣ የትምህርት ሁሉ አባት ማለት ሲሆንከአቀባይ መምህር ወደተቀባይ ደቀ መዝሙር የሚተላለፍ ትምህርት፣ሥር ምንጭ አባት ያለው አባት አድራጊ ማለት ነው፡፡ወይም አብነት መርሀ ትምህርት የትምህርት መርህ አመልካች፣አርአያ አድራጊ ማለት ነው፡፡ዳግመኛም አበዋዊ ቀለም፣አበዋዊ ትምህርት፣አበዋዊ ቃል፣አበዋዊ ፍልስፍና ማለት ነው።
ሀገር የተሠራው ታሪክ የተገነባው በዚህ ቅዱስ አብነት ነው።ሁሉም ነገር ህልውናውን ያጣው ከዚህ የአባትነት ቅብብሎሽ አስተምህሮ መራቅ ሲመጣ ነው።
ትምህርቱ ለሥጋ ድልዎት በማይመች ቦታ ይሰጥ የነበረ ቢሆንም ያደረገው አስተዋጽኦ ግን ሀገርን ከተሁለታዋ አምጦ የወለደ ያሳደገ ነው።ከጥንት እስከ አሁን፦በገዳማት፣በአድባራት፣በአብያተ ክርስቲያናት፣በየመምህራኑ የግል መኖሪያ፣ህዝቡ በሰጠው ቦታ ትምህርቱ ያለማቋረጥ ሲሰጥ የነበረ ቢሆንም አሁንም ከዚሁ ብዙም የተለየ ነገር የለውም።እስከ አሁን ከዚህ ከፍ አድርገን አለማሳደጋችን ግን ስንፍናችን ነው።
በቅዱሱ ትምህርት ቤት፦ ሃይማኖት፣ሕግ እና ሥርዓት፣ሥነ መንግሥት እና ሥነ ሕዝብ፣ጣዕመ ዜማ፣ታሪክ ፣ምርምር ፣ፍልስፍና፣ጥበብ፣ፈሊጥ(የአባቶች ጫወታ)፣ፍቅረ ቢጽ እና ፍቅረ እግዚአብሔር፡፡ግልቶ መልቶ ይሰጥበት የነበረ የሚሰጥበት ቤት ነው።በደሳሳ ጎጆ ግዙፍ ጥበብ ነበረበት።
ሊቃውንቱም በዚህ የአብነት መንገድ አልፈው አእምሯቸው ዐይነ ብዙ ሁነው መጥቀው ነጥቀው ሲመረምሩ የሙገሳ የሙያ ስም ይወጣለወቸዋል።ይሄውም እባካችሁ ስም ስጡኝ ብለው የሚወጣላቸው ሳይሆን ሙያቸውን ያዩ ደቀ መዛሙርት እና ሌሎች መምህራን በሙገሳ ይጠሯቸዋል እንጂ።
ይሄውም፦ወርቅ በምንቸት፣ጌታው ፣አራት ዐይና፣ድንቆ፣ድድቅ፣እቡይ፣እኩይ፣ዝናቡ፣ጽድቅ፣መንክር፣መብረቅ፣ነጎድጎድድ፣ማዕበል፣ጎርፉ፣መዘርዝር፣፣በቃግጨው፣ዕፁብ፣እንቆቆው፣ገሞራው፣ይበል፣ናዳው፣ማን አህሎት፣አያያ፣የቀለም ቀንድ(የቀንድ ቀለም)የኔታቀኝ ግራ ጌታ( ግራ ቀኝ የአደራርስ አጠላላፊ)መሪጌታ፦በመሳሰለው ስም ይጠሩበታል።
አብነት የሀገራችን ልብ ነበር ልቧን ያጣችው ከነባሩ እውነት ስትፋታ ነው።አብነቱ የሚያቀብል፣የሚጠብቅ፣የሚቀበል ትውልድ ያስፈልገዋል።ነገን ለትውልድ የሚያስብ ሰው ሁሉ ዐይነ ህሊናውን ወደ አሻጋሪው ትምህርት ቤት መላክ አለበት።
ስለሆነም ሁሉም የነገ አባቶች እናቶች ሕፃናት ወደ አብነት ትምህር እንዲሄዱ ግፊት እናድርግ።በተለይም በጦርነት ሰበብ ሳይማሩ እድሜያቸው ላለፈባቸው ሕፃናት ትኩረት ያስፈልጋል።አምና ያለ ምንም ትምህርት በሰቀቀን እንዳለፉ ዘንድሮም ያለ ትምህርት እንዳይከርሙ ወደ ነባሩ ትምህርት ቤት ገብተው ከተቻለ በደንብ ገፍተው እንዲማሩ እናድርግ።ካልሆነ እንኳን ፊደል ቆጥረው፣ዳዊት ደግመው ይክረሙ።ትውልዱ በሁለት መልኩ በጦርም በድንቁርናም መሞት የለበትም።ቢያንስ እየተማረ መከራውን ይቀበል።
ነባሩ ትምህር ቤት በደመወዝ ስሳልተመሠረተ መከራ አይዘጋውምና ልጆቻችን ወደ ማይዘጋው ትምህርት ቤታችን ገብተው እንዲማሩ የተናሥኦት እድል እንፍጠርላቸው።በአጠገባችን ያሉ መርጌቶችን ማስተማሪያ ቦታ እየሰጠን አይዟችሁ እንበላቸው።
ሁሉ እያለን ከሁሉ መደኽየት ለምን? አብነት የትውስት ትምህርት አይደለም ከእግዚአብሔር የተገኘ ነው።ጊዜ ያላችሁ ቀኑ አልመሽልኝ አለ የምትሉ ትልልቅ ሰዎችም ግቡና ተማሩ።ለሕፃናትም አብነት ሁኑ።ወይም እንጂ ሀገርን የገደለውን የትምህርት ሥርዓታችንን የምንቀድስበትን ጥበብ ልናገኝ እንችልበት ይሆናል።

02/07/2025

🎤ሀገር በቀል ዕውቀት የሌለው ሰው ልቡን የተበላ ሰው ነው።ማሰቢያ ልቡን የተበላ ትውልድ ደግሞ መዳረሻው ጉጻጉጽ ነው።መስተሀልይ ህሊናውን ከአብነት አፋትቶ አንተ እለቅ እኔ ላጥልቅ፣አንተ ጥፋ እኔ ላናፋ የሚል ሰው መዳረሻው ወና ነው።

🎤ተተኪውን ትውልድ ከመሠረቱ እያነጹ መተካት እና ማውጣት ካልተቻለ፦ዛሬ በትቂቱም ቢሆን ጽኑዕ ሃይማኖት፣ መልካም ሰብእና፣ቋሚ ጠቃሚ ሀሳብ፣ቅን ህሊና ያላቸው ሰዎችም ከንዝነዛው ብዛት የተነሣ መሰላቸት መፋዘዝ መደንዘዝ ያገኛቸዋልና መንገድ የሚያሳይ ጠፍቶ ጨርሶ መናድ መውደም ሊመጣ ይችላል።

🎤በሥሁት እሳቤ ከሚፈልቀው ንዝናዜ ብዛት የተነሳ አብነት የሚሆነውን አባት እና የህሊና ዕረፍት ያጣ ምእመን ደግሞ ከአስጨኛቂ ጫጫታዎች ሁሉ ለመራቅ ሲል የሚያደርገው የስደት ሽሽት፣የማስመሰል ኑሮ፣የህሊና መታወክ፣ሀገርንም ቤተ ክርስቲያንንም ይጎዳታል።

🎤የአንዱ ዳፋ ሌላውንም ያዳፋልና የአንዱ ንዝነዛ ወደ ሁሉም ምእመናን ይጋባና አዚም በሚመስል መልኩ ብዙዎቻች ንዝነዛው ሰልችቶን ከርቱዓዊ መንገዱ እንዳንወጣ ወሳኙ ጠጋኙ አብነት ትምህርት ነው።

🎤ሚልዮን ብራናዎች፣የተራቀቁ ቅኔዎች፣የለዘቡ ዜማዎች፣የተቀደሱ ባህሎች፣ተሻገሪ ቀመሮች፣ምሥክር የሚሆኑን ውቅሮች፣የርቱዓዊነት መገለጫዎች፣ትናንታዊ ታሪኮች፣ሀገር በቀል ፍልስፍናዎች፣ጣዕም ያላቸው የአባቶች ጫወታዎች፣...የአብነት ፍሬዎች ናቸው።

🎤አብነት ትምህርታችን የትናንት ማያ፣
የነገ ማስያ፣ የዛሬም መዋያ ነው።በራሳችን ዐይን ወደ ኋላ ማየት እና ለነገም መተንበይ የሚቻለው
በአብነት መረዳት ውስጥ ተሁኖ ነው።

🎤ስለሆነም ሁሉም ሕጻናት እና ጊዜ ያለን ወጣቶች በሙሉ ክረምቱን በአብነት ማሳለፍ መቻል አለብን።
ያልሰማ እንዳይኖር በየአካባቢያችን እንቀስቅስ።
🎤(ክረምቱን በአብነት)🎤

01/07/2025

"ልማት"
************
ልማት የሚለው ቃል ሰፊና ውስብስብ ትርጉም አለው፡፡ የሰውን ልጅ ጠቅላላ
የዕድገት ገፅታዎች አካቶ የሚይዝ ፅንሰ-ሐሳብ የሚገለጽበት ነው፡፡ ሰው መልማት ወይም ማደግ የሚኖርበት በቁሳዊ ሀብትና ኑሮ ብቻ ሳይሆን
1. በአእምሮ፣
2. በሥነ-ልቡና፣
3. በምሁራዊና
መንፈሳዊ ሕይወት፣
4. በአካልና በመሳሰሉት ሁሉ መሆን አለበት፡፡ በአእምሮ የለማ ሕብረተሰብ
ቁሳዊ ሕይወትን ለማልማት ብዙ አይቸገርም፡፡ የለማ አዕምሮ ጥያቄዎችን የሚመልስና
ችግሮችን የሚፈታ ነው፡፡ ለአዳዲስ ጥያቄዎች መነሳትና ችግሮች መፈጠር እምብዛም በር አይከፍትም፡፡ በሂደት ውስጥ ለሚነሱት አዳዲስ ጥያቄዎችና ችግሮች መልስና መፍትሔ ማግኘት ያን ያህል የሚከብድ አይሆንም፡፡ ያልለማ አዕምሮ ግን አመክንዮያዊ አቅሙ ዝቅተኛ
ነው፡፡ ስለሆነ መሠረታዊ ጥያቄዎችን የመመለስ አቅሙ ደካማ መሆኑ ብቻ ሳይሆን የእኩይ አስተሳሰቦች ምንጭና መሠረት ነው፡፡
@ ከ"ሰው፣ግብረ ገብና ሥነምግባር" መጽሐፍ የተወሰደ

21/06/2025

ሞሰቡን ለተራበው ውሀውን ለተጠማው ከልክለህ እና ከፊቱ አርቀህ ነገር ፍለጋ ነው። ምን ያመጣሉ ካልሆነም ምን ይሉ ይሆን ለማለት!!!!
@ ምንጭነቱ ለአሳሪው ግልጽ ባይሆንም ለኦርቶዶክሳዊያን ግን የተረዳ ነው። የመፍትሔነቱን ውጤት ከመጠቀም ይልቅ መፍትሔውን ማሠር ጨርሰህ ከውሀው እየራቁ በረሐ መውረድ ነው። ሰው ቢራብ ምግቡን ቢጠማ ውሀውን ይፈልጋል እንጂ ሞሰቡንም የውሀውን ምንጭም ጨርሶ መተናኮል ሞሰቡም ምንጩም በመድረቁ ሕይወትን ለማቆየት ፈላጊው እንደሚበዛ ማሰብ እንዴት ተሳናቸው!!???

17/06/2025

17/06/2025

ከብዙ በጥቂቱ ክፉ እና በጎን የምናውቅባቸው ዋና ዋና የትምህርት መንገዶች የሚከተሉት ናቸው፡፡

♦፩. የመገለጥ ዕውቀት- በአምላካዊ ተከሥቶ የሚሰጥ እና በኅብረታዊ ቅብብሎሽ ያገኘነው ነው::

♦፩. የተፈጥሮ ዕውቀት ሥነ ፍጥረትና ምግብና ሥነ ፍጥረትን፣ የሥነ ፍጥረት መተካካትን በማመላለስ በመረዳት የምናውቀው ዕውቀት ነው፡፡

♦፫. የትምህርት ዕውቀት፦ ከአቀባይ መምህር ወደ ተቀባይ ሰው ደቀ መዝሙር በቅብብሎሽ የሚገኝ ከልበ መምህራን በአስተምህሮ የሚተላለፍ ዕውቀት ነው::

♦፬. የተግባር ዕውቀት፦ በተሞክሮ፣ በልምምድ፣ በዕድሜ ብዛት የሚገኝ የተፈተነ ሕይወት የሚያበረክተው የልምድ ዕውቀት ነው፡፡

♦፭. የምርምር ዕውቀት፣ በተለያየ ዘርፍ የጥናት ውጤት፣ የተሞክሮ ድካም ያስገኘው ዓለማዊ የመረዳት ዕውቀት ነው።

♦፮. የንሥዓተ ልብ ዕውቀት፥ ፍላጎትን በማናር የዲስኩር የልብ ወለድ ድርስት ምናባዊ ወይም ገሀዳዊ ዕውቀት ነው:: ይህ ዕውቀት የሚገለጽበት መንገድ ቢሆንም አዲስ እንግዳ ንግግር ይገኝበታልና ሊጠቅምም ላይጠቅምም ይችላል፡፡ ጥቅሙም ጉዳቱም እንደ
ዲስኩሩ ይዘት ይወሰናል::

♦፯. የመንፈስ ዕውቀት፥ ረቂቅን ነገር በመመልከት እና እግዚአብሔርን በመምሰል በሱታፌ መንፈስ ቅዱስ የሚገለጽ ሕይወተ ክርስትና ነው፡፡

♦፰. የርኩሰት ዕውቀት፥ ከጽድቅ፣ ከሃይማኖት፣ ከእውነት የሚያወጣ ፈቃድ፤ የክሕደት፣ የርኩሰት፣ የኑፋቄ፤ የሀኬት፣ የባዶነት ትምህርት እና ጥፋታዊ የመረዳት ዕውቀት ነው::

♦፱. ዝምታ የሚያውቀው ዕውቀት፦ መግለጽ የማይችሉት፤ በመረዳት የሚገልጹት፤ ከእግዚአብሔር የሆነ ዕውቀት፤ የምታውቀው ግን መናገር የማትችለው ከመነገርበላይ የሆነ ዕውቀት ነው፡፡

♦፲. የሚታወቅ ዕውቀት፦ ድርስ ሐሳብ የተሸከመው፣ በገቢር ሊጨበጥ የሚችል፤ የሚታወቅ ኑሮ የሆነ ዕውቀት ነው፡፡

♦፲፩. የማይታወቅ እውቀት፥ እንዴት እንደሆነ ገና በበቂ ያልሰማነው፤ ብንሰማውም ከመረዳታችን ውጭ የሆነ ሊኖር የሚችል ግን አሁን ባለን አቅም የማናውቀው ዕውቀት፤ ነፍላችን ከሥጋችን ከተለየች በኋላም እንኳን አሁን ሁነን በምንገምተው እሳቤ እንዲህ ሊሆን ይችላል የማንለው።

♈ከሁሉም በላይ ወሳኝ እና አርታዒ የሆነው ርቱዕ ዕውቀት ክሡታዊ፣ ሐዋርያዊ፣ ኅብረታዊ፣ ትውፊታዊ ትምህርተ ክርስትና ነው፡፡ ሌላም በስል አእምሮ ለሚያይሰው በክሡታዊ መልኩ የሚታይ የዕውቀት ሐሳብ ሊኖር ይችላል::

💜የሰው ማሰቡ ዝግ አይደለምና ጥቂቱን አንሥቶ መናገር ነው እንጂ ፍጹማዊ አድርጎ ከዚህ አትለፍ ከዚህ አትትረፍ ማለት አይደለም። እንደ ክርስቲያናዊነታችን ከተጻፈው ሳንወጣ በሐዋርያዊ፣ በኀብረታዊ፣ በቅብብሎሻዊ ዕውቀት እንድንጸና ነው❗

⛪ምንጭ:- "ከመዝ ነአምን" (ገጽ ፭፻፴፭)
@ ምሥራቀ ፀሐይ ጉባኤ ቤት

05/06/2025

ነገን ዛሬ አየሁት
ዛሬንም ነገ ላይ
አንዱ በዘሩ ነው
ሌላው በፍሬው ላይ
@ ግንቦት 2017ዓ.ም

18/05/2025

ዳግማዊ ኪሩብ።
ኢትዮጵያ በጸጋው ሁሉ የከበረች ነበረች።
በሕገ ልቡና ለ2000 ዓመታት እግዚአብሔርን ስታመልክ ኑራለች።
በሕገ ኦሪትም ለ1000 ዓመታት ያክል በሕጉ በትዕዛዙ ጸንታ በአምልኮተ እግዚአብሔር ኑራለች።
በሕገ ወንጌልም ይሄው 2000 ዓመታት መልተዋታል።
ስለዚህ በታሪካዊትን እና በሁለንተናዊ ቅብብሎሽ ስንመዝናት የድንቅ ጸጋዎች የምሥጢር ጓዳ ነበረች።
በዘመነ ኦሪት ትልቁ የትምህርት እና የሥርጸት ማዕከሏ ቤተ ቀጢን ጉባኤ ቤት ነው። ከዕብራይስጥ ወደ ግዕዝ መተርጎሚያ ማዕከል ብቻ ሳይሆን የሀሳብ፣የአረዳድ፣የአመሥጥሮት ማዕከል ነበር።
ከቤተ ቀጢን ተረድተው የወጡ አባቶችም በአራቱ ማናብርተ ጽዮን የስብከተ ኦሪት የአምልኮተ እግዚአብሔር ሥራቸውን ያሳልጡ ነበር።
አራቱ መናብርት፦
፩.አክሱም ጽዮን፦ንቡረ እድ።
፪. ተድባበ ማርያም፦ፐትርያሪክ።
፫.መርጡለ ማርያም፦ርዑሰ ርዑሳን(ርዕሰ ርዕሳ)። ፬.ጣና ቂርቆስ ፦ሊቀ ካህናት። ናቸው።
በሐዲስ ኪዳንም ዳግማዊ ኪሩም ምድራዊ መልአክ የሆነውን ቅዱስ ያሬድን ያገኘነው ከቤተ ቀጢን ጉባኤ ቤት ነው።
በዓለም፦ኤዴሳ፣(ንጽቢን)፣እስክንድርያ፣አንጾኪያ
የሚባሉ ትላልቅ የትምህርት ማዕከሎች ነበሩ።
በሀገራችን ደግሞ የመጀመሪያው የትምህርት ማዕከላችን ቤተ ቀጢን ጉባኤ ቤት ነው።
ቅዱስ ያሬድ ከመምህሩ ከአባ ጌዴዎን በተማረውና ከመንፈስ ቅዱስ ተገልጾለት ባገኘው ጸጋ ለቤተ ክርስቲያናችንም ለሀገራችንም የብርሃን ዓይን ሁኗል።
@ ምሥራቀ ፀሐይ ጉባኤ ቤት