25/09/2025
‎
‎Seerri hundaa olii, heera uumaati!Bineensa, Oromoon Oromeesse,
‎ Qorkee.
‎
‎Oromoon falaasama isaa keessatti bineensi hunduu nama waliin gosa lakkuu dhalate qaba jedhee amana.
‎
‎Fakkeenyaaf leenci gosa aboosara jedhamu, waliin lakkuu dhalate jedhama. Kanaaf gaafa leenci sitti dhufu, akka sin nyaanneef, ani gosa aboosara jedhii jedhama.
‎
‎Akka falaasama Oromoo ganamaatti bineensi gosa hin qabne hin jiru. Bineensota kanneen yoo ajjeefte gosa sana keessaa akka nama ajjeefteetti lakkaa'amee gumaa baasta.
‎
‎Yoo bineensi gosa kee ta'e namaafi qabeenya namaa miidhes, gosa isaatu irraa gumaa fixa.
‎
‎Kunis uumama hunda kan uume rabbi waan ta'eef, lubbuun hunduu walqixa jiraachuu qaba jedhee oromoon waan amanuufi.
‎
‎Godina Arsii Aanaa Siraaroo kan jiraatan, maanguddoon argaa dhageetti, Imaam Tash*tees, bineensi jedhamu gosa koo, Hambeettuu jedhan.
‎
‎...Qorkeen gaara yaatii...,
‎...Hortee gosa taatii..." jedhamtees gosa Hambeettuu biratti faarfamtis jedhan.
‎
‎Qorkeen bineensa maqaa saayinsaawaa "Swayne's Hartebeest" jedhamuun beekamuufi Itiyoophiyaa keessatti qofaa kan argamu, Aanaa Siraaroo Paarkii biyyaalessaa Sambatee sinqilleetti kan kunuunfamudha.
‎
‎Duudhaan ganamaa Oromoon bineensa kunuunsuuf qabu laafaa dhufuurraan kan ka'e, Qorkeen, namaan ajjeefamuun sanyiin isaa xiqqaachaa waan dhufeef, Gadaan Arsii lubbuu bineensa kanaa Kan baase lubbuu namaa gosa Hambeettuu baase, jedhee gumaa akka lubbuu namaatti lakkaa'ee loon dhibbaan akka adamu lallabe.
‎
‎Kunis duudhaan kaleessa oromoon bineensa kunuunsuuf qabu akka deebi'u, bineensonni sababa namaan, lafarraa akka hin duguugamneef ittisuufi.
‎
‎Hambeettu bineensa Qorkee kana Biddicha jedhee maqaa masoon waama.
‎
‎Qorkee yoo namni beekaa adamsees ta'ee tasa ajjeese, gosa Hambeettuutu gumaa barbaadee baasifata.
‎
‎Tumaa seeraa Gadaan Arsii lubbuu Qorqee baraaruuf labseen, yeroo ammaa Jijjiiramni dhufee, sanyiin Qorkee xiqqaatee ture amma paarkii Biyyaalessaa sambatee sinqillee keessat
