Purple Book House UK

26/02/2026

*பிரச்சனைகளின் சுழலிலிருந்து விடுபடுவது எப்படி? - ஒரு எதார்த்தமான அணுகுமுறை*

வாழ்க்கை என்பது இன்பங்கள், சவால்கள், நல்லவை மற்றும் கெட்டவை என அனைத்தும் கலந்த ஒரு பயணம். ஆனால், ஒரு கடினமான பிரச்சனை நம்மைத் தாக்கும் போது, நாம் பெரும்பாலும் அதற்குள்ளேயே முழுமையாக முடங்கிப் போய்விடுகிறோம். அதிலிருந்து எப்படி வெளியே வருவது என்பதை விட, அந்தப் பிரச்சனைக்குள்ளேயே ஒரு வட்டத்தைப் போட்டு வாழ்ந்து விடுகிறோம். இதிலிருந்து விடுபட, வெறும் 'பாசிட்டிவ் திங்கிங்' என்ற மாயையைத் தாண்டி, எதார்த்தமான சில அணுகுமுறைகளை நாம் பின்பற்ற வேண்டும்.

1. பிரச்சனையை நோக்கிய அதீத கவனம்
நமது வாழ்க்கையை மேம்படுத்த எத்தனையோ நல்ல கருத்துக்களையும் வாய்ப்புகளையும் நாம் அன்றாடம் சந்திக்கிறோம். ஆனால், அவற்றுக்கு நாம் கொடுக்கும் கவனத்தை விட, நமது பிரச்சனைகளுக்குக் கொடுக்கும் நேரமும் கவனமும் மிக அதிகம்.

*கவனத்தின் சக்தி: நீங்கள் எதன் மீது அதிக கவனம் செலுத்துகிறீர்களோ, அதுவே உங்கள் மனதை ஆக்கிரமிக்கிறது.*

பிரச்சனைகளையே சதா சிந்தித்துக் கொண்டிருக்கும் போது, அந்த எதிர்மறைச் சூழல் நம்மை அறியாமலேயே நம்மைச் சிறைப்பிடித்து விடுகிறது.

2. குருட்டுத்தனமான நேர்மறை எண்ணங்கள் (Positive Thinking) வேலை செய்யாது
எவ்வளவு பெரிய பிரச்சனை என்றாலும், "எல்லாம் நல்லபடியாக நடக்கும்" என்று வெறுமனே கற்பனை செய்து கொண்டிருப்பதோ, போலி நேர்மறை எண்ணங்களை வளர்த்துக்கொள்வதோ உண்மையான தீர்வு கிடையாது.

எதார்த்தத்தை எதிர்கொள்ளத் தயங்குவது ஒருபோதும் தீர்வாகாது.

உங்கள் சூழ்நிலையை உள்ளபடி, நேர்மையாக ஒப்புக்கொள்ளுங்கள். உங்களை நீங்களே ஏமாற்றிக் கொள்ளாதீர்கள். உண்மையை உணர்வது (Realization) தான் மாற்றத்திற்கான முதல் படி.

3. எங்கே செல்ல வேண்டும் என்பதை முடிவு செய்யுங்கள்
"ஒன்றிலிருந்து வெளியே வர வேண்டும் என்று இன்று பலரும் நினைத்துக் கொண்டிருக்கிறார்கள். ஆனால் எங்கே போக வேண்டும் என்று நினைப்பதே கிடையாது." - பிரபஞ்சத்தின் ரகசிய சாவி

ஒரு அறையை விட்டு வெளியேற வேண்டும் என்றால், எந்தக் கதவின் வழியாக எங்கே செல்லப் போகிறோம் என்ற தெளிவு வேண்டும்.

நீங்கள் எந்தப் பிரச்சனைக்குள் எப்படி நுழைந்தீர்களோ, அதே போன்ற ஒரு நடைமுறை (Practical) வழியின் மூலமாகத் தான் வெளியேற முடியும்.

வெறும் "வெளியே வர வேண்டும்" என்ற அரைகுறையான எண்ணம் உங்களைக் காப்பாற்றாது. உங்கள் இலக்கு என்ன என்பதில் தெளிவு வேண்டும்.

4. உங்கள் மனதை வதைக்காதீர்கள்
ஒரு பிரச்சனைக்கு பல மாதங்களாக அல்லது வருடங்களாகத் தீர்வு காண முயன்றும் முடியவில்லை என்றால், குறை உங்கள் சூழ்நிலையில் இல்லை; உங்கள் மனதின் அணுகுமுறையில் உள்ளது.

செய்யத் தெரியாத ஒரு வேலையைச் செய்யச் சொல்லி, ஒருவரைத் தினமும் சாட்டையால் அடித்தால் எப்படி இருக்குமோ, அப்படித்தான் தீர்வு தெரியாத மனதை நாம் போட்டு வதைக்கிறோம்.

தொடர்ந்து ஒரே கோணத்தில் சிந்தித்துத் தோற்பதை விட, சற்று நிதானித்து நிலைமையை ஆழமாக கவனியுங்கள் (Observe).

தீர்விற்கான எளிய வழிகள்:
நிதானம்: பிரச்சனையின் பிடியில் சிக்கியிருக்கும் போது, முதலில் நிதானமாகி உங்களுக்குள் என்ன நடக்கிறது என்பதை கவனியுங்கள்.

பார்வையைக் மாற்றுதல்: எப்போதும் ஒரே கோணத்தில் பார்க்காமல், பிரச்சனையை சற்று விலகி நின்று வேறு ஒரு பார்வையில் (Perspective) அணுகப் பாருங்கள்.

நடைமுறைச் செயல்: உங்களுக்காக லட்சக்கணக்கான வாய்ப்புகள் வெளியில் காத்துக்கொண்டிருக்கின்றன. உங்கள் மனநிலையை (Attitude) மாற்றுங்கள் அல்லது உங்கள் அணுகுமுறையை (Approach) மாற்றுங்கள்.

பிரச்சனைகள் என்பது நிரந்தரமானவை அல்ல. அதிலிருந்து விடுபடுவதற்கான திறனும், தெளிவும் நம் மனதிற்குள்ளேயே இயல்பாக அமைந்திருக்கிறது. அதைத் தட்டி எழுப்ப வேண்டியது நமது பொறுப்பு.

இந்த புத்தகத்தைத் தேர்வு செய்ய கீழே உள்ள link ஐ கிளிக் செய்யவும்;
https://www.purplebookhouse.shop

📱 வாட்ஸ்அப்-ல் ஆர்டர் செய்ய:
073970 19916

13/01/2026

#பிரபஞ்சம் உங்களை எப்படி வழிநடத்துகிறது?*

நமது வாழ்க்கையில் பிரபஞ்சம் ( ) நமக்குரிய பாதையை எப்படிக் காட்டுகிறது?
நமக்குள்ளே ஒரு அடையாளத்தை அது எப்படி உருவாக்குகிறது? இது பலருக்கும் இருக்கும் ஒரு கேள்வி.

பிரபஞ்சம் நமக்குள் ஏற்படுத்தும் தாக்கம் என்பது வார்த்தைகளால் விவரிக்க முடியாத ஒரு இனம் புரியாத அனுபவம்.
இந்த வழிகாட்டுதல் செயல்முறையை ஆழமாகப் புரிந்து கொள்ள, நாம் சில முக்கியக் கோட்பாடுகளைத் தெரிந்து கொள்ள வேண்டும்.

*1. வெளிக்கொணர்தல் விதி (The Law of Expression)*
நாம் எதையாவது அடைய வேண்டும் என்று நினைக்கும் போது, பொதுவாக வெளியிலிருந்து அதை நமக்குள் கொண்டு வர வேண்டும் என்று நினைக்கிறோம். உண்மையான வளர்ச்சி என்பது "வெளிக்கொணர்தல்" (Expression) சார்ந்தது.

உதாரணமாக, நீங்கள் ஒரு தொழில்முனைவோர் (Entrepreneur) ஆக விரும்பினால், அந்தத் தகுதியை வெளியிலிருந்து கடன் வாங்க முடியாது. மாறாக, உங்களுக்குள் இருக்கும் ஆற்றலை நீங்கள் வெளிப்படுத்த (Express) தொடங்க வேண்டும். எப்போது நீங்கள் உள்ளிருந்து விஷயங்களை வெளிக்கொணரத் தயாராகிறீர்களோ, அப்போதே வெளியிலிருந்து வரும் வாய்ப்புகளைப் பெற்றுக் கொள்ளும் தகுதியை அடைகிறீர்கள்.
"உளக்கொணர்வு" என்று இதைச் சொல்லலாம்.

அதாவது, உள்ளத்தில் இருக்கும் விஷயங்களை உணர்ந்து வெளியே கொண்டு வருதல். இந்த நோக்கம் (Intention) உங்களுக்குள் வரும்போது, பிரபஞ்சம் தானாகவே அதற்கான பதிவுகளை (Impressions) உங்களுக்குள் விதைக்கத் தொடங்கும்.

*2. புள்ளிகளை இணைத்தல் (Connecting the Dots)*
உங்கள் இலக்கை நோக்கி நீங்கள் பயணிக்கும்போது, உங்களுக்குத் தெரியாமலே உங்கள் மனதின் ஆழத்தில் ஒரு வேலை நடந்து கொண்டிருக்கும். ஒரு கோலம் போடுவதற்கு முன்னால் புள்ளிகளை வைப்பதைப் போல, பிரபஞ்சம் உங்கள் வாழ்வில் பல "புள்ளிகளை" (Dots) வைத்துக் கொண்டே இருக்கும்.

இந்தக் காலகட்டத்தில் உங்களுக்குப் பல புதிய மனிதர்களின் தொடர்பு கிடைக்கும், பல சம்பவங்கள் நடக்கும். அப்போது, "ஏன் இது நடக்கிறது?" என்று உங்களுக்குப் புரியாது.

*"நீங்கள் புள்ளிகளை முன்னோக்கிப் பார்த்து இணைக்க முடியாது; பின்னோக்கிப் பார்த்து (Backward) மட்டுமே இணைக்க முடியும்." -ஸ்டீவ் ஜாப்ஸ்*

ஆம், எதிர்காலத்தில் ஒரு நாள் திரும்பிப் பார்க்கும்போதுதான், கடந்த காலத்தில் நடந்த ஒவ்வொரு நிகழ்வும், சந்தித்த ஒவ்வொரு மனிதரும் எதற்காக உங்கள் வாழ்வில் வந்தார்கள் என்ற காரணம் புரியும். அந்தப் புள்ளிகள் அனைத்தும் இணைக்கப்படும்போது, உங்கள் வாழ்க்கையின் அழகான வடிவம் உங்களுக்குத் தெரியும்.

*3. சரியான நேரம் மற்றும் இயல்பான உந்துதல் (Right Timing & Natural Impulse)*
எல்லாப் புள்ளிகளும் இணைக்கப்பட்ட பிறகு, உங்களுக்குள் ஒரு தெளிவு பிறக்கும். அப்போது ஏற்படுவதுதான் "இயல்பான உந்துதல்".
பலர் அவசரப்பட்டு வெற்றியைத் தேடுவார்கள். ஆனால், இயற்கையான வளர்ச்சி அப்படி இருக்காது. ஒரு தொழிலை விரிவுபடுத்த வேண்டும் என்று வைத்துக்கொள்வோம். அதை சும்மா ஆசைக்காகச் செய்வதற்கும், உண்மையான தேவை (Need) வரும்போது செய்வதற்கும் வித்தியாசம் உள்ளது.

எப்போது உங்கள் திறமை (Competence) மற்றும் தன்னம்பிக்கை (Confidence) வளர்கிறதோ, அப்போது நீங்கள் அடுத்த கட்டத்திற்கு நகர வேண்டும்.

*4. மாற்றம் எனும் மெதுவான நகர்வு (The Shift)*
வாழ்க்கையில் அடுத்த கட்டத்திற்குச் செல்வது (Shift) என்பது, திடீரென்று ஒரு மீன் தரையில் குதிப்பதைப் போல இருக்காது. அது ஒரு மென்மையான, நளினமான மாற்றமாக இருக்கும்.

பழைய நிலையிலிருந்து புதிய நிலைக்கு நீங்கள் மாறும்போது, அது உங்களுக்குப் பழக்கமான ஒன்றாகவே தோன்றும். ஏனெனில், அதற்கான தயாரிப்புகளை நீங்கள் (உங்களை அறியாமலே) கடந்து வந்திருப்பீர்கள்.

வாழ்க்கைப் பயணத்தில் சோதனைகள் அல்லது கடினமான சூழல்கள் (Situations) வரலாம். அவை உங்களை வீழ்த்துவதற்கு அல்ல; உங்கள் வலிமையை (Strength) உங்களுக்கு உணர்த்துவதற்காகவே வருகின்றன.

பிரபஞ்சம் வைக்கும் புள்ளிகளை நம்புங்கள். பயணம் செய்யுங்கள். சரியான நேரத்தில் அந்தப் புள்ளிகள் இணையும், உங்கள் வாழ்க்கையின் முழுமையான சித்திரம் வெளிப்படும்.

#பிரபஞ்சத்தின்ரகசியச்சாவி புத்தகத்தில் இருந்து..

புத்தகத்தை வாங்குவதற்கான லிங்க்:
https://www.purplebookhouse.shop/product/prapanchathin-ragasiya-saavi-book-type-suya-munnetram-by-vettri-kuttali

04/05/2025

கரு முதல் திரு வரை; To order this book👇
https://www.purplebookhouse.co.uk/product-page/karu-mudhal-thiru-varai-book-type-aanmeegam-vazhviyal-by-thirumurai-aasiriyargal-irubathu-ezhuvar

ஆசிரியர்: திருமுறை ஆசிரியர்கள் இருபத்து எழுவர்
வகை: தத்துவம், ஆன்மிகம், வாழ்வியல் முறை பக்கங்கள்: 271
விலை: £18 (Including Shipping)

புத்தகம் பற்றி:

“அரிது அரிது மானிடராய் பிறத்தல் அரிது, மானிடராய் பிறந்த காலை கூன் செவிடு அற்று பிறத்தல் அரிது” என அவ்வை பாடி பாடலின்படி மனிதராகப் பிறந்த நாம் மண்ணில் நல்ல வண்ணம் வாழ்ந்து இறைவன் திருவடியில் ஆனந்தமாய் இருக்க வேண்டும். நம்வாழ்வில் சந்திக்கும் நிகழ்வுகளை அடிப்படையாகக் கொண்டு வாழ்க்கை பகுதிகளை பன்னிரண்டு பகுதிகளாக பிரித்து பன்னிரு திருமறை நூலின் அடிப்படையில் நம்தேவைகளுக்கு ஏற்ப அந்தந்த நிலைகளில் வாழ்வில் தடுமாறா வண்ணம் நம் சைவ நெறி ஞானப் பெருமக்கள் கூற்றின்படி வாழ்க்கையை நடத்திச் சென்றால் மண்ணில் நல்ல வண்ணம் வாழ்ந்து முடிவில் திரு என்னும் ஞானத்திருவடியை அடைந்து மீண்டும் பிறாவாநிலை பெற்று வீடுபேற்றை அடையலாம் என்கின்றனர் சைவநெறி அருளாளர்கள்,

மனித வாழ்வை கீழ்கண்டவாறு 12 பகுதிகளாக பிரிக்கலாம்,

1, குழந்தைப் பேறு
2.குருவருள்
3. வினை நீக்கம்.
4. நோயின்றி பாதுகாப்பு
5.கல்விச் செல்வம்
6. செல்வம்
7, திருமணம்
8. திருத்தலச் செலவு ( திருத்தல பயணம்)
9.திருமேனி காண்டல்
10. இறைவனை போற்றி பரவுதல்
11. அடியார்களை வழிபடுதல்
12. வீடு பேறு

மனிதராகப் பிறந்த ஒருவர் எவ்வாறு வாழ்வை அமைத்துக் கொள்ளவேண்டுமெனில் நம் வாழ்க்கையில் பெறும் பேறுகளில் தலையாய பேறு மக்கட் பேறு. அதுவும் திருவருளை சிந்திக்கும் ஞானக் குழந்தையை பெறுதல் வேண்டும். ஞானமுள்ள அக்குழந்தைக்கு ஏழு வயதில் முறைப்படி குருநாதரிடம் தீக்கை பெறுவது. அவ்வாறு பெறுவதன் மூலம் திருவருளை எளிதில் பெறலாம்.

குரு உபதேசத்தின் பயனாக குழந்தையின் வினை நீக்கம் செய்யப்படுகிறது. வினை நீக்கம் செய்யப்பட்டதின் பலனாக உடலில் ஏற்படும் நோய்கள் நீக்கப் படுகிறது. நோயிலிருந்து நீக்கப்பட்ட குழந்தைகள் நல்ல கல்வி கிடைக்க பெறுவது நன்கு கற்றுத் தேறி வாலிபப் பருவத்தில் நேர்மையாக உழைத்து செல்வத்தை சேர்க்க மார்க்கம் பெறப்படும். சேர்த்த செல்வத்தை கொண்டு நல்ல இல்வாழ்க்கை துணையை தேர்ந்தெடுத்துத் திருமணம் செய்வது, திருமணத்தின் பின்பு தான் தேடிய செலவத்தின் பயனாக திருத்தல செலவுகள் மேற்கொள்ளவதன் பயனாக இறைவனது திருமேனியை கண்டு வழிபடுவது, திருமேனியை கண்ட ஆனந்தத்தில் அன்பால் போற்றுவது, திருவடியைப் போற்றியதன் பயனாக அவனடி மறாத திருத்தொண்டர்களை சிவமாகவே ( சிவனடியார்களை) கண்டுஅவர்களை உள்ளும் புறமும் போற்றுவது.

அடியார்கள் நடுவுள் இருக்கும் அருளை பெற்றதின் பயனாக இறுதியில் சிவபெருமானின் திருவடியை அடைவது என வாழ்க்கையை அமைத்துக் கொள்ளவது நம்மை பெற்ற தாயை விட மிகச் சிறந்தவர் நமது சிவபெருமான் நாமும் சிவமாம் தன்மையை பெற வேண்டும். அதன் பெருட்டே அந்த சிவனாரும் ஒன்றாய், உடனாய், வேறாய், இருந்து இடையறாது அருள் செய்து கொண்டே இருக்கிறார். நாம் எத்தகைய குற்றம் செய்திருப்பினும் மனம் திருந்தி உண்மையான அன்போடு திருவடியை வணங்கி சரணடைந்து, ஓம் நமசிவாய, சிவாய நம, சிவ சிவ எனச் சொல்லி வழிபாட்டால் அக்குற்றங்களிலிருந்து நம்மை காப்பாற்றுவார் மேலும் இனிமேல் நாம் தவறுகள் செய்யாமலும் தடுப்பார்.

“தேவா சிறியோம் பிழையைப் பொறுப்பாய் பெரியோனே
ஆவா என்று அங்கு அடியார் தங்கட்கு அருள் செய்வாய் ” ஞான சம்பந்தர்

பண்ணிய உலகினில் பயின்றபாவத்தை
நண்ணி நின்று அறுப்பதுநமச்சிவாயவே
- திருநாவுக்கரசர்

பின்னைஎன் பிழையை பொறப்பானைப்
பிழையெலாம் தவிரப் பணிப்பானை
- சுந்தரமூர்த் தி சுவாமிகள்

பிழைத்தால்பொறுக்க வேண்டாவோ
- மாணிக்க வாசகர்

மண்ணுலகில்வாழ்வார்கள் பிழைத்தாலும் வந்தடையின்
கண்ணுதலான் பெருங்கருனை கைக் கொள்ளும்
- பெரிபுராணம்

ஓம்நமசிவாயம்திருச்சிற்றம்பலம்ஓம்நமசிவாயம்

https://www.purplebookhouse.co.uk/product-page/karu-mudhal-thiru-varai-book-type-aanmeegam-vazhviyal-by-thirumurai-aasiriyargal-irubathu-ezhuvar



#கருமுதல்திருவரை #திருமுறைஆசிரியர்கள்இருபத்துஎழுவர் #தத்துவம், #ஆன்மிகம் #வாழ்வியல்முறை #பர்பில்புக்ஹவுஸ்பப்ளிகேஷன்ஸ்

10/04/2025

வாழ்த்துகள் எழுத்தாளர் எஸ்.ரா
*************

இந்தியாவின் பெருமைக்குரிய விருதுகளில் ஒன்றான பாரதிய பாஷா விருது பெறும் எழுத்தாளர் எஸ்.ராமகிருஷ்ணன் அவர்களுக்கு வாழ்த்துகள்.

கொல்கத்தாவைத் தலைமையிடமாகக் கொண்டு செயல்படும் இலக்கிய அமைப்பான பாரதிய பாஷா பரிஷத் இந்திய அளவில் சிறந்த இலக்கியவாதிகளைத் தேர்வு செய்து விருது வழங்கிச் சிறப்பிக்கிறது. இந்த விருது ரூ 1 லட்சம் பரிசுத் தொகையும் பாராட்டுப் பத்திரமும் கொண்டது.

2025ம் ஆண்டிற்கான விருதிற்கு எழுத்தாளர் எஸ்.ரா தேர்வு செய்யப்பட்டிருக்கிறார்.

இந்த பாரதிய பாஷா விருது எழுத்தாளர் எஸ்.ரா.வின் வாழ்நாள் இலக்கிய சாதனைக்காக வழங்கப்படுகிறது.

08/04/2025

To buy this book click below link;
https://www.purplebookhouse.co.uk/product-page/uravugal-book-type-novel-by-neela-padmanabhan

For Book Details;
WhatsApp 07424625018

About the Book;

தமிழின் முன்னோடிப் படைப்பாளர்களில் ஒருவரான நீல. பத்மநாபனின் ‘உறவுகள்’ எல்லோருக்கும் நெருக்கமான கதையைக் கொண்ட நாவல். ஒவ்வொருவரின் உறவினர்களும் எப்படியிருக்கிறார்களோ, அவர்கள்தான் நாவலின் பாத்திரங்கள். எப்படியாவது வாழ்ந்துவிட வேண்டும் என்ற எண்ணத்தில் இருப்பவர்கள்; அவர்கள் நல்லவர்களா கெட்டவர்களா என்கிற கேள்விகள் எழப் பார்க்கின்றன; அதற்கு அவசியமில்லை. உயிருக்குயிராய் மதிக்கின்ற தந்தை மரணப் படுக்கையில் இருப்பதைப் பொறுத்துக்கொள்ள முடியாத ஒரு மகன்; தந்தையின் மறுவாழ்வை விரும்பி நிற்கும் இவனது நினைவோட்டத்தில் இந்த உறவினர்கள் பெரும் புதிர்களாக வருகிறார்கள். இந்தப் பயணத்தை முன்னும் பின்னுமான நினைவலைகளாக வாசிக்கையில் நாமும் இந்த நாவலுக்குள் இருக்கிறோமோ என்று மனம் கலங்குகிறது. 1975இல் வெளியான இந்த நாவல் கிட்டத்தட்ட அரை நூற்றாண்டு கழிந்த நிலையிலும் தன் புத்துணர்வைத் தக்கவைத்துக்கொண்டு இன்றைய வாசகருக்கான படைப்பாக மிளிர்கிறது.



#உறவுகள்

11/03/2025

To buy this book click below link; https://www.purplebookhouse.co.uk/product-page/manto-padaippukal-book-type-short-stories-by-saadat-hasan-manto

For Book Details;
WhatsApp 07424625018

இந்திய துணைக்கண்டப் பிரிவினை பற்றி வேறு பல எழுத்தாளர்களின் படைப்புகள் இந்தச் சிதைவை மண்ட்டோ போல் வெளிக்கொணரவில்லை.... ஆரம்பத்திலிருந்தே அவர் ஆபாசம் என்ற நிழல் கொண்டவராகத்தான் கருதப்பட்டார்.மண்ட்டோவின் நோக்கம் ஆபாசமல்ல, குரூரமல்ல என்று நிரூபிக்க வேண்டியிருந்தது. -அசோகமித்திரன்



#சாதத்ஹசன்மண்ட்டோ #மண்டோபடைப்புகள்

07/02/2025

அசோகமித்திரனின் கட்டுரைகள் அவரது கதைகளைப் போலவே மிகுந்த சுவாரஸ்யம் தருபவை. மேலும் அவரது புனைவுகளில் இடம்பெறாத பல்நோக்கு விமர்சனங்களும் ரசனை அனுபவங்களும் தேர்ந்த தகவல்களும் தனி மனிதர்களைப் பற்றிய நுண்மையான சித்தரிப்புகளும் கட்டுரைகளில் விரவியுள்ளதைக் காண முடியும். அசோகமித்திரன் என்கிற இலக்கிய ஆளுமையின் பல முகங்களை அறிமுகம் செய்யும் தொகுப்பு இந்நூல்.

To buy this book click below link;
https://www.purplebookhouse.co.uk/product-page/eriyatha-ninaivukal-book-type-novel-by-ashokamithran



#எரியாதநினைவுகள்

02/02/2025

29/01/2025

இத்தொக்குப்பினும் இடம்பெறும் கவிதைகள்.... பட்டாம்பூச்சி விற்பவன். நியுட்டனின் மூன்றாம் விதி.குழந்தைகள் நிறைந்த வீடு. அனா ஆவன்னா. என்னை சந்திக்க கனவில் வராதே. நா.முத்துக்குமார், ஆரம்பகாலங்களில் கவிதைத் தொகுப்புகள் மூலம் தன்னை நல்ல கவிஞனாக அடையாளப்படுத்தியவர். மிக மிக எதார்த்தமாக வாழ்வை நோக்கி, குடும்ப அங்கத்தினர்கள், நெருங்கிய நண்பர்கள், காணுகின்ற சமுதாயக் காட்சிகள் ஆகியவற்றுடன் சிலிர்ப்பாயும் சிராய்ப்பாயும் பெற்ற அனுபவங்களைக் கவிதையாக்கியவர். அந்தரத்துப் படிகளில் ஆகாசக் கோட்டையேறி பிளாஸ்டிக் பூக்களால் தன்னைத் தானே அலங்கரித்து வியக்கும் அருவருக்கத்தக்க போக்கு அவரிடமில்லை. இதுவே ஆரோக்கியத்திற்கு ஓர் அடையாளம். எளிய சொற்கள், வலிந்து கொணராமலேயே வருகின்ற ஓசையமைதி இவையே அவரது வலிமைக்கு அடையாளங்கள். ஒரு நல்ல படைப்பாளி, கரம்பற்றிக் குலுக்குகிறான். விரல்பற்றியும் அழைத்துச் செல்கிறான். அவலங்களில் உடன் அழுகிறான். ஆறுதலாய்க் கண்ணீர் துடைக்கிறான். போர்க்களங்களில் வாள் தருகிறான். வெற்றிக் கணங்களில் மாலை சூட்டுகிறான். பாதையோரங்களில் சிலையாகி படைப்பாளிகள் நிற்பதெல்லாம் பயணம் செல்வோர்க்கு என்றென்றும் வழிகாட்டி நிற்கும் வெற்றியால்தான்!

To buy this book click below link;
https://www.purplebookhouse.co.uk/product-page/na-muthukumar-kavithaikal-book-type-kavithaigal-by-na-muthukumar

28/01/2025

To Buy Tamil Books Online Please Visit;
https://www.purplebookhouse.co.uk

#உறவுகள் #எரியாதநினைவுகள்

03/12/2024

பர்பில் புக் ஹவுஸ் பப்ளிகேஷன்ஸ் புதிய வெளியீடு

"ரத்தக்கறை"
( #நாவல் )

ஆசிரியர்: ச.ப. விஜய்பிரதீப்
அட்டைப்படம்: Negizhan
விலை ரூ.249 | தள்ளுபடிக்குப் பிறகு ரூ.237

புத்தகம் பற்றி;
'ரத்தக்கறை' சில கதையும் கதாப்பாத்திரமும் இவர்களை போல் வாழ வேண்டும் என்று நம்மை ஊக்குவிக்கும், சில கதைகளும் கதாப்பாத்திரமும் எப்படியெல்லாம் வாழக் கூடாது, எப்படியெல்லாம் முடிவெடுத்து விடக்கூடாது என்று எடுத்துச் சொல்லும். இந்தக் கதையில் இரண்டு ரகமான கதாபாத்திரங்களும் இடம் பெற்றுள்ளன. கதாப்பாத்திரங்கள் இயல்பாகவும் வித்தியாசமாகவும் வடிவமைக்கப்பட்டுள்ளது. நிறைய நல்ல விடயங்களையும் நீங்கள் எடுத்துக் கொள்ளலாம். முக்கியமாக, ஒரு தவறான முடிவை எடுத்தால் வாழ்க்கை எப்படி மாறும் என்பதையும் தெரிந்துக் கொள்ளலாம். சில நேரங்களில் அதிகாரத்திற்காகவும், ஆசைக்காகவும், அன்புக்காகவும், நட்புக்காவும் தவறான முடிவுகளை எடுத்து விடுகிறார்கள்‌. ஆனால், அந்த முடிவு ஏற்படுத்தும் தாக்கத்தை அவர்களால் தாங்கிக் கொள்ள முடிவதில்லை. அப்படி தான் இந்த கதையிலும் ஒரு இக்கட்டான சூழ்நிலையில் அவசர அவசரமாக முடிவொன்று எடுக்கப்படுகிறது, அது அந்தக் கதாபாத்திரத்தின் வாழ்க்கையையும் அவரை சார்ந்தவர்கள் வாழ்க்கையையும் சாராதவர் வாழ்க்கையையும் எப்படிப் புரட்டிப் போடுகிறது என்று எழுதியுள்ளேன்.
- ஆசிரியர்: ச.ப. விஜய்பிரதீப்

இந்த புத்தகத்தைத் தேர்வு செய்ய கீழே உள்ள link ஐ கிளிக் செய்யவும்;

https://www.purplebookhouse.shop/product/rathakarai-book-type-sirukathaigal-crime-thriller-by-cp-vijaypradeep

📱 வாட்ஸ்அப்-ல் ஆர்டர் செய்ய:
0091 73970 19916



#ரத்தக்கறை #சபவிஜய்பிரதீப் #பர்பில்புக்ஹவுஸ் #பர்பில்புக்ஹவுஸ்பப்ளிகேஷன்ஸ்