BEBUT Knife Store

04/04/2023

ერთი პატარა, ნაზი, მოკაზმული, აშკარად მდედრი. მეორე დიდი, მტაცებელის გამომეტყველებით და საშიში, აშკარად მამრი :) კარგი წყვილია :)

03/04/2023

მოკლედ მე ბევრი რომ არ ვისაუბრო, გთავაზობთ კომპეტენტური ადამიანის აზრს ძალიან მაგარ დანაზე :) "საეტაპო დანაა დასაკეცი ტაქტიკური დანების ისტორიაში რომელმაც მთლიანად შეცვალა და დაამკვიდრა 3 იმ დროისთვის ნოვატორული მიგნება,ხოლო დღეს, რომ წარმოუდგენელია თანამედროვე დანა მათ გარეშე, პოლისმა გახვრიტა პირველად პირი და ნახვრეტი ,, სპაიდერჰოლი, დანის გასახსნელად გამოიყენა, მეორე ნოვატორული დეტალი იყო კლიფსა რომელიც აქამდე მხოლოდ კალმებზე გვხდებოდა და ბოლოს სერეიტორი, რომელიც მანამდე მხოლოდ სამზარეულოს დანებს ამშვენებდა, ერთ დანაში სამი ახალი დეტალი და სამივე სამუდამოდ დამკვიდრდა და ჩაიბეჭდა ზოგადად დანის დიზაინში."
ამ დანის სი-ქიუ-აი ვერსია (CQI - Constant Quality Improvement-ხარისხის მუდმივი გაუმჯობესება), ტარზე ჭანჭიკებით, დანის დაშლა და ტარის ლითონის ფირფიტების შეცვლის, "კოსტომიზების" შესაძლებლობით.
პირის ფოლადი - VG-10. მთლიანი სიგრძე - 240 მმ. პირის სიგრძე - 104 მმ. კომბინირებული პირი - ნახევრად პლეინი, ნახევრად სერეიტორი. ყუა - 3 მმ. წონა 159 გრ. ტარი- უჟანგავი ფოლადი.
ისევ იგივე კომპეტენტური ადამიანის ციტატა (აქვე ავტორს უღრმესი მადლობა მოსაზრებისათვის, ერთი, რომ 100%-იანია რასაც ამბობს, ვერაფერს მიამატებ ან მოაკლებ და მეორე დრო დამიზოგა რომელიც მე დამჭირდებოდა აზრის ჩამოსაყალიბებლად, ტანაც საეჭვოა ასე სრულად ჩამომეყალიბებინა სათქმელი :) ) - "ახალი კიდევ უფრო დახვეწილია და აკმაყოფილებს ბაზრის მოთხოვნებს, ძველ მოდელებს ,, ზაკლოპკის,, ადგილები საერთოდ არ ეტყობოდა, რამოდენიმე წლის წინ ბრენდები ებრძოდნენ რომ მომხმარებელს მათი დანები სახლში დაეშალათ, დღეს სიტუაცია შეიცვალა და დივერსიფიცირებული სახრახნისების და მოსავლელი, საწმენდი, საპოხი მასალების და ჭანჭიკების გაყიდვა ამ ბიზნესის კიდევ ერთ დიდ მიმართულებად იქცა,მაგიტომაც დაემატა ახალ მოდელებს ჭანჭიკები და დაშლის საშუალება.“
„ძველი მოდელების წარმოებაში თავიდან ჩაშვება, კონკრეტული მოდელის პოპულარობას კიდევ ერთხელ ადასტურებს.“
მაშ ასე, მხურვალე ტაშის, აპლიდისმენტების და "იფ იფ იფ" წამოძახილების თანხლებით შეეგებეთ - Spyderco Police!
დანა, რომელიც ჩემის მოკრძალებული აზრით, ბენჩმეიდის გრიპტილიანთან, ქოლდ სტილის სპარტანთან ერთად უბერებელი კლასიკა და "მასტ ჰევ"-ია :)
P.S. პირადად ორი ჰოლივუდური ფილმი ვიცი, Training Day და Eraser, რომლებშიც შესაბამისად, დენზელი და არნოლდი აბზრიალებენ ამ მართლაც საკულტო დანას :)

27/03/2023

წლებვანდელი მარტის, ტექსასის ბლეიდ შოუ-ს საუკეთესო დანები
https://blademag.com/blade-show/2023-blade-show-texas-factory-and-custom-award-winners?fbclid=IwAR1ULvJuFTO4vdHdnErfYfKnMw7p0PZ4hncOkopZ1eyXiTTJAXEhiINKRDk

See who took top honors in the BLADE Show Texas Factory and Custom Knife Awards in 14 categories--4 for factory, 10 for custom.

07/03/2023

სალამი, დღეს მინდა ერთი ძალიან ლამაზი დანა გაგაცნოთ, "ლაივში" გაცილებით ლამაზი და სასიამოვნოა, ვიდრე ფოტოზე, მაგრამ იმედია მაინც მოგეწონებათ, მე ძალიან მომწონს და ერთერთი ყველაზე ლამაზი დანაა რაც მქონია :) მაშ ასე, არის ასეთი ჩინური კომპანია WEKNIFE, შეიძლება ითქვას დანის მწარმოებელი სამი ჩინური "ვეშაპებიდან" ერთერთი. ამ კომპანიაზე სხვა დროს გეტყვით უფრო დაწვრილებით, როდესაც ხელთ ამათი დანა ჩამივარდება, რაც საკმაოდ ძვირი სიამოვნებაა, გამომდინარე უმაღლესი ხარისხიდან, მსოფლიოს წამყვანი დიზაინერებიდან, პრემიუმ მასალებიდან :) ამ "ვეშაპს" ყავს შვილობილი "პატარა ვეშაპი" - CIVIVI (ისე ეს CIVIVI დედისერთა არ გეგონოთ, დედმამიშვილიც ყავს SENCUT სულ პატარა ვეშაპიკო :) ). სივივი 2018 წელს დაარსა "დედიკომ" რათა უფრო ბიუჯეტური და ხელმისაწვდომი დანებით გაენებივრებინა მომხმარებელი. მართალია სივივის დანები შედარებით ბიუჯეტური მასალებისაგან მზადდება, მაგრამ, არც მთლად მასეა საქმე, იგივე უმაღლესი ხარისხი, იგივე მსოფლიო დონის დიზაინერები, მასალებიც კარგი და ხარისხიანი (მათ შორის ფხვნილოვანი ფოლადებიც, დამასკოც, მიკარტაც, ნატურალური ხეც, კარბონიც). შესაბამისად, ზოგიერთი მოდელი არც თუ ისე იაფია და "დედობილი" ვი-ნაიფი "იძულებული" გახდა კიდევ უფრო ბიუჯეტური დანების საწარმოებლად კიდევ ერთი კომპანია - სენქათ-ი დაეარსებინა. თვითონ კომპანია CIVIVI - სახელს რაც შეეხება, ორი ჩინური სიტყვისაგან შედგება: CI-ბედნიერება და VI-სიამოვნება. მოკლედ, ჩვენი დანები, გამოყენებისას ბედნიერებას და სიამოვნებას მოგანიჭებენო ყოველთვის :)
თვითონ მოდელს, რომელსაც დღეს წარმოგიდგენთ, Sokoke - სოკოკე/სოუკოკი (იმის მიხედვით რომელ ენაზე ვამბობთ) ჰქვია. სოუკოკი კატაა და იგი თანამედროვე კატების იმ მცირერიცხოვან ჯგუფს მიეკუთვნება, რომელთა სამშობლოც აფრიკაა. ამ კატების ადგილობრივი პოპულაცია, სავარაუდოდ, საუკუნეების განმავლობაში კენიის სანაპიროებთან, არაბუკო-სოუკოკის ტყეში ბინადრობდა, სანამ მას 1978 წელს ორი ევროპელი ქალი აღმოაჩენდა. თავიდან ორი ასეთი კატა დანიაში წაიყვანეს, 1984 წელს კი კოპენჰაგენში გამოფენაზე პირველად გაიყვანეს. 1991 წელს მათ კიდევ სამი კატა შეემატა. XX საუკუნის დასასრულისთვის კი მისი რამდენიმე ახალი ხაზი გენოფონდის გასაფართოებლად ევროპასა და აშშ-ში შეიყვანეს. ეს კატა გამოირჩევა კარგი ხასიათით, არის ძალიან მოსიყვარულე, ძალიან ეჯაჭვება ოჯახის წევრებს, ხვადი თავის მეწყვილეს კნუტების მოვლაში ეხმარება, ამასთან, სოუკოკი მკვეთრად განსხვავებული მანერით, ლამის თითის წვერებზე დადის. მოკლედ ლამაზი და კარგი კატაა ეს სოუკოკი და დანაც ლამაზი და კარგი გამოვიდა :)
დანა რომ ლამაზი და კარგია, ამაში დიდი წვლილი დიზაინერს, შესაბამის წრეებში ძაალიან ცნობილ და კარგი სახელის მქონე დიზაინერს, რეი ლაკონიკოს მიუძღვის. რეი ლაკონიკო, არის ვიზალიადან, რომელიც მდებარეობს კალიფორნიაში, არის მხატვარი. რეი ბავშვობაში რემბოს ფილმების ყურების შემდეგ გატაცებულია დანებით. ის 1990-იანი წლების დასაწყისიდან აგროვებდა ფიქსირებულ დანა და ჯიბის დანებს. 2000-იანი წლების დასაწყისში მან დანის დამზადება დაიწყო და თავისი პირველი დანა გაყიდა 2005 წელს. 2006 წლის ზაფხულისთვის რეიმ გადაწყვიტა გამხდარიყო სრულ განაკვეთზე დანების მწარმოებელი. პირველი 4 წლის განმავლობაში, ის მხოლოდ ფიქსირებულ დანებს ამზადებდა. მისი ფიქსირებული პირების უმეტესობა შექმნილია "ქალაქგარეთ" გამოყენებისთვის, ბუშკრაფტისა და კემპინგისათვის. ზოგჯერ რეი ასევე ამზადებდა ბოუის ტიპის დანებს, რომლებიც მისი საყვარელი სტილი იყო. რეიმ დასაკეცი დანების დამზადება 2010 წელს ისწავლა და მას შემდეგ ამზადებს და აწარმოებს ყოველდღიურ ჯიბის დანებს, ყიდის მათ როგორც თავის მაღაზიაშია, ასევე, რეის "ქასტომ" დანებს ყიდულობენ კოლექციონერები მთელ მსოფლიოში, ხოლო ბრენდები Kizer, WeKnife და Artisan Cutlery აწარმოებენ მისი დიზაინის დანებს ბიუჯეტურ და პრემიუმ კატეგორიებში. რეის დანებს თუ დააკვირდებით, მისი თითქმის უნიკალურ სტილს დაინახავთ, ყველაფერი მარტივი და ლაკონურია, მაგრამ ძალიან გემოვნებიანი, ამასთან ფუნქციონალური. რეის დანები არაა უბრალო, ისინი უბრალოდ ლაკონურია :)
თავად დანა: პირის სიგრძე: 85.1 მმ
მთლიანი სიგრძე: 194.1 მმ
პირის ფოლადი: დამასკო (Damascus)
ყუა: 3.0 მმ
სიხისტე: 58-60 როქუელი
ტარის მასალა: შავი სელის მიკარტა
ჩამკეტი: Liner Lock
კერამიკის საკისრებზე
წონა: 99.9 გრ
გახსნა როგორც ცერისათვის განკუთვნილი კოტათი (George Lashkhi-ს დახმარებით, გავარკვიეთ, რომ რუსული шпенек-ის ქართული შესატყვისი ყოფოლა "მცირე კოტა". შესაბამისობიდან და ჟღერადობიდან გამომდინარე, thumb stud/шпенек აწი ჩემთვის იქნება ცერის კოტა, სანამ უკეთეს ვარიანტს არ შემომთავაზებთ :) ) ასევე ფრონტფლიპერით.
https://www.youtube.com/watch?v=bhn-lJhAZs0

02/03/2023

ხალხნო და ჯამაათნო :) მოკლედ, მარტის განმავლობაში ჩემს დანებს ექნებათ უპრეცენდენტოდ ხელსაყრელი ფასები :) სადაც ჯერ არს განცხადებები განვათავსე და ბარემ აქაც გეტყვით, მერე რომ არ თქვათ, რად არ მოგვაწოდე ინფორმაციაო :) მაშ ასე დანების ფოტოებს დავდებ თავისი ფასებით და მცირედი კომენტარებით, თუ რომელიმე დაგაინტერესებთ მომწერეთ, რა იცით რა ხდება და ზოგიერთს კიდევ დავაკლო :)

პ.ს. სპაიდერკო "დრაგონფლაი"-ს, იგივე ჩემს "ჭრიჭინას" დააკვირდით, გამეხარდება თუ ახლობელთან დარჩება :)

20/02/2023

მეორე დანა ერთერთი მსხვილი "რეტეილერის" "სმოკი მაუნტინ"-ისათვის ექსკლუზიურად შექმნილი, კომპანია B'YOND EDC-ს და ძაან ცნობილი მედანე-დიზაინერის დირკ პინკერტონის თანამშრომლობით შექმნილი დანაა. გამოდის ბიუჯეტური (14C28N Stainless Steel ფოლადით და გი-10 ტარით) და პრემიუმ ვარიანტები (ფხვნილოვანი ფოლადით და ტიტანის ტარით). B'YOND EDC ახალგაზრდა და ამბიციური კომპანიაა ჩინეთიდან, რომელიც კარგ დანებს აწარმოებს და ცნობილ დიზაინერებთან თანამშრომლობს. თავად დირკი, რომელიც ჩრდილოეთ კოროლინადანაა, უცნობია ენათესავება თუ არა ცნობილი სააგენტოს დამაარსებელ პინკერტონებს, თუმცა 20 წელზე მეტი თავადაც უსაფრთხოების კერძო კომპანიაში მუშაობდა, თავისი კომპანიაც აქვს და ცნობილ ბრენდებთანაც თანამშრომლობს, ძალიან საინტერესო დანებსაც ქმნის. ეს ჩვენი დღევანდელი მოდელი NIGHTHORSE-ი ნავახას სტილშია (ნავახზაე ადრე მაქვს საკმაოდ დიდი პოსტი და აღარ მოვყვები), კლასიკური ნავახას ფორმები აქვს, ოღონდ, აქვს თანამედროვე ჩამკეტი მექანიზმი - ლაინერ ლოკი და თანამედროვე მასალებისგანაა დამზადებული. დანის პირი კარგი შვედური 14C28N Stainless Steel ფოლადი, ტარი G-10. მთლიანი სიგრძე 25.4 სმ, პირის სიგრძე - 11.4 სმ. აქვს ძალიან კარგი მექანიკა (ვიდეოზე რომელსაც კომენტარში ვურთავ ჩანს როგორ იხსნება და იკეცება) და ერთერთი იშვიათია იმ დიდი ზომის დანებიდან, რომელიც მომეწონა ჩემი ფავორიტი Cold Steel-ის მონსტრების შემდეგ 🙂

20/02/2023

სალამით პატივცემულნო, მართალია აქ მხოლოდ რამდენიმე ახლობელი კითხულობს, მაგრამ, საინტერესო დანების გაცნობა ამ რამდენიმე ახლობელისათვის არ მეზარება :) შემთხვევით აღმოჩენილ, ჩამოტანილ და რომ მოსალოდნელზე კარგი აღმოჩნდა, ორ ასეთ დანას წარმოგიდგენთ. პირველი ტრადიციული, ძველი სკოლის, "ბაბუური" ჯაყვა ანუ სლიპ-ჯოინტი (კი უწერიათ მოდერნ სლიპ-ჯოინტიო, მაგრამ მაგარი "ოლდსკულაა" :), ROUGH RYDER APTA. ეს ROUGH RYDER (მამაცი მხედრები)-ების რაზმი კი გეცოდინებათ, 1898 წელს, სპეციალურად აშშ-ესპანეთის ომში მონაწილეობის მისაღებად ჩამოყალიბებული, აშშ-ს კავალერიის მოხალისეთა პირველი პოლკი. როგორც ყვებიან, 20 000 მოხალისედან, საუკეთესო 2 000 მებრძოლი შეირჩაო არიზონადან, ოკლაჰომადან, ნიუ-მექსიკო და ტექსასიდანო, ანუ შტატებიდან სადაც კლიმატი მეტ-ნაკლებად მიახლოებული იყო კუბის კლიმატთან, სადაც ამათ უნდა ებრძოლათო. ამ სამხედრო ნაწილში, იყვნენ როგორც გამოცდილი რანჩოს მუშები, ინდიელები, პოლიციელები, პოლოს მოთამაშეები, კოვბოები, ასევე "სუროს ლიგის" ჯენტლმენებიც კი :) რაზმი სპეციალურად ტედი რუზველტისათვის შეიქმნა მაგრამ, მან თავმდაბლად დაუთმო მეთაურობა პოლკოვნიკ ლეონარდ ვუდს, თვითონ ვიცე-პოლკოვნიკობას დასჯერდა, რაზმს მოგვნიანებით, ხუმრობით "ვუდის ფეხით მოჩანჩალე დაღლილები" შეარქვეს, რადგანაც კავალერისტობის მიუხედავად, ქვეითად უწევდათ ბრძოლა :) მოკლედ ამ ფაქტიურად "სპეციალური დანიშნულების რაზმმა" კაი სახელიც მოიხვეჭა, ტედიც მუდამ ამაყობდა და ამ ყველაფრის საპატივსაცემოდ, ერთმა ამერიკულმა კომპანიამ დანების წარმოებაც დაიწყო, უმეტესად სწორედ რეტრო თუ საუკუნის წინანდელი სტილის დანებია, ოღონდ ამხელა საამაყო ისტორიების მიუხედავად ამ სახელოვანი მებრძოლების ეს ამერიკელი შთამომავლები, წარმოებისას აუტსორსინგს იყენებენ "სვეწკად" რომ ვთქვათ და ისე გლეხურად, ჩინეთში აწყობენ თავის დანებს. ხარისხი საშუალოზე კარგი, ფასებიც ჰუმანური სამაგიეროდ :) რამდენიმე მოდელმა ჩემი მოწონებაც დაიმსახურა, მათ შორის ამ დღეს წარმოდგენილმა აპტამაც: ფოლადი - VG10, ტარი - ლურჯი ტილოს მიკარტა, ლაინერები და ბოლსტერები ფოლადის.
მთლიანი სიგრძე 16 სმ, პირის სიგრძე - 7 სმ. დაკეცვისას თითების დაზიანებისაგან დაცვის მიზნით, როგორც ყველა ჯიგარი სლიპ-ჯოინტი, ამუხრუჭებს 90 გრადუსზე. თუ გნებავთ, რომ შვილიშვილებს შურდული გამოუთალოთ ან ვაშლი გაიფცქვნათ აი ეგეთი ჯაყვაა. ჰო ბასრია ძაან, პატარა ნაჭრის ქეისშიც დევს და სათადარიგო ჭანჭიკებთან ერთად ამ ჭანჭიკების მოსახსნელი "ტორქსიც" მოყვება :)

08/02/2023

სალამი მეგობრებო, სამ ძალიან კარგ დანაზე, მაქვს ძალიან კარგი ფასდაკლება და რომ იცოდეთ მაინც, ფაქტიურად თითქმის თავის ფასში :)

27/01/2023

ვეგასის შოთ-შოუს საინტერესო დანები KnifeCenter-ის ვერსიით

What a week that was… SHOT Show 2023 has wrapped, and we finally got a minute to stop and think about just what were the best new knives to grace the show fl...