01/10/2026
მომხმარებლის უპასუხისმგებლობაზეც მინდა დავწერო.
წელს რეგიონებში მომხმარებლებისთვის დავამატე კურიერთან თანხის გადახდის შესაძლებლობაც, რადგან მინდოდა შეკვეთა უფრო მარტივი და მოსახერხებელი ყოფილიყო.
სამწუხაროდ, უკვე არაერთხელ შევხვდი ისეთ შემთხვევას, როცა მომხმარებელი შეკვეთას აკეთებს, ნივთი მის მიერ მითითებული ზომების გათვალისწინებით მზადდება, ზოგჯერ დიზაინშიც კი შედის ცვლილება კონკრეტულად მისი მოთხოვნის მიხედვით, შემდეგ კი უბრალოდ აღარ იბარებს ნივთს.
კიდევ უფრო სამწუხაროა, როცა კურიერს არ პასუხობენ, ნომერს ბლოკავენ და ზოგჯერ ჩემს გვერდსაც კი ბლოკავენ. 😔
ვერ ვხვდები, რა დონის უპასუხისმგებლო უნდა იყო, რომ ადამიანს ელემენტარული პასუხიც კი არ გასცე. თუ გადაიფიქრე, აღარ გინდა ნივთი ან რაიმე მიზეზი გაქვს, უბრალოდ მითხარი — ეს ბევრად უფრო მარტივი და ადამიანურია.
თითოეულ ასეთ შეკვეთას თავისი დრო, შრომა და ხარჯი ახლავს. ნივთი უბრალოდ „ჰაერიდან“ არ ჩნდება — ვყიდულობთ მასალას, ვხარჯავთ დროს, ვკერავთ, ვამზადებთ შეფუთვას და ვიხდით კურიერის მომსახურებას.
პატარა ბიზნესისთვის უპასუხოდ დატოვებული ან არჩაბარებული შეკვეთა უბრალოდ „ერთი გაუქმებული შეკვეთა“ არ არის — ეს არის დახარჯული დრო, შრომა და ფინანსური ზარალი.
გთხოვთ თუ დარწმუნებული არ ხართ ნუ შეუკვეთავთ ტანსაცმელს❤️🌻
