29/03/2015
რატომ სერტიფიცირებული ორგანული?
არსებობს მრავალი მიზეზი იმისათვის, რომ ავირჩიოთ ორგანული პროდუქცია, დაწყებული პლანეტის დაცვიდან, დასრულებული თქვენი და თქვენი ოჯახის ჯანმრთელობით. არაორგანული პროდუქტები იწარმოება და მზადდება პესტიციდებისა და სხვა ქიმიური ნივთიერებების გამოყენებით. ზოგიერთი პესტიციდი გროვდება ცხიმოვან ქსოვილში (ბიოაკუმულაცია) და იწვევს ენდოკრინულ დარღვებებს. მუდმივი კონტაქტი პესტიციდების სულ მცირე დოზასთანაც კი შესაძლოა გახდეს ორგანიზმში მათი დაგროვების მიზეზი, რამაც წლების მერე შეიძლება იმუნური და ნერვული სისტემის დარღვევები გამოიწვიოს. იმის გამო, რომ ბავშვებს ჩვევად აქვთ ნივთების პირში ჩადება და თუ გავითვალისწინებთ, რომ მათი ორგანიზმი ჯერ კიდევ ვითარდება, ისინი პესტიციდებით მოწამვლის მაღალი რისკის წინაშე დგანან.
რას ნიშნავს ორგანული?
ორგანული შეიძლება უწოდო სასოფლო-სამეურნეო პროდუქტს იმის მიხედვით თუ როგორ არის ესა თუ ის პროდუქტი მოყვანილი და დამუშავებული. ორგანული მცენარეული პროდუქციის წარმოება ინარჩუნებს ნიადაგის ნაყოფიერებას შხამიანი და მდგრადი პესტიციდებისა და სასუქის გამოყენების გარეშე. ჩვენს პროდუქციაში გამოყენებული ორგანული სერტიფიცირებული მცენარეული ინგრედიენტები ყოველგვარი ხელოვნური მასალის, კონსერვანტებისა და გამოსხივების გარეშეა დამუშავებული. ეს განაპირობებს ინგრედიენტის სისუფთავეს და ხელს უწყობს თქვენი ოჯახის ჯანმრთელობის დაცვას.
სერტიფიცირებული ორგანული ინგრედიენეტების უპირატესობები:
კარგია ნიადაგისთვის
განსხვავებით არაორგანული მცენარეებისაგან, რომლებიც გამოყვანილნი არიან ქიმიური სასუქებისა და პესტიციდების გამოყენებით, ორგანული პროდუქცია მოყვანილია ეკოლოგიასა და ნიადაგმცოდნეობაზე დამყარებული თანამედროვე პროცედურების გამოყენებით. ის, ასევე, ეფუძნება სასოფლო მეურნეობის წარმოების თანამედროვე მეთოდებს, როგორიცაა თესლბრუნვა, რათა უზრუნველ იყოს ნაყოფიერება და დაცულ იქნას სარეველასა და მავნებლებისაგან.
კარგია გარემოსთვის
ველური ბუნებისა და გარემოს დაცვა ორგანული პროდუქციის მწარმოებელთა პრიორიტეტია. ისინი ემხრობიან მდგრადი განვითარების მაღალ სტანდარტებსა და მიზანს, რომ შეამცირონ დამოკიდებულება არაგანახლებად რესურსებზე, მთელი მათი სასოფლო მეურნეობისა და სამეწარმეო პრაქტიკის მანძილზე.
კარგია ხალხისთვის
როგორც კვლევებისას იქნა ნაჩვენები, ორგანული სერტიფიცირებული ინგრედიენტები შეიცავენ უფრო მეტ ვიტამინებს, საკვებ ნივთიერებებს და სიმსივნის საწინააღმდეგო ანტიოქსიდანტებს, ვიდრე არაორგანული ინგრედიენტები.
არა სინთეტიკურ ქიმიურ ნივთიერებებს ან გმო-ს
ორგანული კვების და სასოფლო მეურნეობის სტანდარტები სასტიკად კრძალავს ხელოვნული ქიმიური ნივთიერებების, პესტიციდებისა, სასუქების და რაიმე სახის გენეტიკურად მოდიფიცირებული ორგანიზმების გამოყენებას.
იცოდით?
აი, რამდენიმე ფაქტი, რასაც პირადი ჰიგიენის ჩვეულებრივი მწარმოებელი სავარაუდოდ არ გეტყვით:
• პირადი ჰიგიენის მთლიანი პროდუქციის 1/3 შეიცავს ერთ ან მეტ კომპონენტს, რომელიც კლასიფიცირებულია როგორც ადამიანისთვის შესაძლო კარცეროგენი.
• ზრდასრული ადამიანი, საშუალოდ ყოველდღიურად იყენებს პირადი ჰიგიენის 9 პროდუქტს, და ამით 126 ქიმიური ნივთიერების ზემოქმედებას განიცდის ყოველ დღე.
• პირადი ჰიგიენის პროდუქტებში გამოყენებული 10 500 ინგრედიენტიდან 89 % არ არის შეფასებული უსაფრთხოებაზე.
• ბოლო 30 წლის მანძილზე, პირადი ჰიგიენის პროდუქტებში გამოყენებული 10 500 ინგრედიენტიდან აიკრძალა ან შეიზღუდა მხოლოდ 9.
