百有BakYau-果欄, Hong Kong (2026)

11/07/2022

【水果冷知識你又知幾多？】
今個星期繼續同你分享水果冷知識💡原來有啲生果食完會產生酒精，估唔估到係咩呢？即刻開估話你知👇

荔枝食完變醉駕？
唔講你唔知原來荔枝係會容易產生酒精🍺，揸車人士🚗要注意啦！食完最好就漱口先再揸車咁就唔會造成不必要🙅‍♂️嘅麻煩啦！
其實仲有好多水果都會容易產生酒精，例如楊梅、榴槤等等，就算唔係揸車人士都可以長知識😉。

楊梅有蟲食唔食得架？
楊梅果肉嘅白色蟲其實係果蠅幼蟲🐛，就算食落肚都唔會對人體造成傷害，所以大家可以放心食，不過真係擔心可以將楊梅浸鹽水，將幼蟲逼出嚟洗乾淨💦先食。

柑橘類嘅水果食多佐皮膚會變黃？
由於柑橘類嘅水果胡蘿蔔素含量比較高，食太多身體嚟唔切代謝先會令皮膚變黃🌝，只要過一排就會變返原來咁架啦，所以只要適量地進食就唔怕變黃啦🙆‍♂️

05/07/2022

【🐞東甲王丨D198丨金鳳】
#百有果欄 #百有榴堂

金鳳呢個名咁熟嘅？🎵是米也是榴和槤～
今日小編要講嘅就梗係榴槤啦！
金鳳嘅口感比較黏，果肉顏色較淡，接近牛奶色
雖然果實較細，但甘味較重同濃郁，深受資深榴槤迷愛好❣️
佢嘅原產地係柔佛州金山腳嘅「東甲」，所以亦被稱為「東甲王」👑
——————————————————————
想知道更多嘅水果資訊，即刻Like我地個Page👍🏻
#果王 #榴槤 #水果團購 #空運直送

06/05/2022

【💪🏻增強免疫力丨識食要咁食！】

相信大家都聽過免疫力低好易病預防免疫力下降㗎！所以預防免疫力下降好重要，以下8種重要物質記住要補充！

蛋白質：
蛋白質係人體免疫功能嘅基礎物質，如果攝取不足會影響組織修復，會令到免疫力下降。所以要防止免疫力下降，就要每日補充適量嘅蛋白質，可以食魚蝦肉蛋等嘅食物嚟補充。

鋅：
鋅係幫助身體製造免疫細胞，如果缺少鋅就會降低我哋抵抗病菌嘅保護力，建議可以食一啲貝殼類海產品、紅色肉類或者動物內臟嚟補充鋅元素

維他命B2：
當缺乏維他命B2，身體某些地方會發炎，例如眼角、嘴角或嘴唇發炎，都係免疫力下降嘅症狀，建議可以從動物肝臟、蛋黃、或綠色蔬菜與豆類中攝取補充維他命B2。

維他命A：
原來維他命A對免疫系統係有好重要嘅作用，一旦缺乏身體會容易受細菌侵入，增加患上呼吸道、腸道感染疾病的風險。想補充維他命A，可以多攝取動物肝臟或深綠色或者紅黃色嘅蔬菜水果。

07/03/2022

【水果冷知識你又知幾多？】
水果冷知識分享💡 接住落嚟幾個星期同你逐一分解！大家都知水果營養豐富又有益，但你對佢哋嘅了解有幾多呢？想知就要繼續睇埋落去啦👇

🥑牛油果可以減肥？
成日聽人講食牛油果減肥，但原來佢嘅脂肪含量仲比豬肉高，有成15%，熱量每100g有161卡路里，所以減肥嘅你哋要注意啦

🍌香蕉放雪櫃會好快壞？
香蕉喺4℃低溫下表皮會加快變黑，唔係壞咗都可以照食，不過口感就差啲，大家下次可以試下㗎

🍅食蕃茄可以美白？
蕃茄含有維他命C但唔代表食佢就可以美白，其實維他命C含量唔算高100g有19mg，所以都係乖乖地擦防曬預防啦

03/03/2022

【👏🏻金盤洗手丨榴槤消臭法寶🎩】
#百有果欄 #百有榴堂
食完榴槤成隻手臭到唔想掂自己？周圍嘅人都嫌棄你？🤢
信小編❗️唔怕✌🏻解鈴還須繫鈴人～榴槤殻幫到你！

榴槤殻真係不得了，除左之前教嘅湯水，個殻仲可以用黎洗手添呀！
榴槤殻的內壁（白色部份）有一層酵素，可以令果肉不痴殻
而用沖過榴槤殻的水洗手，就可帶走痴手嘅果肉同味道架啦～

嫌麻煩⁉️可以切出榴槤殻的一角（白色部份），泡水後沖手漱口
下次偷食完榴槤記得要「金盤洗手」啦！
——————————————————————
想知道更多嘅水果資訊，即刻Like我地個Page👍🏻
#果王 #榴槤 #水果團購 #空運直送 #冷知識

14/02/2022

天氣咁凍🥶，真係好唔想起身返工㗎，每日都要同意志力作戰💪，日日都係咁真係唔係辦法，不如試下以下7個醒腦🧠小貼士啦

🧠 起身之後即刻沖涼🚿
起身之後沖涼會精神好啲，因為透過水溫加強血液循環，所以特別精神

🧠 瞓之前記低第二日要做嘅事放喺床邊
瞓之前記低第二日要做嘅事可以放鬆瞓覺，睡眠質素好啲，朝早就唔會咁緊張手忙腳亂啦。

🧠 臨瞓之前打開窗簾
夜晚體內會分泌出褪黑激素維持晝夜規律，當身體接觸到陽光之後，褪黑激素濃度就會降低，咁你就會慢慢醒，所以臨瞓前打開窗簾，就似太陽叫你起身咁

🧠 起身之後用濕毛巾抺面
濕毛巾抺面，微涼嘅感覺會瞬間激活大腦，所以可以令你即刻醒神！

🧠 唔好養成每日瞓多五分鐘嘅習慣
訓練自己一聽到鬧鐘就可以即刻起身，久而久之身體就會養成反射動作，完全唔駛靠意志力都起到身。

🧠 起身先飲一杯水🚰
根據一項研究發現，朝早起身飲杯水，可以幫助激活一日嘅新陳代謝，幫你保持清醒，記得朝早飲杯水啦。

🧠 瞓醒伸展一下身體
輕輕伸展，就好似伸懶腰咁，簡單嘅小動作可以刺激腦部，喚醒你嘅身體即刻起身。

11/02/2022

【飯前果？飯後果？🤔】

成日聽人講飯後果，原來幾時食都好有學問㗎👨‍🏫，咩時候🕐食水果意義都會有大不同，等我哋話俾大家知啦👇

🍽️餐前食水果
如果你想減肥唔想食過多卡路里就要飯前食含有豐富膳食纖維同埋水份嘅水果，因為呢啲水果可以增加飽足感，避免食得太多而攝取過多卡路里。仲有要避開太甜或者太酸嘅水果，可以揀火龍果、麒麟果、蘋果🍎等。

🍽️餐後食水果
食飽飯太滯可以食水果幫助脂溶性維他命消化，含有維他命C嘅水果可以幫助微量元素同埋維他命A、D、E嘅吸收，而含有維他命C嘅水果有藍莓、熱情果、橙🍊等。

💡最後，希望減肥嘅你，一日水果嘅總量建議控制喺2-3份。1份水果大約係1個拳頭✊嘅大細。

10/02/2022

【🌱榴槤殼素湯丨殼都食埋咁誇張⁉️】
#百有果欄 #百有榴堂
上次同大家介紹過榴槤核養生湯，核都唔哂，殼都唔差在啦❗️
今次小編照顧埋素食嘅朋友，用榴槤殼煲番個食療良湯🍲

材料：榴槤殼1個、香菇10枚、花生30g、海鹽適量

步驟👇🏻
⓵ 將榴槤剝開，將尖的外皮去掉，留起殼的白色部分，洗乾淨切塊
⓶ 將香菇泡發，洗凈切去硬蒂
⓷ 燉鍋放入榴槤殼，花生，香菇，加入適量清水
⓸ 隔水清燉約4個小時，起鍋前加入少許海鹽
（口味較重的人可加入少許腰果一同煲燉）

功效👍🏻 滋陽補腎（適合口乾、熬夜多，四肢腰痠痛人士）

榴槤果殼和骨頭煲湯，一直都係民間傳統的食療藥方✨
治療各種體寒病症，各位都不妨 try try佢～
——————————————————————
想知道更多嘅水果資訊，即刻Like我地個Page👍🏻
#果王 #榴槤 #水果團購 #空運直送 #冷知識

09/02/2022

【🍲榴槤核養生湯丨核爆都唔哂♻️】
#百有果欄 #百有榴堂
果王真係果王，果肉營養價值高，連粒核都勁個人～
榴槤核含豐富的蛋白質，更加有藥用價值架❗️
相對榴槤果肉，榴槤核質較溫和，更加可以健脾補腎

⓵ 桂圓榴槤核瘦肉湯
材料：桂圓、榴槤核、瘦肉、水

⓶ 冬瓜榴槤核雞骨湯
材料：雞骨頭、榴槤核、冬瓜、水（可加入粉絲、麵筋及莞茜）

嫌煲湯麻煩嘅朋友，可以試下將榴槤核炒熟或者烚熟，好似栗子咁～
核的質感同其他堅果類似，煮熟之後會有啲粉粉地

💡小貼士：小編建議食榴槤果肉前將核剝出黎，咁就可以衛生啲啦～
——————————————————————
想知道更多嘅水果資訊，即刻Like我地個Page👍🏻
#果王 #榴槤 #水果團購 #空運直送 #冷知識

08/02/2022

【冬天4款養顏滋潤木瓜湯水🥣】

木瓜比蘋果含維他命C超出40倍仲要多，木瓜唔只可以提高⬆️免疫力，仲可以分解人體內的脂肪，一舉兩得，而且好適合秋冬天氣❄️食用。
想知今次推介邊4款木瓜湯水食譜，就要繼續睇落去啦👇

🥣木瓜雪耳排骨湯
做法：
1️⃣木瓜去籽，切件去皮備用
2️⃣浸泡杞子、蜜棗、花生、雪耳
3️⃣排骨汆水
4️⃣放入所有材料，水滾後煲約2小時，最後放入鹽巴調味即可

🥣木瓜雪耳海底椰湯
做法：
1️⃣木瓜、紅蘿蔔、粟米切件，雪耳浸水備用
2️⃣豬骨汆水備用
3️⃣把所有材料放入煲中，水滾後煲約1.5-2小時冬天湯水

🥣青木瓜花生魚尾湯
1️⃣將青木瓜去皮
2️⃣用匙羹去籽，切件備用
3️⃣浸泡花生備用
4️⃣把魚尾略為煎熟，大約3分鐘
5️⃣將所有材料放下，煲大約1.5小時，最後下少許鹽即可

🥣雪耳木瓜羅漢果湯
1️⃣羅漢果、南杏浸洗乾淨。雪耳浸軟。
2️⃣木瓜去核，切成小塊備用。
3️⃣瘦肉汆水，撈起備用。
4️⃣所有材料加水煲2小時。最後加入少量鹽調味。

湯水照片來源：ulifestyle

百有BakYau-果欄

11/07/2022

05/07/2022

06/05/2022

07/03/2022

03/03/2022

14/02/2022

11/02/2022

10/02/2022

09/02/2022

08/02/2022

Address

Telephone

Website

Alerts

Shortcuts

Share

Category

Listing takedown request