14/09/2026
香港3COINS 新界東首店
即將進駐大圍圍方
代理3COINS、Loft等品牌的
谷日百貨(YAICHI)創辦人
接受香港01專訪
羅盛昌指出
香港市場上的日本產品價格
普遍是日本本土的1.7倍以上
「呢個就係香港零售界賣日本貨嘅『行規』
但而家香港消費者去日本
好似返鄉下咁方便
佢哋見到同一個產品有咁大差價
會覺得自己蝕底！」
正因如此，YAICHI首創「與日同價」模式
直接打破這條不成文規定
即消費者不用付額外的海外進口溢價
能以接近日本當地的定價
在香港買到日系商品
例如在3COINS，330日圓的商品
會員購買只需17元
而要做到與日同價
另一關鍵是收費會員制度
「香港好多公司要畀好多推廣出嚟
消費者先至成為會員
但我哋呢個係逆向思維
消費者唔介意畀會員費
佢哋一旦鍾意你個品牌
復購率會不斷提高。」
羅盛昌透露，3COINS的會員計劃
自2026年2月推出以來
已有逾5萬名會員，年費會員99元，
即會員費收入近500萬元
平均每個會員至少「幫襯」兩次
「佢覺得唔買反而會蝕底
本來會考慮其他品牌，但因為係會員
有價格優惠，就會重複幫襯。」
這個模式同時解決了推廣成本高昂的問題
「通常啲公司廣告費開支好大
但我哋可以喺自己嘅『內循環』去做推廣」
市場競爭激烈，羅盛昌坦言
不擔心對手抄襲
「如果我哋只係單一品牌，驚人抄襲
咁唔係一個好嘅生意模式
依賴性太強嘅生意，守唔到落去。」
羅盛昌表示，未來將優化會員制度
提供涵蓋單一及跨品牌的彈性選擇
這種「捆綁式」策略能有效整合品牌資源
對有意進軍香港的日本品牌而言
極具吸引力
「單一品牌出海，無論成本、物流、
推廣各方面都好高
但我哋一個生態圈模式
例如一個商場有幾個我哋嘅品牌
同業主傾嘅議價空間已經好大
每個品牌又自帶人流
呢個凝聚力好重要。」
羅盛昌稱，日本品牌普遍希望
嘗試這種新模式
而谷日百貨正扮演著
品牌與消費者之間的橋樑
谷日百貨的野心，不止於此
旨在建立一個「衣食住行」的生態圈
繼引入3COINS後
也引入了日本生活雜貨專門店LOFT
未來也會陸續引入更多的品牌
包括日式居酒屋等
他預告，本月將會率先引入
一間日本知名藥妝品牌來港
(即大國藥妝)
他透露，不少品牌在合作初期
甚至未簽約已開始營運
全憑實際成績換取對方信任
「有啲品牌我哋連一張合約都冇簽過
就已經開始合作，至今關係都好好。」
羅盛昌說，合作約七、八個月後
日本品牌看到業績不俗，會主動調低價格
但在其他市場，若表現出色
對方可能要求提高費用。
這種差異，正正反映他與日本夥伴
建立的互信基礎
對於獨家代理權，羅盛昌看得豁達
「日本人好謹慎，你一攞獨家
冇幾年都傾唔掂
我哋彈性大啲，唔一定要獨家
做得唔好，獨家都冇意思
反而你做到成績，佢自然當你係獨家。」
3COINS首間台灣分店於9月12日開幕
東南亞及歐美市場亦在洽談中
羅盛昌的願景，不止香港
「我哋唔係淨係香港做到與日同價
而係想將日本產品帶去全世界」
不過，其他地區會與不同的夥伴合作經營
暫時只有香港是親自經營
(營運3COINS 台灣為富昱谷日，現為台灣大哥大旗下全資子公司）
至於上市計劃，羅盛昌坦言是目標
但不為上市而上市
「一間好嘅公司，市況唔旺都可以上
一間唔好嘅公司，市況幾旺都上唔到
最重要係自己準備好
香港IPO市場今年好旺
但我哋唔會跟市況走，係睇自己。」
