夕拾x閒社 Mellow Out

19/09/2026

【活動】 時隔九個月，終於招新生喇 💯

手語係聾人溝通方法之一～健聽人如果對聾人嘅語言系統有興趣，亦可以學習簡單手語，同時認識聾人社群生活文化。閒社今年繼續同腦舍導師們推廣手語普及，打破「聾人才需要學手語」的迷思‼️

手語亦可訓練手腦協調，挑戰自己 💪🏻

香港手語初級一
日期：
九月23, 30
十月7, 14, 21, 28（三）
時間：19:30-21：30
地點：觀塘
費用: $1480 共6堂
*patreon付費會員減$50
對象：從未學過手語的人
導師：聾人導師@腦舍
主題：認識聾人和香港手語，以手語作自我介紹
名額：6人
形式：實體課堂，網上筆記及紙本筆記作輔助；如未能出席部分課堂者，可獲補發課堂錄影，學員在家中自習💻

主要學習內容
1️⃣香港手語基本句法 （英文字母、數字、自我介紹、日常生活常用句等）
2️⃣基本非手控特徵語法
3️⃣認識香港聾人的生活和文化
4️⃣著重訓練基本會話及手語的表達和理解基礎

報名請填妥閒社活動報名表（連結在留言）

#香港手語

09/09/2026

近年每到大時大節前後，僅存的「黃店」都會成為政府部門關注對象；位於太子的基隆茶餐廳昨日在網上發文，指昨日有食環署人員到場「放蛇」，還一度要報警協助處理，「係咪要餓死我哋啲蟻民你哋先至安樂？」

據悉昨日下午三時許，有食環署職員到基隆茶餐廳「放蛇」，買了兩個低糖單黃白蓮蓉月餅，指月餅食物標籤有部分無英文不符合法例所以要票控，茶餐廳負責人 Cat 姐一度因不滿對方程序不當，拒絕出示身份證和簽署「證物」，食環署人員報警，多名軍裝警到場，警告店方若不配合可能犯法，店方最終配合食環署的執法行動。

《集誌社》引述食環署回覆查詢，稱是按風險為本原則巡查食物業處所。另外據了解，另一黃店膳心辨館昨日亦被食環署上門巡查。

翻查資料，近年黃店在大時大節，屢屢成為針對對象。其中基隆茶餐廳去年中秋曾有食環上門，聲稱收到投訴他們無牌製造月餅，但當時月餅根本未送到；而由前區議員朱江瑋創立的如一，去年亦被食環「放蛇」，指控他們的月餅食品標籤上的經銷商地址不正確，相關案件仍在進行中；到今年一月中農曆新年前，食環署人員再到如一巡查，聲稱收到投訴，有人食了如一的賀年糕點後肚痛，但當時如一仍在售賣糕券未有現貨；而同樣由朱江瑋創立、支援在囚人士組織「候鳥」推出的「候鳥月餅」，兩年前亦因為受多方壓力宣布停售。

圖片來源：基隆茶餐廳 fb 及讀者提供

04/09/2026

響應《聯合國。國際手語日》活動系列
#看我今天怎麼說
特別放映場

🗓️日期：2026年9月20日(星期日)
⏰時間：下午3:00開始
🎬地點：啟德 Airside 戲院
票價每位$95。購票連結：
https://forms.gle/CCmoz965JA5uMrgj8

導演 #黃修平
主演 #游學修 #鍾雪瑩 #吳祉昊
榮獲台灣 #金馬獎 最佳女主角
及 #香港電影金像獎 七項提名
並參與世界各地超過20項電影節及影展

主題曲影片《 What If 》主唱 #陳蕾 https://youtu.be/XHpqEDN2tyM?si=K7M1aCIDOgqb6J51

電影預告片 #天下一 出品
https://youtu.be/IKi4eLAbUrI?si=imwnVuR8zxd2RYBi

主辦： #立睇手語 x #留映社
協辦： #電影文化中心
支持機構及友好：
～ #香港手語翻譯協會 AHKSLI
～ #社區文化關注 CCC
～ #社區文化發展中心 CCCD
～ #電影文化中心 FCCHK
～ #活髮社 Hair Rejuvenation
～ #香港聾人基督教會 HKDPCC
～ #香港手語聖經翻譯協會 HKSLBTA
～ #港故仔 KongStories
～ #語橋社資 SLCO
～ #中央講堂 TheUnionHK
～繪本《 #沉默的温度》作者 #貝一
～電影《看我今天怎麼說 The Way We Talk》
導演 黃修平 及 男主角 吳祉昊

#手語日
#國際手語日
#聯合國國際手語日

18/08/2026

👍🏻👍🏻👍🏻

【文具佬最新近況Update｜一次過同大家講🫶🏻】

好耐冇同大家千字文Update近況，今日7嫂一次過同大家分享

1）先講重點：

今年經營環境比預期更具挑戰，市道繼續差，加上行業競爭加劇，但我哋目標冇變——
穩住盤生意，唔縮細規模。
呢個仍然係2026年最重要方向。

2）目前最大壓力主要來自早前馬鞍山項目影響，令公司喺融資同整體規劃上需要更審慎前行。不過我哋會一步一步調整，希望下半年逐步改善。

3）荔枝角舊舖已結業，但我哋冇離開荔枝角。
相反，我哋已經喺同區重新搵咗新舖：

📍麗新商業中心 G14｜已開業
📍長沙灣廣場｜裝修中，預計9月頭開業

特別感謝團隊同新業主配合，由知道需要搬遷到完成開舖，只用咗14日就完成同區重開，真係非常不容易。🙏🏻

4）上環分店成功留低。

原本8月初租約期滿準備離場，最後一刻同業主達成共識（即係成功減到啲租），續約3個月，目前正常營業中。希望之後可以再延續落去。

5）有媒體幫我哋數咗今年已經執咗八間分店，今年確實有較多分店因租約或成本問題需要調整，比我哋預期嘅多。
下一間即將結業嘅係大角咀港灣豪庭。

大角咀結業原因好直接：地方太大，人流唔夠，租金太貴，附近居民唔知道我哋收埋咗喺冒險樂園後面。

暫定營業至九月中，結業清貨8月19日開始
全場買滿$100即享七折

6）整體而言，我哋結業主要分兩類：

一類係Pop-up商場舖，租期完結自然離場；
另一類係正式租約期滿後，因租金未能達成合理共識而調整。

我哋希望租金能夠維持喺合理水平，將之前幾年簽落嘅貴租舖頭淘汰。
做生意唔係鬥捱貴租，而係要確保長遠可以健康營運。
又俾大家估吓，你哋覺得依家呢個市道，個別小業主定係大發展商容易傾啲？

7）文具佬同執笠倉正進行資源整合，由倉、物流到門市營運逐步優化，希望提升效率同穩定性，令到我哋更有條件喺逆市下面企穩陣腳。

8）🎉沙田廣場文具Lab已順利開業，多謝沙田街坊一如既往嘅熱烈支持。
我哋亦已確定另外兩間新分店地點，下半年我哋會繼續搵合適舖位，重點係「可長做、可健康經營」。

9）所以大家之後可能會見到：有舖結業、有舖搬遷、有新舖開張。但核心方向係一致：
唔係縮細，而係調整到更適合長遠發展嘅位置。

10）講完舖頭，再講吓我哋最直接感受到嘅消費變化。

而家全香港零售都面對緊一個幾明顯嘅情況：一到長假期，啲人好似突然消失晒咁。😂

大家寧願留返個Budget去旅行，平時唔急住用嘅嘢，就習慣咗上網慢慢買。

以前暑假一直都係文具舖傳統旺季，但今年我哋企喺舖頭，真係聽過好多次：
「媽咪上網幫你買啦。」
「下個禮拜去日本，到時先買筆袋。」
「唔好買住啦，日本買仲平……」

呢啲全部都係我哋前線真真正正聽到嘅說話。
所以消費唔係完全消失咗，而係大家更加識格價、更加有選擇，亦更加清楚自己啲錢想使喺邊。

11）面對消費降級同消費習慣改變，我哋都一定要跟住變。

我哋而家嘅策略係：款多量少、以快打慢。
唔再每一款貨入好多，而係不斷搜羅新款、加快轉款，等大家每次入到文具佬，都有機會見到一啲新嘢。

價錢方面，我哋亦會盡量做到貼近日本當地售價，希望大家唔使下下諗住「留返去日本先買」，喺香港見到鍾意嘅，都可以冇咁大壓力買得開心。

另一個方向，就係做一啲唔係周圍都有、甚至只有我哋先有嘅產品。
所以我哋會繼續自己創作，亦會搵唔同合作夥伴一齊開發產品。

例如之前連續兩年大賣嘅「知識就是力量」，大家買得好開心嘅粗口地鐵站明信片，又或者同Dustykid合作嘅心靈治癒系產品，都係我哋想繼續發展嘅方向。
既然單靠「賣同人哋一樣嘅貨」愈來愈難做，咁我哋就更加要諗：
有咩產品係值得大家專登嚟文具佬搵？
呢個亦會係我哋下半年好重要嘅方向。

12）文具佬團隊係：有錯就改，有問題就解決，有唔適合就調整，有機會就把握。
希望到年尾再Update時，可以同大家講——
我哋已經行得更穩。🫶🏻
多謝每一位支持文具佬、執笠倉同文具Lab嘅朋友。
你哋每一句「加油」，我哋都收到。

下半年，繼續努力。
新舖，會逐間同大家公布。💙

咁長嘅千字文你都睇到嚟呢度，證明你真係好愛我哋，多謝🫰🏻。

7嫂

29/07/2026

20/07/2026

20/07/2026

17/07/2026