MIDWAY shop

MIDWAY shop MIDWAY shop引進旅途中遇到的美好事物，精心挑選質感生活設計品，期望讓大家打開五感，細味平常日子裡的微小快樂。 MIDWAY shop is the place where they share what they truly love, and where new encounters begin.

「人生航程途中，記得要盡情欣賞窗外的風景。」

以MIDWAY作為媒體的身份，自2015年起於香港及台灣多個雜誌和網上平台，刊登有關旅行與設計生活的文章，而MIDWAY shop就是文字的延伸。選物的靈感源自於撰寫過的設計品牌、職人或創作團隊，當中包括了不同範疇的生活道具。透過這種方式，將故事從文字變成實體，讓購物成為一種文化體驗。 MIDWAY將人、物、地的相遇記錄、分享，而店舖就是故事與人們的重遇點。

MIDWAY同時擁有「PRESS THE BUTTON coffee stand」，專賣日本烘焙咖啡及茶葉，另有「紙上・SHIJO GALLERY」不定期舉辦活動及展覽，分享屬於MIDWAY的美學。

“In our life journey, enjoy the scenery through the porthole.”

MIDWAY shop is a select shop selling lifestyle design products mainly from Japan. The shop owners, Pan and Rita, are travel enthusiasts eager to share the stories encountered, and the beautiful crafts they met on the journey. From tableware to fragrance, accessories to coffee and tea, MIDWAY shop offers a wide selection of products balancing traditional craftsmanship and modern design thinking. They believe crafts and designs should be close to our daily life, and can accompany us through our lifelong journey. MIDWAY also owns a coffee stand, PRESS THE BUTTON, which sells coffee and tea produced in Japan, as well as SHIJO GALLERY where art events take place.

呢排門市都幾多人嚟揀入伙或者結婚禮物送畀朋友，但大家都好似好苦惱，好怕送禮物嗰陣送咗啲得個樣、實用度低又冇靈魂嘅物件。作為選物店嘅我哋，作用就好似過濾網咁，幫大家收窄一吓範圍，等大家容易揀到有故事、有設計、有手工又實用嘅好嘢。我知，大家可能...
07/09/2026

呢排門市都幾多人嚟揀入伙或者結婚禮物送畀朋友，但大家都好似好苦惱，好怕送禮物嗰陣送咗啲得個樣、實用度低又冇靈魂嘅物件。作為選物店嘅我哋，作用就好似過濾網咁，幫大家收窄一吓範圍，等大家容易揀到有故事、有設計、有手工又實用嘅好嘢。

我知，大家可能覺得送杯好似好普通，甚至心諗「唔好再送杯啦」，但你聽埋呢套杯嘅故事先。日本福井 SEKISAKA 旗下選物店 ataW 嘅呢套 FAMILYWARE 玻璃對杯，驟眼睇，兩隻杯嘅形狀各有不同，好似各自獨立，但當你將佢哋放埋一齊，杯身流暢嘅輪廓弧線會完美咁貼合埋一齊，就好似兩個人喺日常生活入面互相扶持、互補不足嘅溫柔咁樣。

呢個巧妙嘅線條，嚟自日本東京下町玻璃工匠用咗「型吹」工藝，逐隻杯手工吹製。杯壁薄厚拿捏得好精準，既冇極薄玻璃嗰種令人提心吊膽嘅脆弱，亦唔會顯得笨重。當你拎喺手，微微彎曲嘅弧度啱啱好 fit 晒手型，順手又有安全感。容量無論係平時倒一杯咖啡，晚酌自己調一杯特飲，定係夏天冰鎮好隻杯倒入嘅啤酒，入口嘅觸感都非常好。

呢套對杯作為新婚或者入伙送畀朋友、親人，甚至買返屋企同另一半一齊用，都係一份好好嘅祝福。

Photo credit : SEKISAKA & MIDWAY

[⚡️限時預購：即時至9月9日] 店主自己成日着嘅一二「植物染戶外山袴褲」（🌚啲旅行相成日都係着住呢條褲😂我真係好鍾意），今次嚟到 2026 年又再開新一輪預訂。今次除咗以前好受歡迎嘅「炭」同「栗」色之外，仲特別加入咗四種全新顏色，一共六種...
02/09/2026

[⚡️限時預購：即時至9月9日]
店主自己成日着嘅一二「植物染戶外山袴褲」（🌚啲旅行相成日都係着住呢條褲😂我真係好鍾意），今次嚟到 2026 年又再開新一輪預訂。今次除咗以前好受歡迎嘅「炭」同「栗」色之外，仲特別加入咗四種全新顏色，一共六種好容易襯嘅色調。

一二嘅設計靈感，嚟自昭和時代初期好流行嘅束腳工作服「もんぺ」。佢哋重構咗呢個古老智慧嘅剪裁，創作出呢條完全無分性別同體型嘅常備褲。植物染版本質地採用咗混合洋蔥纖維同天然染料嘅尼龍布料，然係機能布料，但因為經過植物染處理，摸上去神奇地有一種接近棉質嘅觸感。布料本身自帶抗菌防臭功能，而且仲有相當唔錯嘅撥水性，遇到突如其來嘅微雨或者喺潮濕嘅山林入面，都可以好快乾透，所以店主每次出門都會戴嘅一條褲。

貼心細節位係腰部設計嘅橡筋繩，組合成極有彈性嘅褲頭，隨時可以跟住當日嘅穿搭風格或者身型自由調校高低。更方便嘅係，成條褲完全冇分前後，就算露營嗰陣喺狹窄嘅帳篷或者睡袋入面換衫，唔使分前後一穿就行得。

🖤 店主小 tips：個橡筋褲頭，冬天最正係可以着件 heattech 打底，然後靠個褲頭包住，暖住個肚；夏天着嘅時候，我會向下反一半落嚟，攝住件 tee

即日起正式開放門市及網店預購，首批預計九月中至下旬到貨。

記得 2019 年嗰陣，我哋喺 MIDWAY shop 引入過設計團隊 O y 嘅作品，當時主要係飾物類嘅選物，佢哋對物件型態同物料嘅幽默感，令客人們留低咗深刻嘅印象。嗰次售罄之後，我哋對佢哋嘅設計一直念念不忘。估唔到嚟到 2026 年，透...
31/08/2026

記得 2019 年嗰陣，我哋喺 MIDWAY shop 引入過設計團隊 O y 嘅作品，當時主要係飾物類嘅選物，佢哋對物件型態同物料嘅幽默感，令客人們留低咗深刻嘅印象。嗰次售罄之後，我哋對佢哋嘅設計一直念念不忘。估唔到嚟到 2026 年，透過福井越前漆器老字號 SEKISAKA，再次同 O y 相遇。

由大植あきこ與吉行良平創立嘅 O y，背景非常特別。大植あきこ喺荷蘭畢業後喺大阪創立珠寶品牌 Oue（品牌嘅 O 字代表佢），而吉行良平Ryohei Yoshiyuki （品牌嘅 y 字代表佢）則參與過荷蘭設計品牌 droog design 及 Arnout Visser 嘅項目。佢哋對身邊日常物料同工具有極之敏銳嘅觀察力，透過連結在地嘅創作社群同埋職人嘅手藝，為生活器物帶嚟清新而生動嘅景象。

SEKISAKA 同 O y 嘅吉行良平合作嘅 STAND 多用途收納座，可以睇到 O y 一貫令人驚喜嘅有趣構思。收納座由內外兩個組件而成，外盒用咗斜角大開口，順手放落比較大嘅用品，拎嘢嗰陣極之順暢唔會頂住手。內盒則專為細長物件而設，當你將內盒放落外盒裏面，就即刻變成有趣分隔屏障。無論係枱頭上嘅文具、浴室嘅牙刷護膚品、梳化邊嘅眼鏡或者遙控（☺️店主用嚟放 Switch 嘅 joy-con 同配件👾），定係廚房嘅餐具，高度同尺寸各異嘅濕星嘢都可以分門別類咁放好。收納座表面用咗傳統乾漆塗裝手法，有好似「梨皮」微細紋理。摸上去有啲啞光嘅手感，唔易留手指印。外盒同內盒放埋一齊用，定分開兩件咁用都好睇。

Photo credit : SEKISAKA

「飲茶」喺一個日常生活中好有趣嘅文化，細個嘅時候，我哋會跟隨長輩去茶樓飲茶傾偈。有正經事要傾，亦都會約人坐低飲杯茶。當然，招呼人客，一杯茶更加不可或缺。飲茶嘅背後可能係代表住有更多嘅分享，由陌生人、友好，以至家人，分享茶湯嘅時刻雖然溫靜無聲...
24/08/2026

「飲茶」喺一個日常生活中好有趣嘅文化，細個嘅時候，我哋會跟隨長輩去茶樓飲茶傾偈。有正經事要傾，亦都會約人坐低飲杯茶。當然，招呼人客，一杯茶更加不可或缺。

飲茶嘅背後可能係代表住有更多嘅分享，由陌生人、友好，以至家人，分享茶湯嘅時刻雖然溫靜無聲，但又親密而深刻。唔同嘅風味喺茶湯中相交融，餘香濃郁，回甘悠長。大家又曾經有好好回憶一下嗰道美滿嘅茶湯風景嗎？

「CHAWAWA」呢個品牌名稱源自於俗語「柴娃娃」，意在透過現代共享品茶體驗，慶祝朋友、家人、情侶，甚至陌生人之間建立嘅深刻情誼。品牌由一對喺香港本地茶葉零售世家成長嘅兄弟創立，從土壤到沖泡，每個細節佢哋都深入了解。深思喺現代生活方式嘅影響下，方便而講究嘅複方茶飲，將會帶嚟一種全新體驗。

由傳統到革新嘅演變，一直喺 MIDWAY shop 着眼嘅地方，介紹過好多海外品牌之後，呢一次返到我哋自己生活嘅地方，去欣賞一下擁有深厚熱情嘅創業品牌。

「CHAWAWA」今次帶嚟總共 5 個系列、31 款嚟自世界各地嘅複方茶飲茶包，遊走一遍茶香旅程。

，

[限時優惠・倒數最後 9 日]心裏面係咪總有幾件睇中咗好耐嘅選物，一直擺喺購物車，諗住等一個合適嘅時機先落單？知道大家平日返工忙、未必有時間成日過嚟深水埗門市摸吓實物。如果想為屋企添加一啲生活質感，或者送份體貼嘅禮物畀朋友，趁呢幾日喺網店睇...
22/08/2026

[限時優惠・倒數最後 9 日]
心裏面係咪總有幾件睇中咗好耐嘅選物，一直擺喺購物車，諗住等一個合適嘅時機先落單？

知道大家平日返工忙、未必有時間成日過嚟深水埗門市摸吓實物。如果想為屋企添加一啲生活質感，或者送份體貼嘅禮物畀朋友，趁呢幾日喺網店睇吓，可能就係最合適嘅時機。

由即日起至 8 月 31 日，MIDWAY shop 網店只要購物滿 HK$200，即享香港本地免運費。

趁住今晚有個空檔，隨心上去睇睇啦～

上一次引入咗第一批PART COFFEE ROASTER嘅咖啡豆之後，大家似乎都好熱愛，係過後一段時間入面，經常都會問幾時會再有。係出售佢地咖啡豆嘅俾件入面，佢地好注重新鮮度以及適飲期。所以往往咖啡豆嘅數量唔會好多，賣完亦都唔會經常再有，今...
20/08/2026

上一次引入咗第一批PART COFFEE ROASTER嘅咖啡豆之後，大家似乎都好熱愛，係過後一段時間入面，經常都會問幾時會再有。係出售佢地咖啡豆嘅俾件入面，佢地好注重新鮮度以及適飲期。所以往往咖啡豆嘅數量唔會好多，賣完亦都唔會經常再有，今次新貨已經上架咗一段時間，大家要好好把握。

PART COFFEE ROASTER
來自日本靜岡的 PART COFFEE ROASTER，店名背後藏着一個溫柔的願景。「PART」寓意「（整體中的）一部分」或「不可或缺的要素」。他們衷心希望「PART」能融入街道、化作景色、成為生活的一部分，並始終如一地守候在那片土地上。

無論是灑落的陽光、穿堂而過的清風，還是流動的音符與靜靜飄散的香氣。PART 的目標不單只是在於提供一杯咖啡的體驗，更希望透過咖啡，讓大家在日常中與那些寧靜且鮮明的風景相遇，呈現出生活中最純粹的觸動瞬間。

再次為大家挑選咗4款咖啡豆（100g）

PART ORIGINAL BLEND
風味：提子乾、黑糖、杏仁
生豆產地：埃塞俄比亞、巴西
烘焙度：中煎

ETHIOPIA Morke
風味：藍莓、白葡萄、伯爵茶
生豆產地：埃塞俄比亞 Morke
品種：74158
處理方式：日曬
烘焙度：中淺煎

COLOMBIA Huila, Santa Maria
口味：青蘋果、柳橙、黑糖
生豆產地：哥倫比亞 Huila, Santa Maria
品種：Caturra, Castill
處理方式：水洗
烘焙度：淺煎

TANZANIA Iloma
風味：甘夏蜜柑、生薑、黑糖
生豆產地：坦桑尼亞 Iloma
品種：N39, KP423
處理方式：水洗
烘焙度：中淺煎

以前試過買過一啲睇落各樣都似好好嘅袋，但用落先發現，日常生活入面總係差少少，可能係袋身明明好靚，但放咗一部電腦就重到想即刻返屋企；或者手挽長度尷尬，着件厚少少嘅衫就逼住個胳肋底；又或者想拎個電話，永遠都要好似抽獎咁喺袋底摸好耐……CLASK...
05/08/2026

以前試過買過一啲睇落各樣都似好好嘅袋，但用落先發現，日常生活入面總係差少少，可能係袋身明明好靚，但放咗一部電腦就重到想即刻返屋企；或者手挽長度尷尬，着件厚少少嘅衫就逼住個胳肋底；又或者想拎個電話，永遠都要好似抽獎咁喺袋底摸好耐……

CLASKA 呢個 SAC noir 牛皮手提袋，就係吸取咗呢一系列嘅日常使用體驗得出嘅體貼設計。

袋身採用經過特別鉻鞣處理嘅日本國產優質牛皮，由東京工房嘅皮藝職人逐一手工縫製。啲皮摸上去極之柔韌順滑，而且成個袋都好輕盈。橫放 A4 size file、雜誌或者電腦袋型都仲好挺，唔會因為放滿嘢就走樣。

CLASKA 經過多次微調嘅手挽長度，手提嗰陣俐落，單肩孭嗰陣順手，肩帶比例剛剛好，就算着厚衫或者外套都唔會覺得拘束。

袋內側有三個分隔袋，其中兩個特別喺側邊加咗少少底寬。呢個微小嘅設計，方便大家放電話、卡片盒或者細小嘅嘢嗰陣，袋身唔會擠壓變形，每次盲摸都能夠一秒拎到。呢個袋完全冇任何誇張嘅 logo 同多餘裝飾，但每一處車線同比例，都經得起每日用嘅考驗。

呢個星期一次過返咗好多嘢，好多新貨同時又有好耐無見過嘅 item！我哋呢排會密啲手出吓 post，畀大家睇吓有咩好嘢先。仲有呀，呢段時間 online shop 做緊買滿 HK$200 免香港本地運費，大家記得唔好 miss 咗啦！話說，大...
31/07/2026

呢個星期一次過返咗好多嘢，好多新貨同時又有好耐無見過嘅 item！我哋呢排會密啲手出吓 post，畀大家睇吓有咩好嘢先。仲有呀，呢段時間 online shop 做緊買滿 HK$200 免香港本地運費，大家記得唔好 miss 咗啦！

話說，大家買手袋嗰陣，會唔會都有呢種諗法，唔鐘意大大個 Logo，又好在意啲皮摸落去係咪有質感。唔想太重，但又希望可以裝好多嘢，袋型又唔容易變形。如果你都係對呢啲細節極有要求嘅人，今次返嚟嘅呢個「好耐都無露面」嘅 CLASKA 牛皮手袋或者可以考慮吓。

呢款袋嘅故事好得意，佢嘅設計藍本係嚟自曾經喺日本麻布十番開設古道具同甜點店「petit cul」嘅手藝家松澤紀美子小姐。松澤小姐一直以嚟都有自己嘅一套理念，用布造出一啲既舒服又極之耐用嘅布藝手工品，每一個車線位都睇得出佢嘅用心。而 CLASKA 就係以佢嘅布袋結構做基礎，經過無數次反覆測試同布料調整，最後演變成呢個好有質感嘅牛皮版本。

線條簡單俐落，但用料完全唔馬虎。為咗確保大家日常裝滿嘢時夠耐用、唔會輕易變形，特意揀選咗質感優質嘅厚實牛皮，入面配上棉質內裡同方便嘅磁扣開合，拎嘢極之順手。

最特別嘅係佢嘅肩帶，長度剛剛好，單肩孭或者斜孭都 ok。肩帶一邊特別保留咗當初試版時嘅無金屬扣縫製打圈細節，呢個微小嘅留白，正好畀大家根據心情掛上喜歡嘅小飾物或者匙扣。

無論係日常散步、返工定係去旅行，呢個袋都好容易襯衫。除咗女仔之外，亦好推薦畀平時鍾意貼身斜孭手袋嘅男仔。

記住呢個日子先，2026/7/29星期三每次客人嚟到呢個角落，都會對我哋嘅自然酒（葡萄酒）感到好好奇，亦都好想知道每一支酒究竟有啲咩唔一樣，當然～亦都好想試飲。繼上一次之後，我哋會再次喺深水埗友店 SALOON [səˋlun] 沙 龍] ...
26/07/2026

記住呢個日子先，2026/7/29星期三

每次客人嚟到呢個角落，都會對我哋嘅自然酒（葡萄酒）感到好好奇，亦都好想知道每一支酒究竟有啲咩唔一樣，當然～亦都好想試飲。

繼上一次之後，我哋會再次喺深水埗友店 SALOON [səˋlun] 沙 龍] 沙 龍 做一埸POPUP WINE BAR，方便大家可以用輕鬆嘅方式（WINE BY GLASS）咁試到多款不一樣風格嘅葡萄酒。

自從對葡萄酒產生興趣後，店主多年來每到一個城市，都會走訪一下當地嘅wine bar，見識每家店嘅精神之處。自己同時亦好想喺香港建構一個理想店舖。再次多謝友店嘅寬容，可以俾我哋做唔同嘅嘗試。

時間：2026/7/29，晚上7-12點（可能會延長）
地點：深水埗大南街196號地下

*私訊我哋留位啦～～～

記住呢個日子先，2026/7/29星期三

每次客人嚟到呢個角落，都會對我哋嘅自然酒（葡萄酒）感到好好奇，亦都好想知道每一支酒究竟有啲咩唔一樣，當然～亦都好想試飲。

繼上一次之後，我哋會再次喺深水埗友店 saloon做一埸POPUP WINE BAR，方便大家可以用輕鬆嘅方式（WINE BY GLASS）咁試到多款不一樣風格嘅葡萄酒。

自從對葡萄酒產生興趣後，店主多年來每到一個城市，都會走訪一下當地嘅wine bar，見識每家店嘅精神之處。自己亦好想喺香港建構一個理想店舖。再次多謝友店嘅寬容，可以俾我哋做唔同嘅嘗試。

時間：2026/7/29，晚上7-12點（可能會延長）
地點：深水埗大南街196號地下

*私訊我哋留位啦～～～

聽過有好多原因嚟唔到舖頭對抗惡劣天氣，網店免運費優惠由即日起至8月31日，網店購物滿HK$200，香港本地免運費。
25/07/2026

聽過有好多原因嚟唔到舖頭

對抗惡劣天氣，網店免運費優惠

由即日起至8月31日，網店購物滿HK$200，香港本地免運費。

Address

G/F, 132B Ki Lung Street, Sham Shui Po, Kowloon
Hong Kong

Telephone

+85231881951

Website

Alerts

Be the first to know and let us send you an email when MIDWAY shop posts news and promotions. Your email address will not be used for any other purpose, and you can unsubscribe at any time.

Shortcuts

Share

Category