大年華 Dailinwah

大年華 Dailinwah 你覺得係垃圾啫，我唔覺得係喎｜佛系經營舊物買賣｜收集舊時民生用品、紙品｜道具租借｜舊故事分享

幾張來自80年代尾到90年代初嘅汽車廣告，車呢樣嘢其實真係好神奇，新車落地一定係最貴啦，然後過多十年八年又會大幅貶值，但只要捱多一排，保養做得足，有啲車款又會變咗搶手古董車，隨時可以賣返新車落地嘅價錢，睇吓而家啲JDM就知咩事啦。好想知我部...
26/08/2026

幾張來自80年代尾到90年代初嘅汽車廣告，車呢樣嘢其實真係好神奇，新車落地一定係最貴啦，然後過多十年八年又會大幅貶值，但只要捱多一排，保養做得足，有啲車款又會變咗搶手古董車，隨時可以賣返新車落地嘅價錢，睇吓而家啲JDM就知咩事啦。

好想知我部04年嘅Porte，會唔會有一日會變成大家都搶住買嘅JDM呢🤣

早排輕鐵推出咗隻吉祥物叫輕鐵妹妹 ，但原來早喺三十年前，已經有隻唔知叫咩名嘅吉祥物出現過，我諗都係老土啲，叫佢做輕鐵仔算啦🙂
22/08/2026

早排輕鐵推出咗隻吉祥物叫輕鐵妹妹 ，但原來早喺三十年前，已經有隻唔知叫咩名嘅吉祥物出現過，我諗都係老土啲，叫佢做輕鐵仔算啦🙂

呢一啲鑼機字指示牌，好多時都係作提醒、甚至係命令嘅用途，成件事個感覺係比較硬橋硬馬，今次咁啱有朋友想整門牌，又順個便整咗幾塊俾自己用，有每日臨出門口前對自己嘅提醒，有工作上對客人嘅提醒，亦都有生活上對自己啲提醒。雖然幾塊牌仔睇落好似係普通嘢...
10/08/2026

呢一啲鑼機字指示牌，好多時都係作提醒、甚至係命令嘅用途，成件事個感覺係比較硬橋硬馬，今次咁啱有朋友想整門牌，又順個便整咗幾塊俾自己用，有每日臨出門口前對自己嘅提醒，有工作上對客人嘅提醒，亦都有生活上對自己啲提醒。

雖然幾塊牌仔睇落好似係普通嘢，但其實要預早出去招牌舖開料，然後雕前都要預早做定稿，因為要夾埋朋友開機嘅時間，雕完清潔返啲粉，就要匿埋喺廁所上油再用天拿手抹走多餘嘅油，當然對師傅們呢啲只係手板眼見功夫，但對我呢啲半途出家嘅文科仔，其實係唔簡單。

堅持要自己做嘅原因，都只係想盡量令呢一門手藝可以喺香港繼續生存落去，膠片幫襯本地舖頭嘅台灣貨，機係台灣製，油係菊花牌，天拿水同油掃都係五金舖買，當然當中有啲嘢可能唔係香港做，但已經係盡量令到成件事「去淘寶」化，只係換來嘅成本係好高，所以成單嘢係愛多過為錢🙈

感謝每一位欣賞呢種手藝同質感嘅朋友🙏🏻

「美哉我聖公會學校，林立港九，遠近蜚聲，本主基督博愛精神，樂聚群英。」據統計，全港有五十幾間聖公會小學，而大家都係唱呢首校歌，好似我以前一級有六班，一班有三十幾個人，一間學校又有六級，一年就會有六萬人學識唱呢首歌，所以你話全港有幾十萬人識呢...
07/08/2026

「美哉我聖公會學校，林立港九，遠近蜚聲，本主基督博愛精神，樂聚群英。」

據統計，全港有五十幾間聖公會小學，而大家都係唱呢首校歌，好似我以前一級有六班，一班有三十幾個人，一間學校又有六級，一年就會有六萬人學識唱呢首歌，所以你話全港有幾十萬人識呢首歌，都真係好正常，人氣直迫流行曲嗰種嘅程度🤣

所以以前同人講起聖公會，總有一兩個人會即刻哼起呢首校歌，不過而家講起聖公會，大家可能又會聯想到另一啲嘢呢😏😏

早排執嘢搵到兩份報紙，分別係97金融風暴前後幾個月嘅樓價（最尾嗰張係97年6月，其他係98年），其實個差距都真係幾大，唔怪得當年搞到咁多人傾家蕩產。細個只係知道有呢個升跌，而當自己成為咗中級成年人，開始要租樓，同埋身邊又有唔少人買樓，先慨嘆...
03/08/2026

早排執嘢搵到兩份報紙，分別係97金融風暴前後幾個月嘅樓價（最尾嗰張係97年6月，其他係98年），其實個差距都真係幾大，唔怪得當年搞到咁多人傾家蕩產。

細個只係知道有呢個升跌，而當自己成為咗中級成年人，開始要租樓，同埋身邊又有唔少人買樓，先慨嘆原來以前嘅高位又好，低位都好，比起而家…都仲係好抵🤣

呢部電話遠睇好似平平無奇，仲有啲似啲住宅嘅對講機，但其實佢都算係一部幾劃時代嘅產品。以前嘅電話普遍都係比較笨重，而且多數都係黑沉沉，而呢間加拿大嘅電話生產商Northern Telecom喺60年代推出咗呢一款體積輕巧，而且富現代感，仲可以...
29/07/2026

呢部電話遠睇好似平平無奇，仲有啲似啲住宅嘅對講機，但其實佢都算係一部幾劃時代嘅產品。

以前嘅電話普遍都係比較笨重，而且多數都係黑沉沉，而呢間加拿大嘅電話生產商Northern Telecom喺60年代推出咗呢一款體積輕巧，而且富現代感，仲可以掛牆嘅Contempra家用電話，將攪盤收埋落聽筒度，後期更推出按鍵版，而加拿大推出嘅版本更加有9隻喺當時相對前衛嘅顏色，例如紅色、藍色、橄欖綠等等，完全係食住當年流行顏色豐富嘅家居設計風格。

後期香港電訊亦都引入咗其中三隻色，而且更將Contempra音譯做「講聽百樂」，形容為今日之電話機，都算係當年嘅潮物之一，不過喺呢個家用電話已經唔再喺必需品嘅年代，潮物都已經變成古董了🤣

喺未有電腦字之前，要用電動彫刻機雕刻文字，就需要用到呢一啲字種，喺平面雕刻盤上，一邊嘅觸針沿住字種嘅軌跡運行，同時另一邊嘅平行軸則配合旋轉嘅電動旋轉刀片（鑼刀），將文字彫刻落平面嘅材質上，然後再上油令文字更為明顯，由於整個過程需要手動操作，...
23/07/2026

喺未有電腦字之前，要用電動彫刻機雕刻文字，就需要用到呢一啲字種，喺平面雕刻盤上，一邊嘅觸針沿住字種嘅軌跡運行，同時另一邊嘅平行軸則配合旋轉嘅電動旋轉刀片（鑼刀），將文字彫刻落平面嘅材質上，然後再上油令文字更為明顯，由於整個過程需要手動操作，所以喺香港，又會稱呢種工序做手鑼。

（咁講係有啲複雜，所以最尾搵咗一幅由日本同好Kirunura San製作嘅插圖，應該會清晰好多。）

不過呢種工藝喺電腦字同數碼控制嘅彫刻機出現之後，因為實在方便太多，所以喺九十年代急速被淘汰，呢幾年去過好多招牌舖尋找呢啲用剩嘅字種，可惜無功而還，大部分都已經掉哂，暫時只知上環一間嘅招牌舖仍然有做手鑼。

所以就唯有轉去同樣都有用漢字嘅日本搵，但其實都唔易，過去一年只見過兩三套流出，仲要未必搶到，而早排終於俾我等到。

日本人做呢啲嘢真係冇得輸，幾千粒字種，用一個木櫃桶收納好哂，以五十音嚟做分類，（雖然唔識日文嘅我都要靠GEMINI幫我手搵），而漢字比想像中多，每盤有四百幾粒，五層大約有二三千隻字，唔會夠喺香港作業務用，但用嚟玩吓都可以嘅，喺個木箱入面仲送咗一埋鑼刀，同埋幾件（半）製成品，都多謝嘅。

用咗幾年時間去認識呢門手藝，講唔上係研究，但一路走來，又好似慢慢做緊啲嘢，感覺不錯。

搵到一批七十年代尾嘅樓書，封面係畫得幾靚，所在嘅社區亦有好多嘢值得去研究，不過今次最吸引到我嘅，反而係內頁嘅幾張裝修預想圖，滿滿嘅MCM風（中古風），傢俬呈流線型、而功能實用之餘，配色嘅對比卻十分大膽，幾何圖案嘅裝飾，再配合埋Space A...
20/07/2026

搵到一批七十年代尾嘅樓書，封面係畫得幾靚，所在嘅社區亦有好多嘢值得去研究，不過今次最吸引到我嘅，反而係內頁嘅幾張裝修預想圖，滿滿嘅MCM風（中古風），傢俬呈流線型、而功能實用之餘，配色嘅對比卻十分大膽，幾何圖案嘅裝飾，再配合埋Space Age風格嘅檯燈，成單嘢係幾劃時代，好明顯當時恆基呢兩個盤係Target緊啲型型哋嘅年青人啦。（其實都hit得中我㗎)

不過發展商都寫到明，呢啲只係佈置嘅參考圖片，最終出到嚟有幾多會係交樓時已經整好，有邊嘅係要買家自己整，咁就唔知喇。

以前嘅膠袋，除咗肩負本身載物嘅功能以外，其實亦都係一個流動嘅廣告版，啲人去超級市場買完嘢，拎住個袋行返屋企，途中會經過好多地方、亦都會被好多人見到，所以以前有啲品牌都會喺超級市場嘅膠袋上面落廣告，又或者好似第一張相嘅膠袋咁，將一啲最新嘅資訊...
17/07/2026

以前嘅膠袋，除咗肩負本身載物嘅功能以外，其實亦都係一個流動嘅廣告版，啲人去超級市場買完嘢，拎住個袋行返屋企，途中會經過好多地方、亦都會被好多人見到，所以以前有啲品牌都會喺超級市場嘅膠袋上面落廣告，又或者好似第一張相嘅膠袋咁，將一啲最新嘅資訊印喺袋上面做宣傳，其實應該真係有啲用，不過唔知點解後期就冇咗呢一個做法。

其實啲舊膠袋嘅質地真係超靚，兩個嘅惠康袋仲保留住大利連Dairy Lane呢個品牌，即係八十年代嘅產物，擺咗四十幾年，雖然有部份印刷已經甩甩地，但個膠袋仍然係好實淨㗎。

今日一路執嘢，發覺開親每一箱都會有膠袋，我都有啲想知而家手頭上到底儲咗幾多個膠袋😂😂

之前成日話香港嘅鑼機字會有咁多變化同特色，係因為製作所用嘅字模都係由唔同嘅師傅各自製作，並冇一個標準規範。但係喺日本，日本產業標準（JIS）喺60年代制定咗一套「機械彫刻用標準書体」，令生產者喺製造呢一啲指示牌嘅時候，可以維持到一定嘅清晰度...
17/07/2026

之前成日話香港嘅鑼機字會有咁多變化同特色，係因為製作所用嘅字模都係由唔同嘅師傅各自製作，並冇一個標準規範。

但係喺日本，日本產業標準（JIS）喺60年代制定咗一套「機械彫刻用標準書体」，令生產者喺製造呢一啲指示牌嘅時候，可以維持到一定嘅清晰度，同時亦都提高生產效率。

過去幾次去日本，都有去觀察過佢哋嘅鑼字牌，發覺雖然佢哋有一套相應嘅標準，不過可能始終工序係涉及人手製作，總會有啲產出上嘅偏差，偶然都會出現啲頭大身細嘅字體，都算係保留到手鑼字嘅精髓😂😂

近年日本亦都有人自發，製作咗一套電腦用嘅「機械彫刻用標準書体」，早排仲更新咗字庫，都有唔少漢字㗎，大家有興趣可以自己上網搵吓。

Address

Hong Kong

Telephone

+85264896438

Website

Alerts

Be the first to know and let us send you an email when 大年華 Dailinwah posts news and promotions. Your email address will not be used for any other purpose, and you can unsubscribe at any time.

Shortcuts

Share

Category