Art of Luminous HK

12/08/2026

05/08/2026

其實訂製珠寶首飾一啲都唔容易架

首先…

1. 同客人溝通構思, 理解客人嘅需要及喜好 (理解能力要好高，要好有耐性同埋好似腦筋急轉彎咁樣不停即時爆idea)

2. 搜羅客人想要嘅鑽石寶石或者其他物料等等(只要你講得出我哋都會想盡辦法搵得到，有啲位置就係我哋自己對品質嘅堅持，然後客人又有時間俾我哋嘅話，我哋真係會用成年時間去搵獨一無二極稀有嘅嘢)

3. 手繪初稿到定案 (其實唔係畫畫咁簡單，設計款式嘅同事我哋都要諗吓點樣去解決未來立體結構力學等問題，而且同一時間都要同客人溝通設計)

4. 同師傅夾溝通起圖出圖 (有機會浪費最多時間，因為畫圖嘅邏輯同師傅「手感」嘅邏輯係兩種語言，你要做中間嘅「翻譯官」同「潤滑劑」，師傅一擰頭，你就要諗點樣微調先唔影響美學又就到位)

5. 倒模倒金到後期調整 (呢部分係心臟負荷最大嘅階段，只要倒金時有砂窿或者縮水，之前所有心血隨時要砍掉重練，仲要頂住壓力安撫客人嘅期待)

前前後後加埋，呢啲唔單止係時間，仲係精神內耗同技術賭博。

不過，正正因為經歷過呢種「火煉」，當見到嗰件實物咁靚咁企理咁樣出到嚟，而客人嗰種「嘩」一聲嘅驚喜嗰陣，你就會覺得之前所有捱更抵夜、同師傅糾纏嘅日子，都係值得嘅。

#訂製珠寶 #香港小店 #珠寶設計 #小小心聲

27/04/2026

未諗到要做咩首飾？
唔緊要，唔使緊張
我哋幫你諗☺️



#訂製首飾 #獨一無二訂製款