Kampgy Mechanic

Kampgy Mechanic 營具大夫，自設小型工作室，制作維修保養改裝各類型Outdoor Gear
提倡使用可維修的用具，愛和感受大自然
Thanks kindly donate to support
PayPal:kampgy

今次嘗試手縫修復拉鍊牙另外拉鍊頭已經甩咗一邊出嚟，大夫夾硬撬開去嘗試入返牙，可惜唔成功畀我撬爛咗，而且好難對稱返兩邊牙。想介紹返有種免拆線嘅拉鍊頭，佢係可以拆開，放入拉鏈軌，然後用粒螺絲組合返。可是呢種拉鍊頭只有單面唔適合帳篷內外都可以拉起...
29/04/2026

今次嘗試手縫修復拉鍊牙
另外拉鍊頭已經甩咗一邊出嚟，大夫夾硬撬開去嘗試入返牙，可惜唔成功畀我撬爛咗，而且好難對稱返兩邊牙。

想介紹返有種免拆線嘅拉鍊頭，佢係可以拆開，放入拉鏈軌，然後用粒螺絲組合返。可是呢種拉鍊頭只有單面唔適合帳篷內外都可以拉起。

同物主溝通過都係想用返雙面拉鍊，即刻落深水埗買材料，請教咗服裝輔料店主，佢話最好都係拆咗佢由頭入過，係沒端啤返止口🤓💡一於按佢意思做，成件事舒服曬。

搞得掂✅


#露營用品維修

15/03/2026

呢個吹氣墊我試過好多次水都係搵唔到漏氣嘅位置。
喺無計可施之下迫使我尋找新方法。

適逢有師兄詢問佢試過灌水入去吹氣墊搵到洩漏嘅窿窿但係之後整乾內籠遇到麻煩。
佢呢個詢問啟發到我將媒介放入去入面，透過窿窿係可以睇得到。

一開始我試嘅構思係喺吹d煙霧喺表面，然後搵電筒去照下吹氣墊表面有冇漏氣氣流嘅流動，可惜呢個動作太花眼力同時間。最終演變為將煙霧直接吹入去，然後觀察有冇煙霧係漏氣嘅地方滲出。

最終我手上四張吹氣墊，有兩張搵到微小嘅窿窿。
有另外兩張極輕微嘅滲氣（大概12小時洩漏10%氣）用呢個方法搵唔到窿窿。
搞得掂✅講真呢啲漏氣一係就漏得勁啲，個窿都易搵啲。


#吹氣墊
#露營用品維修 #露營用品


#維修不棄置 #營具大夫
#キャンプ道具修理 #キャンプ道具自作

17/01/2026

以呢個 吹氣墊為例吖，呢類型入氣口，粗略統計有30%機會係入氣口個塞漏氣。
如果發現漏氣，最簡單可以試下淨係將入氣口浸水測試。

簡單自行修復方法係個塞度加一個o ring。
直徑最好係個塞嘅80-90%，o ring 有彈性而可以撐大，並能箍緊個塞。
另外厚度越薄越好，可以係1mm 以下，太厚的話，個塞有機會彈返出嚟架。

新界啤呤行，九龍啤呤行 會有不同尺寸的o ring賣的。


#充氣墊維修

07/01/2026

修復兩個Durston X-mid pro 2 DCF
有一個係曾經修復過，可惜被野豬再次撞爆，撕裂同一個位。
首先需要用酒精清走啲舊膠漬，理順清楚，分返三層布料，就可以準備搽膠水。

如果大家想自己修復可以用專用嘅雙面膠或者好似我咁用尼龍專用嘅膠水，用天拿水去稀釋適合嘅黏度就可以使用。我平時都係直接用呢種膠水去修補DCF上的細窿。

薄薄地塗抹均勻一層，黐好兩面用力按壓就可以，最後喺布料邊緣再塗一層封邊。另外完全乾透都需要2日時間哦。

膠水嘅拉扯強度估計係雙面膠嘅八九成而已，粗粗地頂住先啦。



出post想搵返物主🤡大夫搵勻曬所有嘅訊息紀錄都搵唔返聯絡過嘅訊息紀錄。Helinox chair two 橫骨斷裂。Chair one two都會有呢個問題，之前整過兩張chair one，已經試過底下嗰兩粒窩釘係鑽唔爆的，索性中間塞支鈦...
22/10/2025

出post想搵返物主🤡
大夫搵勻曬所有嘅訊息紀錄都搵唔返聯絡過嘅訊息紀錄。

Helinox chair two 橫骨斷裂。

Chair one two都會有呢個問題，之前整過兩張chair one，已經試過底下嗰兩粒窩釘係鑽唔爆的，索性中間塞支鈦合金管去補強，另外要磨條坑出嚟避開窩釘。

爆裂咗嘅塑膠部分用金屬支架焊接返。
黐返金屬同塑膠ab膠，組合返埋一齊便完成，搞得掂✅


#露營櫈維修

#露營用品維修
#露營用品


#維修不棄置 #營具大夫
#キャンプ道具修理 #キャンプ道具自作

24/09/2025

呢個soto爐係入gas嘅位置漏氣，打火氣有問題
整返好之後，順便幫佢整咗個簡便撻火連桿。
純粹滿足自己解難癮。

後尾上網睇返原來係有配件賣，只係唔使40蚊🤭

https://athleticcity.com.hk/en/collections/soto/products/soto-regulator-stove-assist-switch-st-3104

除咗買過一個，唔知大家有咩更好嘅諗法呢。


#露營用品維修 #露營用品


#維修不棄置 #營具大夫
#キャンプ道具修理 #キャンプ道具自作

繼上一個post，呢張睡墊入面啲膠已經溶曬，無可能再修復了，想介紹一個最簡易製作嘅upcycling。將物料改為畀我家小貓用嘅寵物睡墊。製作只需要裁剪適合嘅size，摺邊再車埋就可以✌🏽諗起家貓鍾意玩橡筋繩，係廢料堆摷返條橡筋繩上黎車埋佢。...
24/08/2025

繼上一個post，呢張睡墊入面啲膠已經溶曬，無可能再修復了，想介紹一個最簡易製作嘅upcycling。
將物料改為畀我家小貓用嘅寵物睡墊。

製作只需要裁剪適合嘅size，摺邊再車埋就可以✌🏽
諗起家貓鍾意玩橡筋繩，係廢料堆摷返條橡筋繩上黎車埋佢。

張墊軟淋淋好舒服，佢都好鍾意㗎😺

若果大家都有upcycling 嘅idea，歡迎留言分享。



#露營用品維修 #露營用品


#維修不棄置 #營具大夫
#キャンプ道具修理 #キャンプ道具自作

最近處理咗啲吹氣墊，圖片入面有各種類型嘅吹氣產品有啲救得返，亦有啲救唔返🥹到目前為止我收到嘅吹氣產品有一半係救唔返的。仲未計整好之後可以用到幾耐。損毀狀況與如何維修，可以睇圖片，大夫就唔多講，主要想發表一下對於呢類型產品嘅想法。邊啲類型係冇...
26/06/2025

最近處理咗啲吹氣墊，圖片入面有各種類型嘅吹氣產品
有啲救得返，亦有啲救唔返🥹
到目前為止我收到嘅吹氣產品有一半係救唔返的。
仲未計整好之後可以用到幾耐。

損毀狀況與如何維修，可以睇圖片，大夫就唔多講，主要想發表一下對於呢類型產品嘅想法。

邊啲類型係冇得整：
1. STS 枕頭 入面仲有一個內膽無法觸及
2. Klymit Double V 未成功過

點樣可以減少損壞：
1. 千祈唔好泵得太漲 （重要事情講三次）
2. 避免潮濕温差大的儲存
3. 最少每隔半年吹漲一次
4. 出發前必須要測試一下
以上動作都係避免內層嘅膠膜分離或溶合。

當然知道呢類型產品有佢嘅優勢就係輕便，
但係我敢肯定可靠度和耐用度，可以話係咁多露營產品當中比較低。點解仲有咁多人願意去買，當然係品牌同零售商嘅責任，佢哋點會話畀人知呢啲產品嘅缺點吖，所以用家瀬嘢就會長經驗。

相信行內人便會知道呢啲吹氣產品本身就係有缺憾，品質檢查亦都冇辦法做到百分百，生産廠商已經預留十幾二十%備品俾牌品商去更換，你畀嘅錢已經包含在內架啦。
所以才有吹氣產品有終生保用呢種說法，點都好，如果用家的你已經衡量利弊，建議留起單據，有問題便可作更換。

其實真係強烈建議使用發泡蛋巢睡墊（如果唔介意大大舊放喺背囊外）。因為真係聽過唔少關於去到營地先發覺吹氣墊出咗問題，雙人墊更慘，齊齊冇得瞓🥹

點解有咁嘅分享，其實不忍露營bad trip 同埋呢d材料冇得回收拎去堆填。

下個post想分享下將呢啲材料upcycling。

分享下啲針線刺繡修補上網睇到星星補窿，覺得好靚上youtube學，又請教下人 #刺繡修補 #刺繡補窿
26/05/2025

分享下啲針線刺繡修補
上網睇到星星補窿，覺得好靚
上youtube學，又請教下人



#刺繡修補
#刺繡補窿

聽物主所講燃料管入面係一啲海綿狀嘅物料幫助吸酒精上噴嘴。搵唔到原因點解會令到燃料管入面嘅填充物結塊，然後塞住咗，係塞滿晒，可能係因為高溫令到入面填充物已經碳化？佢話賣家嗰邊解釋係因為用錯燃料？我估計入面嘅物料係一啲膠質，所以我用天拿水去浸軟...
05/05/2025

聽物主所講燃料管入面係一啲海綿狀嘅物料幫助吸酒精上噴嘴。
搵唔到原因點解會令到燃料管入面嘅填充物結塊，然後塞住咗，係塞滿晒，可能係因為高溫令到入面填充物已經碳化？
佢話賣家嗰邊解釋係因為用錯燃料？

我估計入面嘅物料係一啲膠質，所以我用天拿水去浸軟佢。之後用細鑽咀同通針慢慢撩散入面，發現係一啲油泥狀嘅物質，之後再浸多一晚，最後用風鎗吹乾淨。

曾經喺啲加壓電油爐，見過油管入面用咗啲不銹鋼wire作為引導，增加吸油壓力。咁我試下用呢種方法去填充，燃料管內空間，用啲舊電線翹成wire。
另外個爐邊有啲漏油我用焊錫修補咗

最後測試，用30秒左右起到個火，應該都ok掛。
亂咁嚟，搞得掂✅

明明物主可以買過個，偏偏佢就係要維修代替購買。多謝你🙇🏾‍♂️





#露營用品維修 #露營用品


#維修不棄置 #營具大夫
#キャンプ道具修理 #キャンプ道具自作

Address

Lam Tei

Website

Alerts

Be the first to know and let us send you an email when Kampgy Mechanic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category