榆林書店

榆林書店 📚旺角西洋菜街樓上書店
✨為香港人精選中港台好書丨全年折扣優惠丨會員專享更多優惠丨為客人訂購書籍及搜羅絕版二手書
📱WhatsApp: +852 2388 8684
⏰星期二至五：11:00-20:00
🕰️星期六,日,一,公假：12:00-20:00
🫶🏻榆林與愛書人同行廿九載

大量勇氣有售，九月加碼。📚前排有人影到榆林成排《被討厭的勇氣》話大量勇氣有售，我哋話幫手帶返本返屋企。佢就覆話守住書店需要勇氣。小編答：其實呢個時勢大家都需要。🫂所以九月，我哋俾大家容易多少少帶本書返屋企🔥精選10本，單本65折唔使湊3本，...
04/09/2026

大量勇氣有售，九月加碼。📚

前排有人影到榆林成排《被討厭的勇氣》話大量勇氣有售，我哋話幫手帶返本返屋企。佢就覆話守住書店需要勇氣。小編答：其實呢個時勢大家都需要。🫂

所以九月，我哋俾大家容易多少少帶本書返屋企🔥

精選10本，單本65折
唔使湊3本，售完即止

有熟口熟面嘅，亦有可能你一路行過都未拎起過嘅…
今次俾佢哋一個理由，早少少離開書架😏

上嚟睇下，邊一本值得你花少少勇氣帶佢返屋企。📚

成為大人冇說明書。好彩有人畫咗兩本圖鑑。🤩🤯衫點洗先唔縮？🤮雪櫃點樣先唔臭？😵‍💫菜買返嚟可以擺幾耐？😳飯煮衰咗有冇得救？🤨點解人哋隻蛋煎得靚過我？留學／搬屋／移民之後，最先考驗你嘅未必係人生大方向。可能係今晚食咩，同聽日件衫點洗。《生活圖...
04/09/2026

成為大人冇說明書。
好彩有人畫咗兩本圖鑑。🤩

🤯衫點洗先唔縮？
🤮雪櫃點樣先唔臭？
😵‍💫菜買返嚟可以擺幾耐？
😳飯煮衰咗有冇得救？
🤨點解人哋隻蛋煎得靚過我？

留學／搬屋／移民之後，
最先考驗你嘅未必係人生大方向。
可能係今晚食咩，同聽日件衫點洗。

《生活圖鑑》＋《料理圖鑑》

「初級大人生存孖寶」📚
一本教你照顧間屋。
一本教你照顧個胃。

唔需要由第一頁讀到尾，
出事嗰陣揭返相關嗰頁就得。

準備留學、搬出去住、移居，
或者純粹發現自己「原來好多嘢都唔識」
可以上嚟揭下呢兩本。

✨東野圭吾嘅書去得快又返得快✨又返咗少少新貨，你有冇儲齊106本佢嘅作品啊？同埋想唔想訂佢最新一本作品嘅日文版做珍藏啊？真係手快有手慢無，上嚟我哋度啊📚🫶🏻
31/08/2026

✨東野圭吾嘅書去得快又返得快✨

又返咗少少新貨，你有冇儲齊106本佢嘅作品啊？
同埋想唔想訂佢最新一本作品嘅日文版做珍藏啊？
真係手快有手慢無，上嚟我哋度啊📚🫶🏻

如果你想理解「巴勒斯坦人點樣講自己的歷史」，呢本係一個重要入口。《論巴勒斯坦》唔係一本試圖把所有立場平均擺放嘅中東入門書。呢本係愛德華・薩依德1979年寫下嘅經典。佢由一個巴勒斯坦流亡者、亦係後殖民思想家嘅位置出發，談離散、身份、民族自決，...
30/08/2026

如果你想理解「巴勒斯坦人點樣講自己的歷史」，呢本係一個重要入口。《論巴勒斯坦》唔係一本試圖把所有立場平均擺放嘅中東入門書。

呢本係愛德華・薩依德1979年寫下嘅經典。
佢由一個巴勒斯坦流亡者、
亦係後殖民思想家嘅位置出發，
談離散、身份、民族自決，
亦提出佢對猶太復國主義、
殖民歷史同西方論述嘅批判。

四十幾年前寫，今日仍然有人重新翻開。
未必因為一本到可以替一場複雜衝突落結論。
而係理解一件事，有時要先知道：
不同的人，究竟係由咩位置望同一段歷史。

如果你一直只係從新聞標題認識巴勒斯坦，
呢本可以係其中一個值得讀嘅聲音。📚

《論巴勒斯坦》而家喺榆林書架。

八月最後一個週末。網上的永遠只是一小部份，還有很多未曾出鏡。想行書店、慢慢翻兩頁、看有沒有一本吸引你拿起來…上樓自己尋寶。👀門市實況，等你上嚟行一圈。🫶🏻大減價進行中，台灣書1本7折，3本65折，特價除外😍
30/08/2026

八月最後一個週末。

網上的永遠只是一小部份，
還有很多未曾出鏡。

想行書店、慢慢翻兩頁、看有沒有一本吸引你拿起來…
上樓自己尋寶。👀

門市實況，等你上嚟行一圈。🫶🏻

大減價進行中，台灣書1本7折，3本65折，特價除外😍

點解兩邊明明都覺得自己係「好人」…最後可以愈傾愈嬲？🤯🤯🤯《好人總是自以為是》個書名幾挑釁，但佢其實唔係教你點樣認出「自以為是嘅人」。佢反而想問：我哋自己嘅「正義感」，會唔會先令自己睇唔到其他角度？作者強納森・海德特研究道德心理學，提出一個...
30/08/2026

點解兩邊明明都覺得自己係「好人」…
最後可以愈傾愈嬲？🤯🤯🤯

《好人總是自以為是》個書名幾挑釁，
但佢其實唔係教你點樣認出「自以為是嘅人」。

佢反而想問：
我哋自己嘅「正義感」，會唔會先令自己睇唔到其他角度？

作者強納森・海德特研究道德心理學，提出一個幾有趣嘅比喻：我哋嘅理性好似騎象人，直覺同情緒就係隻大象。好多時唔係我哋先理性分析完，再決定咩係對錯。
可能係隻「大象」一早行咗方向，騎象人之後先好努力解釋點解自己啱。🫨

政治、宗教、價值觀愈重要嘅地方，呢件事就愈明顯。
所以呢本最有趣嘅問題可能唔係：
「點解人哋咁自以為是？」

而係：
「我幾時都可能係嗰個自以為是嘅人？」👀

呢本已經上咗架，上嚟揭兩頁📖🫶🏻

星期六唔一定要帶住書名上嚟。有時最好玩嘅係…係你本身根本冇打算搵嗰本。👀📚小編唔識點分😂小說、藝術、哲學、畫畫、睡眠……共同點得一個：見到會想拎起嚟。網上睇到嘅只係封面，真正好玩嘅係上嚟自己揭。今個星期六如果出開嚟行書店，唔使帶shoppi...
29/08/2026

星期六唔一定要帶住書名上嚟。

有時最好玩嘅係…
係你本身根本冇打算搵嗰本。👀📚

小編唔識點分😂
小說、藝術、哲學、畫畫、睡眠……
共同點得一個：見到會想拎起嚟。

網上睇到嘅只係封面，
真正好玩嘅係上嚟自己揭。

今個星期六如果出開嚟行書店，
唔使帶shopping list。上嚟尋寶啊📚

我們記得她的圓點。但圓點背後，是一個活了97年的女人。草間彌生離世，終年97歲。她直到生命最後階段仍然持續創作。榆林書架上剛好有一本《草間彌生：執念、愛與藝術》。它不是她親筆寫的自傳，而是一部用圖像小說形式重走她人生的作品。
29/08/2026

我們記得她的圓點。
但圓點背後，是一個活了97年的女人。

草間彌生離世，終年97歲。
她直到生命最後階段仍然持續創作。

榆林書架上剛好有一本
《草間彌生：執念、愛與藝術》。

它不是她親筆寫的自傳，
而是一部用圖像小說形式重走她人生的作品。

科技越嚟越聰明，世界越嚟越快…人仲有咩係不可取代？AI可以工作。演算法可以做決定。資訊幾秒就搵得到。咁人仲需要哲學嗎？仲需要搵意義嗎？面對一個愈來愈不確定嘅世界，我哋又靠咩企穩？今次呢格書架睇落幾散：AI、哲學、人類學、經濟、反脆弱，甚至一...
28/08/2026

科技越嚟越聰明，世界越嚟越快…
人仲有咩係不可取代？

AI可以工作。
演算法可以做決定。
資訊幾秒就搵得到。
咁人仲需要哲學嗎？
仲需要搵意義嗎？

面對一個愈來愈不確定嘅世界，我哋又靠咩企穩？
今次呢格書架睇落幾散：
AI、哲學、人類學、經濟、反脆弱，甚至一路望返地球五億年前。🤪

但放埋一齊反而覺得佢哋都喺問：
當世界一路變，人要點樣繼續做人？
未必每一本到都有答案。
但可能會令你重新諗一次自己企喺邊。

呢批已經上架📚
見到邊本令你停低，save低呢個 post
就上嚟揭兩頁📖

大減價進行中，台灣書
1本｜7折
3本｜65折
特價除外！

有啲今日睇落突然發生嘅事，其實前面已經行咗幾百年。📚點解人會打仗？一個帝國點樣變大、衰落、消失？一座城、一個年份、一場戰爭，又可以留下幾耐嘅影響？今次行歷史嗰格書架。日本戰國、明代、拜占庭、英國、世界戰爭……有啲由一個年份開始。有啲由一個地...
27/08/2026

有啲今日睇落突然發生嘅事，
其實前面已經行咗幾百年。📚

點解人會打仗？
一個帝國點樣變大、衰落、消失？
一座城、一個年份、一場戰爭，又可以留下幾耐嘅影響？

今次行歷史嗰格書架。

日本戰國、明代、拜占庭、英國、世界戰爭……

有啲由一個年份開始。
有啲由一個地方開始。

有啲就直接問：
人類到底點解不停重複一啲咁似嘅事？

呢批已經喺榆林書架📚
而且最近真係一路上緊書，
網上見到嘅都只係其中一部分。

唔好等小編逐本post晒先上嚟😉
見到一本到令你想停低，
save個封面，嚟到再揭兩頁。

大減價進行中，台灣書
1本｜7折
3本｜65折
特價除外！

Address

旺角西洋菜南街59號2/F
Mong Kok

Opening Hours

Monday 12:00 - 20:00
Tuesday 11:00 - 20:00
Wednesday 11:00 - 20:00
Thursday 11:00 - 20:00
Friday 11:00 - 20:00
Saturday 12:00 - 20:00
Sunday 12:00 - 20:00

Telephone

+85223888684

Website

Alerts

Be the first to know and let us send you an email when 榆林書店 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 榆林書店:

Shortcuts

Share

Category