07/06/2026
本身我用咗成五年時間，先慢慢儲到三千幾個Follower。
但另一個帳號，一個星期就做到同樣數字。
原因？
因為我露咗波。🤣
老實講，我自己都覺得幾癲。
條片十幾萬人睇過，分享數字爆咗，飛機不停飛出去，結果一個星期就多咗三千幾個男Follower。
變相而家個局面好有趣：
呢邊三千幾個女客，
嗰邊三千幾個男客。
我突然要重新思考自己應該點樣賣嘢。🤣
不過最開心係，本身嘅女客冇因為咁走咗。
反而好多姊妹留言：
「有波點解唔露？」
「靚就應該著得靚。」
呢個反應真係有啲估唔到。
其實做美容院個人IP都幾矛盾。
一方面生咗兩個小朋友，
另一方面又要保持吸引力。
有時我都覺得女人真係好難做。🤣
但最有趣係，大家最常問唔係我。
而係：
「你老公真係好大方。」
每次見到呢句我都想笑。
點解我結咗婚之後，
我個身體點樣著衫，
會突然變成我老公管？
我又唔係裸露到不得了。
如果只係Fashion，
我覺得就係Fashion。
當然，有啲女人結婚之後唔想再打扮自己，我完全尊重。
可能努力咗幾十年，
想收工。
想退出呢個Game。
絕對冇問題。
但我自己仲好Enjoy打扮自己。
件事令我開心。
所以我會繼續著自己鍾意嘅衫。
不過我都會參考男人意見嘅。🤣
順帶一提，
條爆片件小背心，其實係我老公揀畀我買㗎。
我只不過好巧妙咁襯咗個藍色Bra出嚟。
結果無端端就爆咗。
有時流量呢樣嘢，
真係冇人估到。🤣✨
