海圖咖啡流浪紀

28/08/2026

🤣🤣🤣

27/08/2026

27/08/2026

好得意。。。

25/08/2026

一個好新既感覺，之後你地無成日都見到到低做一個老板會做咩.

20/08/2026

好靚好靚，突然之間，感覺自己真係老咗好多好多好多，眨眼間咁就12年，突然之間元朗舖頭因為短路而燒著咗，突然間令到我諗起海賊王嘅梅利號，拍檔同我講唔知頂唔頂得到12月，其實有時做生意無可否認其實係真係有週期性嘅問題，做到超過七年以上已經好犀利，初初開始當然係風口嘅位置豬都會識飛，就好似股票一樣，返返去現實嘅世界就會事實接軌，最近都多咗時間去睇書，
睇到一本書叫做有限的遊戲和無限的遊戲。
如果係有人送畀我就更加好。

大多數我哋嘅人其實好多時候對生活上同埋某啲嘢上面會有某一定嘅誤解，
例如好多時候我哋會將一啲無限嘅事情用有限嘅方式去對待。

例如原本一段關係其實好多時候係一個無限嘅遊戲但係往往好多時候我哋會用希望得到對方，某一定嘅答案同埋行為要去確認呢段關係。

有好多時候分兩個層面一個係態度一個係結果。

等於創業一樣好多時候正常係會用有限嘅遊戲就係要有盈餘，簡單啲嚟講就係賺到錢。

但係對待呢件事情嘅時候我哋應該係用無限嘅遊戲去對待。佢就好似一個人嘅興趣一樣，其實唔會因為搵到錢，而繼續去做，而係單純定鍾意而上去繼續行落去。

所以跟落嚟未落個五年應該對於我嚟講係一個幾大嘅挑戰，同埋人生嘅轉熱點。

今年38歲，正常人就80歲命，人哋講60歲後就退休㗎喇你就可以享受人生,但係好笑嘅地方係60歲之後你仲有冇力呢？仲有冇精神呢點，仲有冇童年時候嗰份純粹嘅熱誠同埋鍾意？

本身喺我人生度本來就係一個好心急嘅人，喺呢個世界好多時候行得好快嘅時候，又係咪真係要追逐搵咁多錢，當然錢都仲要因為錢可以幫你解決80%嘅問題，如果20%嘅嘢大部分都係用錢買唔到，例如關係，人生嘅目標，一啲感受。

所以粗略咁樣計算加加減減
80歲命減去20年，即係60歲可以行行走走得嘅時間，60歲再減去38歲,簡單嚟講就係淨返22年嘅時間係可以行行走走，一諗起就覺得好恐怖，所以跟落嚟嘅時間就係盡情咁樣喺最低個風險情況之下，古靈精怪，求其所好咁生活著，有兩件事應該會喺呢兩年發生。。但係暫時真係要保留少少嘅神秘感。。第一件事應該好多人都知道如無意外我哋會再開多一間舖頭，想當年我哋投標希望可以喺屯門醫院呢個地方開一間舖投標，但基於個人過度天真無邪，因為一啲自助聰明嘅方式而令到投標失去咗資格，冇諗過原來政府嘅模式係咁生硬。
跟落嚟屯門其實好多地方都開咗，仲有一個地方我哋未開就係屯門碼頭。

所以之後我哋會喺碼頭都有一間小店，你間舖頭主打個方式係希望客人入到嚟隨便坐，最好由早上坐到晚黑，因為屯門都係一個非人之神奇嘅地方你唔開心嘅時候總會有地方係有海畀自己放空下。

試完簡單咁樣講就係，有一日生活又開始有啲煩惱想自己剩下然之後就坐輕鐵去到碼頭，之後想搵個地方坐行咗好耐大多數都係茶餐廳，唔通入去飲杯奶茶畀人插咩。

跟住就行下行下就覺得點解碼頭冇一間心理障礙，冇咁大入去單純想飲咖啡嘅舖頭呢。

然之後，我就喺度諗冇人做就等我嚟做啦。。又係緣份呢個問題，又畀我見到一個，好有趣但係全世界都覺得冇可能會做到嘅地方。而且係喺我中學嘅年代到依家，佢都冇變過.唯一變嘅都係人。而且佢代表住一個年代或者兩個年代屯門人。

所以感覺一切都係一個緣份，其實都好幸福當時出去市區開舖，都開咗幾間，到頭來都係覺得屯門都係屬於我嘅地方。

雖然屯門成日塞車要有好多牛週圍走，週不時又唔小心有機會踩到啲牛屎，啲輕鐵又慢仲慢嗰啲電車，然之後又係太方便咩都有唔使出去市區，反正屯門呢個地方冇一樣嘢係好，但係可能就係因為我呢個屯門牛屎仔鍾意嘅地方，牛屎仔就梗係鍾意週圍都係牛屎啦。

第二件事就係可能有機會我會有一架梅利號，係屬於海圖嘅梅利號，如果我喺度講咗然之後做唔到我老婆一定又會喺度鬧我，就會話其實有啲嘢你做唔到就唔好週圍講啦 。

但係我有時喺度諗講下啫又未必一定要做到嘅但係呢個會係我個目標，人哋笑係人哋笑嘅問題。其實真係唔需要將嗰件事情睇得咁重要，我係指人哋嘅睇法，例如搵幾多錢夠洗就得有啲人幾千萬身家十或幾億，每日都為咗嗰幾千萬同埋嗰幾億其實，佢哋付出嘅嘢絕對係超乎你的想像力。

因為身邊就有一個，你睇完之後就會覺得（嘩- -

算啦算啦，呢個都唔係重點，重點就係，唔理三七21 ，ai爆唔爆炸，個世界會唔會消失，其實一啲改變唔到或者控制唔到嘅嘢嘅時候就真係唔好諗咁多。

做咗先講，燒賣就燒賣，碌*就碌*。

暫時係講住咁多先因為已經有好多年好多年都冇講過嘢。。

希望每間舖頭嘅同事同埋拍檔都會鍾意手上呢啲相，我哋特別要鳴謝我哋舖頭嘅（婷婷妹豬）

16/08/2026

a life is not a limit .
有限與無限的遊戲.
權力和財富的遊戲.

04/08/2026

6月，有30日，有25都係落雨
7月，都有30日，得3日係有太陽。
8月，有3日係雨天，有一天係晴天，但係今日係8月4日。
完。

29/07/2026

元朗-劫後重生
就嚟裝完可以開返，聽日最後裝埋把遮就完成了，
但係今日返到去另外一間的時候，突然間有個同事同我講話琴畀個客鬧，話你啲咖啡一啲都唔水果囉。然之後我就心諗想食水果味你去買生果食呀嘛。後來先知道原來係咖啡界頂頂大名嘅新店探店買藥佬（都係聽以前啲行家講），聲稱咖啡界地獄使者，就叫佢個名Mr p。
然之後，同事嬲到要影佢相。無啦啦飲完杯咖啡就入嚟話唔夠水果味。

之後我都形容畀佢聽嗰個人嘅樣係咁樣咁樣係咪呢，跟住佢就話係呀係呀係佢喇係佢喇。

然之後，我就同佢講：我都試過畀佢喺我面前投訴我,話我老細係咪amen 呀？然之後我amen就話係呀,我老細係叫amen呀.疑至於佢投訴我嘅內容就係話我啲咖啡豆入面有（印度）喎.

然之後我就話（印度）好似成三四年前嘅事喇喎。

一聽到印度，越南，印尼，雲南，柬埔寨，菲律賓。就即刻咖啡大師靈魂上身。咖啡絕對係垃圾。
飲開有水果味嘅咖啡就梗係要飲非洲豆，巴拿馬嗰啲啦，最好係嗰啲咩極光莊園咖啡豆，藝技乜乜咖啡豆，人手篩選三次。價值超過一千蚊一公斤，買你500蚊一杯。

重點最慘佢喺amen面前投訴咗amen ，令到amen食咗個好大嘅死貓...重點係畀佢講我用咗印度豆，人哋已經冇用成幾年㗎喇，呢隻死貓真係食得好唔抵。。

唔緊要啦咖啡呢啲嘢百貨應百客，喺而家呢個環境先唔好講咖啡口味，首要嘅條件係真係唔好執笠生存落去。。。

你過嚟鬧下我啦，反正個杯double espresso我都賺咗你.又或者係，你不如飲多杯cappuccino畀啲意見,鬧多我一轉我又可以賺多你36蚊。

感覺好似我哋每間舖都畀，咖啡界地獄使者檢視過。。

希望之後我個d舖頭仔，我本人唔會遇到佢，因為我怕佢係(amen)面前投訴(amen)，然之後發現投訴緊嗰個人面前既人咁岩又叫(amen)咁就死火而又尷尬，都唔知畀咩反應佢好。
辛苦同事。
最怕係畀佢發現咗呢件事情以後我就唔可以再賺佢錢啦

笑下就算數喇。。。

元朗舖頭劫後重生應該星期五就可以慢慢開返，希望元朗個拍檔都會有驚無險，一步一步咁來。。。

諗下計仔，點樣捱過個八月先。

希望在明天！波耶波羅蜜！阿彌陀佛,善哉善哉