Barba Zvane je jedan štabel domaći influencer ki će kuntento promovirat Istru i sve njene običaje i zanimljivosti, da svi vide i znaju kako nan je tu lipo i dobro. Pensan da san štabel, naredan, inžinjoš, šegav, škercož, školovan... ma jušto pravi i štabel čovik.
Škole san finija one vele, za inžinjera, vidija i dela svašta po cilen svitu. Ma doma san se steši kuntento torna. Rojen san u Žminju, m
a žena mi je Prikodražanka, a najbolji kumpanj Labinjon. Brek mi je doša z Buzeta, a kampanju iman valje u Šišanu. Ako ćemo pošteno, cila Istra je moje doma, štiman je svu i sve ča ima. Ud srca ću van povidat sve ča san naša i ubaša hodeć naokolo pak da se morete i vi štimat i kuntentat s ton lipon zemljon. Da morete i drugima povidat kako je puli nas lipo i zvat hi veselo i bez rigvarda ovamo.
Ča govorite, ćete me uzet delat kako influencera?
