14/01/2024
اسمي أسيل وحابة أشارككم تجربتي وقصة الصفحة :)
من لما قربت ولادتي فكرت بخيارات عملية تخلي تجربتي مع البيبي إيجابية وتنقل المهام الروتينية من عبء لمهمات سهلة.
واحدة من أهم الأدوات اللي ساعدتني هي عرباية البيبي، ساعدتني بسهولة الحركة، خاصة في شوارع المدينة الصعبة، والضيقة، وعلى الحواجز لإنه حجمها صغير، سريعة، ومع كل الأغراض اللي منحملها معنا في مشاويرنا ما منتغلب لما نطلع في باص أو في فورد ولا حد بوقف يزمرلنا، ولا بتنقسم جزئين ومنقعد نفكر وين نترك الجزء الثاني؟
لهيك، عرباية دونا هي خيار مثالي للأمهات اللي حابين ما تكون مرافقة البيبي بأي شكل مهمة صعبة.
ليش صفحتنا؟
لإنه العبء الأكبر اللي واجهني هو سعرها الغالي، دورت على كثير صفحات مستعملة، بس ما كانوا بيتعاملو بشكل جيد مع متطلبات الزبون، مثلاً معاينة جيدة قبل الاستلام، شرح عن المنتج وتفاصيل من تاريخ الانتهاء وغيره.
في صفحتنا، رح نهتم بكل رسالة بالدور، ما رح نهتم بعدد الطبات بقدر اهتمامنا إنه كل زبون يكون مقتنع بالسعر، الجودة، و ماخذ حظه من الاهتمام.
نقطة أخرى بنحب نشجعها هي ثقافة نعيد استهلاك الأدوات اللي ممكن نعيد استخدامها!
ما بدي أقلكم عشان البيئة! بس عشان ممكن نوفر على حالنا نصف المبلغ، وناخذ عرباية شبه جديدة.
آخر إشي بنحب ننوه إله؛ جميع المنتجات اللي بتستلموها من عنا مرقت بعملية تنظيف وفحص عميقة. رح تاخذوها وإنتو مطمنين ومبسوطين.
بنتمنالكم تجربة فريدة!
شوي وبتنزل صور بضاعتنا !
