Midha Fragrances

12/08/2026

31/07/2026

ആ പുഞ്ചിരി ഓർമ്മയാക്കി മുനീർ യാത്രയായി,,,

ചില വിടപറച്ചിലുകൾ ഒരു വ്യക്തിയുടെ അഭാവം മാത്രമല്ല, അവർ സൃഷ്ടിച്ചിരുന്ന ബന്ധങ്ങളുടെ ചൂടും, അവർ സമ്മാനിച്ചിരുന്ന സ്നേഹവും ഒരേസമയം ശൂന്യമാകുന്നതാണ്. അത്തരത്തിലൊരു നൊമ്പരമാണ് ഇന്ന് രാമനാട്ടുകരയെ മൂകമാക്കിയത്,പ്രിയങ്കരനായ ചേക്കു ഹാജിയുടെ ചെറുമകനും, പാരഡൈസ് ഹോട്ടലിന്റെ ആത്മാവായി എല്ലാവരുടെയും ഹൃദയത്തിൽ ഇടം നേടിയിരുന്ന മുനീറിന്റെ അപ്രതീക്ഷിത വിയോഗം വിശ്വസിക്കാൻ പോലും പ്രയാസമാണ്.

ഇന്ന് പുലർച്ചെ ആ വാർത്ത കേട്ട നിമിഷം മനസ്സിലുണ്ടായ ഞെട്ടൽ വാക്കുകളിൽ വിവരിക്കാനാവില്ല. എപ്പോഴും സൗമ്യമായ പെരുമാറ്റവും മിതഭാഷിത്വവും മുഖത്തെ മായാത്ത ചെറുപുഞ്ചിരിയും കൊണ്ട് എല്ലാവരുടെയും സ്നേഹം നേടിയിരുന്ന മുനീർ ഇത്രയും പെട്ടെന്ന് അലങ്കനീയമായ വിധിക്കുത്തരം നൽകി നമ്മെ വിട്ടുപോകുമെന്ന് ആരും നിനച്ചിരുന്നില്ല,

അരനൂറ്റാണ്ടിലേറെയായി രാമനാട്ടുകരയുടെ വ്യാപാരചരിത്രത്തോട് ചേർന്ന് നിൽക്കുന്ന സ്ഥാപനമാണ് പാരഡൈസ് ഹോട്ടൽ. വിശ്വാസവും രുചിയും ആത്മാർത്ഥതയും തലമുറകളായി കാത്തുസൂക്ഷിച്ച ആ സ്ഥാപനത്തിന്റെ കൗണ്ടറിന് പിന്നിൽ എപ്പോഴും കാണാറുണ്ടായിരുന്ന മുനീറിന്റെ പുഞ്ചിരി, അവിടെ എത്തുന്ന ഓരോരുത്തർക്കും ഒരു സൗഹൃദത്തിന്റെ ഊഷ്മളതയായിരുന്നു. ഉപഭോക്താവെന്നതിലുപരി എല്ലാവരെയും സ്വന്തം ആളുകളായി കാണുന്ന ആ സ്നേഹസ്വഭാവമാണ് അദ്ദേഹത്തെ വ്യത്യസ്തനാക്കിയത്.

രാമനാട്ടുകരയിലെ വ്യാപാരികൾക്കും പൊതുപ്രവർത്തകർക്കും യുവാക്കൾക്കും മുതിർന്നവർക്കും ഒരുപോലെ പ്രിയങ്കരനായിരുന്നു അദ്ദേഹം. അതുകൊണ്ടുതന്നെയാണ് അദ്ദേഹത്തിന്റെ വിയോഗവാർത്ത അറിഞ്ഞ നിമിഷം രാമനാട്ടുകരയുടെ നാനാഭാഗങ്ങളിൽ നിന്നായി ആളുകൾ അദ്ദേഹത്തിന്റെ വീട്ടിലേക്ക് ഒഴുകിയെത്തിയത്. അത് ഒരു കുടുംബത്തിന്റെ മാത്രം ദുഃഖമായിരുന്നില്ല,ഒരു നാടിന്റെ മുഴുവൻ വേദനയായിരുന്നു.

ഇന്ന് അനേകം പേരുടെ ഡിജിറ്റൽ പേജുകളിൽ ആദരസ്മരണയായി നിറഞ്ഞുനിന്ന മുനീറിന്റെ ചിത്രം, അദ്ദേഹം ജീവിതകാലത്ത് നേടിയെടുത്ത സൗഹൃദത്തിന്റെയും സ്നേഹത്തിന്റെയും ആഴം വിളിച്ചുപറയുന്നതായിരുന്നു.

അവസാനമായി ആ മുഖമൊന്നു കാണാൻ പാരഡൈസ്
മൻസിലിൽ " എല്ലാവരെയും സ്വാഗതം ചെയ്തത് അതേ ചെറുപുഞ്ചിരിയുടെ നിഴൽ അവിടെ ബാക്കിയുണ്ടെന്ന തോന്നലായിരുന്നു. ആ നിശ്ശബ്ദ മുഖം കണ്ടപ്പോൾ പലരുടെയും കണ്ണുകൾ ഈറനണിഞ്ഞു. ചില വിടപറച്ചിലുകൾ അങ്ങനെയാണ്, വാക്കുകളേക്കാൾ നിശ്ശബ്ദതയാണ് കൂടുതൽ സംസാരിക്കുന്നത്.

അവസാന നമസ്കാരത്തിൽ തടിച്ചുകൂടിയ ജനക്കൂട്ടം പറഞ്ഞത് , അദ്ദേഹം നേടിയെടുത്ത സ്നേഹബന്ധങ്ങളുടെ ആഴമായിരുന്നു. മനുഷ്യരുടെ ഹൃദയങ്ങളിൽ ഇടം നേടുക എന്നതാണ് ഏറ്റവും വലിയ സമ്പത്ത് എന്ന് മുനീറിന്റെ ജീവിതം ഒരിക്കൽ കൂടി നമ്മെ ഓർമ്മിപ്പിക്കുന്നു.

കുടുംബാംഗങ്ങൾക്കും പ്രിയപ്പെട്ടവർക്കും ഈ തീരാനഷ്ടം സഹിക്കാനുള്ള ക്ഷമയും കരുത്തും സർവശക്തൻ പ്രധാനം ചെയ്യട്ടെ. പരേതന്റെ പാരത്രിക ജീവിതം ധന്യമാകട്ടെ.

ആദരാഞ്ജലികളോടെ,

പി. എം. അജ്മൽ
പ്രസിഡന്റ്,
കേരള വ്യാപാരി വ്യവസായി ഏകോപന സമിതി,
രാമനാട്ടുകര യൂണിറ്റ്.

29/06/2026

He knew immediately 😬