Urdu poetry

Urdu poetry Dedicated to Poetry lovers....

27/07/2013

meraa tamaam fan merii kaavish meraa riyaaz
ik naa-tamaam giit ke misare hai.n jin ke biich
maanii kaa rabt hai na kisii kaafiye kaa mel
anjaam jis kaa tay na huaa ho ik aisaa khel
merii mataa bas yahii jaduu hai ishq kaa
siikhaa hai jis ko mai.n ne ba.Dii mushkilo.n ke saath
lekin ye saahir-e-ishq kaa tohfaa ajiib hai
khulataa nahii.n hai kuchh ke haqiiqat me.n kyaa hai ye
taqadiir kii ataa hai yaa ko_ii sazaa hai ye
kis se kahe.n ai jaa.N ke ye qissaa ajiib hai
kahane ko yuu.N to ishq kaa jaduu hai mere paas
par mere dil ke vaaste itanaa hai is kaa bojh
siine se ik pahaa.D-saa haTataa nahii.n hai ye
lekin asar ke baab me.n halkaa hai is qadar
tujh pe agar chalaauu.N to chalataa nahii.n hai ye

27/07/2013

Khud apane liye baiTh ke soche.nge kisii din
yuu.N hai ki tujhe bhuul ke dekhe.nge kisii din

bhaTake hue phirate hai.n ka_ii lafz jo dil me.n
duniyaa ne diyaa vaqt to likkhe.nge kisii din

hil jaaye.nge ik baar to arsho.n ke dar-o-baam
ye Khaak_nashii.n log jo bole.nge kisii din

aapas kii kisii baat kaa milataa hii nahii.n vaqt
har baat ye kahate hai.n ke baiThe.nge kisii din

ai jaan terii yaad ke be-naam parinde
shaaKho.n pe mere dard kii utare.nge kisii din

jaatii hai kisii jhiil kii gaharaa_ii kahaa.N tak
aa.nkho.n me.n terii Duub ke dekhe.nge kisii din

Khushbuu se bharii shaam me.n jugnuu ke qalam se
ik nazm tere vaaste likkhe.nge kisii din

soye.nge terii aa.Nkh kii Khlvat me.n kisii raat
saaye me.n terii zulf ke jaage.nge kisii din

Khushbuu kii tarah ,asl-e-sabaa Khaak numaa se
galiyo.n se tere shahar kii guzare.nge kisii din

'Amjad' hai yahii ab ke kafan baa.Ndh ke sar se
us shahar-e-sitam_gaar me.n jaaye.nge kisii din

27/07/2013

sitaare jo damakate hai.n
kisii kii chashm-e-hairaa.N me.n
mulaaqaate.n jo hotii hai.n
jamaal-e-abr-o-baaraa.N me.n

ye na abaad vaqto.n me.n
dil-e-naashaad me.n hogii
muhabbat ab nahii.n hogii
ye kuchh din baad me.n hogii

guzar jaaye.nge jab ye din
ye un kii yaad me.n hogii

20/06/2013

zindagi kuch aur shey hay, ilm hay kuch aur shey
zindagi soz_e jigar hay, ilm hay soz_e demagh
ilm main dolat bhi hay, qudrat bhi, lazzat bhi
aik mushkil kaam hay k haath aata nahi apna suragh
eh'l_e danish aam hain, k*m yaab hain eh'l_e nazar!
kiya ta'ajjub hay k khaali reh gaya tera iyaagh
shaik_e maktab k tareeqoo.n sey kashad_e dill kaha.n
kis tarha kibriyat sey roshan ho bijli ka charagh

20/06/2013

aik zinda haqeeqat merey seeney main hay mastoor
kiya samjhey ga wo jis ki ragoo.n main hay lahu sard
nay parda, na taleem, nai ho k puraani!
niswaniyat_e zan ka nigehbaa.n faqat mard
jis qoum nay is zinda haqeeqat ko na paya
us qoum ka khursheed bohat juld howa zard

20/06/2013

ye saher jo kabhi firda hay kabhi hay imroz
nahi maloom k hoti hay kahan sey paida
wo saher jis sey larazta hay shabistaa.n_e wojood
hoti hay banda_e momin ki azaa.n sey paida

20/06/2013

tera gunah hay Iqbaal majlis Aaraai
agarchey tu hay misaal_e zamana k*m paiwan!
jo k kinaar k khogar they in ghareeboo.n ko
teri nawa nay diya hay zouq_e jazba hi buland
tarap rahye hain fiza hi nilgoo.n k leye
wo per-shikasta k sehn_e sara main they khorsand!
teri saza hay nawaa-e saher sey mehroomi
maqaam_e shouq_o suroor_o nazar sey mehroomo

Address

Chiplun

Website

Alerts

Be the first to know and let us send you an email when Urdu poetry posts news and promotions. Your email address will not be used for any other purpose, and you can unsubscribe at any time.

Shortcuts

Share

Category