Kakkanattu Thazhathethil

14/01/2022

30/01/2021

🔅🔅🔅🔅🔅🔅🔅🔅🔅🔅🔅

*🔅 പ്രഭാത ചിന്തകൾ 🔅*

*30 - 01 - 2021*

🔅🔅🔅🔅🔅🔅🔅🔅🔅🔅🔅

🔅 _*എല്ലാവർക്കും വലിയവർ ആകാനാണ്‌ ഇഷ്ടം. എന്നാൽ വേരില്ലാത്ത ഒരു മരവും വിണ്ണിലേക്ക്‌ വളരില്ല. ചെറിയ കാര്യങ്ങളിലെ സത്യസന്ധതയും ക്രിയാത്മകതയും ആണ്‌ വലിയ ആളുകളെ സൃഷ്ടിക്കുന്നത്‌ .*

🔅 _*ചിന്തകളിലും പ്രവർത്തികളിലും അടിസ്ഥാനപരമായ ഗുണനിലവാരം പുലർത്താത്തവർ അവരറിയാതെ തന്നെ നിലത്ത്‌ വീഴും.*

🔅 _*സ്വയം മാറാൻ തയ്യാറാകാതെ നാടു പരിഷ്കരിക്കാൻ ഇറങ്ങുന്നവരുടെ അഹന്ത കൊണ്ടും അമിത പ്രകടനങ്ങൾ കൊണ്ടുമാണ്‌ നാടിന്റെ നിഷ്കളങ്കത നഷ്ടമാവുന്നത്‌.*

🔅 _*വിവരം നൽകുന്ന വിദ്യാഭ്യാസത്തെക്കാൾ വിവേകം നൽകുന്ന വിദ്യാഭ്യാസം ആണ്‌ നാടുണർത്തുക. അറിവുള്ളവരുടെ അഭാവം അല്ല ,അറിവിനെ അനുഭവമാക്കി രൂപാന്തരപ്പെടുത്താൻ അറിയുന്നവരുടെ അഭാവമാണ്‌ ഏതു രംഗത്തെയും നിഷ്ക്രിയതക്ക്‌ കാരണം.*

🔅 _*പഠിപ്പിക്കുന്നവർ പാഠമാകാതെ വരുന്നിടത്തോളം കാലം പഠിതാക്കൾ നിർജീവ ശിലകളായി തുടരും . കണ്ടു പഠിച്ചവയിൽ നിന്നാണ്‌ കരുതലും ദീർഘവീക്ഷണവും ഉണ്ടാവുക .*

🔅 _*കാണാതെ പഠിച്ചവയിൽ നിന്ന് ഉത്തരങ്ങളും ഉദ്ധരണികളും മാത്രമെ ഉടലെടുക്കു. .എല്ലാം പഠിച്ചിട്ടും എന്താണ്‌ ചെയ്യേണ്ടത്‌ എന്ന വകതിരിവ്‌ ഇല്ലാത്തവർ ഉണ്ടാകുമ്പോൾ പഠനം പരാജയപ്പെടും.*

🔅 _*പ്രബന്ധം അവതരിപ്പിക്കാൻ അറിയുന്നവരല്ല. അവ പ്രയോഗത്തിൽ വരുത്താൻ അറിയുന്നവർ ആണ്‌ ഗുരുക്കന്മാർ ആകേണ്ടത്‌*

🔅 _*നേടിയ അറിവും പകർന്ന് നൽകിയ അറിവും പ്രശ്നപരിഹാരത്തിന്‌ പ്രയോജനപ്പെട്ടില്ലെങ്കിൽ ആ അറിവും ആചാര്യനും അപ്രസക്തം തന്നെയാണ്‌.*


🔅🔅🔅🔅🔅🔅🔅🔅🔅🔅🔅

Lktr

29/01/2021

🔅🔅🔅🔅🔅🔅🔅🔅🔅🔅🔅

*🔅 പ്രഭാത ചിന്തകൾ 🔅*

*29 - 01 - 2021*

🔅🔅🔅🔅🔅🔅🔅🔅🔅🔅🔅

🔅 _*ഒരേ സമയം പല ജോലികൾ ചെയ്യുന്നത്‌ എപ്പോഴും മികവിന്റെ അടയാളം അല്ല . പിരിമുറുക്കത്തിന്റെ അംശങ്ങളും അവയിൽ കണ്ടേക്കാം .*

🔅 _*പൂർണ്ണത കൈവരിക്കുന്നത്‌ വലിയ കാര്യം ആണെങ്കിലും അത്‌ നഷ്ടപ്പെടുന്നത്‌ ചെറിയ കാര്യങ്ങളിലെ അശ്രദ്ധയും അവിവേകവും മൂലമാണ്‌.*

🔅 _*ഒന്നിനോടും തനതായ മമതയില്ലാതെ എല്ലാം ഒരുപോലെ കൈപ്പിടിയിൽ ഒതുക്കാൻ ശ്രമിക്കുന്നവർക്ക്‌ ഒന്നിന്റെയും പൂർണ്ണത അനുഭവിക്കാൻ ആവില്ല .ആളുകളെയും അനുഭവങ്ങളെയും മനസ്സിലാക്കുന്നതിൽ പരാജയപ്പെടുന്നത്‌ ദൃഷ്ടി സ്ഥിരത ഇല്ലാത്തത്‌ കൊണ്ടാണ്‌ . വിളറിയതും വികൃതവുമായ കാഴ്ച്ചകൾ എല്ലാം സങ്കീർണ്ണത കൊണ്ട്‌ മാത്രം ആകണം എന്നില്ല . കണ്ണുകളുടെ അനിശ്ചിതത്വം കൊണ്ടും ആകാം .*

🔅 _*ശാന്തമായവയിൽ എല്ലാം തെളിമയുണ്ടാകും. തിരക്കിനൊപ്പം ഒറ്റക്ക്‌ ഇരുന്നുള്ള അപഗ്രഥനങ്ങളും ഉണ്ടാകണം . ഇല്ലെങ്കിൽ ഉള്ളിലെ ഇന്ധനം തീരുന്നത്‌ അറിയാതെ വരും*

🔅 _*ഒന്നു ശാന്തമാവാനും പരിശോധിക്കാനം സമയം കണ്ടെത്തിയിരുന്നെങ്കിൽ വൈകാരികതയിൽ നിന്നും അമിത വേഗത്തിൽ നിന്നും ഉടലെടുത്ത പല അപക്വ തീരുമാനങ്ങൾക്കും കുറച്ചു കൂടി മെച്ചപ്പെട്ട പരിഹാരം കണ്ടെത്താമായിരുന്നു .*

🔅 _*നിശ്ചലവും ശാന്തവും ആയ ബക്കറ്റിൽ നമുക്ക്‌ നിലാചന്ദ്രനെ കാണാൻ കഴിയും . ഓളം തട്ടുന്ന വെള്ളത്തിൽ നിലാവ്‌ കാണാൻ പ്രയാസമായിരിക്കും. മനസ്സും അത്‌ പോലെ തന്നെയാണ്‌. ശാന്തമാകുക. എല്ലാം തെളിഞ്ഞ്‌ കാണാൻ പറ്റും.*

🔅🔅🔅🔅🔅🔅🔅🔅🔅🔅🔅

Lktr

21/01/2021