17/08/2019
കടയ്ക്കാവൂർ പോലീസും കൊല്ലം ട്രേഡേഴ്സും സംയുക്തമായി ട്രാഫിക് ബോധവൽക്കരണ കൂട്ടയോട്ടം സംഘടിപ്പിച്ചു. നിലയ്ക്കാമുക്ക് ജംഗ് ക്ഷനിൽ നിന്ന് ആരംഭിച്ച കൂട്ടയോട്ടം കടക്കാവൂർ ചെക്കാലവിളാകം ജംഗ് ക്ഷനിൽ സമാപിച്ചു. വിജയികൾക്കുള്ള സമ്മാനവും, മത്സരാർത്ഥികൾക്കുള്ള ടീ ഷർട്ടും നിലയ്ക്കാമുക്ക് കൊല്ലം ട്രേഡേഴ്സ് സ്പോൺസർ ചെയ്തു. സമാപന സമ്മേളനത്തിൽ കടയ്ക്കാവൂർ S I വിനോദ് വിക്രമാദിത്യൻ അദ്ധ്യക്ഷത വഹിച്ചു.കടയ്ക്കാവൂർ C I ശ്രീകുമാർ സമ്മാന വിതരണം നടത്തി. കടക്കാവൂർ ഗ്രാമപഞ്ചായത്ത് പ്രസിഡന്റ് വിലാസിനി., ചിറയിൻകീഴ് ഗ്രാമപഞ്ചായത്ത് പ്രസിഡന്റ് ഡീന, കടയക്കാവൂർ SSPBHS ലെ, HM ശോഭ, പി.ടി.എ പ്രസിഡന്റ് അഡ്വ. റസൂൽ ഷാൻ ,കായികാധ്യാപകൻ ഷാജു എന്നിവർ ചടങ്ങിൽ സംബന്ധിച്ചു. കൊല്ലം ട്രേഡേഴ്സ് എം.ഡി. എ.ജെ ഷഹാർ ചടങ്ങിന് നന്ദി പ്രകാശിപ്പിച്ചു. വക്കം, കടയ്ക്കാവൂർ സ്ക്കൂളുകളിലെ വിദ്യാർത്ഥികൾ, അദ്ധ്യാപകർ, പൊതു ജനങ്ങൾ എന്നിവരാൽ ചടങ്ങ് ഗംഭീരമായിരുന്നു...
