08/01/2022
♦️പകലന്തിയോളം പണി ചെയ്തിട്ട് 10 രൂപയ്ക്ക് ചാരായം കുടിച്ച് ഒരു താറാമുട്ടയും കഴിച്ച് ബാക്കി കാശുമായി വീട്ടിൽ പോയിരുന്ന മലയാളിയെ ഇന്നത്തെ അവസ്ഥയിലെത്തിച്ചതിന്റെ ഉത്തരവാദിത്വം ആൻറണി തൊട്ട് പിണറായി വരെയുള്ള ഭരണകർത്താക്കൾക്ക് -
♦️14508 കോടി വിറ്റുവരവിൽ
♦️12426 കോടി ടാക്സ്!!
2086 കോടിയുടെ (ഉത്പാദനച്ചിലവും ലാഭവും ട്രാൻസ്പോട്ടിംഗും അടക്കം )മദ്യം വിറ്റ കഥ
ഇതല്ലേ സത്യം എന്നതിനാൽ നാലാൾ വായിക്കണം എന്നു കരുതി Post ചെയ്യുന്നു.
രണ്ടുമാസം നീണ്ട ലോക്ക് ഡൌൺ കാലഘട്ടത്തിൽ കള്ളുകടകൾ അടഞ്ഞു കിടന്നു..
സർക്കാർ കരുതിയതുപോലെ ആയിരക്കണക്കിന് മദ്യപാനികൾ ആത്മഹത്യ ചെയ്തില്ല...
നാട് മുഴുവൻ മാനസിക രോഗികളെക്കൊണ്ട് നിറഞ്ഞില്ല..
ആകെ ആത്മഹത്യ ചെയ്തത് വെറും ആറുപേർ.. ( അതിന് മറ്റു കാരണങ്ങളുമുണ്ട് ).
വളരെ വളരെ കുറച്ചുപേരൊക്കെ വ്യാജന്റെ പിന്നാലെ പോയിക്കാണും..
മഹാ ഭൂരിപക്ഷം മദ്യപാനികൾ ആ ശീലം പരിപൂർണ്ണമായും മറന്നു..
കുടുംബത്തോടൊപ്പം മദ്യമില്ലാതെ സന്തോഷമായി ജീവിക്കാൻ പഠിച്ചു...
സ്വബോധമില്ലാത്ത.. അപ്പന്മാരെ പേടിക്കാതെ, മക്കൾ വീട്ടിൽ കിടന്നുറങ്ങിത്തുടങ്ങി...
പ്രായമായ പെണ്മക്കളുടെ സുരക്ഷിതത്വത്തെയോർത്തു ഉറക്കം നഷ്ടപ്പെട്ട അമ്മമാരുടെ കൺതടങ്ങളിലെ കറുപ്പുനിറം മങ്ങിത്തുടങ്ങി...
അതേ....
മദ്യത്തിന്റെ ലഭ്യത കുറഞ്ഞപ്പോൾ നാട്ടിൽ സമാധാനം കണ്ടുതുടങ്ങി... സ്ത്രീപീഡനങ്ങൾ കുറഞ്ഞു..
കൊല്ലും, കൊലയും കുറഞ്ഞു..!! കുടുംബബന്ധങ്ങൾ ദൃഢമായി..!!
മദ്യത്തിനോ, മദ്യപാനത്തിനോ ഞാൻ എതിരല്ല...
മലയാളിക്ക് ഒരു മദ്യസംസ്കാരം ഇല്ല, അല്ലെങ്കിൽ അറിയില്ല എന്നൊരു വിഷമമേയുള്ളൂ...
കേരളത്തിലെ മദ്യപന്മാരിൽ, മദ്യത്തിന്റെ ദൂഷ്യഫലം ഏറ്റവും കൂടുതൽ അനുഭവിക്കുന്നത് സമൂഹത്തിന്റെ താഴെത്തട്ടിൽ ഉള്ളവരാണ്...
രാവന്തിയോളം പണിയെടുത്ത് വൈകുന്നേരം 10 രൂപക്ക് ഒരു ചെറുത് വാങ്ങിയടിച്ചു ഒരു താറാമുട്ട പുഴുങ്ങിയതും കഴിച്ച് മര്യാദക്കു വീട്ടിൽ പോയിരുന്നവരാണ് കേരളത്തിലെ മുഴുവനും കുടിയന്മാരും..
(അന്ന് മദ്യം കഴിക്കുന്നവർ 10% ൽ താഴെയായിരുന്നു..
അതൊരു മോശം പ്രവർത്തിയായാണ് ജനം കണ്ടിരുന്നത് ).
അപ്പോഴാണ്, കേരളത്തിലെ അമ്മപെങ്ങന്മാരുടെ കണ്ണീരൊപ്പാൻ എന്ന വ്യാജേനെ നമ്മടെ അന്തോണീസ് പുണ്യാളൻ ചാരായം അങ്ങ് നിരോധിച്ചത്..
അതോടു കൂടി മദ്യപാനത്തിന് പ്രചാരവുമായി.
അങ്ങനെ 10 രൂപക്ക് ചെറുതടിച്ചിരുന്നവർ അതിന്റെ പത്തും, ഇരുപതും ഇരട്ടി കൊടുത്തു വിദേശി ( കളർ ചേർത്ത സെക്കന്റ്സ് ചാരായം) അടിച്ചു തുടങ്ങി..
കുടി പണ്ടത്തേതിന്റെ പതിന്മടങ്ങു കൂടി
കുടുബ ബജറ്റുകൾ താളം തെറ്റി...
അങ്ങനെ നല്ല പ്രചാരം കൊടുത്തിട്ട് കള്ളുകച്ചവടത്തിന്റെ കുത്തക സർക്കാർ മുഴുവനായി ഏറ്റെടുത്തു..
100 രൂപക്ക് കിട്ടുന്ന കുപ്പി 1000 രൂപക്ക് വിൽക്കുന്നു...
പ്രബുദ്ധ കേരളത്തിന്റെ ആകെയുള്ള വരുമാനം കള്ളു കച്ചവടവും,
ലോട്ടറി കച്ചവടവും മാത്രമായി...!!
എന്നുപറഞ്ഞാൽ സാക്ഷര കേരളത്തിലെ സർക്കാർ ജീവനക്കാരുടെ ശമ്പളവും, പെൻഷനും, സാമൂഹിക പെൻഷനും സമൂഹത്തിന്റെ താഴെത്തട്ടിലുള്ള സാധാരണക്കാരായ കള്ളുകുടിയന്മാരുടെ തലയിൽ ആയെന്ന്..!!
കഴിഞ്ഞ സാമ്പത്തികവർഷം മാത്രം ലോട്ടറി വിറ്റത് 9262.7 കോടി രൂപക്ക്....
അതിൽ നിന്നും സ്റ്റേറ്റ് ഉണ്ടാക്കിയ വരുമാനം 1673.11 കോടി...
ഇവിടെ ഒരു പണക്കാരനും ലോട്ടറി എടുക്കാറില്ല... പാവപെട്ട കൂലിപ്പണിക്കാരുടെ മക്കൾ കഴിക്കേണ്ട ഭക്ഷണത്തിന്റെ കാശാണ് സർക്കാർ പിടിച്ചു പറിച്ചത്...
അടച്ചുറപ്പുള്ള ഒരു വീട്ടിൽ ജീവിക്കണമെന്നുള്ള അവന്റെ കുടുബത്തിന്റെ സ്വപ്നത്തിന്റെ വില....
നല്ല വസ്ത്രമിടാനുള്ള, നല്ല വിദ്യാഭ്യാസം കിട്ടാനുള്ള അവന്റെ മക്കളുടെ അവകാശത്തിന്റെ വില...
അതുപോലെ തന്നെ, കഴിഞ്ഞ സാമ്പത്തിക വർഷം കള്ള് വിറ്റുണ്ടാക്കിയത് 14508 കോടി രൂപാ...
അതിൽത്തന്നെ, നികുതിയായി കൊള്ളയടിച്ചത് 12426 കോടി..
ഇതിലും, മുക്കാൽ പങ്കും പട്ടിണിക്കാരന്റെ മക്കൾ കഴിക്കേണ്ട ഭക്ഷണത്തിന്റെ വില തന്നെ..!!
ഇതിനിടയിൽ 2 വർഷം മുൻപ് പാവപ്പെട്ടവന്റെ സർക്കാർ മദ്യത്തിന്റെ വീര്യം കുറയ്ക്കുകയെന്ന വീര സാഹസിക പരിഷ്കരണം നടത്തി.
നാം തെറ്റിദ്ധരിച്ചു , അത് പാവപ്പെട്ട അദ്ധ്വാന വർഗ്ഗത്തിന്റെ കരളും ആരോഗ്യവും സംരക്ഷിക്കാനാണെന്ന്..
തെറ്റിപ്പോയി..
ആ പ്രക്രിയ അരക്കുപ്പി കുടിക്കുന്നവനെ ഒരു കുപ്പി കുടിക്കേണ്ട അവസ്ഥയിലാക്കി..
ഫലം 250 രൂപയുടെ അരക്കുപ്പി കടിച്ചവർ 500 രൂപയ്ക്ക് കുടിക്കേണ്ട അവസ്ഥ..
എത്ര ബുദ്ധിപരമായ ,
കുടിയന്മാർ ആരും തിരിച്ചറിയാതെ പോയ കൊള്ള..അല്ലേ..
എല്ലാ ബജറ്റിലും വില കൂട്ടുന്നതു കൂടാതെ പ്രളയത്തിന് വീണ്ടും വില കൂട്ടി ..
വി എം സുധീരൻ മുടിഞ്ഞ മദ്യവ്യാപനത്തിന് തടയിട്ടപ്പോൾ, സർക്കാരിന്റെ വരുമാനം കുറഞ്ഞെന്നു പറഞ്ഞത് വീണ്ടും വില കൂട്ടി..
( ആയത് പിന്നീട് മദ്യഷാപ്പുകളും ബാറുകളും പൂർവ്വസ്ഥിതിയെയും കടന്ന് ഇരട്ടിയായിട്ടും കുറച്ചില്ല...😁).
സ്വർണ്ണത്തിന്റെ ടാക്സ് സർക്കാർ കൂട്ടിയില്ല.. എന്തിന് പറയുന്നു, കഴിഞ്ഞ 25 കൊല്ലമായി പത്തുപൈസ പോലും കൂട്ടാത്ത തൊഴിൽ നികുതി പോലും സർക്കാർ കൂട്ടിയില്ല..
ഇവിടെ വർഷം 10-20 ലക്ഷം ശമ്പളം മേടിക്കുന്നവർ കൊടുക്കുന്ന തൊഴിൽ നികുതി വെറും 2500 രൂപയാണ്...
വർഷം, ഒരു ലക്ഷം രൂപാ വിറ്റുവരവുള്ള ബിസിനസുകാരനും, ആയിരം കോടി വിറ്റുവരവുള്ളവനും ഒരുകൊല്ലം കൊടുക്കുന്ന ഇൻസ്റ്റിറ്റിയൂഷണൽ ടാക്സ് വെറും 2500 രൂപയാണ്..
കഴിഞ്ഞ 25 കൊല്ലമായി ഇതൊന്നു പരിഷ്ക്കരിക്കാൻ ആർക്കും തോന്നിയില്ല.... !!
കാശിനുവേണ്ടി എന്നും കൈവെച്ചത് അന്തിപ്പട്ടിണിക്കാരനായ കള്ളുകുടിയന്റെ മടിശീലയിൽ ആയിരുന്നു...
അതാകുമ്പോൾ, ആരും ചോദിക്കില്ല...
പാർട്ടി ഫണ്ട് കുറയില്ല.... സമരം ഉണ്ടാവില്ല...
ആകെ സംഭവിക്കുന്നത് അവന്റെ വീട്ടിലെ അടുപ്പ് പുകയില്ല എന്നത് മാത്രം... അവന്റെ പെണ്ണിന്റെ കരണം ദിവസേനെ അടികൊണ്ടു ചീർക്കും എന്നത് മാത്രം...
അവന്റെ കുടുംബത്തിന്റെ സ്വസ്ഥതയും ഐശ്വര്യവും സമാധാനവും നശിക്കുമെന്നു മാത്രം..
അവന്റെ കുടുംബം, തലമുറകളായി BPL കാർഡും പിടിച്ചു റേഷൻകടയുടെ മുന്നിൽ ക്യൂ നില്കും...!!
അരിപ്പയായ കരളും, ചങ്കും മാറ്റിവെക്കാൻ കാശില്ലാതെ പിച്ചക്കാരനെപ്പോലെ അവൻ ചാകും മധ്യവയസാകുന്നതിനു മുൻപേ..!!
ഇപ്പോൾ കൊറോണയുടെ പേരുംപറഞ്ഞു വീണ്ടും അവന്റെ മടിശീലക്കു പിടിക്കുന്നു...
മദ്യത്തിന്റെ വില 35% കൂട്ടി...
2000 കോടി അധിക വരുമാനം അതിലൂടെ കിട്ടുമെന്ന് സാക്ഷര കേരളത്തിന്റെ ധനകാര്യ മന്ത്രി പറയുന്നു...
ധനമന്ത്രീ നിങ്ങളോട്....
കൊളംബിയയിലെ കൊളളക്കാരുടെയും മയക്കുമരുന്ന് മാഫിയയുടെയും ഭരണകൂടം നിങ്ങളെക്കാൾ സാമൂഹിക പ്രതിബദ്ധത കാണിക്കുന്നുണ്ട്..
മദ്യപന്മാരെ ജീവിതത്തിലേക്ക് തിരികെ കൊണ്ടുവരാൻ കിട്ടിയ ഈ സുവർണ്ണാവസരം നിങ്ങൾ ഉപയോഗിച്ചില്ല..
അവരെ നന്നാവാൻ നിങ്ങൾ അനുവദിക്കില്ല....
മദ്യം കിട്ടിതുടങ്ങിയാൽ, ഭാര്യയുടെ കെട്ടുതാലി വിറ്റെങ്കിലും, ഒരു ശരാശരി മദ്യപാനി കള്ളുകുടിക്കും എന്ന് നിങ്ങൾക്ക് നന്നായറിയാം..
നിങ്ങളെപ്പോലുള്ള രാഷ്ട്രീയക്കാർക്ക് ലക്ഷങ്ങളുടെ കണ്ണട മേടിക്കാൻ..
തോർത്തും, കൈലിമുണ്ടും,കോണകവും വരെ മേടിക്കാൻ..
അമേരിക്കയിൽ പോയി ആസന ദ്വാര ചികിത്സ തേടാൻ, ഈ പാവങ്ങളുടെ കുത്തിനു പിടിക്കുന്ന ഏർപ്പാട് നിങ്ങൾ നിർത്തണം...
അന്തിപ്പട്ടിണിക്കാരന്റെ ചങ്കിന്റെയും, കരളിന്റെയും വിലയിൽ ഞങ്ങൾക്കൊരു സൗഭാഗ്യവും വേണ്ട...
അവന്റെ പെണ്മക്കളുടെ മാനത്തിന്റെ വിലയിൽ ഞങ്ങൾക്ക് ക്ഷേമപദ്ധതി പ്രഖ്യാപിക്കണ്ട....
*കൊള്ളയും ധൂർത്തും അവസാനിപ്പിക്കുക.*
*60 വയസ്സ് കഴിഞ്ഞവർക്ക് എല്ലാവർക്കും10,000/- രൂപ പെൻഷൻ കൊടുക്കുക.*
അവന്റെ കുടുംബത്തിന്റെ കണ്ണീരിനു മുകളിൽ നിങ്ങൾ കെട്ടിപൊക്കുന്ന ഈ സിംഹാസനത്തോട് പുച്ഛമാണ് ഞങ്ങൾക്ക്... !! പുച്ഛം.. !!
ചരിത്രം പോലും നിങ്ങൾക്കു മാപ്പുതരില്ല..!!
NB. വായിച്ചപ്പോൾ ഷെയർചെയ്യണമെന്നുതോന്നിയ ഒരു post... !!
Post Courtesy- Facebook
