https://www.facebook.com/106574369194058/

Kerala Christian History Books, Kochi (2026)

24/09/2025

ശ്രീയേശു വിജയം (മഹാകാവ്യം), മഹാകവി കട്ടക്കയത്തിൽ ചെറിയാൻ മാപ്പിള (എഡിററർ: ഡോ. കുര്യാസ് കുമ്പളക്കുഴി), CPC Trivandrum, 1988, വില ₹370 പോസ്റ്റേജ് സൗജന്യം.

കേരള ക്രൈസ്തവരിൽ നിന്നുള്ള ആദ്യത്തെ മഹാകവിയായി പരിഗണിക്കപ്പെടുന്ന കട്ടക്കയം ചെറിയാൻ മാപ്പിളയ്ക്ക് ക്രൈസ്തവകാളിദാസൻ എന്ന അഭിസംബോധന നേടിക്കൊടുത്ത മലയാളത്തിലെ ആദ്യത്തെ ക്രൈസ്തവ മഹാകാവ്യമാണ് 'ശ്രീയേശുവിജയം'. നീണ്ട 15 വർഷമെടുത്ത് ബൈബിൾ ഇതിവൃത്തമായി കട്ടക്കയം രചന നിർവ്വഹിച്ച ഈ മഹാകാവ്യത്തിൽ 3719 പദ്യങ്ങൾ 24 സർഗ്ഗങ്ങളിലായി ക്രമീകരിച്ചിരിക്കുന്നു. മഹാകവി ഉള്ളൂർ അവതാരിക നിർവ്വഹിച്ച് കൈരളിക്കു സമർപ്പിച്ച 575-ഓളം പേജുകളിൽ പരന്നു കിടക്കുന്ന ഈ അപൂർവ്വഗ്രന്ഥം ഡോ. കുര്യാസ് കുമ്പളക്കുഴി സംശോധനം ചെയ്ത് 1988-ൽ കേരള ക്രൈസ്തവ സാഹിത്യഗവേഷകർക്കും മലയാള ഭാഷാകുതുകികൾക്കുമായി പുനരർപ്പണം ചെയ്തത്.

08/09/2025

പൗരസ്ത്യ ഇന്ത്യയിലേക്കുള്ള പ്രേഷിത പ്രയാണങ്ങൾ,
മോൺ. ജോസഫ് സെബസ്ത്യാനി (വിവർത്തകൻ ഫാ. പാട്രിക് മൂത്തേരിൽ ഒസിഡി), February 2020, ഒറിജിനൽ വില ₹790 ഡിസ്കൗണ്ടഡ് വില ₹500

കൂനൻ കുരിശു സത്യത്തിനുശേഷം കത്തോലിക്കാസഭയുമായി ഇടഞ്ഞു നിന്ന കേരളത്തിലെ നസ്രാണിസമൂഹത്തിന്റെ ആവശ്യങ്ങൾ പഠിക്കുവാനായി റോമിൽ നിന്ന് അയക്കപ്പെട്ട വൈദികനായ ജോസഫ് സെബസ്ത്യാനി 1657'ൽ കേരളത്തിലെത്തി. വിവിധ നസ്രാണി പള്ളികൾ സന്ദർശിക്കുകയും നസ്രാണികളുടെ ആവശ്യങ്ങൾ മനസ്സിലാക്കുകയും ചെയ്തശേഷം മടങ്ങിപ്പോയ സെബസ്ത്യാനി, ഈ യാത്രയുടെ വിവരങ്ങൾ 'Prima Speditione All Indie Orientali' എന്ന പേരിൽ പ്രസിദ്ധീകരിച്ചു. ശേഷം 1661'ൽ മെത്രാനായി കേരളത്തിൽ മടങ്ങി വന്ന മാർ സെബസ്ത്യാനി, പറമ്പിൽ ചാണ്ടി മെത്രാനെ വാഴിക്കുകയും അതുവഴി നല്ലൊരു ശതമാനം നസ്രാണികളെ വീണ്ടും റോമുമായി ഐക്യത്തിലാക്കുകയും ചെയ്തു. ആധുനിക സീറോ മലബാർ സഭയുടെ പിതാവെന്നു പോലും വിശേഷിപ്പാക്കാവുന്ന സെബസ്ത്യാനിയുടെ രണ്ടാംവരവ് കേരളത്തിലെ മാറുന്ന രാഷ്ട്രീയസാഹചര്യങ്ങളാൽ സംഭവബഹുലമായിരുന്നു. കേരളത്തിലെ പോർച്ചുഗീസ് ശക്തിയുടെ പതനത്തിനും ഡച്ചുകാരുടെ ആഗമനത്തിനും ദൃക്സാക്ഷിയായ മാർ സെബസ്ത്യാനി തദ്ദേശ്ശീയനായ ആദ്യ മെത്രാനെ അഭിഷേകം ചെയ്യുകയും, കേരളത്തിലെ വിവിധ നാട്ടുരാജാക്കന്മാരേയും പ്രഭുക്കന്മാരേയും പലവിധ പ്രീണനവിദ്യകളാൽ വശത്താക്കുകയും, എതിരാളിയായ മാർത്തോമാ ഒന്നാമനെ പിടികൂടാൻ ധാരാളം ശ്രമങ്ങൾ നടത്തുകയും ചെയ്തു. അനേകം നസ്രാണിപള്ളികൾ സന്ദർശിക്കുകയും റോമുമായുള്ള ബന്ധത്തിലേക്ക് വിജയകരമായി അവയെ തിരിച്ചുകൊണ്ടുവരുകയും ചെയ്ത ബിഷപ്പ് സെബസ്ത്യാനി 1663'ൽ മടങ്ങിപോയി കേരളത്തിലേക്കുള്ള തന്റെ രണ്ടാം യാത്രയുടെ വിവരങ്ങൾ 'Seconda Speditione All Indie Orientali‘ എന്ന പേരിൽ പ്രസിദ്ധീകരിച്ചു. മാർ സെബസ്ത്യാനിയുടെ ഇറ്റാലിയൻ ഭാഷയിലുള്ള ഈ രണ്ട് യാത്രാവിവരണഗ്രന്ഥങ്ങളും പരിഭാഷ ചെയ്ത് 'പൗരസ്ത്യ ഇന്ത്യയിലേക്കുള്ള പ്രേഷിത പ്രയാണങ്ങൾ' എന്ന പേരിൽ ഒറ്റ ഗ്രന്ഥത്തിലായി അവതരിപ്പിക്കുകയാണ് വിവർത്തകൻ. 17-ാം നൂറ്റാണ്ടിലെ കേരളത്തിലെ സാമൂഹ്യ രാഷ്ട്രീയ പരിസ്ഥിതിയുടെ നേർക്കാഴ്ച്ചയായ ഈ ഗ്രന്ഥം കേരളത്തിന്റെ ചരിത്രപഠനത്തിലേർപ്പെട്ടിരിക്കുന്നവർക്ക് പുത്തൻ അറിവുകളുടെ അക്ഷയഖനികൾ തുറന്നുവയ്ക്കുന്നു. 755- ഓളം പേജുകളുള്ള ഈ അമൂല്യ ഗ്രന്ഥം ഡിസ്കൗണ്ടിനു ശേഷം ഇപ്പോൾ ₹500 മാത്രം.

Paurastya Indiailekkulla Presh*ta Prayanangal, Author Msgr. Joseph Sebastiani OCD (Translator: Fr. Patrick Mootheril OCD).

29/07/2025

The Carmelites And The Malabar Church (Kerala) In The 17th And 18th Centuries (1642 - 1773) -The Discalced Carmelites In India Volume I, Sunny Maniakunnel, Institutum Historicum Teresianum, Roma 2014, ഒറിജിനൽ വില ₹750 ഡിസ്കൗണ്ടഡ് വില ₹500

17, 18 നൂറ്റാണ്ടുകളിൽ റോമിൽ നിന്നു കേരളസഭയിലേക്ക് അയയ്ക്കപ്പെട്ട കർമ്മലീത്താ മിഷണറിമാരും മെത്രാന്മാരും കേരളസഭയിൽ നടത്തിയ ഇടപെടലുകൾ, പള്ളി സന്ദർശനങ്ങൾ, നസ്രാണികൾക്കിടയിലെ പ്രവർത്തനങ്ങൾ, പൗരസ്ത്യരും പ്രൊപ്പഗാന്തക്കാരുമായ മെത്രാൻമാരുമായി നടത്തിയ അധികാര വടംവലികൾ, കേരളത്തെ അക്കാലത്ത് നിയന്ത്രിച്ചിരുന്ന വിവിധ രാഷ്ട്രീയശക്തികളുമായി നടത്തിയ നീക്കുപോക്കുകൾ തുടങ്ങിയവയെല്ലാം വത്തിക്കാൻ, റോം, വിവിധ യൂറോപ്യൻ ലൈബ്രററികൾ തുടങ്ങിയവയിൽ സൂക്ഷിച്ചിട്ടുള്ള ആധികാരികരേഖകളെ ആസ്പദമാക്കി വിശകലനം ചെയ്യുന്ന അപൂർവ്വ ഗ്രന്ഥം. 600- ഓളം പേജുകൾ വരുന്ന റോമിൽ നിന്നു ആദ്യം പ്രസിദ്ധീകരിച്ച ഈ ബ്രഹത്ഗ്രന്ഥം ഇപ്പോൾ ഡിസ്കൗണ്ടഡ് വിലയ്ക്ക്.

21/02/2024

കൂനൻകുരിശുസത്യം - മാർത്തോമാക്രിസ്ത്യാനികളുടെ പോരാട്ടചരിത്രം, ഡോ. ഷീബ സി. വി., Indulekha Kottayam, December 2023, വില ₹200

മത-രാഷ്ട്രീയ-സാംസ്‌കാരികരംഗങ്ങളിൽ കടന്നുകയറി തങ്ങളുടെ സ്വത്വവും സ്വാതന്ത്ര്യവും മുച്ചൂടും മുടിക്കുന്ന അധിനിവേശശക്തികളോടുള്ള, ആത്മാഭിമാനപ്രേരിതരായ മാർത്തോമാക്രിസ്‌ത്യാനികളുടെ എതിർപ്പിന്റെ പ്രകടനവും സ്വാതന്ത്യപ്രഖ്യാപനവുമായിരുന്നു കൂനൻകുരിശുസത്യം. ഇന്ത്യൻ ദേശീയതയുടെ പ്രതിരോധത്തിനായുള്ള ആദ്യ ചുവടു വെയ്‌പായി വ്യാഖ്യാനിക്കാവുന്ന ആ സമരത്തെ വസ്തുതുനിഷ്‌ഠമായി നോക്കിക്കാണാനുള്ള ശ്രമമാണ് ഈ ഗ്രന്ഥത്തിൽ നടത്തുന്നത്. മാർത്തോമാക്രിസ്‌ത്യാനികളുടെ സംസ്‌കാരം, തനിമ, ആരാധനാഭാഷ, പാരമ്പര്യങ്ങൾ എന്നിവ തകർത്ത സംഭവമായി ഉദയംപേരൂർ സുനഹദോസിനെയും സാംസ്‌കാരികാധിനിവേശത്തിനെതിരായുള്ള പോരാട്ടമായി കൂനൻകുരിശുസത്യത്തെയും പുനർനിർവചിക്കുകയാണ് ഗ്രന്ഥകാരി.

(156-ഓളം പേജുകൾ, ഉള്ളടക്കം കമന്റുകളായി ചേർത്തിരിക്കുന്നു)

Koonan Kurisu Sathyam, Dr. Sheeba C V

21/02/2024

സുവിശേഷം ഉത്തരകേരളത്തിൽ, സമ്പാദകൻ: ഡോ. കെ. കെ. എൻ. കുറുപ്പ്, Sahitya Pravarthaka Co-operative Society Ltd. Kottayam, July 2009, വില ₹100

വടക്കൻകേരളത്തിൽ ഒരു ഉപദേശിയായി (കാറ്റക്കിസ്റ്റ്) സുവിശേഷപ്രചരണത്തിൽ ഏർപ്പെട്ടിരുന്ന സാമുവൽ അമ്പാട്ട് 1899-1905 കാലഘട്ടത്തിൽ ബാസൽ മിഷ്യന്റെ മിഷൻ കേന്ദ്രത്തിലേക്ക് എഴുതി അയച്ച പത്ത് അർധവാർഷിക റിപ്പോർട്ടുകളാണീ ഗ്രന്ഥത്തിന്റെ പ്രധാന ഉള്ളടക്കം. കൂടാതെ അദ്ദേഹത്തിന്റെ ആത്മകഥാപരമായ ഒരു കുറിപ്പും ആമുഖമായി കൊടുത്തിരിക്കുന്നു. സാമുവൽ അമ്പാട്ടിന്റെ പ്രവർത്തനങ്ങളുടെ സംക്ഷിപ്ത‌വിവരണമായ ഈ റിപ്പോർട്ടുകളിൽ മലബാറിൽ മിഷ്യനറിമാർ അക്കാലത്ത് നേരിട്ടിരുന്ന പ്രതിസന്ധികളുടേയും പ്രയാസങ്ങളുടേയും നേർച്ചിത്രം പ്രതിഫലിക്കുന്നു. മലബാറിൽ നിലനിന്നിരുന്ന ഫ്യൂഡൽ വ്യവസ്ഥിതിയെ വെല്ലുവിളിച്ച് സവർണജാതിക്കാരുടേയും മാപ്പിളമാരുടെ ഇടയിലും നടത്തിയ മിഷ്യൻ പ്രവർത്തനങ്ങൾ എപ്രകാരം സാമൂഹ്യപരിവർത്തനത്തിനു സഹായകരമായെന്നും, അവയോടുള്ള മലബാർ സമൂഹത്തിന്റെ മനോഭാവം എങ്ങനെയായിരുന്നുവെന്നും തെളിച്ച് കാട്ടുന്ന ഈ ചരിത്രരേഖകൾ അതിനാൽത്തന്നെ പ്രാധാന്യമർഹിക്കുന്നു.

(145-ഓളം പേജുകൾ)

Suvisesham Utharakeralathil, Dr. K. K. N. Kurup

16/02/2024

ബിഷപ്പ് ചാൾസ് ഹോപ്പ് ഗിൽ ധന്യമീസ്‌മൃതികൾ, ഡോ. അശോക് അലക്‌സ് ഫിലിപ്പ്, Albatross Publications Cochin, January 2016, വില ₹150

1905 മുതൽ 1924 വരെ തിരുവിതാംകൂർ-കൊച്ചി ആംഗ്ലിക്കൻ മഹായിടവകയുടെ അധ്യക്ഷനായി വർത്തിക്കുകയും, വിദ്യാഭ്യാസ-സാമൂഹിക രംഗങ്ങളിലെ അർത്ഥപൂർണ്ണമായ പ്രവർത്തനങ്ങളിലൂടെ ഉന്നതമായ മാനദണ്ഡങ്ങളും ഉത്കൃഷ്ടമായ ചിന്തകളും കേരള സമൂഹത്തിന് നൽകുകയും, അവശ ജനോദ്ധാരണത്തിനും, പിന്നോക്ക വിഭാഗങ്ങളുടെ ഉന്നമനത്തിനുമായി ധീരോദാത്തമായ ചുവടുവെയ്പ്പുകളെടുക്കുകയും ചെയ്ത കേരളത്തിന്റെ നവോത്ഥാന ശിൽപികളിൽ ഒരാളായ ബിഷപ്പ് ചാൾസ് ഹോപ്പ് ഗില്ലിന്റെ സംഭാവനകളെക്കുറിച്ചുള്ള പഠനം.

(170ഓളം പേജുകൾ. ഉള്ളടക്കം കമന്റുകളായി കൊടുത്തിരിക്കുന്നു.)

Bishop Charles Hope Gill Dhyanamee Smrithikal, Dr. Ashok Alex Philip

07/12/2023

ജാതി മതം നസ്രാണി, ഡോ. എം. കുര്യൻ തോമസ്, MOC Publications Kottayam, November 2018, വില ₹170

സംസ്കാരത്തനിമയ്ക്കു വേണ്ടിയുള്ള മലങ്കരനസ്രാണികളുടെ സംഘർഷത്തിന്റെ ശ്ലാഘനീയത പുസ്‌തകരൂപത്തിൽ അവതരിപ്പിക്കുന്ന ഗ്രന്ഥകാരൻ, വൈദേശിക സഭാമേൽക്കോയ്മകളിൽ നിന്നു വിടുതൽ നേടി സ്വയം ശീർഷകത്വം പ്രഖ്യാപിച്ച മലങ്കര നസ്രാണി അധിനിവേശ മതമേൽക്കോയ്മകൾ ബാക്കി വെച്ച തദ്ദേശീയ പവിത്രതാസങ്കൽപങ്ങൾ, പ്രതീകങ്ങൾ, ആചാരാനുഷ്ഠാനങ്ങൾ തുടങ്ങിയവ മുൻനിർത്തി സ്വയം വ്യതിരിക്തത അവകാശപ്പെടുന്നതെങ്ങനെയെന്നും; തദ്ദേശീയസംസ്കൃതിയിൽ നിന്ന് ആർജിച്ചെടുത്ത ജാത്യാവബോധത്തെ അടിസ്ഥാനമാക്കി പുതിയ സ്വത്വനിർമാണം നടത്തുന്നതെങ്ങനെയെന്നും തന്റെ ചരിത്രാന്വേക്ഷണങ്ങളിലൂടെ വ്യക്തമാക്കുന്നു.

(315-ഓളം പേജുകൾ, ഉള്ളടക്കം കമന്റുകളായി ചേർത്തിരിക്കുന്നു)

Jyathy Matham Nazrani (Caste, Religion and Nazrani - Studies about the cultural history of the Nazranis of Kerala in Malayalam), Dr. M. Kurian Thomas

03/12/2023

Catholic Church And Social Changes In India, Editors: KS Mathew & Joseph Chacko Chennattuserry CMI & Francis Thonippara CMI, ATC Publishers Bengaluru, 2022, വില ₹450

ഇന്ത്യൻ ഭാഷാശാസ്ത്രം-തത്ത്വചിന്ത-നരവംശശാസ്ത്രം-വൈജ്ഞാനികത-കലകൾ തുടങ്ങിയവ പരിപോഷിപ്പിക്കുന്നതിനു വേണ്ടിയുള്ള പ്രവർത്തനങ്ങൾ, അച്ചടി-സാഹിത്യം-വിദ്യാഭ്യാസം-കാർഷികം-ആതുരശുശ്രൂഷ എന്നീ മേഖലകളിലെ സംഭാവനകൾ, ജാതീയ ഉച്ചനീചത്വങ്ങൾക്കും അനാചാരങ്ങൾക്കുമെതിരായ ശ്രമങ്ങൾ, ആദിവാസികൾ-ദളിതുകൾ തുടങ്ങിയ പാർശ്വവൽക്കരിക്കപ്പെട്ടവരും അധസ്ഥിതരുമായ ആളുകളുടെ ഉന്നമനം, അവകാശങ്ങൾ നിഷേധിക്കപ്പെട്ടിരിക്കുന്നവരുടെ ബോധവൽക്കരണം, തുടങ്ങിയവ വഴി കത്തോലിക്കാസഭ ഇൻഡ്യയിലെ വിവിധ സ്ഥലങ്ങളിലെ സാമൂഹികപരിവർത്തനങ്ങൾക്ക് എപ്രകാരം നാന്ദി കുറിച്ചുവെന്ന് പരിശോധിക്കുകയാണ് ഈ ഗ്രന്ഥത്തിൽ. കത്തോലിക്കാസഭയിലെ വിവിധ വിഭാഗങ്ങൾ പല നൂറ്റാണ്ടുകളിലായി ഇൻഡ്യയിലെ വിവിധ ഇടങ്ങളിൽ നടത്തിയ സുവിശേഷവൽക്കരണശ്രമങ്ങളുടെ സംക്ഷിപ്തചരിത്രങ്ങളും ലേഖനങ്ങളായി ചേർത്തിരിക്കുന്ന ഈ ഗ്രന്ഥത്തിൽ കേരളത്തിൽ നിന്ന് വയനാട്ടിലെ കുറിച്യരുടെയിടയിലും, കണ്ണൂരിലെ ദളിത് വിഭാഗങ്ങൾക്കിടയിലും (ചിറയ്ക്കൽ മിഷൻ) സഭ നടത്തിയ മിഷൻ പ്രവർത്തനങ്ങളുടെ ചരിത്രവും ഉൾപ്പെടുത്തിയിരിക്കുന്നു.

(375- ഓളം പേജുകൾ, ഉള്ളടക്കം കമന്റുകളായി ചേർത്തിരിക്കുന്നു)

Kerala Christian History Books

24/09/2025

08/09/2025

29/07/2025

21/02/2024

21/02/2024

16/02/2024

07/12/2023

03/12/2023

Address

Website

Alerts

Contact The Business

Shortcuts

Share

Category