NC Books, Chattiparamba, Malappuram (2026)

07/03/2026

പ്രണയസത്യകം

07/03/2026

അഗാപെ

ചില പുസ്തകങ്ങൾ നിങ്ങൾ വായിക്കും. ചില പുസ്തകങ്ങൾ നിങ്ങളെ വായിക്കും അഗാപെ അങ്ങനെയൊരു കഥയാണ്. പേജുകൾ മുന്നോട്ട് നീങ്ങുന്തോറും നിങ്ങളുടെ ഉള്ളിലെ ഭയം, വിശ്വാസം, ഓർമ്മ, പ്രണയം എല്ലാം ചോദ്യം ചെയ്യപ്പെടും. ഇവിടെ പ്രണയം ഒരു വികാരം മാത്രമല്ല. അത് ഒരു ശാപമാകാം. അല്ലെങ്കിൽ.... ഒരു വാതിലാകാം. നിങ്ങൾ ചിന്തിച്ചിട്ടില്ലാത്ത ഒരു ചോദ്യം ഈ കഥ നിങ്ങളോട് ചോദിക്കും: നിങ്ങൾ ഏറ്റവും സ്നേഹിച്ച വ്യക്തി... നിങ്ങളുടെ നാശത്തിന് കാരണമായാലോ? ഒരിക്കൽ തുടങ്ങിക്കഴിഞ്ഞാൽ, ഉറപ്പാണ്: അവസാനം വരെ എത്താതെ നിങ്ങൾക്ക് നിർത്താനാകില്ല.

❤️

07/03/2026

സഫിയ

സ്വപ്നങ്ങൾക്ക് അതിരുകളില്ലെന്ന് വിശ്വസിച്ച സഫിയ എന്ന പെൺകുട്ടിയുടെ അതിജീവനത്തിന്റെ കഥ പാതിവഴിയിൽ തകർന്നുപോയേക്കാവുന്ന ഒരു വിവാഹബന്ധത്തിൻ്റെ ചങ്ങലക്കെട്ടുകളിൽ നിന്നും, തന്റെ സ്വപ്നങ്ങളിലേക്കുള്ള ദൂരം അവൾ കരുത്തോടെ നടന്നുതീർത്തു. കണ്ണുനീരിൽ നിന്നും കരുത്തിലേക്കും, തളർച്ചയിൽ നിന്നും വിജയത്തിലേക്കുമുള്ള ഒരു പെൺകുട്ടിയുടെ അവിശ്വസനീയമായ യാത്ര. ഇത് സഫിയയുടേത് മാത്രമല്ല, പോരാടാൻ ഉറച്ച ഓരോ സ്ത്രീയുടെയും കഥയാണ്.

17/02/2026

നോവലിന്റെ ഓരോ അധ്യായവും ഭൂമിയെ ചുറ്റിപ്പറ്റിയുള്ള 90 മിനിറ്റ് ദൈർഘ്യമുള്ള ഒരു ഭ്രമണപഥത്തെ ഉൾക്കൊള്ളുന്നു. അങ്ങനെ 24 മണിക്കൂറിൽ 16 ഭ്രമണപഥങ്ങൾ. അതിശയകരമായ വിധം ദൂരത്തെ നമ്മളിലേക്ക് അടുപ്പിക്കുന്ന വായനാനുഭവം.

17/02/2026

ഇവിടെയുണ്ടിവർ

ഇതിൽ രാഷ്ട്രീയമുണ്ട്, പ്രണയമുണ്ട്, മനുഷ്യ ജീവിതത്തെ സംബന്ധിക്കുന്ന മഹാസങ്കല്പങ്ങളുണ്ട്. പുതിയ കാലത്തിൻറെ നിഷ്ഠൂരതകളോടുള്ള സത്യസന്ധമായ പ്രതികരണങ്ങളുണ്ട്.

എൻ പ്രഭാകരന്റെ മറ്റു കൃതികളിൽ നിന്ന് ഏറെ വ്യത്യസ്തമായ കൃതി.

17/02/2026

ജ്ഞാന ഭാരം

ലോകചരിത്രത്തെ മാറ്റിമറിച്ച രണ്ട് മഹായുദ്ധങ്ങളുടെ വിവരങ്ങൾ പോലും ഉൾപ്പെട്ടിട്ടില്ലാത്ത, ഒരു നൂറ്റാണ്ടോളം പഴക്കമുള്ള ചിന്തകളും ആശയങ്ങളും നിറഞ്ഞ പഴയ ഒരു വിജ്ഞാനകോഷത്തിന്റെ 12 വാല്യങ്ങളും വായിച്ചു തീർക്കുക എന്നത് പരമപ്രധാനകർമമായി സ്വീകരിച്ച കൈലാസ് പാട്ടീൽ. ഭൂതകാലത്തിൽ ഒരിടത്ത് ജീവിതത്തെ കുത്തിനിർത്തിയ ജ്ഞാനവൃദ്ധനിലൂടെ മനുഷ്യ ജീവിതത്തിൻറെ അർത്ഥവും അർത്ഥശൂന്യതയും വ്യാഖ്യാനിക്കുന്ന രചന.

14/02/2026

ORDER NOW... 🥰♥️♥️

10/02/2026

നരമുണ്ടോ ഖേല

മരിച്ചവരെ കുഴിമാടങ്ങളിൽനിന്ന് കുഴിച്ചെടുത്ത് രണ്ടായി വെട്ടിമുറിച്ച് തലയിലേറ്റി പുതുവർഷമാഘോഷിക്കുന്ന സോനാപൊളാശി എന്ന ബംഗാളി ഗ്രാമത്തിൽനിന്ന് ആരംഭിക്കുന്ന ഒരു യാത്ര! പകുതി ഹിന്ദുവും പകുതി മുസ്‌ലിമുമായി ജീവിക്കുന്ന ഹുസൈനി ബ്രാഹ്മണരുടെ ജീവിതത്തിലൂടെ, ആസ്സാമിലെ അഹോം രാജവംശം നിർമ്മിച്ച പിരമിഡുകളുടെ ഉള്ളറകളിലൂടെ, തവളക്കല്യാണത്തിന് സർക്കാർ അവധി പ്രഖ്യാപിക്കുന്ന സമാജത്തിലൂടെ, ആർത്തവരക്തം ഒപ്പിയ തുണിക്കഷണം പ്രസാദമായി നൽകുന്ന അംബുബച്ചി മേളയിലൂടെ, ജിന്നുകളെക്കൊണ്ട് ഭ്രാന്ത് മാറ്റുന്ന ദർഗകളിലൂടെ, അൾത്താരകളിലൂടെ, അമ്പലങ്ങളിലൂടെ നടത്തുന്ന ഒരു പാൻ ഇന്ത്യൻ (അന്ധ)വിശ്വാസ യാത്ര.

02/02/2026

പ്രണയക്കാവിലമ്മ
abbas01

ഞാൻ മനസ്സിലാക്കി - എൻ്റെ അമ്മയെ അല്ല, വിലാസിനി എന്ന സ്ത്രീയെ, അവരുടെ വിവാഹത്തെ, അവരുടെ ഭർത്താവിനെ, അവിഹിതഗർഭം ചുമന്ന അവരുടെ മകളെ, അവരുടെ ഒറ്റപ്പെടലിനെ, സങ്കടങ്ങളെ, ശമനം കിട്ടാതെപോയ ഉടൽപ്പെരുക്കങ്ങളെ, ഉറക്കം വെടിഞ്ഞ അനേകം രാത്രികളെ, അടുക്കളവട്ടത്തിൽ ഊർന്നുവീണ കണ്ണീരിനെ, പറയാൻ കഴിയാതെ ഉള്ളിലൊളിപ്പിച്ച നോവുകളെ, കാലിൽ തറച്ച മുള്ളുകളെ, സാന്ത്വനമായി വന്നെത്താത്ത സ്നേഹവിരലുകളെ, കുളിരായി പുണരാത്ത പ്രണയപ്പച്ചകളെ, എല്ലാത്തിനുമപ്പുറം നാല്പ‌ത്തിമൂന്നു വർഷം ഉള്ളിലെ ഗർഭത്തിൽ അവർ വഹിച്ച ജീവിതമെന്ന ചാപിള്ളയെ..

01/02/2026

യെല്ലോ റിബൺ

കണ്ണെത്താദൂരം പരന്നുകിടക്കുന്ന മണലാഴിയിൽ ഏകാന്തത അനുഭവിക്കുന്ന മനുഷ്യർ നമുക്ക് ചുറ്റിലുമുണ്ട്. അങ്ങനെയുള്ള ഒരു സ്ത്രീയുടെ കാഴ്ചപ്പാടിലൂടെ ജീവിതത്തിന്റെയും രാഷ്ട്രത്തിന്റെയും മുറിവുകളെ അവതരിപ്പിക്കുകയാണ് ദിവ്യ അരുൺ 'യെല്ലോ റിബ്ബൺ' എന്ന നോവലിൽ. ഈ എഴുത്താളിന്റെ ആദ്യത്തെ നോവലായ 'യെല്ലോ റിബ്ബണി'ൽ സഭാകമ്പമില്ലാതെ, ഉപാധികളെ മുന്നോട്ടുവയ്ക്കാതെ മനുഷ്യവർഗ്ഗത്തിന്റെ അടിസ്ഥാനപരമായ സ്വഭാവങ്ങളെ നിർദ്ധാരണം ചെയ്യുന്നു. മാത്രമല്ല, സ്ത്രീ-പുരുഷ ബന്ധത്തിന്റെ നിർവ്വചനത്തിൽ ലിംഗ/രാഷ്ട്രീയ ചേരുവകൾ അസാമാന്യമായ തരത്തിൽ സ്വാധീനം ചെലുത്തുന്നതിന്റെ രേഖാചിത്രം നോവലിൽ വരച്ചെടുക്കുന്നു. പ്രമേയസമീപനത്തിലും കഥാസന്ദർഭങ്ങളിലെ ക്രമീകരണത്തിലും കഥാപാത്രങ്ങളുടെ വികസനത്തിലും ഭാവനാത്മകമായ രംഗങ്ങളിലും നോവലിസ്റ്റ് പ്രകടിപ്പിക്കുന്ന തഴക്കം നോവലിന്റെ മിഴിവ് അധികമാക്കുന്നു.

27/01/2026

സന്തോഷത്തിന്റെ സമവാക്യങ്ങൾ

സ്വന്തം സന്തോഷത്തിൻ്റെ താക്കോൽ തേടുന്ന ഓരോ വ്യക്തിക്കും വഴികാട്ടിയാകുന്ന പുസ്‌തകം. കാലം നമ്മളെ കടന്നുപോകുമ്പോൾ ലോകം ചെറുതാകുന്നില്ല; പക്ഷേ, നമ്മൾ എല്ലാ അർത്ഥത്തിലും വലുതാകേണ്ടതുണ്ട്. ഒരുകാലത്ത് വലിയ സന്തോഷങ്ങളായി തോന്നിയ പല കാര്യങ്ങളും ഇന്നെന്തുകൊണ്ട് നിസ്സാരമായി തോന്നുന്നു? എന്താണ് സന്തോഷത്തിൻ്റെ അളവുകോൽ? അവനവനിൽ സന്തോഷത്തിൻ്റെ അപാരമായ അവസരങ്ങൾ നിറ‌യ്ക്കേണ്ടത് എങ്ങനെയാണ്?

സ്വയം ചോദിച്ചും... ചിന്തിച്ചും... ചിന്തിപ്പിച്ചും വായിച്ചും... വായിപ്പിച്ചും... കൊച്ചു കൊച്ചു കാര്യങ്ങളിൽപോലും സന്തോഷം എങ്ങനെ നേടാമെന്നും സന്തോഷം ഒരു സമവാക്യം പോലെ ലളിതമാവുന്നത് എങ്ങനെയെന്നും ഈ പുസ്‌തകം നിങ്ങളോട് പറയും.

ബെസ്റ്റ് സെല്ലർ പുസ്തകമായ 'കാളി'യുടെ എഴുത്തുകാരിയും ലൈഫ് കോച്ചുമായ അശ്വതി ശ്രീകാന്തിന്റെ സെൽഫ് ഹെൽപ്പ് പുസ്‌തകം.

19/01/2026

'എംറ്റി സ്പേസ് : ബാഷ്പീകൃതയുടെ ആറാം വിരൽ '
ദീദി ദാമോദരൻ / എച്ച്മുക്കുട്ടി .
വില 250
കുറിപ്പ് : കിരൺ തോമസ്

മലയാള സാഹിത്യത്തിലെ കുലപതിയാൽ ഇടം ശൂന്യമാക്കപ്പെട്ട ഒരുവളെ കുറിച്ചുള്ള അന്വേഷണങ്ങളും ഓർമ്മകളുമെല്ലാമടങ്ങിയ രണ്ടു ഗ്രന്ഥങ്ങൾ ഉൾക്കൊള്ളുന്ന ഒരു പുസ്തകമാണ് 'എംറ്റി സ്പേസ് : ബാഷ്പീകൃതയുടെ ആറാം വിരൽ '. രണ്ടു ദിവസം മുൻപാണ് പ്രേംചന്ദിൻ്റെ എഫ്ബിയിലെ ഒരു പോസ്റ്റ് ശ്രദ്ധയിൽപ്പെടുന്നത് , പോസ്റ്റ് പെട്ടെന്ന് നോക്കുമ്പോൾ ഹാഷ്ടാഗിട്ട് കൊടുത്ത
' കുലപതിപ്പേടി ' എന്ന പദം വല്ലാതെ ആകർഷിച്ചു . പ്രേംചന്ദ് എന്ന പേര് ശ്രദ്ധയോടെ പിന്തുടരുന്നത് 2025 ലെ മാധ്യമം വാർഷികപ്പതിപ്പിലെ ' മറവിയുടെ വഴിയമ്പലങ്ങൾ ' എന്ന ലേഖനം വായിച്ചതു മുതലാണ് . എം.ടി.യുടെ നിർമ്മാല്യത്തിനു പിന്നിലെ ഒരു ആശയമോഷണത്തെ അനാവരണം ചെയ്യുന്ന ഗംഭീരമായ ഒരു ലേഖനമായിരുന്നു അത് . അതിനെക്കുറിച്ച് മുൻപ് എഴുതിയതാണ് , അതിനാൽ അതിലേക്ക് കടക്കുന്നില്ല . അല്ലെങ്കിലും അതല്ലല്ലോ നമ്മുടെ വിഷയം . #കുലപതിപ്പേടി എന്ന് ഹാഷ്ടാഗിട്ട് പ്രേംചന്ദ് നമ്മോട് പറഞ്ഞ വിഷയം 'എംറ്റി സ്പേസ് : ബാഷ്പീകൃതയുടെ ആറാം വിരൽ' എന്ന പുസ്തകത്തിൻ്റെ പ്രകാശനത്തെ കുറിച്ചായിരുന്നു . എം.ടി. വാസുദേവൻ നായരെ ആംഗലേയത്തിൽ അടയാളപ്പെടുത്തിയ വിവർത്തക , നഷ്ടബോധങ്ങൾ എന്ന ആത്മകഥാപരമായ നോവൽ എഴുതിയ നോവലിസ്റ്റ് , ചെറുകഥാകൃത്ത് ഇങ്ങനെ വിശേഷണങ്ങൾ അനവധിയുള്ള ഒരു മഹതിയെ എന്നോ മലയാളം മറന്നു അല്ലെങ്കിൽ ബോധപൂർവ്വം മറവിയിലാഴ്ത്തി . അക്കഥ പറയുന്ന , മലയാള സാഹിത്യത്തിലെ കുലപതിയെ, എം.ടി.യുടെ ഇരുണ്ട തലങ്ങളെ മറനീക്കി പുറത്തു കൊണ്ടുവരുന്ന പുസ്തകമാണ് 'ബാഷ്പീകൃതയുടെ ആറാം വിരൽ' . പ്രമീള നായരോടൊപ്പം സഞ്ചരിച്ചിരുന്ന കുടുംബ സുഹൃത്തും എഴുത്തുകാരിയും പ്രമുഖ ഫെമിനിസ്റ്റുമെല്ലാമായ ദീദി ദാമോദരനാണ് ഇതിലെ ഒരു ഗ്രന്ഥം തയ്യാറാക്കിയിരിക്കുന്നത്. പ്രമീള നായരോട് ചേർന്ന് നിന്നുകൊണ്ട് സത്യസന്ധമായി അവരാ കർത്തവ്യം പൂർത്തീകരിച്ചിരിക്കുന്നു.മറ്റൊരു ഗ്രന്ഥം തയ്യാറാക്കിയിരിക്കുന്നത് ഏതാണ്ട് പ്രമീള നായരുടേതു പോലെയുള്ള ജീവിത സാഹചര്യങ്ങളിലൂടെ കടന്നുപോവുകയും എന്നാൽ ജീവിതം പൊരുതി നേടാനുള്ളതാണെന്ന വാശിയോടെ പൊരുതുകയും ഇന്ന് മലയാള സാഹിത്യത്തിൽ നിറഞ്ഞുനിൽക്കുകയും ചെയ്യുന്ന എച്ച്മുകുട്ടിയുമാണ്.

എം.ടി.യുടെ ആദ്യ ഭാര്യ കൂടിയായിരുന്നു പ്രമീള നായർ . ഇക്കാര്യം ഞാൻ അവസാനം എഴുതിയത് എംടിയുടെ ആദ്യ ഭാര്യ ആയതിനാൽ മാത്രം മലയാളസാഹിത്യ ചരിത്രത്തിൽ തിരസ്കരിക്കപ്പെട്ട ഒരു എഴുത്തുകാരിയാണ് പ്രമീള നായർ.പ്രമീള നായരുടെ പുസ്തകങ്ങൾ ഒന്നും തന്നെ നിലവിൽ ലഭ്യമല്ല . ' നഷ്ടബോധങ്ങൾ ' എന്ന നോവൽ , ' ഗൗതമി എന്ന പെൺകുട്ടി ' ( ചെറുകഥാ സമാഹാരം) പുസ്തകങ്ങളാണ് അവരുടെ ജീവിതകാലത്ത് വെളിച്ചം കണ്ടത്.അതുതന്നെ അധികം പ്രചരിക്കപ്പെട്ടില്ല.എന്നാൽ ഇരുളിൽ മറയേണ്ടവയല്ല അവയൊന്നും, അവ പുറത്തുവരുന്നതിനുള്ള പുതിയ ശ്രമങ്ങൾക്ക് ബാഷ്പീകൃതയുടെ ആറാംവിരൽ കാരണമാകട്ടെ എന്ന് പ്രത്യാശിച്ചുകൊണ്ട് ഉപസംഹരിക്കുന്നു.

പുസ്തകം ലഭിക്കുന്നതിന്...
📞 7736806280
Whatsapp Link :https://wa.me/+917736806280

NC Books

07/03/2026

07/03/2026

07/03/2026

17/02/2026

17/02/2026

17/02/2026

14/02/2026

10/02/2026

02/02/2026

01/02/2026

27/01/2026

19/01/2026

Address

Telephone

Website

Alerts

Contact The Business

Shortcuts

Share

Category