09/09/2026
علامہ نذیر احمد رحمانی املوی مرحوم کی ایک خالص علمی اور معرکہ الاراء کتاب انوار المصابيح ہے، باتفاق اہل علم وذوق یہ اپنے موضوع پر بے نظیر کتاب ہے، موضوع کی حساسیت کو پورے علمی وقار اور متانت کے ساتھ برتا ہے، دلائل کا استحضار، مناقشہ، استنتاج کی قوت جابجا نظر آتی ہے، زبان وبيان کی چاشنی بھی قابل دید ہے، علمی مسائل کے محاکمہ میں علامہ املوی نے اپنے استاذ علامہ عبدالرحمن محدث مبارکپوری کا شاندار تتبع کیا ہے، بسا اوقات وہی رنگ، وہی انداز اور وہی اسلوب، اپنانے کی کوشش کی ہے۔ طلبہ علم کے پڑھنے، سیکھنے اور اس سے بہت کشید کرنے کی چیز ہے۔
یادش بخیر کچھ ماہ قبل بنارس کے ایک سفر میں استاذ محترم شیخ احسن جميل مدني حفظہ اللہ (سابق شیخ الجامعہ السلفيہ بنارس) سے تذکرہ ہوا کہ ہم نے اس کتاب پر علمی کام شروع کیا ہے اور نئے پیرہن میں شائع کرنا چاہتے ہیں، شیخ نے فرمایا کہ "میں نے یہ کام کم وبیش دس برس پہلے کرلیا ہے"، مجلس میں ہمارے ساتھ برادرم حذیفہ منیجر مکتبہ دارالسلام بھی تھے، ہماری خوشی کا کوئی ٹھکانہ نہ رہا، ہم نے فورا شیخ سے گزارش کی کہ آپ فائل عنایت کریں، چنانچہ شیخ نے اس پر ازسر نو محنت کی اور جلد ہی فائنل صورت میں کتاب بھیج دی، اس طرح یہ کام ہمارے سفر کا حاصل رہا۔
کتاب کی علمی قیمت اب اس لیے مزید بڑھ گئی کہ اس پر شریعت پر گہری نظر رکھنے والے وقت کے ایک بڑے اور کہنہ مشق اہل علم کا کام ہے، جابجا کتاب پر شاندار اور علمی حواشی ہیں، مختصر تخریجات وحوالے ہیں، شروع میں مختصر علمی مقدمہ ہے، الغرض نسل نو کے لیے یہ ایک علمی تحفہ ہے، برادرم حذیفہ منیجر دارالسلام نے انتہائی خوبصورت اور دیدہ زیب انداز میں اسے شائع کیا ہے، یہ ان کی سعادت مندی یے کہ احیاء تراث سلف کے ہمارے اس مشن میں وہ برابر کے شریک ہیں۔
اللہ تعالیٰ اس کا بہترین اجر عطا فرمائے، اس کی اشاعت نو شریک تمام احباب کو اجر جزیل سے نوازے آمین یا رب.
راشد حسن مبارکپوری
9/9/2026
کتاب حاصل کرنے کے لیے رابطہ کریں
مکتبہ دارالسلام مئو
صدر چوک مئو ناتھ بھنجن مئو
اتر پردیش 275101
موبائل نمبر : 7428738778
What's app
Message MAKTABA DARUSSALAM MAU on WhatsApp. https://wa.me/message/7MHPDNTN6R4BF1
What's app channel
https://whatsapp.com/channel/0029VaCdpWtE50UbRfz3b52G
What's app community Group
https://chat.whatsapp.com/JHzxVRdJ0RMHuVWfd1J54R
page
https://www.facebook.com/share/wrQRxRyKmmEfqJTg/
YouTube
https://www.youtube.com/
Naim Book Center & Publishers
Maktaba darussalam mau
