https://www.facebook.com/101178425366786/

S. V Enterprise Garding Product, kailash colony, Mumbai (2026)

05/09/2023

Aboli Plants Available
Rs 170 each + Shipping

For more details Whatsapp 𝟴𝟰𝟯𝟯𝟴𝟮𝟲𝟰𝟭𝟰

29/08/2023

Water Lilly Plant
3 colour Available
Rs 500 each + 120

For Booking Whatsapp 84338 26414

22/08/2023

Poinsettia

याचा सीजन थंडीमध्ये असतो थंडीमध्ये याची पाने लालसर होतात.. दिसायला खूपच आकर्षक दिसते. सेमी शेड किंवा शेडमध्ये ठेवा डायरेक्ट सूर्यप्रकाश याला चालत नाही

मातीत नेहमी ओलावा मेंटेन राहील असे पाण्याचे नियोजन करा पाणी एकदाच द्या की कुंडीच्या ड्रेनेज होल मधून बाहेर पडले पाहिजे नंतरचे पाणी थोडासा थर सुकला मातीचा की लगेच द्या पाण्याचा जास्त ताण याला सहन होत नाही आणि जास्त माती दलदली किंवा चिखली जरी झाली तरी याचे पाने आपोआप गळू लागतात.

26/07/2023

बोन्साय, हे नाव जपानी वाटते. ही कलाही जपानी असल्याचाच सगळीकडे समज आहे. जपानमध्ये याबद्दल बरेच लिहिले-बोलले जाते. जपानमध्ये बोन्सायची मोठमोठी मार्केटस आहेत. जपान प्रमाणेच, चीन, थायलंड, इंडोनेशिया, व्हियेतनाम अशा अनेक पौर्वात्य देशांमध्ये ही कला बहराला आली आहे.

खरे तर, ही अस्सल भारतीय कला आहे. भारतामध्येच या कलेचा उगम झाला आणि त्याचवेळी तिचा विकासही झाला होता. ‘वामनवृक्ष कला’, असे या कलेचे नाव आहे. विष्णूने वामनाचा अवतार घेतल्याची कथा आहे. वामन म्हणजे आकाराने छोटा. त्याच धर्तीवर छोटे झाड तयार करण्याचा या कलेला ‘वामन वृक्ष कला’, असे नाव होते.

भारतामध्ये प्राचीन काळी, झाडांपासून औषधे तयार करण्याचे शास्त्र होते. वैद्य जंगलात, डोंगरात जाऊन, वनस्पतींची पणे, मुळे गोळा करून आणत आणि त्यांपासून औषधे तयार करीत. पुढे त्यांचे वय झाले, की त्यांना जंगलात, डोंगरात जाणे अशक्य व्हायचे. यावर उपाय म्हणून त्यांनी ती झाडेच आपल्या घरात आणली. आपल्या घरातील कुंडीमध्ये आणली आणि त्याचा उपयोग सुरु केला. तीच ‘वामन वृक्ष कला’.

भारतामध्ये बौद्ध धर्माचा उगम झाला आणि हा धर्म पूर्वेकडच्या देशांमध्ये पसरला. भारतामधून बौद्ध भिक्षु, भारताबाहेर गेले आणि जाताना त्यांनी छोट्या कुंड्यांमधून, आपल्याबरोबर हे वामन वृक्षही नेले. जपानमध्ये भिक्षु गेले. तिथेच ही कला पसरली आणि बहराला आली. तिथे तिचे नाव झाले ‘बोन्साय’. तिथूनच ही कला जगभर पसरली.

24/07/2023

झाडाचे पान, खोड, फांदी ,फुल, मुळे झाडाचा कोणताही एक भाग आपण जेव्हा कट करतो त्याला प्रूनिंग म्हणतात... प्रूनिंग करण्याची बरीच कारणे आहेत, मग ते कारण झाडाला आकार किंवा घनदाट बनवण्यासाठी ,रोग पडल्यावर, पाने खराब झाल्यावर किंवा झाडाच्या वाढीसाठी केले जाते

🍃पानांचे कटिंग -

झाडाची पाने पिवळी, ब्राउन किंवा कोणत्याही कारणांनी खराब झालेली असतील तर ती काढणे, कारण खराब झालेली पाने परत चांगली होत नाहीत उगीच ती झाडाची ऊर्जा घेत राहतात. खराब झालेली पाने काढली नाहीत तर झाडाला फंगस ,कीड लागून पूर्ण झाड खराब होऊ शकते, खराब झालेले पाने काढल्यावर त्या जागी दुसरी नवीन पाने येतात.
दुसरी गोष्ट म्हणजे जी पाने कुंडीमध्ये झाडाच्या खोडाजवळ मातीला टच होतात मातीच्या संपर्कात येतात ती पाने नेहमी ओली राहतात त्यामुळे त्यांना लवकर फंगस व कीड लागते व ती कीड पूर्ण झाडात पसरू शकते म्हणून कुंडीतील मातीला स्पर्श करणारी पाने काढून टाकावीत

🌿 शेंडे / फांदी-

झाड सुरुवातीला लहान असतानाच झाडाचे शेंडे थोडे-थोडे कट करत राहावे त्यामुळे तिथे साईडला नवीन फांद्या येत राहतात तसे केले नाही तर झाड फक्त काठी सारखे उंच वाढत रहाते, ते डेरेदार होत नाही, सुरुवातीपासून किंवा झाड थोडे मोठे झाल्यावर पण तुम्ही हे करू शकता.

🌸 फुले-

सुकलेली फुले नेहमी काढत राहावे खास करून जास्मिन वर्गातील फुले जसे की मोगरा या झाडाला फुले येऊन गेली की त्या झाडाची फांदी कट करावी म्हणजे दुसऱ्या फांदीवर भरपूर फुले येतात जसे की तुळस यावर बी किंवा मंजुळा येत राहतात त्या वेळोवेळी कट करत रहावे तसे केले नाही. तर त्या मंजुळा किंवा बी तयार होऊन त्या झाडाची लाइफ सायकल पूर्ण होऊन झाड सुकू लागते, त्यापेक्षा मंजुळा आल्या की लगेच कट करत राहिले तर तुळस सदैव हिरवेगार व टवटवीत राहील.

🎋 झाड जेव्हा वाढते किंवा मोठे होते तेव्हा त्याची मुळे ही वाढतात ती एकमेकांत गुंतली जातात व झाडांची वाढ कुठेतरी थांबते याला आपण रूट बाँण्डिग असे म्हणतो, अशावेळी एक तर ते झाड काढून आहे त्यापेक्षा मोठ्या कुंडीत लावणे किंवा त्या झाडांची मुळे कट करून त्यात माती व खत घालून परत त्याच कुंडीत लावणे. यापैकी कोणतेही एक काम आपण करू शकतो.

🌳 झाडांना विविध प्रकारचे आकार देण्यासाठी सुद्धा झाडांची कटिंग केले जाते, याला आपण topiary असे म्हणतो, topiary बनवण्यासाठी काही खास झाडे असतात त्यात झाडांना विविध प्रकारचे आकार दिले जातात.

🍁 झाडांवर कीड ,मावा किंवा एखादा रोग याचा अतिरेक होतो तेव्हा सुरुवातीला तर आपण फवारणी करून ते आटोक्यात आणू शकतो पण ते खूप प्रमाणात असेल तेव्हा प्रभावित भाग कट करूनच काढावा लागतो .

🎄 आपण एवढ्या प्रेमाने लावलेली झाडे कट करताना किंवा prune करताना थोडेसे वाईट वाटते पण जेव्हा कटिंग ला नवीन पालवी फुटते व झाड एकदम डेरेदार बनते तेव्हा त्याचा आनंद वेगळाच असतो.

🪴आता एखाद्या झाडाचे कटिंग केव्हा करावे.

त्या झाडाचा वाढण्याचा काळ(growing period) असतो त्याच्या अगोदर कोणतेही झाड कट करावे., जसे हिवाळ्यात येणारी झाडे हिवाळा सुरू होण्याच्या अगोदर कट करावी उन्हाळ्यात बहर येणारी झाडे उन्हाळा सुरू होण्यापूर्वी कट करावी....

माझे नंदनवन....

शब्दांकन: मनिषा भोसले हडपसर ,पुणे....

17/07/2023

झाडे जेव्हा जमिनीत असतात तेव्हा आपल्याला लागणारी पोषकतत्वे ती जमिनीतून मिळवतात किंवा ती पोषक तत्त्वे त्यांना जमिनीतून मिळतात पण आपण जेव्हा झाड कुंडीत लावतो तेव्हा जागा मर्यादित येते व माती पण मर्यादित येते त्यामुळे त्यांना लागणारी पोषण हे त्या कुंडीतील मातीतूनच मिळते आपण जेवढं त्यांना खाद्य देऊ तेवढेच ते त्यांना मिळते यासाठी आपल्या कुंडीतील माती भरपूर प्रमाणात पोषक असणे गरजेचे आहे तेव्हाच आपले झाड टवटवीत ताजेतवाने व सुदृढ होईल , झाड सुदृढ असेल तर त्या झाडाला फळे व फुले भरपूर प्रमाणात येतील,
आता कुंडीतील माती कशी असावी हा बऱ्याच जणांना प्रश्न पडतो , आपल्या झाडाला जे काही पोषण लागणार आहे ते झाड फक्त त्या कुंडीतील मातीतूनच घेणार आहे म्हणून आपली कुंडीतील माती भरपूर पोषक व पाण्याचा लवकर निचरा करणारी असावी, आता यासाठी मातीत भरपूर प्रमाणात खत मिसळले पाहिजे आता हे खत कोणतेही घेऊ शकता गांडूळ खत, पूर्ण कुजलेले शेणखत किचन वेस्ट पासून बनवलेले खत, इत्यादी...
माती जर पोषक बनवायचे असेल तर माती, खत व त्यात थोडी वाळू मिसळावी आता वाळू कशासाठी तर माती आपली भुसभुशीत होऊन पाण्याचा निचरा लवकर होण्यासाठी थोडी वाळू त्यात मिसळावी... थोडक्यात माती ,खत आणि वाळू हे तीन घटक महत्त्वाचे आहेत...
बाकी मग तुम्ही त्याच्यात बोनमील निमपेंड,फंगीसाइड पावडर, कोकोपीट.. असे इतर पदार्थ मीसळू शकता.... पण मुख्य जे घटक आहेत ते माती, खत व थोडी वाळू...
आता कुंडीमध्ये भरण्यासाठी माती ज्याला आपण सोईल मिक्स किंवा पोटींग मिक्स म्हणतो ते आपण किती प्रकारे बनवू शकतो ते पाहू...
🌱50 टक्के माती 50 टक्के कंपोस्ट म्हणजे कुठलेही खत आणि थोडी निम खली.. निम खली नसेल तर कोणतीही फंगीसाइड पावडर....
🪴 40 टक्के माती 40 टक्के कंपोस्ट 20 टक्के कोकोपीट आणि निम खली....
🌴 ३०टक्के माती 30 टक्के कंपोस्ट 20 टक्के कोकोपीट 20 टक्के वाळू आणि निम खली...
🍀 50% कोकोपीट 50% कंपोस्ट आणि निम खली.... हे मिश्रण बीज अंकुरण्याची साठी योग्य आहे
🌳 40 टक्के माती 20 टक्के खत 20 टक्के वाळू, 20 टक्के कोकोपीट....
अशाप्रकारे कुंडी भरण्याच्या बर्‍याच पद्धती आहेत
🌷 आता थोडक्यात पण महत्वाचे.... कोणतेही झाड फक्त आणि फक्त मातीत लावू नये माती जर तुमची खूप चिकट असेल तर ती माती पाणी धरून ठेवते व कुंडीमध्ये पूर्ण चिखल होईल झाड व्यवस्थित वाढणार नाही झाड लावताना मातित नेहमी खत व थोडीफार वाळू मिसळणे गरजेचे आहे...
(कुंडी भरण्याच्या बऱ्याच पद्धती आहेत, प्रत्येकाची कुंडी भरण्याची पद्धत किंवा त्यांचा अनुभव हा वेगळा असू शकतो)
थोडक्यात सांगायचे म्हटलं तर कुंडीतील माती ...पाण्याचा व्यवस्थित निचरा होणारी भुसभुशीत माती हवी त्यामध्ये खत असणे गरजेचे आहे जे आपल्याकडे उपलब्ध असेल ते...
माझे नंदनवन....
शब्दांकन :मनिषा भोसले हडपसर ,पुणे

16/07/2023

Rajnigandha / Tube Rose
Yellow 350
pink 300
+ cc 120
Minimum 2 each
No cash on delivery
sorry 🙏🏻
For Booking 8433826414

15/07/2023

Thank You r Sir for Review 🙏🏻

13/07/2023

🐞🐛🕷️🐜🐝🐌

*आजपासून सुरू होणाऱ्या कीड व उपाय या
लेखमालेतला भाग पहिला

#कीड_व_उपाय

किड्याचे नाव:
मराठी :पिठ्या ढेकूण
इंग्रजी नाव : Mealybug (मिलिबग)
जास्त प्रादुर्भाव होणारे फुलझाड : जास्वंद
इतर रोपे: मिरची ,वांगी ,काकडी ,भोपळा , कापूस ,भेंडी ,आंबा ,ऊस ,पपई ,डाळिंब आणि इतर अनेक.

थोडक्यात माहिती

हे लंब गोलाकार ,पंख नसलेले किडे असून ह्यांच्या शरीरावर कापसासारखा दिसणारा पातळ मेणाचा संरक्षक थर असतो.हीच ह्या किड्यांची संरक्षक ढाल असते.

हे किडे जमिनीत अंडी घालतात व अंडी उबल्यानंतर पिल्ले आणि प्रौढ जवळच्या रोपांवर रांगत जातात.
वारा आणि मुंग्या याद्वारे यांचा जास्त प्रसार होतो.
मुंग्यांबरोबर यांचे हितसंबंध असतात.

हे किडे झाडाच्या पेशीतील रस शोषतात व तेव्हा मधाळ रस सोडतात ज्यावर मुंग्या वाढतात.त्याबदल्यात मुंग्या ह्या किडयाना संरक्षण देतात.

लक्षणे: हे किडे पानांच्या वर ,खाली ,फांद्या , फुले यावर गटाने कापसासारखे समूह तयार करतात.

यामुळे पाने पिवळी पडतात ,गळतात ,झाडाची वाढ खुंटते .

प्रतिबंधात्मक उपाय :

प्रोम्युसिडी ,अॅनासियस ,अॅनागायस हे मित्रकीटक मिलिबग
च्या शरीरात अंडी घालतात त्यामुळे ह्या किड्यांचे जैविक नियंत्रण होते.

किडीचा प्रादूर्भाव वाढल्यावर उपाय करण्यापेक्षा किंवा ते होऊच नये किंवा कमीत कमी व्हावे यासाठी काही गोष्टी

1) दररोज सकाळी उन्ह यायच्या आधी (सकाळी शक्य नसेल तर संध्याकाळी) वॉटर जेट स्प्रे च्या साहाय्याने पूर्ण रोप/झाड ,त्याच्या फांद्या ,त्याच्या पानांवर वरून आणि खालून पाण्याचा फवारा मारा.त्यामुळे झाडाची पाने स्वछ तर होतीलच किंवा काही कीड लागली असल्यास निघून जाईल.

2) झाडांचे निरीक्षण महत्वाचे , प्रारंभी थोडी कीड दिसताच ती काढल्यास ह्याचा फ़ैलाव होत नाही.सुरवातीलाच लक्ष दिले नाही तर ही कीड वेगाने पसरते.

(वरील 2 गोष्टी मी स्वतः नियमित करतो.कुणाला अतिशयोक्ती वाटेल पण माझा अनुभव असा आहे की माझ्या 4 जास्वंद झाडांना 3-4 वर्षात एकदाही मिलिबग चा अटॅक झाला नाही आणि मी कधी कीडनाशक वापरले नाही. )

3) 7 ते 10 दिवसांनी नियमित कीडनाशक फवारणी करावी.

4) कीड लागलेली रोपे/झाडे इतर झाडांपासून दूर ठेवावीत.

5) प्रादुर्भाव असलेल्या फांद्या ,पाने कट करून जाळून टाकाव्या.

6) झाडाची कुंडी किंवा आजूबाजूची जागा स्वच्छ असावी.

7) नर्सरीतून रोपे/झाडे आणताना मिलिबग लागलेला नाही अशी बघून घ्यावीत आणि समजा आणल्यानंतर आढळल्यास खराब फांद्या ,पाने कापून टाकावीत.इतर झाडांपासून दूर ठेवावे.

8) मिलिबग चा अटॅक झालेल्या झाडांना तात्पुरते नायट्रोजन युक्त खाते जसे शेणखत ,गांडूळखत देणे टाळावे .कारण अश्या खतांमुळे फुटवे आणि कोंब जास्त येतात आणि त्यावर ह्या किड्यांचा प्रादुर्भाव वाढतो.

9) मातीतील मुंग्या चा बंदोबस्त करावा.

जैविक नियंत्रण:

• प्राथमिक संसर्ग दिसताच काडी किंवा कॉटन बड चे टोक तेलामध्ये बुडवून किड्यावर फिरवावे व झाडाला हलके कोमट पाणी आणि थोडा dishwash सोप मिक्स करून फवारणी करावी.

• जास्त प्रादूर्भाव झालेल्या फांद्या कट कराव्या आणि दूर जाळून टाकाव्या.
किंवा
• कुंडीतले झाड असेल तर एका टबात पाणी घ्यावे , कुंडी अलगद तिरकी करावी आणि चांगल्या जेट वॉटर स्प्रे च्या साहाय्याने पूर्ण झाडावर पाण्याचा थोडा डिश वॉश मिक्स करून स्प्रे करावा.स्प्रे असा करावा की एकही कीड राहत कामा नये .त्यामुळे सगळे किडे टबातील पाण्यात पडतील.आणि मग किडे पाण्यासकट दूर फेकुन द्यावेत.

प्रभावी उपाय :
कुठलाही उपाय परिणामकारक करण्यापूर्वी ह्या किड्याचे पातळ मेणा सारखे आवरण भेदणे आवश्यक असते जे फक्त ethyl alchohol च करू शकते त्यासाठी घट्ट बरणीत शिजवलेला शिळा भात थोडे पाणी घालून दहा दिवस ठेवणे.दहाव्या दिवशी त्याचे ethyl alchohol(Bio ethanol (इथाईल अल्कोहोल)तयार होते.हे भाताचे पाणी 10 ते 20 ml ,1 लिटर पाण्यात dilute करून झाडांवर फवारणे.त्यामुळे किड्यावरील पातळ मेणाचे आवरण नाहीसे होईल आणि मग खालीलपैकी कुठलाही उपाय करावा.

1) थोडी तंबाखू पाण्यात उकळून ते पाणी गार करून गाळून घ्या .त्यात 10 पट साधे पाणी मिक्स करून ते पूर्ण झाडावर ,पानाच्या वर आणि खालून फवारा.

2) गोमूत्र 1 लिटर पाण्यात 10 ml मिक्स करा आणि झाडावर फवारा.

3) सहा ते आठ वावडिंग दोन ग्लास पाण्यात उकळून ते पाणी गार करून त्यात 8 ते 10 पट साधे पाणी मिक्स करून फवारणी करा.

4) 2 टीस्पून बेकिंग सोडा ,1टीस्पून निम ऑइल किंवा कुठलेही कुकिंग ऑइल , 10 थेंब कुठलाही डिश वॉश सोप ,1 लिटर पाण्यात चांगला मिक्स करून पूर्ण झाडाच्या फांद्या ,पानांवर वरून आणि खालून फवारावे.
(फवारणी करण्यापूर्वी एका पानावर पॅच टेस्ट करावी.द्रावण जास्त स्ट्रॉंग झाले असल्यास पानावर त्याचा इफेक्ट कळेल.गरज लागल्यास द्रावण पाण्याचे प्रमाण वाढवून dilute करावे)

5) 500 ml पाण्यात दोन छोटे तुकडे कोरफडीचा गर आणि 7-8 लसणाच्या पाकळ्या (मिक्सर मध्ये बारीक वाटलेल्या ) मिक्स करावे.मिश्रण गाळून घेऊन त्यात तेवढेच पाणी मिसळावे व झाडावर स्प्रे करावा.

*मिलिबगचा प्रादुर्भाव कमी करायचा असेल तर मातीतील मुंग्या कन्ट्रोल करणे महत्वाचे त्यासाठी

*मातीत घरातील ponds किंवा कुठलीही talcum पावडर मातीत भुरभुरावा.त्यांनी मुंग्या मारणार नाहीत पण पळून जातील.
*मुंग्यांचा मार्ग रोखण्यासाठी फांद्यांवर किंवा खोडावर चिकट पट्टी लावतात.

*Verticyllium lecanni व्हर्टिसिलिअम लेकॅनी
एक मित्र बुरशी आहे जी सगळ्या रसशोषक किडीच्या सानिध्यात आल्यावर त्यांच्या पोटात वाढते आणि त्यांचा खात्मा करते.पूर्ण पणे जैविक असते.
द्रव किंवा पावडर स्वरूपात मिळते.
*कुठलेही broad spectrum (सर्व प्रमुख किडीवर काम करणारे) कुठलेही ऑरगॅनिक कीडनाशक वापरू शकता .
ऑरगॅनिक असले तरी याला उग्र वास असतो .वापरताना सुरक्षा संबंधी सर्व नियम पाळावेत.

• कुठलेही कीडनाशक संध्याकाळी उन्ह खाली आल्यानंतर झाडांवर स्प्रे करावीत.रात्रभर त्याचा प्रभाव झाडावर राहतो.तसेच झाडवरच्या स्प्रे चे बाष्पीभवन होत नाही.
• दुसऱ्या दिवशी सकाळी साध्या पाण्याचा स्प्रे करावा .
• कीडनाशक 3-4 दिवसांनी परत मारावे.

© राजेश देवस्थळे

🍀 Happy Gardening 🍀
🌹My evergreen corner 🌹

12/07/2023

#चिनीगुलाब_Moss_rose_portulaca_
...

जशी विविध नावे तसे विविध रंग,
चिनी गुलाबामध्ये दोन प्रकार येतात एक देशी यामध्ये दोन ते तीन रंग असतात दुसरा प्रकार हायब्रीड यामध्ये भरपूर रंग येतात
🌸 सूर्यप्रकाश: हे उन्हाळ्यातील खास झाड आहे गरमीच्या सुरूवाती पासून थंडीच्या सुरुवातीपर्यंत सतत फुले देणारे झाड आहे. सहा ते सात तास ऊन गरजेचे आहे जेवढे जास्त ऊन तेवढे जास्त फुले ,हे झाड सावलीत ठेवले तर फक्त पाने भरपूर येतात फुले येणार नाहीत.
🌸 पाणी: या झाडाला ऊन जास्त हवे असले तरी पाणी मात्र कमी लागते एकदा भरभरून पाणी दिले की माती सुकल्याशिवाय परत पाणी द्यायचे नाही .जास्त पाणी फुले कमी, पाणी कमी फुले जास्त असे याचे समीकरण आहे.
🌸 माती: या झाडा साठी माती तयार करताना 40 टक्के वाळू 30 टक्के माती व 30 टक्के खत द्यावे, कारण या झाडाला पाण्याचा लगेच निचरा होणारी माती आवडते म्हणजे पाणी दिले व ते लगेच कुंडीतून बाहेर निघून गेले पाहिजे, दलदली माती या झाडाला आवडत नाही, त्यासाठी मातीमध्ये वाळूचे प्रमाण जास्त असणे गरजेचे आहे.
🌸 कुंडीचे ड्रेनेज होल वारंवार चेक करणे गरजेचे आहे कारण तुमची माती चांगली असेल पण ड्रेनेज होल जर ब्लॉक असेल तर दिलेल्या पाण्याचा व्यवस्थित निचरा होणार नाही पाणी कुंडीत बऱ्याच वेळे साठून राहिल व झाडांची मुळे कुजून झाड खराब होईल.. त्यासाठी कुंडीचे ड्रेनेज होल चांगली असणे गरजेचे आहे.
🌸 आता या झाडाला जर घनदाट बनवायचे असेल तर वारंवार या झाडाचे शेंडे खुडणे गरजेचे आहे जेवढे तुम्ही शेंडे खुडाल तेवढे ते झाड डेरेदार होते व फुले ही जास्त येतात, इथे अजून एक गोष्ट ..जी फुले येऊन गेलेली असतात, सुकलेली फुले काढणे ही गरजेचे आहे कारण विनाकारण या झाडाची ताकद त्यामध्ये जाते व नवीन फुले येण्यास अडथळा होतो त्यामुळे सुकलेली फुले वेळच्यावेळी काढून टाकावी... यामुळे झाडांचे प्रूनिंग पण होते व झाड डेरेदार होऊन फुले पण जास्त येतात...

माझे नंदनवन...

शब्दांकन :मनिषा भोसले हडपसर, पुणे

07/07/2023

#छोट्या_छोट्या_गार्डन_टिप्स...

🌱बागकाम करणे एवढे पण अवघड काम नाही जर आपण छोट्या छोट्या गोष्टी लक्षात घेतल्या तर बागकाम ही एक कला म्हणून आपण करू शकतो...
🌱 झाडे लावण्यासाठी आपण जे काही वापरणार आहोत उदाहरणार्थ ट्रे ,कुंडी ,प्लास्टिक डब्बा काहीही असो त्याला खाली होल असणे गरजेचे आहे. ज्यात कशात आपण झाड लावणार असू त्याला जर होल नसेल तर आपण जे झाडाला पाणी देतो ते पाणी झाडाच्या मुळाशी साठून राहते व मुळे कुजू लागतात व झाड हळूहळू खराब होऊ लागते.
🌱 हँगिंग मधील झाडे जरी लावणार असला तरी हँगिंग च्या कुंडीला भरपूर होल असणे गरजेचे आहे..
🌱 कोणतेही झाड कशातही लावा ,पण त्याला होल असणे गरजेचे आहे.. याला अपवाद वॉटरलीली व कमळ लावणार असेल तर त्या झाडां च्या भांड्याला होल लागत नाही कुठलेही पाण्यातील झाड लावणार असेल तर त्याला होल नसेल तरी चालते...कुंडीचे होल अधूनमधून चेक करणे गरजेचे आहे काही वेळेस झाडांच्या मुळ्या त्यात अडकून बसतात
किंवा माती अडकून ते होल ब्लॉक होते व कुंडीत पाणी साठून राहते...
🌱 अति महत्वाचा भाग झाडांना पाणी कधी द्यावे.झाडांना पाणी देताना एक तर लवकर सकाळी किंवा सूर्यास्तानंतर संध्याकाळी पाणी द्यावे.भर उन्हात दुपारी झाडांना कधीही पाणी देऊ नये कारण त्यावेळी कुंडीतील माती तापलेली असते ,जमीन तापलेली असते अशात जर तुम्ही झाडांना पाणी दिले तर झाडांची मुळे खराब होतात झाडाला शॉक लागू शकतो..
🌱 आता झाडांना पाणी किती द्यावे...झाडांना पाणी देताना नेहमी कुंडी भरून पाणी द्यावे त्यासाठी अगोदर कुंडीमध्ये माती भरताना वरती एक बोट जागा रिकामी राहील तेवढीच कुंडी भरावी,वरचा थोडा भाग रिकामा ठेवावा... अगदी काठोकाठ मातीने कुंडी भरू नये...
🌱 झाडाला एवढे पाणी द्यावे की ते कुंडीच्या होलमधून बाहेर पडले पाहिजे,कारण झाडाची मुळे कुंडीच्या तळापर्यंत पोहोचलेली असतात तुम्ही वरचेवर पाणी दिले तर खालील मुळांना पाणी मिळत नाही.मग तुम्हाला असे वाटते की मी रोज पाणी देते तरीपण झाड का सुकते , त्यासाठी कुंडी भरून पाणी देणे... दुसऱ्यांदा मात्र पाणी देताना मातीचा वरचा एक इंच थर सुकल्याशिवाय पाणी देऊ नये...नाहीतर तुम्ही रोजच कुंडी भरून पाणी देत राहिला तर झाड 100% कुजणार.
🌱 Succulent and cactus यांना मात्र पाणी कमी द्यावे यांना आठवड्यातून एकदा पाणी दिले तरी पुरेसे होते यांना जास्त पाणी झाले तर ही झाडे सडतात
🌱 कुंडीतील माती पंधरा दिवसातून एकदा मोकळी केली पाहिजे,मातीला उकर दिली पाहिजे यामुळे होते काय मातीमध्ये हवा खेळती राहते व मुळांना भरपूर प्रमाणात ऑक्सिजन मिळतो. यामुळे माती पण भुसभुशीत राहते एकदम कडक होत नाही .
🌱 झाडांची कटिंग, प्रूनिंग वर्षातून दोनदा करावी ,कटिंग करताना ९० अंशातून कट मारावा , तिरका कट मारावा, त्यामुळे कटिंग केलेल्या भागावर पाणी साठून राहत नाही व झाडाला फंगस लागत नाही.
🌱 अधूनमधून कुंडीमध्ये उगवणारे गवत, तण काढावे खुरपणी करून काढावे विनाकारण ते मातीतील पोषक तत्व घेत राहते व झाडांना पोषण कमी मिळते.
🌱 महिन्यातून एकदा कोणतेही खत झाडांना द्यावे जसे की वर्मी कंपोस्ट, किचन वेस्ट कंपोस्ट, कुजलेले शेणखत इत्यादी...
🌱अशा प्रकारे जर आपण झाडांची काळजी घेतली तर आपली झाडे सुदृढ व निरोगी राहतील.....

माझे नंदनवन...

शब्दांकन :मनिषा भोसले, हडपसर ,पुणे

05/07/2023

#गुलाबाला_भरपुर_फुले_येण्यासाठी -*
*©️डॉ. स्वप्निल तिनखेडे*
फुलांचा राजा म्हणजे गुलाब होय. आपण मोठ्या आवडीने नर्सरी मधून गुलाब आणतो, एक दोन दिवस सकाळ संध्याकाळ भरपूर पाणी घालतो. जोपर्यंत फुले असतात तोपर्यंत त्या झाडाची सर्व लाड असतात, पण ज्या वेळेला सर्व फुले निघून जातात त्यानंतर त्या गुलाबाच्या झाडाकडे दुर्लक्ष होते. त्यानंतर त्याला फुले येत नाही किंवा आले तरी अजून लहान लहान फुले येतात.तर आज आपण असे उपाय बघूया की ज्यामुळे आपल्या गुलाबाच्या झाडाला अनेक फुले येतील.
1)सर्वप्रथम आपले गुलाबाची झाड निरोगी असणे अत्यंत आवश्यक आहे, म्हणजे झाडाची पाने, खोड तसेच मुळे सुदृढ असणे आवश्यक आहे.
2) गुलाबाच्या झाडावर विविध प्रकारच्या किडींचा तसेच रोगांचा प्रादुर्भाव होऊ शकतो. ज्यामध्ये Fungul diseases, Powdery Mildew, Rust Disease, Black Spot, Scale Diseases, Diaback Diseases,Thrips and Mites Attack (रसशोषक किडीचा प्रादुर्भाव) ई. चा समावेश होतो.
(गुलाबाच्या झाडाचे विविध रोग व त्यांचे नियंत्रण पुढील लेखामध्ये दिले जातील.)
3) गुलाबाच्या झाडाची नियमीत कटिंग करावी.
झाडाचे फुल वाळल्यावर ते फुल कैचीने एक ते दोन इंच खालून कापून घ्यावे तसेच वाळलेला भाग कापून घ्यावा. गुलाबाच्या झाडाला तीन पाने आणि पाच पाने असलेल्या भाग (लिफलेट) असतो. कटिंग करताना 5 पानाच्या वरून कट करावे म्हणजे नवीन येणारे फांदी जाडी असेल.(node म्हणजे डोळा भाग) प्रत्येक नवीन फांदीवर कळी येऊन फुल येईल. कट केलेल्या भागावर antifungal पावडर लावावे.
4) कटिंग झाल्यावर झाडाला उकरी करून Bonemil, गांडूळ खत, शेणखत, निंबोळी पावडर एकत्र करून दोन मूठभर द्यावे. यामुळे झाडाची वाढ होऊन नवीन पालवी व फुले येण्यास मदत होईल.
5) त्या नंतर 5-6 दिवसानंतर Micronutrients द्यावे. ज्यामध्ये झिंक, iron,बोरॉन, कॅल्शियम ई. समावेश होतो.(उदा. Rose food, Rose fert, Rose suppliment ई.)
ज्यामुळे झाडाची वाढ चांगली होते तसेच फुलांचा रंग व आकार वाढतो. तसेच झाड सशक्त होते.
5) शक्य असेल तर phytohormones आणि sea w**d extract and Amino acids द्यावे जेणेकरून यामुळे झाडांची संपूर्ण वाढ होऊन त्याला फुले येऊन झाडांमध्ये नवचैतन्य येईल. यामुळे झाडामध्ये असलेली पोषक घटकांची कमतरता दूर होते व त्यामुळे झाडे टवटवीत होतात व वेगाने वाढतात. ( *यामध्ये algenine,cytokinin, humate, falvates* आणि
*Micronutrients जसे की nitrogen, phosphorus, calcium, Pottasium, magnesium* यांचा समावेश होतो.) याचा डोस 1 Ml per litre water Sprey करून द्यावा.
6) NPK 19:19:19 किंवा 20:20:20 सुद्धा देऊ शकतो. (अर्धा चमचा एक लिटर पाणी टाकून स्प्रे करता येईल.)
7) DAP चे 3-5 दाणे सुद्धा मुळाशी देऊ शकतो.
8) केळीच्या सालीचे पाणी- चार-पाच केळीच्या साली कापुन ते बंद डब्यात एक लिटर पाणी टाकून तीन दिवस झाकून ठेवून त्यात तिप्पट पाणी टाकून हे पाणी अर्धा ग्लास मुळाशी देता येईल.
9) गुलाबाला अँसिडीक माती मानवते म्हणुन अर्धा चमचा तुरटी एक लिटर पाण्यात मिसळून मुळाशी द्यावे त्याने जमीन acidic होते. (महिन्यातून एकदा करावे)
हा उपाय फक्त गुलाबसाठी आहे.
इ. उपायांनी आपल्या बागेतील गुलाबामध्ये फुले येण्यास मदत होईल.
*वरील सर्व खते ऑनलाईन किंवा गार्डन स्टोअर किंवा कृषी केंद्र येथे मिळतील.*
*©️ डॉ.स्वप्निल तिनखेडे*

S. V Enterprise Garding Product

05/09/2023

29/08/2023

22/08/2023

26/07/2023

24/07/2023

17/07/2023

16/07/2023

15/07/2023

13/07/2023

12/07/2023

07/07/2023

05/07/2023

Address

Telephone

Website

Alerts

Contact The Business

Shortcuts

Share

Category