08/09/2026
१) ओडिसी- संजय सोनवणी: ( दुर्मीळ पुस्तक, प्रकार- ग्रीक पुराणकथा, कादंबरी, ग्रीक महानाट्य )
( काळ बदलतो माणसे बदलतात . पण बदलत नाही माणसाच्या मनातील आदिम अंधकार. या कादंबरीची सुरुवात ट्रॉयचे युद्ध जेथे संपते तेथे सुरु होते. ट्रॉयच्या सर्वविनाशक युद्धानंतर विजयी असले तरी कधीही न भरून येणाऱ्या असह्य जखमा व वेदना उरात वावगत परत फिरलेले ग्रीक वीर . अभागी कसाड्रा आणि अंगमेन्मन.... जिच्यासाठी हे युद्ध वीस वर्ष अविरत लढले गेले ती विश्वसुंदरी हेलन आणि मेनलॉस आणि ज्याच्यामुळे संभाव्य विजय मिळाला पण वाट्याशी वंचनाच आल्या तो महावीर आणि महामानव ओडीसियस त्याच्या परतीचा हा विलक्षण प्रवास . मानवी जीवनाला नव्या दृष्टीने पाहायला भाग पाडणारा. )
०००
२) भाऊ पाध्ये यांची कथा- राजन गवस-( आऊट ऑफ प्रिन्ट पुस्तक, प्रकार- आस्वाद, परिचय, समीक्षा, माहितीपूर्ण, कथाविषयक )
( नवकथाकारांनी मराठी कथेला आधुनिकतेशी जोडले. तिच्या जाणीव-नेणिवांचे सूक्ष्म दर्शन घडवून तिच्यातील विकृती समोर आणली. परंतु या विकृतीशी समंजस होण्याची महत्त्वाची दृष्टी आपल्याला भाऊ पाध्येंची कथा देते. तसेच निव्वळ समंजसपणापर्यंत मर्यादित न राहता पाध्येंची कथा आपल्याला आधुनिक ताणांखाली दबलेल्या नैसर्गिक प्रेरणांबद्दल अधिकाधिक सजग व अंतर्मुख करत जाते.
प्रस्तुत पुस्तकामध्ये या समंजस प्रवृत्तीचा चिकित्सक आविष्कार आढळतो. विविध जीवनस्तरांतून निर्माण होणाऱ्या नैतिक पेचांच्या धरतीवर विस्तारित होत जाण्याची प्रक्रिया या पुस्तकामुळे अपरिहार्य ठरते.. )
०००
३)ऑस्कर वाईल्डच्या कथा- जनार्दन ओक: ( उत्तम स्तिथीतले पुस्तक, प्रकार- अभिजात कथासाहित्य, अद्भुतरम्य कथा, अनुवादित संग्रह )
( ऑस्कर वाईल्डच्या प्रमुख कथा आणि वैशिष्ट्ये:
दांभिकांच्या जीवनातलं वास्तव ह्या संग्रहातल्या कथा सांगतात. स्वत:ला श्रेष्ठ समजणार्र्यांच्या जीवनातले वास्तवाचे कंगोरे अधोरेखित करतात आणि बरंच काही शिकवूनही जातात. जागतिक स्तरावरच्या ह्या दर्जेदार कथांचा तेवढाच दर्जेदार अनुवाद करण्यात वसंत गुप्ते यशस्वी झाले आहेत. त्यामुळं त्या वाचकांना निश्चितपणे आवडतील अशा झाल्या आहेत.
१) द सेल्फिश जायंट (The Selfish Giant): एका स्वार्थी राक्षसाची कथा जो मुलांना आपल्या बागेत खेळण्यापासून रोखतो, ज्यामुळे बागेत कायमचा हिवाळा येतो. नंतर त्याला स्वतःच्या चुकीची जाणीव होते
२) द हॅपी प्रिन्स (The Happy Prince): एक सोन्याचा पुतळा आणि एका लहान पक्षाची कथा, जे गरिबांना मदत करण्यासाठी स्वतःचे सर्वस्व अर्पण करतात
३) द कॅन्टरविले घोस्ट (The Canterville Ghost): एक विनोदी आणि गूढ कथा, जिथे एक अमेरिकन कुटुंब एका जुन्या इंग्रजी हवेलीत भूत असतानाही निर्भयपणे राहते
४) द नाईटिंगेल अँड द रोझ (The Nightingale and the Rose): प्रेमासाठी स्वतःचे प्राण अर्पण करणाऱ्या एका बुलबुल पक्ष्याची हृदयस्पर्शी कथा. )
०००
४) आपुलकी- म. द. हातकणंगलेकर: ( दुर्मीळ पुस्तक, प्रकार- आस्वादक परिचय, समीक्षा, साहित्यविषयक, व्यक्तिदर्शन, व्यक्तिरेखा, स्मरणरंजन, आठवणी, माहितीपूर्ण )
( आस्वादक परिचय, समीक्षा आणि स्मरणरंजनाने समृद्ध असलेल्या या पुस्तकात हातकणंगलेकर यांचे विविध कालखंडातील लेख आणि भाषणं आहेत.
यात त्यांनी श्री. दा. पानवलकर यांच्या कथेबद्दल, डॉ. अशोक केळकर यांच्या समीक्षेविषयी, महावीर जोंधळे यांच्या कवितेविषयी, तसेच डॉ. द. भि. कुलकर्णी यांच्या कथेविषयी लिहिले आहे.
सुभाष भेंडे यांच्या आठवणी ते जागवतात, तसेच नवकथा आणि साहित्य व्यवहारातील जातीय वादाबद्दल आपली मतं मांडतात.
कलावंतांच्या जीवनाचे पैलू उलगडणारी हातकणंगलेकरांची लेखणी जी. एं.च्या बद्दल देखील तितकेच भरभरून बोलते. )
०००
५) नाटककार बेंडे व्यक्ती आणि वाङ्मय- प्रा. भास्कर कुलकर्णी: ( दुर्मीळ पुस्तक, प्रकार- संक्षिप्त चरित्र, व्यक्ती दर्शन, नाट्य परीक्षण, तुलनात्मक अभ्यास, माहितीपूर्ण, आठवणी, किस्से )
( मराठवाड्याचे पहिले प्रतिभावंत नाटककार कै.श्रीपाद नृहसिंह बेंडे यांच्या जीवन -चरित्राचा आणि त्यांच्या नाट्य कारकीर्दचा परिचय . )
०००
६) कफन- प्रेमचंद्र- अनु. चंद्रकांत भोंजाळ: ( आऊट ऑफ प्रिन्ट पुस्तक, प्रकार- अनुवादित कथा, अभिजात साहित्य, कथासंग्रह )
( 'कफन' ही महान हिंदी लेखक मुंशी प्रेमचंद यांनी लिहिलेली अत्यंत प्रसिद्ध आणि मर्मभेदी कथा आहे, जी १९३६ मध्ये लिहिलेली अखेरची व गाजलेली कथा होती.
जात नाही ती 'जात' असं म्हटलं जातं आणि ते खरंच ठरवणारी परिस्थिती आपण आजूबाजूला पाहतो आहोत. या जातीपातीच्या संकल्पनांचा फटका बसतो गरिबांना, वंचितांना, शोषितांना. स्वातंत्र्य मिळून अनेक वर्षे उलटून गेली तरी आपल्या देशात दलितांवर अत्याचार होतच आहेत. मराठवाड्यात मंदिरात प्रवेश केला म्हणून दलित तरुणाची गावातून धिंड काढणं, हरियाणात जिवंत जनावराचं कातडं सोलल्याच्या संशयावरून पाच दलितांची दगडांनी ठेचून हत्या करणं ही याचीच जळजळीत उदाहरणं आहेत.
या दलितांच्या, वंचितांच्या संवेदनांचं नेमकं चित्रण प्रेमचंद यांनी आपल्या अनेक कथांमधून केलं आहे. खरं तर प्रेमचंद लिहित होते तेव्हा दलित साहित्य ही संकल्पना अस्तित्वातही आली नव्हती; पण प्रेमचंदांनी ज्या संवेदनशीलतेनं दलितांचं जग, त्यातले ताणेबाणे यांचं दर्शन या कथांमधून घडवलं, ते पाहिलं की थक्क व्हायला होतं. आरक्षणाच्या मुद्यावरून आणि खैरलांजी प्रकरणावरुन देशभरात गदारोळ उठलेला असतानाच काळावर ठसा उमटवणाऱ्या या साहित्यिकाला दिलीपराज प्रकाशनातर्फे शब्दांजली वाहण्याची संधी आम्ही घेत आहोत.
आहे. वाचक या प्रयत्नाचं स्वागत करतील असा विश्वास. )
०००
७) रजई- इस्मत चुगताई- अनु. कविता महाजन: ( उत्तम स्थितीतील पुस्तक, प्रकार- अनुवादित कथा, अभिजात साहित्य, कथासंग्रह )
( मी बर्याच कथा लिहिल्या आणि कुठलीही कथा परत आली नाही. एकीकडून मला विरोध होऊ लागला, पण दुसरीकडून मासिकांतर्फे होत असलेली कथांची मागणीही वाढू लागली. मग मी विरोधाची काहीच पर्वा केली नाही. मी `रजई’ लिहिली, तेव्हा मात्र बॉम्बस्फोट झाला. साहित्यिक आखाड्यात माझ्या चिंधड्या उडाल्या. काही लोकांनी मात्र माझ्या समर्थनार्थही लेखणी चालवली.
तेव्हापासून माझ्यावर अश्र्लील लेखिका असल्याचा ठसा मारला गेला. `रजई’च्या आधी आणि `रजई’च्या नंतर मी जे काही लिहिलं, त्याकडे कुणीही लक्ष दिलं नाही. मी लैंगिक विषयांवर लिहिणारी अश्र्लील लेखिकाच ठरले. अगदी आता आता गेल्या काही वर्षांपूर्वी नव्या पिढीने मला सांगितलं की, मी `अश्र्लील लेखिका’ नसून `वास्तववादी लेखिका’ आहे. मी भाग्यवान आहे की, माझ्या जिवंतपणी मला समजून घेणारे जन्माला आले. मंटोला तर वेडं ठरवलं गेलं. प्रगतिशील लेखकांनीही त्याला साथ दिली नाही. प्रगतिशील लेखकांनी मला ना ठोकरलं, ना डोक्यावर घेतलं. मंटो धुळीत मिसळला, कारण पाकिस्तानात तो कंगाल होता. मी पुष्कळच चांगल्या आर्थिक स्थितीत होतो. चित्रपटांमधून आम्हांला बर्यापैकी कमाई होत होती आणि `साहित्यिक मृत्यू वा जीवन’ यांची पर्वा नव्हती.
-इस्मत चुगताई. )
०००
८) हंस अकेला- मेघना पेठे: ( आऊट ऑफ प्रिन्ट पुस्तक, प्रकार- कथासंग्रह )
( तसं तर काल उत्कटपणे 'जगलेलं' सारं तितक्याच ताजेपणानं आपल्या नजरेसमोर आजही उभं असतं - - नवे अर्थ हाती घेऊन !
लक्षात येत असतं की, आपला बहुतेकांचा भोवताल वरवर सारखाच आहे, पण तरीही प्रत्येकाचं प्राक्तन निराळं, निर्णय निराळे, स्वीकार-नकार निराळे, कारण इथं प्रत्येक व्यक्ती दुसरीहून निराळी!
स्वतंत्र!
माणसाच्या जगण्यात प्रातिनिधिक असं काही नाही. अगदी आपण सुध्दा आयुष्यातल्या वेगवेगळया टप्प्यांवर वेगवेगळे असल्याचं अनुभवत असतोच की!
जितकी आपली 'उमजण्या'ची ताकद मोठी तितकं आपलं 'भंगणं' अधिक! 'उमजून' घेण्याच्या मनानं मांडलेल्या या खेळात म्हणूनच सोबत उरते ती फक्त एकाकीपणाची तीव्र संवेदना!
जाणिवेच्या अथांग आकाशात झेप घेऊ पाहणारा प्रत्येक हंस अकेला आहे, तो या अर्थानंच ! )
०००
९) एक्स्ट्रा तिकीट- दिलीप ठाकूर: (दुर्मीळ पुस्तक, प्रकार- सिनेविषयक, ललित लेखन, सदर लेखन, व्यक्तीदर्शन, व्यक्तिचित्रे, संगीतकार, अभिनेते, अभिनेत्री, दिग्दर्शन, आठवणी, किस्से )
( पडद्यापलिकडे व पडद्याभोवती माणसांचे त्यांच्या भावनांचे/ज्ञानाचे भले मोठे जग आहे (पडद्यामागचे जग म्हणजे लफडी, कुचाळक्या इतकेच नव्हे ! पण सिस्टीमला वाटते, नट लोक' फक्त लफडी करण्यासाठीच जन्माला येतात) त्याचा आपल्या कुवतीने व पद्धतीने शोध घेणे हाच माझा धर्म आहे.... 'सिनेमाच्या यशोगाथा'मध्ये तुमचे स्वागत आहे. ग्लॅमर, सेक्स, गॉसिप, पार्ट्या, महुरत, प्रमोशन, मिडिया हाईप यापलिकडेही जावून या सिनेमाचे "आपलं एक विश्व' आहे. त्यात तुम्हा 'प्रेक्षकांची भूमिका' खूप मोठी व मोलाची आहे. त्याला केंद्रस्थानी ठेवूनच हे पुस्तक आहे. कोणत्याही कला-प्रकारात 'प्रेक्षकाची दाद' खूप महत्त्वाची असते. ती मिळते अथवा नाही. पण ही 'मिळकत' वा 'वजाबाकी' हा वाटतो तितका सोपा प्रकार नाही. तुमच्यातील 'प्रेक्षकाचा आदर' ठेवूनच हे पुस्तक आहे. 'सिनेमापेक्षा प्रेक्षक मोठा' हे जळजळीत सत्य सांगण्याचा हा प्रामाणिक प्रयत्न आहे. तो चलो 'शो' शुरू हो रहा है.
- दिलीप ठाकूर. )
०००
१०) ऐतिहासिक दृष्टिकोनातून पर्यटन- प्रा.डॉ. विकास कदम/ प्रा.डॉ. बाळकृष्ण माळी: (दुर्मीळ पुस्तक, प्रकार- ऐतिहासिक, माहितीपर, पर्यटन, संदर्भ साधन, अभ्यासपूर्ण )
( "ऐतिहासिक दृष्टिकोनातून पर्यटन" हा ग्रंथ वाचकांच्या हाती देताना आम्हाला अतिशय आनंद होत आहे. आधुनिक काळात पर्यटन हा एक महत्त्वाचा उदयोगधंदा म्हणून जागतिक स्तरावर त्याला महत्त्व मिळत आहे. पर्यटन या उदयोगासी त्याच्या देशातील आर्थिक, सामाजिक, सांस्कृतिक प्रगती निगडीत आहे. त्यामुळेच भारतातील व महाराष्ट्रातील विद्यापीठानी आपल्या अभ्यासक्रमात पर्यटनाला विशेष महत्त्व दिले आहे. अशा अभ्यासक्रमावर आधारित हा ग्रंथ लिहिला आहे.
भारताला फार मोठी ऐतिहासिक व सांस्कृतिक परंपरा लाभलेली आहे, त्याचाच वारसा आजही आपण जपत आहोत. भारताचे नैसर्गिक वेगळेपण, ऐतिहासिक वारसा जतन करणाऱ्या वास्तू इमारती, किल्ले, प्रत्येक धर्माची धार्मिक अधिष्ठाने, कलाकौशल्यानी समृध्द शिल्पे, लेणी, भव्य-दिव्य समुद्र किनारा यामुळेच भारत हा जगातील इतर देशासाठी आकर्षक असे पर्यटन स्थळ म्हणून नावलौकिक मिळविलेला देश ठरतो आहे. अजंठा वेरूळच्या प्राचीन लेण्या, आग्याचा ताजमहाल, दिल्लीचा लालकिल्ला यासारखी ठिकाणे युनोस्कोनी जागतिक पर्यटन केंद्रे म्हणून निश्चित केलेली आहेत.
या ग्रंथात पर्यटनाचे स्वरूप, व्याख्या, महत्त्व, त्याचे प्रकार याबरोबरच भारतीय संस्कृ तीत विकसित झालेले निरनिराळे धर्म या धर्माची पवित्र तिर्थस्थळे इतर महत्त्वाच्या ऐतिहासिक वास्तू, किल्ले, लेणी, राजवाडे यांचा ऐतिहासिक पर्यटनाच्या दृष्टीने मागोवा घेतला आहे. शिवाय पर्यटनाला चालना देणाऱ्या (उदा. प्रवास, निवास, भोजन, मार्गदर्शक) इ. घटकांचाही आढावा घेतला आहे. निरनिराळ्या वास्तूंची छायाचित्रासह माहिती दिलेली आहे. अनेक मराठी, हिंदी, इंग्रजी संदर्भ साधनांच्या आधारे माहिती संग्रहीत केली आहे त्यामुळे पर्यटक, वाचक, प्राध्यापक, विद्यार्थी व इतिहास प्रेमींना हा ग्रंथ निश्चितच आवडेल अशी अपेक्षा आहे.. )
०००
११) ऐतिहासीक कागदपत्रे व स्थळे- प्रा.डॉ. विकास कदम/ प्रा.डॉ. बाळकृष्ण माळी: (दुर्मीळ पुस्तक, प्रकार- ऐतिहासिक, माहितीपर, ऐतिहासिक साधने, संदर्भ साधन, अभ्यासपूर्ण, इतिहास लेखनशास्त्र, इतिहास लेखन पध्दती, इतिहास संशोधन पध्दती )
( इतिहास विषयात बी.ए. ची पदवी घेणाऱ्या महाराष्ट्रातील सर्वच विद्यापीठातील विद्यार्थ्यांना इतिहास लेखनशास्त्र किंवा इतिहास लेखन पध्दती अभ्यास करावा लागतो. इतिहास म्हणजे काय? इतिहासाच्या व्याख्या, प्रकार, इतिहास संशोधन पध्दती, इतिहासाची साधने, वस्तूसंग्रालये, भारतीय इतिहासकार इत्यादी गोष्टी माहित करुन घेणे आवश्यक आहे. त्याचा विचार करूनच हा ग्रंथ लिहीण्याचा प्रयत्न केला. बी.ए. पदवी पासून पुढे संशोधनात घेतल्या जाणाऱ्या एम.फिल. व पीएच.डी. पदवीपर्यंत या ग्रंथाचा निश्चितच विद्यार्थ्यांना उपयोग होईल.
"ऐतिहासीक कागदपत्रे व स्थळे" या ग्रंथात इतिहास लेखनात कागदपत्रांचे असणारे महत्व व त्याची जपणूक, इतिहास समजून घेण्याच्या दृष्टीने ऐतिहासीक स्थळांचे महत्वाची बारकाईने माहिती देण्याचा प्रयत्न केला आहे. संशोधन पेपर तयार करण्यास व विद्यापीठ परीक्षांच्या दृष्टीने या ग्रंथाचा विद्यार्थ्यांना फायदा होईल. ग्रंथलेखनासाठी इंग्रजी व मराठी संदर्भ साधनांचा उपयोग करण्यात आलेला आहे. त्यामुळे नेट/सेट, एम.पी.एस.सी., यु.पी.एस.सी. व इतर स्पर्धात्मक परीक्षांच्या दृष्टीनेही हा ग्रंथ महत्वाचा ठरेल. इतिहासाचे प्राध्यापक, विद्यार्थी व इतिहासप्रेमी यांना हा ग्रंथ निश्चितच आवडण्यासारखा आहे. )
०००
पोस्टेज वेगळे.
📞संपर्क क्रमांक :-
Book Roof Online Book Store:-
+91 87998 21809, पुणे .
⚠️महत्वाची सूचना :-
(हा बुक रूफ चा एकमेव व्हॉट्स ॲप आणि संपर्क नंबर आहे. पुस्तके हवी असल्यास तसेच अधिक माहितीसाठी यावर मेसेज किंवा थेट संपर्क करावा. कमेंट मध्ये कोणीही मोबाईल नंबर देऊ नयेत, कृपया सर्वांनी ही काळजी घ्यावी ही विनंती. धन्यवाद)
