ನಿರುತ್ತರ

12/09/2026

16/01/2026

16/01/2026

https://www.facebook.com/share/v/1ANEsJVtQS/

29/12/2025

ಬಾಲ್ಯದಲ್ಲಿ ನಂಗಿದ್ದ ಸಂಸ್ಕೃತ, ವೇದ-ವೇದಾಂತಗಳ ಹುಚ್ಚಿನ ಸಂತೆಯಲ್ಲಿ, ರಾಜಕೀಯ ಪ್ರಜ್ಞೆಯೇ ಅರಿವಾಗದ ಆ ಕಾಲದಲ್ಲಿ "ಕುವೆಂಪು ಓದು" ಸಿಕ್ಕಿದ್ದರಿಂದ ನಾನು ಮನುಷ್ಯನಾಗಿ ಉಳಿದುಕೊಂಡಿದ್ದೇನೆ, ಇಲ್ಲವಾದಲ್ಲಿ ಬಲಪಂಥೀಯರ ಬಲೆಗೆ ಸಿಕ್ಕು ಮೃಗಭಕ್ತನಾಗಿ ಪಳಗಿ ಹೋಗಿರುತ್ತಿದ್ದೆ. ಅದನ್ನ ನೆನೆಸಿಕೊಂಡರೇ ಮೈ ನಡುಗಿಹೋಗತ್ತೆ. ಶಾಲೆಗೆ ಬರುವ ಮಕ್ಕಳು, ಕಾಲೇಜು ವಿದ್ಯಾರ್ಥಿಗಳು ಯಾರನ್ನೂ ಬಿಡದ ಬೇತಾಳದಂತೆ ಬಲಪಂಥೀಯ ಪರಿವಾರಗಳು ಧರ್ಮ, ಜಾತೀಯ ಕಟ್ಟಳೆಗಳ ಕೊಳೆಯ ಹೊರೆಯನ್ನು ಹೊರಿಸುತ್ತಿದ್ದಾಗ ಅವುಗಳಿಂದ ಪಾರಾಗುವ, ಅನಿಕೇತನವಾಗುವ ಪ್ರಜ್ಞೆಯನ್ನು ನನ್ನಲ್ಲಿ ಬೆಳೆಸಿದ್ದೇ ಕುವೆಂಪು ಓದು. ಓದಿದಷ್ಟೂ ಕಾಲದಲ್ಲಿ ಪ್ರಸ್ತುತವೇ ಎನಿಸುವಷ್ಟು ಸ್ಪಷ್ಟ ಮತ್ತು ತೀಕ್ಷ್ಣವಾದ ಕುವೆಂಪು ನೋಟಗಳು, ನನ್ನ ಬದುಕಿನ ನೋಟಗಳನ್ನು ಕಟ್ಟಿಕೊಳಲು ಆಸರೆ ಒದಗಿಸಿವೆ.

ಕುವೆಂಪು ಓದು ನನ್ನ ಬದುಕನ್ನು ಕಡೆದು ಕುಶಲಗೊಳಿಸಿ ಮೂರ್ತಿಯಾಗಿಸಿದೆ.‌ ಬುದ್ದಿ ಮತ್ತು ಪ್ರಜ್ಞೆಗಳನ್ನು ಜಾಗೃತಗೊಳಿಸಿದೆ. ಅಧ್ಯಾತ್ಮ ಮತ್ತು ವೈಚಾರಿಕತೆಗಳಿಗೆ ಸ್ಪಷ್ಟ ರೂಪು ಒದಗಿಸಿದೆ. ಅದಕ್ಕಾಗಿ ಅವರಿಗೆ ಮತ್ತು
ಕನ್ನಡ ನುಡಿಗೆ ನಾನು ಕೃತಜ್ಞ. . ❤💛

ಆದರೆ ನನ್ನದೇ ಪೀಳಿಗೆಯಲ್ಲಿ ಓದು-ಬರಹಗಳಿಗೆ ಎಡತಾಗದೇ ಭಾಷಣ, ಬೈಠಕ್ ಗಳಲ್ಲಿ ಕುಳಿತಿದ್ದ ಕೆಲವರು ಮತ್ತು ಸಮಾಜ ಪ್ರಜ್ಞೆಯೇ ಅವ್ಯಕ್ತವಾಗಿದ್ದು ಈಚೆಗೆ ವಾಟ್ಸಪ್ ನಲ್ಲಿ ಬಂದ ಸುಳ್ಸುದ್ದಿಗಳ, ಹೆಣೆದ ಹಗೆಯ ವಿಡಿಯೊ, ಆಡೀಯೋಗಳ ಅನುಯಾಯಿಗಳಾಗಿರುವ ಹಲವರು ಗೆಳೆಯರು ಇಂದು ಮೃಗಭಕ್ತರಾಗಿ ಸಮಾಜದ ರಕ್ತ ಹೀರುವುದನ್ನ ಕಾಣುತ್ತಿದ್ದೇನೆ.

ನಮ್ಮ ಓದು ಅಥವಾ ಶಿಕ್ಷಣ ನಮ್ಮನ್ನು ಮನುಷ್ಯರಾಗಿಸಬೇಕು, ಮೃಗಭಕ್ತರಾಗಿಸಬಾರದು. ಹಾಗಾಗಿ ನಾವು ಮತ್ತು ನಮ್ಮ ಮಕ್ಕಳು ಏನು ಓದಬೇಕೆಂದು ಸರಿಯಾಗಿ ನಿಶ್ಚಯಿಸಬೇಕು‌. ಸ್ವಲ್ಪ ಯಾಮಾರಿದರೂ ಲೋಕಕಂಟಕರಾಗಿ ಬಿಡುವ ಅವಕಾಶಗಳೇ ಇಂದು ಹೆಚ್ಚಿವೆ. ಹಾಗಾಗಿ ನಾವು ಆತ್ಮಶ್ರೀಗಾಗಿ ನಿರಂಕುಶಮತಿಗಳಾಗುವುದು ಮತ್ತು ಎಲ್ಲಾ ಮತ, ಪಥಗಳನೂ ತೊರೆದು ವಿಶ್ವಮಾನವರಾಗುವುದೇ ಲೋಕಪ್ರಜೆಗಳಾಗುವ ಮಾರ್ಗವೆಂದು ನನ್ನ ನಂಬುಗೆ. 🍁

#ಕುವೆಂಪು

25/12/2025

ಮೈಸೂರಿನಲ್ಲಿ ಕುವೆಂಪು ಕಾವ್ಯ ಹಬ್ಬ

13/12/2025

"ಶಾಂತವೇರಿ ಗೋಪಾಲಗೌಡರು, ತೀರ್ಥಹಳ್ಳಿ ಕ್ಷೇತ್ರದಿಂದ ತೇಜಸ್ವಿಯವರನ್ನು ಸಮಾಜವಾದಿ ಯುವಜನ ಸಭಾದ ಅಭ್ಯರ್ಥಿಯಾಗಿ ಕಾಂಗ್ರೆಸ್ ವಿರುದ್ಧ (1970 ರ ದಶಕ) ಚುನಾವಣೆಗೆ ನಿಲ್ಲಲು ಕೇಳಿಕೊಂಡು ಒತ್ತಾಯ ಮಾಡಿದರು. ಇವರು ದೂರದಲ್ಲೇ ಉಳಿದರು.

ಚಿಕ್ಕಮಗಳೂರು ಕ್ಷೇತ್ರದಿಂದ ಪಾರ್ಲಿಮೆಂಟಿಗೆ ಚುನಾವಣೆಗೆ ನಿಲ್ಲಬೇಕೆಂದು ಕೇಳಿಕೊಂಡರು. ಆ ಬೇಡಿಕೆಗೆ ಉಹುಂ ಎಂದರು.

ನಮ್ಮ ರಾಜ್ಯಕ್ಕೆ ಜನತಾ ದಳದ ಜೆ.ಹೆಚ್. ಪಟೇಲರು ಮುಖ್ಯಮಂತ್ರಿಯಾಗಿದ್ದಾಗ, ದೇವೇಗೌಡರು ಪ್ರಧಾನಮಂತ್ರಿಯಾಗಿದ್ದ ಕಾಲದ ಮಾತು- ಇವರನ್ನು MLC ಆಗಲು ಆಹ್ವಾನಿಸಿದರು- ನಕಾರ.

ತುಮಕೂರಿನ ಸಾಹಿತ್ಯ ಸಮ್ಮೇಳನ ಅಧ್ಯಕ್ಷ ಗಾದಿಗೆ ಇವರನ್ನು ತುಂಬ ಒತ್ತಾಯ ಮಾಡಿ ಕೇಳಿಕೊಂಡಿದ್ದರು. ಒಂದು Press meet ಅಲ್ಲಿ ಹೇಳಿದ್ದು, 'ನಾನು ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷನಾಗದೇ ಸಾಯುವವನು' ಎಂದರು.

ವಿವೇಕ ರೈರವರ ಕಾಲದಲ್ಲಿ ನಾಡೋಜ ಪ್ರಶಸ್ತಿ ನೀಡಲು ಎರಡೆರಡು ಸಲ ಒತ್ತಾಯ ಮಾಡಿದರು. ವಿವೇಕ್ ರೈಯವರು ಮನೆಗೇ ಬಂದು ಕೇಳಿಕೊಂಡರು. ಇವರು ಸ್ವೀಕರಿಸಲೊಪ್ಪಲಿಲ್ಲ.

ಮೈಸೂರು ವಿಶ್ವವಿದ್ಯಾಲಯ 2004 ಜನವರಿ 22 ರಂದು ನಡೆದ ಘಟಿಕೋತ್ಸವದಲ್ಲಿ ಆರ್.ಕೆ. ಲಕ್ಷ್ಮಣ್, ಎಚ್.ವೈ. ಶಾರದಾ ಪ್ರಸಾದ್, ಜಿ.ಎಸ್. ಶಿವರುದ್ರಪ್ಪ ಹಾಗೂ ತೇಜಸ್ವಿಗೂ ಗೌರವ ಡಾಕ್ಟರೇಟ್ ಕೊಡಲು ತೀರ್ಮಾನಿಸಿತ್ತು. ಆದರೆ ತೇಜಸ್ವಿ ಆ ಪದವಿಯನ್ನು ಸ್ವೀಕರಿಸಲು ನಿರಾಕರಿಸಿದರು.

2005 ರಲ್ಲಿ ಕರ್ನಾಟಕ ಮುಕ್ತ ವಿಶ್ವವಿದ್ಯಾಲಯದವರೂ ಗೌರವ ಡಾಕ್ಟರೇಟು ಪದವಿ ಕೊಡುತ್ತೇವೆಂದರು. ಇವರು ಒಪ್ಪಿಕೊಳ್ಳಲಿಲ್ಲ.

ಅಮೆರಿಕಾಗೆ ಬಂದು ಲೆಕ್ಚರ್ ಕೊಡುವಿರಾ ಎಂದು ರಾಜೀವ ತಾರನಾಥರು ಒತ್ತಾಯಿಸಿದರು, ಆಹ್ವಾನಿಸಿದರು. ಉಹುಂ.

2007 ರಲ್ಲಿ ತೇಜಸ್ವಿ ಆರೋಗ್ಯ ಪೂರ್ತಿ ಸುಧಾರಿಸಿದ ಸಂದರ್ಭ- ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಾದೇಶಿಕ ಸೆಕ್ರೆಟರಿ ಅಗ್ರಹಾರ ಕೃಷ್ಣಮೂರ್ತಿಯವರು ಇವರನ್ನು ಸಂಪರ್ಕಿಸಿ ಮೆಕ್ಸಿಕೋ, ಚೈನಾಕ್ಕೆ ಪತ್ನೀ ಸಮೇತರಾಗಿ ಹೋಗಿ ಬನ್ನಿರೆಂದು ಒತ್ತಾಯ ಮಾಡಿದ್ದರು. ಯಾವ ಊರಿಗೇ ಹೋಗುವುದಾದರೂ ನಮ್ಮ ಖರ್ಚಿನಲ್ಲಿ ನಾವು ಹೋಗಬೇಕು ಎಂದುಕೊಂಡರು. ಹೇಳುವುದಾದರೆ, ಪಟ್ಟಿ ದೊಡ್ಡದಿದೆ..."

-ರಾಜೇಶ್ವರಿ ತೇಜಸ್ವಿ

ಕೃಪೆ: -'ನನ್ನ ತೇಜಸ್ವಿ' (ಪುಸ್ತಕ, ಪುಟ: 495-496, ಆರನೆಯ ಮುದ್ರಣ, 2021)

18/10/2025

ಕೆ.ಪಿ.ಪೂರ್ಣಚಂದ್ರ ತೇಜಸ್ವಿ ಫೇಸ್ಬುಕ್ ಪುಟದ ವತಿಯಿಂದ ಕನ್ನಡ ಪಾಕಶಾಲೆ ಸಹಯೋಗದೊಂದಿಗೆ.

“ಕರ್ವಾಲೋ @50” - ಹಂದಿ ಬಾಡೂಟ , ಓದು ಮತ್ತು ಚರ್ಚೆ ಕಾರ್ಯಕ್ರಮ

ಕರ್ವಾಲೋ ಕಾದಂಬರಿ ರಚನೆಯಾಗಿ 50 ವರ್ಷಗಳಾದ ನೆನಪಿಗೆ ಹಂದಿ ಬಾಡೂಟದ ಜೊತೆಗೆ ಕರ್ವಾಲೋ ಓದು ಮತ್ತು ಚರ್ಚೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.

ದಿನಾಂಕ: 22, 23 ನವೆಂಬರ್ 2025
ಸಮಯ: ಶನಿವಾರ ಸಂಜೆ 4 ರಿಂದ ಭಾನುವಾರ ಬೆಳಿಗ್ಗೆ 10 ರವರೆಗೆ
ಸ್ಥಳ: ಕನ್ನಡ ಪಾಕಶಾಲೆ ಕ್ಯಾಂಪ್, ಬಿಳಗುಂಬ, ರಾಮನಗರ ಹತ್ತಿರ

ರಿಜಿಸ್ಟರ್ ಮಾಡಿಕೊಂಡವರನ್ನು ಮಾತ್ರ ಆಹ್ವಾನಿಸಲಾಗುವುದು.
ಉಚಿತ ಊಟ ಮತ್ತು ಉಳಿದುಕೊಳ್ಳುವ ವ್ಯವಸ್ಥೆ ಮಾಡಿಕೊಡಲಾಗುವುದು.

ರಿಜಿಸ್ಟ್ರೇಷನ್ ಲಿಂಕ್: https://tinyurl.com/karvalo-50

ಸೂಚನೆ: ರಿಜಿಸ್ಟರ್ ಮಾಡಿಕೊಳ್ಳಲು ಕೊನೆಯ ದಿನಾಂಕ: 18-ನವೆಂಬರ್-2025

ಹೆಚ್ಚಿನ ಮಾಹಿತಿಗೆ:
6366105904 (ವಾಟ್ಸಪ್ ಮಾತ್ರ)
fb.com/poornachandra.tejaswi.kp
instagram.com/poornachandra.tejaswi.kp
[email protected]

17/10/2025

ನಾಳಿನ ಕಾರ್ಯಕ್ರಮ..