01/07/2026
पुण्याच्या महापौर मेधा कुलकर्णी यांनी परवा मुद्दाम भिडेवाडा येथे जाऊन वडाच्या झाडाला प्रदक्षिणा घालत वटपौर्णिमा साजरी केली, ही कृती केवळ निषेधार्हच नाही तर महात्मा ज्योतिराव फुले यांच्या क्रांतिकारी विचारांचा उघड अपमान आहे.
ज्या भिडेवाड्यातून स्त्रीशिक्षण आणि सामाजिक परिवर्तनाची ज्योत प्रज्वलित झाली, त्या पवित्र ठिकाणी अशा प्रतिगामी आणि अंधश्रद्धेला खतपाणी घालणाऱ्या कृती करणे, हे अत्यंत लाजिरवाणे आहे.
सार्वजनिक पदावर बसलेल्या व्यक्तीकडून समाजाला प्रगतीशील दिशा देण्याची अपेक्षा असताना, अशा कृतींमुळे बहुजन, पुरोगामी आणि परिवर्तनवादी समाजाच्या भावना तीव्र दुखावल्या गेल्या आहेत.
ही घटना म्हणजे केवळ विचारांचा विरोध नाही, तर सामाजिक समतेच्या आणि वैज्ञानिक दृष्टिकोनाच्या मूल्यांना दिलेला स्पष्ट धक्का आहे.
आम्ही या कृत्याचा तीव्र शब्दांत निषेध करतो आणि अशा प्रतिगामी भूमिकांपासून त्वरित मागे हटण्याची मागणी करतो.
