Darin Game دارین گەیم

25/09/2026

گاد ئۆف وۆر یەکێک بوو لەو یارییانەی کە بووە بەشێکی گرنگ لە ناسنامەی پلەیستەیشن. 🎮🔥

یەکەم بەشی یارییەکە لە ساڵی ٢٠٠٥ بۆ پلەیستەیشن ٢ بڵاوکرایەوە و لە ماوەیەکی کورتدا بوو بە یەکێک لە ناسراوترین یارییەکانی کۆنسۆڵەکە.

سەرکەوتنی زنجیرەکە وای کرد ناوی گاد ئۆف وۆر و پلەیستەیشن بۆ ساڵانێکی زۆر پێکەوە بناسرێن و هەر بەشێکی نوێی یارییەکە ببێتە یەکێک لە گرنگترین یارییەکانی پلەیستەیشن.

تا ئەمڕۆش گاد ئۆف وۆر یەکێکە لە ناسراوترین زنجیرە یارییەکانی پلەیستەیشن.

یەکەم جار کام بەشی گاد ئۆف وۆرت کرد؟ 👀

25/09/2026

GTA 6 Collector Edition 🔥

وێنەی پارچەکانی ناو سندوقە تایبەتەکەی جی تی ئەی ٦ 🎮

25/09/2026

25/09/2026

وردەکاریی سندوقە تایبەتەکەی جی تی ئەی ٦ 🎮

نرخی ئەم سندوقە ٣٩٩.٩٩ دۆلارە و ئەم بابەتانەی خوارەوەی تایبەت بە جی تی ئەی ٦ لەخۆدەگرێت، لەوانە:

• چاویلکەی تایبەتی جی تی ئەی ٦
• کڵاو
• جانتای شان
• ئاوێنە
• پەرداخ
• کەوچک
• نەخشەی تەواوی لیۆنیدا،
• فیگەرێکی بچوکی ماکا ئەلیگەیتەر، مۆدێلێکی بچوکی ئەو کاراکتەرە
• هەڵگری کلیل
• کۆمەڵێک نیشانەی بچووک بۆ بەستن بە جل یان جانتا
• کۆمەڵێک ستیکەر

کێشی تەواوی سندوقەکە ١٠.٨٨ کیلۆگرامە.

گرنگە بزانیت کە خودی یاریی جی تی ئەی ٦ لەگەڵ ئەم سندوقەدا نییە.

لە ئێستاوە داواکاری پێشوەختە بەردەستە و لە ١٩ی مانگی ١١ دەست بە ناردنی دەکرێت.

24/09/2026

شەش ڕۆژ لە فەلووجە یەکێکە لەو یارییانەی کە لەسەر ڕووداوێکی ڕاستەقینە بنیات نراوە. 🎮
ئەم یارییە لە ڕووداوەکانی شەڕی فەلوجە لە ساڵی ٢٠٠٤ وەرگیراوە؛ شەڕێک کە لەو کاتەدا بووە یەکێک لە گەورەترین و قورس‌ترین ڕووداوەکانی عێراق.
یارییەکە هەوڵدەدات کەش و بارودۆخی ئەو جەنگە بە شێوازێکی نزیک لە ڕاستی پیشان بدات و یاریزان بباتە ناو ئەزموونێک کە لە ڕووداوێکی مێژوویی سەرچاوەی گرتووە.
جیاوازیی ئەم یارییە لەوەدایە کە تەنها یارییەکی شەڕ نییە، بەڵکو هەوڵێکە بۆ نیشاندانی ڕووداوێکی ڕاستەقینە لە شێوەی یاری.
تۆ پێت وایە یارییەکان بتوانن ڕووداوە مێژووییەکان باشتر بناسێنن؟ 👀

24/09/2026

مامە کوردۆ

24/09/2026

شاکارەکەی ڕۆکستار تاوەکوو ئێستا یەکێکە لە پڕفرۆشترین یارییەکانی مێژوو.

ڕێد دەد ڕیدێمپشن ٢ لە ساڵی ٢٠١٨ بڵاوکرایەوە؛ یارییەک کە ڕۆکستار تەنها جیهانێکی گەورەی بۆ دروست نەکرد، بەڵکو چیرۆک، کاراکتەر و وردەکارییەکانی بە شێوەیەک پێشکەش کرد کە تا ئەمڕۆش ناوی لە نێو گەورەترین یارییەکانی جیهاندا ماوەتەوە.

چیرۆکی یارییەکە لەسەر ئارثەر مۆرگان و گروپی ڤان دەر لیند دەسوڕێتەوە؛ لە سەردەمێکدا کە ژیانی یاساشکێنەکان بەرەو کۆتایی دەچوو. ئەو جیهانە فراوانە، چیرۆکە قووڵەکە و وردەکارییە زۆرەکانی یارییەکە بوونە هۆی ئەوەی ڕێد دەد ڕیدێمپشن ٢ سەرکەوتنێکی مێژوویی تۆمار بکات

لە ڕووی فرۆشتنیشەوە، سەرکەوتنی یارییەکە بەردەوام بووە؛ تاوەکوو ئەمساڵ زیاتر لە ٨٥ ملیۆن کۆپی لە سەرانسەری جیهان فرۆشراوە، کە وای کردووە ببێتە یەکێک لە پڕفرۆشترین یارییە ڤیدیۆییەکانی مێژوو.

هەروەها کۆی فرۆشی زنجیرەی ڕێد دێد ڕیدێمپشن گەیشتووەتە نزیکەی ١١٥ ملیۆن کۆپی؛

دوای نزیکەی هەشت ساڵ، شاکارەکەی ڕۆکستار هێشتا لە لووتکەدایە. 🐎

23/09/2026

ئەو یارییەی بوو بە یەکێک لە گرنگترین هەنگاوەکانی ڕۆکستار بۆ گەیشتن بە ئەو ئاستەی ئەمڕۆ هەیەتی.

کاتێک یارییەکە لە ساڵی ٢٠٠١ بڵاوکرایەوە، ڕۆکستار هێشتا ئەو کۆمپانیا گەورە و ناسراوەی ئەمڕۆ نەبوو. بەڵام سەرکەوتنی جی تی ئەی ٣ هەموو شتێکی گۆڕی.

جی تی ئەی ٣ بە شێوازی جیهانی کراوە و ئازادیی زۆری یاریکردن، سەرنجی ملیۆنان گەیمەری بۆ خۆی ڕاکێشا و بووە یەکێک لە گەورەترین سەرکەوتنەکانی ئەو سەردەمە.

ئەم سەرکەوتنە بووە دەستپێکی قۆناغێکی نوێ بۆ ڕۆکستار و ڕێگای بۆ گەورەتر بوونی زنجیرەی جی تی ئەی خۆش کرد.
تۆ جی تی ئەی ٣ت کردووە؟ 👀