https://www.facebook.com/100709365704779/

Lilith Beauty-ليليث بيوتي, البصرة/, Basra (2026)

20/01/2022

هلوو شون بنوتاتي 💕

رفيو اليوم عن منتج سحر بعلاج الحبوب اذا استمريتي عليه 👌اسم المنتج ..
سيروم Niacinamide من ماركة The Ordinary 😍

مشهووووورة حيل واغلبنا ع الاقل
استمعلنا منتج واحد منها 👏

المنتج هذا بيه نياسينمايد 10% وزنك 1%
ذولي المكونين رهيبات بمعالجة الحبوب وهاي النسبة تناسب كل الناس و م تسببلهم تحسس .. خلي نشوف شتسوي /

مناسب لجميع انواع البشرة ولكل النااس ✅

وظيفته انه يشتغل ع الحبوب ويعالجها ويعالج التصبغات
ويخفيها ✅

يهدئ الاحمرار وينظم انتاج الدهون بالبشرة وهالشي كلشش مهم للبشرة الدهنية لان يعرفون شكد نعاني 😫✅

يحسن مظهر التجاعيد ويساعد بتقليل تقرحات البشرة ✅

مضاد للأكسدة .. بحيث يحافظ ع خلايا البشرة من التلوث
والاجهاد ✅

🔴ملاحظة بنات احتمال اول ما تبدين تستعمليه تطلعلج حبوب هاي عادي لان يطلع الدهون الموجودة بالبشرة للسطح نوب يبدي يتخلص منها ✅

هالمادة گد م حلوة هواية من شركات العناية بالبشرة صارت
تخليه بمنتجاتها ..

وصفته لأختي وتخبلت عليه بحيث خلصت عبوتين وطلبت
الثالثة 😂🤍

واني جاي استعمله حرفياً روووعة انصحكم بيه وبشدة 👌
اهم شي الاستمرارية والنتائج تبين خلال شهرر تقريباً

اللي مستخدمته وشافت نتائج خلي تكتب تجربتها وياه 💙

كالعادة لايك وشير 🥰
ولو انتو م تسوونهم تقرون وترحون ☹️

#ليليث

21/12/2021

هلووو بنوتات شونكم؟

زمان عن البوستات .. بوست قصيير🍓

اليوم رفيو عن

🧡بما أنه هوايه حوامل ديفوتون دايركت وبشرتهم تعبانة و عدهم مشاكل ف هذا نزلته علمودهم وهو ينفع الكل حرفياً الكل ..

هو عبارة عن ازيلك اسد 20% رهيييب للبشرة ..

💚فوائده/
✅مقشر للبشرة لطيف حيل م تحسون بالتقشير ولا يخدش ولا اي شي عكس باقي المقشرات خصوصاً الفيزيائية
✅يوحد لون البشرة ويشيل التصبغات والكلف ويفتحها
✅ يزيل الحبوب و يمنع ظهورها و م يسبب جفاف للبشرة
✅ينفع للناس اللي عدهم وردية
✅يستخدم لجميع مناطق الجسم حتى للمناطق الحساسة واي مناطق اخرى غامقة وبالالتزام نتيجة تجننننننن ..........................................
س/ وين متوفر؟
ج/ بالصيدليات

س/يصير تستخدمه الحامل؟
ج/آمن للحامل والمرضع

س/ينفع للبشرة الدهنية ؟
ج/ ملائم لجميع انواع البشرة حتى الحساسة

🔴ملاحظة/
الاستخدام ع بشرة نظيفة وممكن بأي وقت ..
لازززم بفترة استخدامه وضع Sunblock (واقي شمس)🌞

لايك حلووو مثلكم وشاركو البوست 🥰

اللي مستخدمته وصار نتيجة تشاركنا 🧡🙏

س / شكد وزنكم و طولكم؟ ..

#ليليث

27/11/2021

هلو حلوااتي 💕

وجاان ارجع ... ترى داسمعكم تكولون لا هلا ... ترى والله ارووح🚶‍♀️
لا خلاص لحد يجي ورايه زعلت هاي هو 💔
لا جذب رجعت .. ليش ؟ لان م عندي كرامة 😂😂
امزح امزح

بنوتات هواايه حجينا عن مواضيع مختلفة ف اليوم كلت لازم شي مختلف ونبدي ب هيج موضوع مهم لان اغلب كلامي جان عن البشرة لذلك

⚪️اليوم رح احجي عن #الشعر

حتى تعرفون شون تتعاملون ويه شعركم لأن كل شعر يختلف عن غيره اللي يفيد وحدة بالفيس مو شرط يفيدج.. يعتمد ع عوامل وراثية وبيئية .. الخ.

اول شي لازم تعرفون تركيب الشعرة 〰️〰️

⚪️الشعر يتكون من جزئين #البصيلة وهي الجزء الداخلي وهي الجزء الخارجي وكل واحد بيه اجزاء مو إلا تعرفوها ..

⚪️لازم تعرفين أنه الشعر هو زوائد بروتينية هالبروتين اسمه كيراتين و الشعر ميت .. يعني لما تگصيه م تتوجعين ليش ؟ لأن م مرتبط بأعصاب و خلاياه متقرنة ما بيها حياة .. الجزء الوحيد الحي هو الجذر .

🔵اغلاط نسويها لشعرنا وليش غلط؟!!

1️⃣ اول غلط واشوفه هواية يتكرر اي وحدة مدحت بمنتج ترحين تشتريه هالشي غلط لأن مو شرط
اللي يوالمها يوالمج❌

2️⃣ م تعرفين نوع شعرج ف تشترين منتجات شعر م ترهم لطبيعة شعرج ❌

3️⃣ ثالث مصيبة تستخدمون شامبو اطفال بحجة مواد كيميائية قليلة هالشي مو صح❌

المواد اللي بشامبوهات الاطفال تكوم تلائم فروتهم الناعمة و اغلبهم تكون قاعدية عكس فروة البالغين تكون حامضية ف منتجات شعر البالغين تكون توالم درجة حموضة شعركم👌

4️⃣ ربط الشعر بقوة .. لا تشدون شعركم حيل وترجعوه ليوره بقوة بالمشبك او ربطة الشعر هالشي يجر البصيلة ويسبب تساقط بمرور الوقت رح يتراجع الشعر وتصير مساحة الجبهة جبيرة ❌ ويفضل تكون الربطة مو لاستيك قوي ❎

5️⃣ استخدام الزيوت مباشرة ع فروة الراس 🤦🏻‍♀️❌

6️⃣ للشعرهم ثخين او مساميته قليلة .. جداً غلط تخلوه رطب او تلفوه بالمنشفة لفترة طوويلة❌
مجرد م تطلعين من الحمام نشفي شعرج بدفيوزر نص تنشيف او تتركيه ينشف بالهوا و مشطيه👌

7️⃣ تمشيط الشعر من فوك ليجوه ❌ الصح هو بالعكس تبدين بالاطراف وتصعدين ↗️

8️⃣ غسل الشعر بمي حاار ❌ جدا هالشي يأذي الشعر لازم اقل شي يكون فاتر 🚿

9️⃣ تعريض الشعر للحرارة بصورة مستمرة سواء سشوار او فير الخ❌ كمية الدمار للشعر م تتخيلوها من تقصف و غيره بسبب الحرارة 🥲💔

1️⃣0️⃣ الحجاب و ما ادراك ما الحجاب لا تلفيه لفات هواية و لا تلبسيه لفترات طويلة لان يمنع تنفس الشعرر و بالتالي الشعرة تختنگ وتتضرر وتتساقط 🤦🏻‍♀️❌

إن شاء الله اكو جزء ثاني واذا او حتى ثالث حتى نغطي موضوع الشعر

لايكاتكم الحلوة مثلكم 🥰

ولا تنسين كم تعليق لطيف و شير❣️

#ليليث

05/11/2021

هلوووو ..شون الحلووات مالتي 💕
مشتاقتلكم والله😭 ادري بيكم مشتاقيلي لتصيحون 🌚
لا جذب اصلا محد سأل عني .. مرة ابوكم اني ؟ جاوبوني مرة ابوكم اني 😒
امزح امزح هاي شبيكم م تتشاقون 😂

المهم
الموضوع اليوم ترددت حتى احجي بيه بس لازم نحجي للتوعية 👌🏻

🔴موقف حقيقي
مرة فاتت للصيدلية /
🧕🏼 هلو عيني .. اريد برياكتين و دكسون
👩🏻‍🦱 المن ؟
🧕🏼 لبنتي عمرها 11 سنة اريدها تسمن
👩🏻‍🦱 خالة هذا بيه هواية اضرار ومو زين
🧕🏼 لا خالة اريده انطينياه
👩🏻‍🦱 خالة ترى اني م مخليه شي بيجيبي بس خطرر كلش ترديها تموت
🧕🏼 خالة مو اني اريدها تكبر حتى اعرسها
ا👩🏻‍🦱 😐😐😐

🔴 التركيبة الفتاكة الكارثية لزيادة الوزن ..
من اكثر التراكيب انتشاراً ع مستوى العراق حبوب برياكتين و دكسون واللي فعلاً يجيب نتائج حلوة وبفترة قصيرة مقارنة بغير طرق بسسس .. يسبب كووومة مشاكل لكوومة بنات يستخدموهم
1- اولها واهمها السكر 2- الضغط المرتفع 3- هشاشة العظام
4- تأخر الحمل والانجاب بسبب خربطة الهرمونات 😮
5- ممكن نمو شعر ب اماكن غير مرغوبة مثلا الوجه 😱
6- خشونة الصوت 7- اكو شي اسمه الـ Moon face يعني وجه القمر عبالها وجهها صار حلوو بسس هذا نتيجة لاحتباس السوائل تحت الجلد مو شي ينفرح بيه يعني 🙂
8-ولنفس السبب يسوي شي اسمه Buffalo hump هاي تلاگين منطقة الاكتاف واللي بين الاكتاف يصيروا كبار بس الذراعين والارجل رفييييييعة
9- وكذلك نتيجة الاحتباس يسوي stretch marks ف يتمدد الجلد لان الزيادة صارت بوقت سريع وقصير
واعراض غيرها نسميها cushing syndrome وهالشي يصير نتيجة استخدام الكورتيزون لفترات طويلة يا عيني .. وهذا غير الاعراض اللي م نذكرن 😪

🔴 لعد اذا مضر ليش تبيعونه وليش الشركات تصنعه اصلاً ؟

يا عيني الادوية يكون الها كذا استخدام واستخدام يعني الديكسميثازون م صنعوه لزيادة الوزن وانما اسمها "كورتيزون" نستخدمها ب التهابات الصدر والتهابات الجيوب الانفية والتهاب العيون اي استخدام يتم تبعاً لرؤية الطبيب ولكن زيادة الوزن مو من ضمن استخداماته وانما الزيادة من ضمن (((الاعراض الجانبية ))) يعني من الاشياء الخطرة .

ف بالتالي يا روحي انت خافي الله ب اطفالج اللي هم امانة الله يمج ومو ملكج حتى تتصرفين وياهم هيج حلاة بنتج من تجي جايبة الشهادة بيدها ورافعة راسج كافي الفخر اللي حتجيبه الج .. مو زواجها من واحد نفس النموذج و تجيلج لو مطلقة لان طفلة مو مال مسؤولية واصلا هي طفلة بهالعمر ... لو عمرها ب 16 وعدها كوومة زعاطيط تسحل بيهم وتخلف بنات بنفس هالعقلية التعبانة .
ارجع واكول ديروا باااااالكم ... كلامي يمكن يجرح البعض بس هالشي حتى توصل الفكرة عسى ولعل كلامي يكون اله تأثير م اكول بالكل حتى لو مجموعة قليلة همات نعمة.

الموضوع مهم شيروا البوسست حتى يوصل لاكبر عدد❣️

لايكاتكم الحلوة مثلكم 🥰

#ليليث

18/10/2021

هلووووو
شونهن حلواتي 💕؟

رجعتلكم من بعد غياب كم يوم 😖

موضوعنا اليوم حلو ولطيف وكيوت .. ومتخرج ويشتغل 😂
يلا اخر مرة احشش .. سامحوني 🙈

حنحجي بهذا البوست عن الـ او مي الميسيلر 🧴
اختياري للبوست جان بسبب تعليق من بنية معلقة لوحده تنصحها بيه .. المصيبة استخدامها غلط و م تعرف شنو هو اصلا !! يي زين ليش تنصحين ب شي انت م تعرفيله حتى . تجنبوا هيج شي بنوتات لتنصحون بشغلة م عدكم عنها معلومات كافية حتى لا يخرب وجه المگرودة😃

شنو هو ؟ شنو مكوناته؟ وشون يستخدم ؟ وشنو فوائده ؟

الميسيلَر ووتر هو منتج اغلبه مي نقي وبيه نسبة مرطب مع جزيئات زيتية عبارة مواد منظفة .

🔴اغلب البنات لاحظتهم يستخدموه كتونر وهالشي غلط❌
💚المنتج تستخدميه بطريقتين .. يا اما ك مزيل مكياج لان بيه مواد منظفة تخلصج من اللبخ ( هيج اني استخدمه ) يا اما ك غسول✅

المنتج يصح استخدامه بالطريقتين و كـ غسول انصح بيه وبشدة لاصحاب البشرات الجافة والحساسة وخصوصاً اللي م ديلگون غسول يوالم بشرتهم.

فوائد الميسيلَر ووتر /
❣️اول شي واحلى شي هي نسبة الكلسرين الموجودة ك مرطب بيه وبالتالي م يسبب جفاف للبشرة .. ولذلك هالنقطة تخلي جماعة البشرة الجافة تحبه✅

❣️بسبب وجود الـ surfactants ( منظفات) حيسحب الزيوت والاوساخ من البشرة وتنظيفه يكون عمييق✅ .

❣️الحلو بيه انه اغلب انواعه باختلاف الماركات (غالباً) يكون مناسب لجميع انواع البشرة✅ .
يكون مناسب للحساسة كلششش لان م يسبب التهاب الجلد ولا يهيج البشرة.

❣️بعض الدراسات تكول هالمنتج يخفف الحبوب بمرور الاستخدام ويقلل الرؤوس السوداء لان ينظف المسام .

هسه نجي ليش م نستخدمه ك تونر ؟ التونر مواده مفيده للبشرة وبالتالي لازم تبقى ع البشرة وتمتصها.. اذا ملاحظين اغلب التونرات تجي ب بخاخ حتى ترشيها ع بشرتج.
اما الميسيلَر ووتر ف لازم لازم ينغسل و م يبقى ع الوجه لان بيه مواد منظفة يعني تخيلي اكو زاهي ع وجهج و م غاسلته 🤦🏻‍♀️.

طريقة استخدامه /
تخلين منه ع بادز ( قطع القطن ) و تمسحين بيه المكياج او تزيلين الاوساخ من البشرة في حالة استخدامه ك غسول .

جماعة البشرة الدهنية الغسول مسموح مرتين باليوم اذا تشوفون بشرتكم تزيت و تحتاجون تغسلوها بعد ( مثل الظهر او المغرب ) استخدموا المسيلر ووتر هالشي حيخفف عن بشرتكم هواية للعلم هاي الطريقة استخدمها اني شخصياً ف كلت اكتبلكم هالشي اذا تردون تستخدمون هالـ hack👌🏻

شيروا البوست وعلقوا حتى تسوولي واهس ☹️💔

لايكاتكم الحلوة مثلكم 🥰

#ليليث

09/10/2021

هلووو
شون حلواتي ؟ 💕

اني لو اترككم اسبوع كامل م انزل لو انزل يوم وره يوم 😁

طبعا بوست اليوم .. م جان ببالي انزله هسه ابداً بسس شفت هواية بنات يحتاجوه .. لان قسم اصلا م يعرفوه وقسم يعرفوه بس م يعرفون شون يستخدموه اصلاً وتعبت اكتبه لكل وحده ف هنا حتى يبقى ثابت للكل .
ف اتمنى هالبوست يوصل لأكبر عدد من البنات سووله شير وتاگات للبنات اللي تعرفوهم يستخدمونه او يوالم مشاكلهم

شوية الكلام طويل صبروا لأن اهم شي #صحكتم

اليوم كلامنا عن #الاكرتين وخوانه وخواته .. من اكثر المنتجات اللي طشوا وصار عليهم هواااية لغط .. وهوايه يستخدموهم بدون استشارة هيج "گدعنه" من يمها وتجي تكول م حلووو حرك وجهي ...الخ . بس هو السبب منها لا سألت ولا تعرفله وتجي وتلطخ بهالوجه المصيبة اكو حتى يستخدمنه للبكيني 😳🤦🏻‍♀️

هسه نجي شنو هو الاكرتين وخوانه ؟ والمن يستخدم؟وطريقة الاستخدام !!

الاكرتين و الايرول و الاكنيلين والسموديرم و اوبتمال غيرهم كلهم كريمات تريتينوين بتراكيز مختلفة مشتقة من فيتامين A .. وظيفتهم الاساسية لعلاج التصبغات وحب الشباب .. حتى تلاحظون نتيجة باستمرار الاستخدام ع الرؤوس السوداء والبيضاء .. بالاضافة الى تقليص المسامات وتقليل التجاعيد ع المدى البعيد .

🔴وظيفتهم هي تقشير وممكن يسببون تحسس قوي لذلك البشرة الحساسة والجافة انصحهم يبتعدون عنهم ويستخدمون ال(adapalene) اللي هو مشتق من فيتامين A همات بس يكون اخف ع بشرتهم من الاكرتين متوفر بالصيدلية ب اسم الدفرين .

🔴ممنوع استخدامهم للحامل والمرضع تماماً .

🔴 ممكن خلال اول استخدامات يطلعولج حبوب عادي مو توقفين استخدامه هاي يطلع شكو حبوب تحت الجلد للخارج ونوب بالاستمرار يعالجها كلها سوية.

🔴مدة الاستخدام كورس علاجي كامل (3-4 أشهر) .

نجي الى طريقة الاستخدام /

اولاً تستخدم ع بشرة نظيفة تماماً و بالليل فقط وفقط .
ثانياً الابتعاد عن منطقة العين وحول الفم م تتقربيلهم نهائياً
ثالثاً الالتزام بواقي الشمس خلال فترة استعمالهم ويجدد كل ساعتين وحاولي قدر الامكان م تتعرضين لشمس مباشرة مو تخلينه وثاني يوم تفترين بالسوك ❌
رابعاً الفكرة ب استخدامهم هي التدريج .. شنو يعني ؟ يعني اول اسبوع تستخدميهم مرتين متفرقات لمدة ساعة وتغسليه شفتي بشرتج م تحسست ولا تأذت .. الاسبوع اللي وراه تزيديه 3 مرات .. الى ان تحسين بشرتج تعودت عليه .. تكومين تستخدميه يومياً وتنامين بيه والصبح تغسليه . وممكن مستقبلا تزيدي تركيزه من ربع الى نص.

🔴يفضل استخدام غسول طبي خلال فترة الاستخدام مثل سيرافي، افين او بايوديرما + مرطب طبي مثل بيبانثين + لازم تقطعون اي سيرومات تستخدموها مثل سيروم فيتامين سي الوحيد المسموح بيه هو الهاليرونيك اسد .. لان يزيد رطوبة البشرة ومعروف الاكرتين وجماعته يجففون البشرة .

خامساً .. شون تستعمليه ؟ تغلسين وجهج بالغسول تخلين طبقة خفيفة من بيبانثين وتاخذين كمية بحجم حبة البازلاء ( مو هواية تكعدين وجهج محترك ومتقشر) وتوزعي ع وجهج . وضروري الصبح غسل الوجه ومرطب من مرتين اللى 3 مرات يومياً .

⚫ملاحظة / اذا كملتي كورسج وشفتي نتيجة وتردين تقطعين استخدامه بس تخافين يرجع ابقي استخدمي مرة الى مرتين بالاسبوع فقط للمحافظة ع النتيجة 👍

بالتالي النتيجة بشرة صااافية خالية من الحبوب ويجدد خلايا بشرتكم ويخليها #تكزكز

لايكاتكم الحلوة مثلكم🥰

#ليليث

08/10/2021

هلو حلوااتي شونهم اليوم ؟ 💕

اليوم البوست المنتظررر وهواية طلبوا مني وهو
#للبشرة 🌚

الروتين الاسبوعي بالنسبة اليه خطوتين مهمة وهي
الاولى) التقشير ... الثانية ) التنظيف 😍

اللي بشرتهم حساسة ويحسون م يستحملون الروتين كامل ممكن تفصلونه كل خطوة بيوم ... واني اصلا من اكون متعاجزة اوزع الخطوات ع طول الاسبوع .. يلا نبدي ↓↓

اول شي لازم تكون بشرتكم نظيفة شون ؟ يعني خالية من المكياج تماما وبعدين تغسلوها بغسول اليومي مالتج وافضل تستخدمون وياه فرشة او آلة مثل فوريو او ميجي او اي نوع ثاني هسه بشرتكم صارت جاهزة وهسه نجي نكمل :

💚الخطوة الاولى
التقشير / يا اما فيزيائي يا اما كيميائي ... الفيزيائي اللي كلكم تستخدموه اللي يكون بيه حبيبات افضل شي تستخدمون اللي تكون حبيباته ناعمة وافضل هالنوع مرة واحد اسبوعياً فقط.
ابتعدوا تماما عن التقشير الطاش اللي هو (شكر وزيت زيتون ) .. كلشش م انصح بيه ليش ؟
اول شي الشكر حبيباته خشنة رح تخدش جدار البشرة الخارجي وبالتالي حتسبب تصبغات . زيت الزيتون وكل الزيووت ثقيلة ع البشرة فـ تسبب انسداد المسام وبالتالي حبوب تحت الجلد .اما المقشرات الكيميائية مثل مقشرات احماض الفواكه . طريقة الاستخدام ؟ تخلون كمية تكفي الوجه وتدلكون مو فرك قوي عبالك دتغسلين زولية لااا، بخفة ايدج بحركة دائرية لمدة دقيقتين تقريباً وشطفيه بمي فااتر .
اما الكيميائي ف ينترك ع البشرة مدة ربع الى ثلث ساعة وينشطف.
فائدة التقشير بالدرجة الاساس هي تخليص الوجه من الخلايا الميتة اللي تتكون ع البشرة✅😻 .

🔴لا تقشرون بشرتكم اكثر من مرتين بالاسبوع واني افضل مرة وحدة فقط ..مرتين اذا بشرتج كلششش دهنية .. والبشرة الجافة تكتفي بمرة وحدة .

💚الخطوة الثانية /التنظيف ..
التنظيف الهدف منه ازالة الاوساخ والشوائب اللي موجودة بمناطق اعمق مثل المتراكمة بالمسامات .
التنظيف بالنسبة اليه عن طريق ماسكات وافضل ماسكات للتنظيف ممكن تجربوها بحياتكم هي ماسكات الفحم وماسكات الطين .
مثل ماسك الفحم مال گلام گلو والطين الهندي ( لايناسب البشرة الجافة ) بالايام الجاية انطيكم رفيوات عنها ان شاء الله . طريقة الاستخدام ؟
تخليه ع بشرتج لحد م ينشف وتشيليه ✅.

اخر خطوة واحلاها هي الترطيب وهاي الخطوة ضرورية كلشش .. اذا متوفر عندج شيت ماسك "ماسك ورقي" خليه فد نص ساعة بعدها شطفي وجهج بمي فااتر .. وخلي سيرومج اليومي او اذا م تستخدمين سيروم خلي المرطب اليومي . اللي م يحبون الشيتات شطفوا وجهكم ومرطبكم اليومي.

الاحساس هنا انتعاااااش ونظااافة ... وبالعافية عليكم .

❣️افضل وقت لعمل الروتين #ليلاً

هالروتين فواائده كلشش حلوة .. يعني يقلل الرؤوس السوداء والبيضاء ويهدأ البشرة و ينظفها من قلب وبالتالي يقلل ومستقبلا يمنع تكون الحبوب ويقلل افراز الدهون للبشرات الدهنية .. لذلك البشرة تكون مشرقة ومنووورة
يعني تشعشع😂😍

لايكاتكم الحلوة مثلكم 🥰

#ليليث

02/10/2021

بوست سريع ...
هلوووو حلواتي شونكم 💕

طبعا امس بوقت متأخر جنت اشوف كوسم 😂😍 ..
وكلت بدل م داكتها صفنة خلي اسوي روتين الايدين الاسبوعي .. هنا وكلت فد مرة اصوره وانزله للبنات يستفادون منه ... شوفوني شگد افكر بيكم 😌😘

بناات والله شفت فرق رهييييييب عليه "بالاستمرارية"
اكيد، مفاصل الاصابع فتحت حيل والايد نفسها لونها افتح ..
الخشونة رااحت و نعووومة تجنن و الادين زبدددد 😋

🔴الافضل تحضريهم يمج وتبدين ..

1️⃣اول خطوة /
مي مقدار كوبين تحمينهم .. يكون دافي مو يلسع تضيفيله مقدار ربع كوب خل .. اللي استعمله موجود بالصورة وعصير نص ليمونة وملح همات مقدار خاشوكتين خلطيهم يذوب الملح .. خلي اديج بيه مدة 10- 15 دقيقة ✅

2️⃣الخطوة الثانية / التقشير
خاشوكة شكر خاشوكة قهوة و زيت زيت خاشوكتين تخلطيهم سوية وسوي تقشير تقريبا مدة 5 دقايق مو
تلحين حيل❌ لاا بخفة ايدج ولتنسين المفاصل كملتي شطفي اديناتج وتعالي للخطوة الجاية ✅

3️⃣الخطوة الثالثة / التفتيح
بيكاربونات الصودا ( اللي يخلوها ويه الفلافل مو
اللي ويه الكيك❌) مقدار خاشوكة وعصرة ليمون ..
بنص الليمونة (نفسها) خليها بالخليط وفركي اديناتج
بيهافد 5 دقايق همات ✅

4️⃣ الخطوة الرابعة (اختيارية ) / التغدية
ماسك ممكن تستخدمينه لوحده اي يوم كلشش حلوو
اني مسويه كمية جبيرة بعلبة وضامتها من اريد استخدم
اخذ كمية واخلطها واستخدمها . .... الخلطة 👇🏻
خاشوكة حليب باودر خاشوكة نشأ خاشوكة طحين تمن
خلطوها سوية وضموها .. بيوم الاستخدام اخذي اللي كمية
تكفي اديناتج وضيفيلها شوية مي ورد ومديها ع الايد الى ان
تنشف..من تنشف بالمغسلة فركي اديناتج بالمادة وشطفيها✅

5️⃣الخطوة الخامسة / للاظافر💅🏻
عصرة ليمون + نفس الكمية زيت زيتون ونگعي
اظافرج بيها فد دقيقتين .. نوب سوي مساج لـ الجلد الجاف داير م دار الاظفر وللاظفر نفسه هاي الخلطة ممكن تكرريها مرتين بالاسبوع .. تقوي الاظافر وتخلي لونهم ابيييض✅

الخطوة الاخيرة / ( الترطيب )
ربع خاشوكة گلسيرين + 3 قطرات زيت جوز الهند
اي ماركة عادي و وزعيهم ع ايدج✅ ...

🔴 اذا تشوفين الروتين طويل تكدرين تختصرينه
بالخطوة الاولى والتقشير (الخطوة الثانية)
والخطوة الاخيرة كلشش كافية و وافية ✅

🔴 لا تنسين الترطيب يومياً خصوصاً بعد
الشاور ولازم تلبسي (كفوف) خلال التنظيف والغسل
مثل غسل المواعين وبعدها لااااااااازم ترطيب ✅

وبالعافية عليج النعومة والجمال 😍👌🏻

لتنسي تشوفي الستوري ... ولا تنسي اللايك 🥰

#ليليث

25/09/2021

هلو حلواتي💕

اليوم تكملة لبوست السابق رفيوات سريعة عن ديودورنتات لطيفة خفيفة شريفة عفيفة 😂💔
بدلية لمزيلات العرق (السبري) 😍👍🏻
بس قبلها خلي نحجي عن /
سؤال شنو احماض الفواكه؟ هي احماض مستخلصة من الفواكه تقشر وتفتح الجلد بس شوية شوية وتنطي نتيجة حيل حلوة .. م يصير تبدون بتركيز قوي لان البشرة تتحسس ابدي بتركيز قليل مثل 5% ونوب من يتعود الجلد زيدي التركيز الى 10% .. استمري كورس كامل وتشوفي
نتيجة رهيبة .
نطيتكم امثلة عليها هي اللاكتك اسد و الكلايكولك اسد

سؤال تتكرر/ اكدر استخدم الشب ؟
الشب هو من املاح الالمنيوم يستخرج كحجر من باطن الارض ( طبيعي) وينطحن . أكثر نوع شائع هو سولفات بوتاسيوم المنيوم حالياً اكو نوع يصنع بيه مادة الامونياك(مادة مسرطنة) .. اللي يجي من العطار شدراج طبيعي؟ لا عليه قائمة مكونات لا شي تكدرين تاخذينه كمرجع ! شون تتأكدين انه اللي دتستخدميه زين ومو مضر؟! الا اذا من الصيدلية مثلا يتوفر و مكتوب عليه هيج وهيج اخذيه وانت متطمنة . لذلك م انصح بيه بس اللي مرتاحه
عليه و م مسبب اسمرار للمنطقة استمري بس بحذر يعني لا تفرطين ب استخدامه و غسلي المنطقة زين بعده .

منتجات انصح بيها 🔥 /
اول واحد/ Vichy Unisex 48H Anti-Perspirant Roll-On Intense
من ماركة فيشي vichy .. واحد من احلى الديودرنتات المتوفرة يكون unisex يعني ينفع للجنسين كلشش لطيف ع البشرة يدوم مدة طويلة بيه عطرر ريحته خفيفة ومنعشة واكو انواع خالية من العطور الرول مالته حجمها حلو بحيث تنطي تغطية ع مساحة واسعة م يسبب اصفرار بالملابس .. بيه كوومة انواع اختاروا اللي يعجبكم يفضل بعد م تحطوه تتركوه دقيقة ينشف وبعدين لبسوا ملابسكم ✅.

ثاني نوع /SESDERMA DRYSES DEODORANT FOR WOMEN
همات كلششششش حلو اذا تعودتي عليه م تستغنين عنه
بيه مكون مضاد للميكروبات اللي ممكن تتكون بالمنطقة .. يجفف المنطقة ابد م تحسيها رطبة وتتعرق .. ولا يسبب تهيج او حكة للبشرة .. يستمر لمدة 24 ساعة .. ممكن تستخدميه حتى بعد ازالة شعر المنطقة باستمرار الاستخدام تحسين المنطقة فتح لونها .😍.
يتخلى ع بشرة نظيفة وجافة ✅

ثالث نوع / simple invisible anti perspirant
هذا من ماركة سمبل للبشرة الحساسة لطيف كلش ع البشرة
م بيه عطر ولا كحول ولا بارابين بس اتوقع شوية قوامه ستكي ف خلي ينشف ولبسي ملابسج ✅

رابع نوع / Dove 🕊
هذا من دوف صفر كحول م يسبب تحسس وتهيج و مجفف ولطيف ع البشرة .

خامس نوع/ 🐝BEESLINE
همات حلووو وهواية يستخدموه بيه عدة انواع قسم بيهم عطر لطيف ولا يأذي البشرة وللبشرة الحساسة موجود نوع خالي من الكحول

لايكاتكم الحلوة مثلكم 🙈

اذا كملتي قراءة اذكري الله بتعليق 💕

#ليليث

20/09/2021

هلو 💕 شونهم حلواتي ؟

ادري تأخرت عليكم سوري .. المهم نبدي بموضوعنا
اليوم اللي هو عن الـ underarms او منطقة ( الابط)
شنو اسباب الاسمرار و التصبغات؟وشون نعالجها ؟ وشنو البرودتكس اللي تنفع لتفتيح هالمنطقة ؟

1) السمنة /الوزن الزائد يزيد الاحتكاك وبالتالي يسبب اسمرار المنطقة
2) الخلطات والتقشير بالمواد الطبيعية ،شكر و زيت زيتون وغيرهم .
3) الشعر تحت الجلد .. ينطي لون غامق ولذلك تحسين المنطقة سمرة .
4) استخدام مزيلاات العرق (السبري) مثل ريكسونا والمعطرات لان بيها كحول وعطور❌
5) استخدام الشفرات والحلاوة لازالة الشعر .
6) لبس الملابس الضيقة لفترة طويلة.

وبعدين شنو الحل ؟!
1) اصحاب السمنة مالهم حل غير تنزيل الوزن الزائد وبعدين نتخلص من التصبغ غير هيج رح ترجع او م تروح من الاساس .✅
2) الابتعاد عن الخلطات والتقشير تماما واستخدام مقشرات كيميائية مثل احماض الفواكه بتركيز قليل وشوية شوية نزيد التركيز . ليليث مثل شنو نستخدم ؟
استخدموا الـ لاكتك اسد بتركيز 5% نوب 10% وهكذا او كلايكولك اسد .✅
3) افضل شي لـ ازالة الشعر و م ينبت تحت الجلد هو الليزر يمنع تكون هالحالة .
4) افضل منتجات للتخلص من التعرق هي الديودرنت اللي يصير رول وتكون خالية من الكحول والعطور والبارابين واكو هواية انواع حنزل عليهم رڤيو . 😍✅
5) نرجع ونكول افضل حل هو الليزر لازالة الشعر بس اذا ماكو ابتعدي عن الحلاقة تماما .
6) التهوية دائما ولبس ملابس عريضة شوية حتى تتنفس المنطقة

🔴دائماً ابتعدي عن المنتجات اللي بيها كحول لان الكحول تسبب جفاف المنطقة وبالتالي تسمّر وتتصبغ .

نزلت هالصورة متعمدة للممثلة #ايزاـگونزاليس حتى تشوفون ممثلاث وعارضات ازياء مشهورات وتصير عدهم هيج مشاكل ونازلة لمهرجان عالمي ضخم هيج . لا خجلت ولا مفتشلة ... دائما حبي نفسج شون ما كنتي 🥰👌🏻

لايكاتم الحلوة مثلكم💙
لتنسون تشوفون الستوري 👀

#ليليث

17/09/2021

هلو بنوتات 💕

طبعا اليوم رح احجي عن اول منتج cerave cleanser 🧴
( غسول سيرافي ) واحد من احلى الغسولات ومن افضل الماركات الطبية 😻

يتوفر بـ عدة اصدارات الفرنسي والامريكي غير ذولي الاصدارين لتاخذون ❌

مكوناته رهيييبة ونعومة اكيدة /
1️⃣بيه سيرامايد وهالمكون يساعد ب بناء حاجز
البشرة الطبيعي ✅
2️⃣بيه نياسينمايد اللي يهدأ البشرة ويقلل من الحبوب والاحمرار✅
3️⃣يحتوي هالورونيك اسد اللي يحتفظ بالرطوبة
داخل البشرة ✅
4️⃣احلى شي انه خالي من العطور🥺 ومتوفر بحجمين 👍🏻

نجي لأنواعه /
1) Foaming gel cleanser for normal-to-oily skin
هذا النوع للبشرة العادية والدهنية يكون فوم (رغوي) حتى يتخلص من الزيوت والمكياج . م يهيج البشرة ويحافظ ع توازن الرطوبة بيها و مواده م تسبب انسداد المسام .

2) CeraVe Hydrating Facial Cleanser
هذا النوع للبشرة الجافة ونفس المكونات الاساسية ونفس الفوائد اكيد 😍👌🏻

3) CeraVe Hydrating Cream-to-Foam Cleanser
هذا النوع للبشرة العادية والجافة وللبشرة الحسااسة المكونات الاساسية نفسها وقوامه كريمي الى فوم ومتوازن الـpH

4) CeraVe Renewing SA Cleanser
هذا مخصص للبشرة المختلطة والدهنية بالاضافة للمكونات
الاساسية بيه نسبة من السالساليك اسد وبالتالي يقشر البشرة
وخلايا الجلد الميت ويعالج الحبوب + مواد تعمل كمضادات اكسدة 😍✅

لايكاتكم الحلوة مثلكم 🥰🥺

#ليليث

15/09/2021

هلوو بنات 💕

هسه رح احجي عن اول منتج بالروتين وهو الـ cleanser
او الغسول . شنو هو الغسول ؟ وشنو فائدته ؟ 🧴

الغسول هو مستحضر بديل للصابون وظيفته الاساسية هي
تنظيف البشرة من الاوساخ والترسبات اللي تتكون عليه
وايضاً الحد بنسبة ما من الحبوب والعوامل المسببة للحبوب وتنقيتها 😍✅

والافضل استبدال الصابون بالغسول
وغسل الوجه مرتين الى 3️⃣ مرات للبشرة الدهنية .

شون اختار غسول مناسب ؟🤔
اول شي لازم تعرفين نوع بشرتج (جافة مختلطة دهنية )
و ع هالاساس تختارين الغسول ومو شرط منتج جاب نتيجة ويه وحدة حيوالمج همات❌.

غالباً الماركات الطبية افضل لان مكونات منتجاتها لطيفة
ع البشرة✅ تكون خالية من الكحول و العطور اللي
تأذي البشرة واحتمال تدمرها .💔

منو افضل الماركات الطبية ؟
سيرافي .. لاروش بوزيه .. أڤين .. فيشي .. بايوديرما ..
ازيس فارما ......الخ

بالبوستات ابدي انطي رفيوات ع منتجات
واولهم الغسولات 👌🏻

لايكاتكم الحلوة مثلكم 🥰

#ليليث

Lilith Beauty-ليليث بيوتي

20/01/2022

21/12/2021

27/11/2021

05/11/2021

18/10/2021

09/10/2021

08/10/2021

02/10/2021

25/09/2021

20/09/2021

17/09/2021

15/09/2021

Address

Website

Alerts

Shortcuts

Share

Listing takedown request