Charmo :: چەرموو

26/12/2025

ڕاپۆرتی زانستی: ناسینەوەی "هەنگوینی مردوو" و جیاوازی لەگەڵ هەنگوینی زیندوو
١. پێشەکی
لە بازاڕەکانی جیهاندا، زاراوەی "هەنگوینی مردوو" (Dead Honey) بۆ ئەو جۆرە هەنگوینانە بەکاردێت کە لە ئەنجامی دەستکاری مرۆڤ و پرۆسە پیشەسازییەکان، هەموو تایبەتمەندییە بایۆلۆژی و دەرمانییەکانی خۆیان لەدەستداوە. ئەم هەنگوینە تەنها شلەیەکی شیرینە و هیچ سوودێکی بۆ تەندروستی مرۆڤ نییە.
٢. هەنگوینی مردوو چۆن دروست دەبێت؟
هەنگوینی ئەسڵ لە ڕێگەی دوو پرۆسەی سەرەکییەوە دەکوژرێت:
ئەلف: گەرمکردنی بەرز (High Heating)
کارگەکان بۆ ئەوەی هەنگوینەکە بە خێرایی لەناو دەفرەکاندا بپاڵێورێت، پلەی گەرمییەکەی دەگەیەننە سەروو ٦٠-٧٠ پلەی سەدی.
• ئەنجام: ئەم گەرمییە هەموو ئەنزیمەکان (وەک دیاستەیز و ئینڤێرتەیز) تێکدەشکێنێت و ڤیتامینەکان لەناو دەبات. هەنگوینەکە دەبێتە تەنها "ئاوی شەکر".
ب: پاڵاوتنی زۆر ورد (Ultra-filtration)
ئەمە پرۆسەیەکە کە تێیدا هەنگوینەکە بە فلتەری زۆر ورددا دەردەکرێت بۆ لابردنی هەموو گەردیلەکان.
• ئەنجام: لابردنی گەردەگوڵ (Pollen). گەردەگوڵ "ڕۆحی" هەنگوینەکەیە؛ بەبێ ئەو، هەنگوینەکە ناسنامەی نامێنێت و جەستە ناتوانێت وەک دەرمان سوودی لێ وەرگرێت.
٣. نیشانەکانی هەنگوینی مردوو
بۆ ئەوەی کڕیار بزانێت کامە هەنگوین مردووە، ئەم نیشانانەی هەیە:
1. قەت ناچێتەوە یەک (کریستاڵ نابێت): هەنگوینی مردوو بۆ ساڵانێک بە شلی و ڕوونی دەمێنێتەوە، چونکە هیچ گەردەگوڵ و ئەنزیمێکی تێدا نییە ببێتە ناوکە بۆ کریستاڵ بوون.
2. ڕوونییەکی نائاسایی: وەک ئاو ڕوونە و هیچ لێڵییەکی سروشتی تێدا بەدی ناکرێت.
3. بۆنی لاواز: ئەو بۆنە نایابەی کە هی گوڵەکانە، بەهۆی گەرمییەوە لەدەست دەچێت.
٤. هەنگوینی زیندوو (خاو) چییە؟
هەنگوینی زیندوو ئەو هەنگوینەیە کە نەکولێنراوە و نەپاڵێوراوە:
• کریستاڵ دەبێت: ئەمە گەورەترین نیشانەی زیندووێتییەتی.
• پڕە لە ئەنزیم: یارمەتی هەرس و بەرگری جەستە دەدات.
• گەردەگوڵی تێدایە: وەک دژە هەستیاری و دژە ئۆکسان کار دەکات.
٥. ئەنجامگیری و ئامۆژگاری
هەنگوینی مردوو تەنها کێشەی "کریستاڵ بوون"ی نییە، بەڵکو کێشەی "بێ سوودی" هەیە. بۆ کڕیارەکان باشترە هەنگوینێکی کریستاڵبووی زیندوو بخۆن، نەک هەنگوینێکی ڕوونی مردوو. تێبینی بۆ کڕیار: ئەگەر هەنگوینەکەت کریستاڵ بوو، پیرۆزت بێت! چونکە تۆ هەنگوینێکی زیندووت کڕیوە.

سەرجاوە. ڕێکخراوی کۆدێکس ئەلیمێنتاریۆس (Codex Alimentarius)
ئەمە گرنگترین سەرچاوەی نێودەوڵەتییە بۆ ستانداردی خۆراک (کە لەلایەن WHO و FAO سەرپەرشتی دەکرێت).@إشارة
Ibrahim Majeed

09/08/2024

چۆن هه‌نگوینی ئه‌سڵ بناسینه‌وه‌؟
هه‌نگوین یه‌كێكه‌ له‌به‌رهه‌مه‌كانى هه‌نگ و یه‌كێك له‌سه‌رسوڕهێنه‌رترین خۆراكه‌كانى سه‌ر زه‌مینه‌، به‌ پێكهاته‌ تۆكمه‌كه‌ى ده‌ناسرێته‌وه‌ و به‌خواردنى بڕێكى باش وزه‌ و سود ده‌ست بخۆره‌كه‌ى ده‌كه‌وێت، رۆژانه‌ ده‌زگاكانى راگه‌یاندن سوده‌ ته‌ندورستى و ده‌روونى و پزیشكییه‌كانى هه‌نگوین بڵاوده‌كه‌نه‌وه‌.
یه‌كێك له‌و پرسیارانه‌ى به‌رده‌وام ده‌وروژێنرێن ئه‌وه‌یه‌ كه‌ ئایا هه‌نگوینی ئه‌سڵ و چاك چۆن له‌هه‌نگوینی نائه‌سڵ و خراپ جیا بكه‌ینه‌وه‌؟
بێگومان بۆ وه‌ڵامى ئه‌م پرسیاره‌ پێویسته‌ بزانین ئایا هه‌نگوینی چاك كامه‌یه‌؟
توێژینه‌وه‌ زانستییه‌كان، هه‌نگوینی چاك به‌هۆى پێكهاته‌كه‌یه‌وه‌ جیاده‌كه‌نه‌وه‌ واته‌ له‌تاقیگه‌دا كاتێك شیكارى ده‌كرێـت بۆ هه‌نگوین ڕێژه‌ى پێكهێنه‌ره‌كانى حوكم ده‌ده‌ن له‌سه‌ر چاكى و خراپیى هه‌نگوینه‌كه‌. بۆ نمونه‌ له‌هه‌نگوینی ئه‌سڵدا رێژه‌ى شه‌كر به‌نزیكه‌یى پێویسته‌ له‌ نێوان 77-80% بێت و رێژه‌ى ئاو تیایدا به‌نزیكه‌یى 17-18% بێت. ئه‌وانى دیكه‌ش پێكهاته‌ پرۆتینی و كانزاكانن (مه‌گنسیۆم، ئاسن، كالسیۆم، ئه‌له‌منیوم، یود و .....هتد).
به‌ڵام ئه‌وه‌ى گرنگتره‌ ڕێژه‌ی شه‌كره‌كه‌یه‌، چونكه‌ پێویسته‌ رێژه‌ى تاکەشه‌كرى میوه‌ (فره‌كتۆز) له‌هه‌نگویندا 38% و تاکەشه‌كرى ترێ (گلوكۆز) 31% بێت، مالتۆز و شه‌كره‌ به‌رزه‌كانیش پێكه‌وه‌ 9% بن. ڕێژه‌ى سوكه‌رۆزیش پێویسته‌ نه‌گاته‌ 2% چونكه‌ ئه‌و شه‌كره‌یه‌ كه‌پێویستییه‌كى زۆرى به‌ هۆرمۆنى ئه‌نسۆلینه‌ بۆ ئه‌وه‌ى جه‌سته‌ سودى لێ ببینێت، واته‌ ئه‌وانه‌ى نه‌خۆشیى شه‌كره‌یان هه‌یه‌ ده‌بێ خۆیان له‌م جۆره‌ شه‌كره‌ به‌تایبه‌ت بپارێزن. ئێ بێگومان ئه‌و هه‌نگه‌یشى شه‌كرى پێ بدرێت ڕێژه‌ى شه‌كرى سوكه‌رۆزى به‌رز ده‌بێت.
له‌كۆتاییدا پێویسته‌ بزانین ئه‌و تاقیكردنه‌وانه‌ى بۆ هه‌نگوین ده‌كرێن هیچیان 100% نیین، له‌نموونه‌ى (به‌ستن، سوتاندن و گه‌رمكردن، پێكه‌وه‌نوسان و كشان، بۆنى هه‌نگوین، ڕه‌نگى هه‌نگوین و ...هتد) چونكه‌ ئه‌وانه‌ى فێڵ ده‌كه‌ن له‌هه‌نگویندا حه‌تمه‌ن به‌م تاقیكردنه‌وانه‌ ئاشنان و چاره‌یشیان بۆ دۆزیوه‌ته‌وه‌. ئه‌ى چى بكه‌ین؟
چاره‌ ته‌نها دوو شته‌:
1. پشكنینی تاقیگه‌یى بۆ دیاریكردنى رێژه‌ى پێكهاته‌كانى.
2. ویژدان و ناسینی هه‌نگه‌وان و شوێنى هه‌نگه‌ڵانه‌كه‌ى.
به‌هیواى خواردنى هه‌نگوینی ساغ و ئه‌سڵى.
ئاسۆگه‌ڵاڵى
ئه‌ندازیارى كشتوكاڵى.

21/05/2023

29/01/2023

خورمای خاصەوی بە تام و چێژ دەنک ورد دەتوانی لە بری شەکر بە چاوە بیخۆیت، ئەم جۆرە خورما تەنها لای ئێمە دەست دەکەوێت.


شوێن: چەمچەماڵ، خوار پردی چەمچەماڵ شۆڕش تەنیشت کەبابخانەی مەریوان. #خورمای خاصەوی. ☎️ 07717355313

29/08/2022

گرنگیی Apitherapy
(چارەسەر بە بەرهەمەکانی هەنگ)
Jalal said karim

چارەسەر بە بەرهەمەکانی هەنگ لقێکە لە پزیشکی تەواوکاری و جێگرەوە کە بەرهەمەکانی هەنگ بەکاردەهێنێت، لەوانە (هەنگوین، هەڵاڵە، نانی هەنگ، پرۆپۆلیس، خواردنی شاژن، مۆمی هەنگ، ژەهری هەنگ و هەنگی کرمۆکە).
لە ناوچە جیاجیاکانی جیهاندا چارەسەری ئاپیتێراپی مانا و پێناسەی جیاوازی هەیە.
بۆ نموونە:
١- لە ئەمریکا، بە شێوەیەکی سەرەکی بە چارەسەری ژەهری هەنگ ناسراوە بە بەکارهێنانی پێوەدانی ڕاستەوخۆی هەنگ، کیسی ژەهر یان ئەپیتۆکسینی دەرزی لێدراو. ئەپیتۆکسین ئەو ژەهرەیە کە بە ئامێری تایبەت کۆدەکرێتەوە کە لەناو شانە هەنگەکاندا دادەنرێت کە هەنگەکان هاندەدرێن بۆ ئەوەی بە پلێتێکی تایبەتەوە بدەن و ژەهرەکانیان لەسەری بەجێدەهێڵن. ژەهری وشککراوە زیاتر پاک دەکرێتەوە و بەکاردێت بۆ ئامادەکردنی گیراوەی جۆراوجۆری شلکراو.

٢- لە وڵاتانی وەک ژاپۆن، چین، کۆریا، زیاتر بە سوودە تەندروستییەکانی چارەسەری ژەهری هەنگ و هەروەها بە بەکارهێنانی خواردنی شاهەنگ ناسراوە – خۆراکی تایبەتی هەنگی شاژن و کرمۆکە زۆر گەنجەکان.
٣- لە ئەوروپا و بە تایبەت لە ئەوروپای ڕۆژهەڵات، بە بەکارهێنانی هەموو بەرهەمەکانی شانەهەنگ ناسراوە.

مێژوو:
چارەسەری ئەپیتێراپی بۆ هەزاران ساڵە بەکاردەهێنرێت، دەگەڕێتەوە بۆ میسر و چینی کۆن، یۆنانی و ڕۆمەکان بەرهەمی هەنگیان بۆ مەبەستی دەرمانیش بەکاردەهێنا، کە ژەهری هەنگ بۆ چارەسەرکردنی ئازاری جومگەکان لە هەوکردنی جومگەکانەوە بەکاردەهێنرا.

بۆ کێ گونجاوە؟
وەک چارەسەرێکی تەواوکەر، چارەسەری ئەپیتێراپی دەتوانێت سوودێکی زۆر بە هەردوو گەورە و منداڵ بهێنێت لە پاراستنی بەهای خۆراکی هەندێک لە بەرهەمەکانی هەنگ و کاریگەرییە فیزیۆلۆژی و چارەسەرییەکانی
بەرهەمەکانی تر وەک پرۆپۆلیس، ژەهری هەنگ یان مۆمی هەنگ. هەروەها بەرهەمەکانی هەنگ دەتوانن ماددە خۆراکیەکان، پرۆتینەکان، ترشە چەورییە بنەڕەتییەکان، ڤیتامینەکان (بەتایبەت گروپی B، C و پرۆڤیتامین A – کارۆتین و کارۆتینۆیدەکان)، کانزاکان (ماکرۆ و ئۆلیگۆئەلێمنتەکان)، و پۆلیفینۆڵەکان (فلاڤۆنۆید و ترشە فینۆلیکەکان) دابین بکەن.

ڕوانینی فیدراسیۆنی جیهانی هەنگەوانی :
رێبازی ئێمە و
ئەرکی ئێمە یارمەتیدانی پێناسەکردن و بنیاتنانەوە و بەهێزکردنی پێکهاتەی چارەسەری بە بەرهەمەکانی هەنگ ە وەک دەرمانێکی سروشتی، بۆ پێشخستنی زانیاری و ناساندنی بەرهەمەکانی شانەهەنگەکان بۆ جیهانی پزیشکی و فریاگوزاری بەگوێرەی ستراتیژی ڕێکخراوی تەندروستی جیهانی WHO و بەرەوپێشبردنی دەرمانی نەریتی و تەواوکەر ( CAM).

وەرگێڕانی جەلال سەید کەریم گەڕاوی
بایۆلۆجیست و ئەزموونداری چارەسەر بە بەرهەمەکانی هەنگ

سەرچاوە:
WWW.APIMONDIA.ORG

20/08/2022

بە دوای هەنگوینی ئەصڵدا دەگەڕێی بێ دوو دڵی لای ئێمە دەست دەکەوێت.

17/02/2022

اللَّهُمَّ صَلِّ عَلَى مُحَمَّدٍ وعلى آلِ مُحَمَّدٍ

07/02/2022