14/07/2026
٭٭ دوو قوناغێن هەڤپشک ل دوو سیستەمێن جیاوازدا
هەمان فەرهەنگا کەڤنەپەرستی و شوفێنی٭٭
۱) قوناغا پاشایەتیێ (۱۹۲۱ ------- ۱۹٥۸)
ئەڤ قوناغە ب قوناغا فەرمانرەوایا هەڤبەشا هەردوو دەولەتێن ( عیراقی و بەریتانی ) دهێتە هەژمارتن بەردەوام دژی دەنگێ ئازادی و روژنامەگەری و کارو چالاکیێن سیاسی بوینە، دڤێ قوناغێ دا ب هێزو پالپشتیا بەریتانیا هەمی شورەش و راپەرینێن کوردا ژناڤبرینە و دژی ماف و ئیمتیازاتێن کوردا بوینە، وەکو شورەشێن ( مەلک محمود ۱۹۱۸---- ۱۹۲٤) بارزان ( ۱۹۳۱--- ۱۹٤٦) راپەرینا بەردەرکی سەرا ۱۹۳۰) ئەڤێ قوناغێ ۳۷ سالا ڤەکێشا
۲) قوناغا کوماری ( ۱۹٥۸----- ۱۹٦۳)
ژ کودەتایا ۱٤ تیرمەها ۱۹٥۸ دەست پێدکەت و حەتا ئێکەمین کودەتایا بەعسیا ل ۸ شواتا ۱۹٦۳ ، پشتی عەرەبێن عیراقی ژ وان وەعد و بەلێنا پاشگەز بویەڤە ئەوێن داینە کوردا ، کورد وەکو نەتەوە ب رێبەرایەتیا بارزانی نەمر ل ۱۱ ئەیلولا ۱۹٦۱ شورەش دەستپێکر ، هێزێن عیراقێ ب درندەترین شێوە هێرشی سەر ئاخا کوردستانێ کر و مال و گوندو باخ و بیستان وێرانکرن ، ئەڤێ قوناغێ (٥ ) سالا ڤەکێشا
۳) قوناغا دەستەهەلاتداریا ناسیونالیستێن عەرەب ( ۱۹٦۳---- ۲۰۰۳)
دڤێ قوناغێ دا ژی هەمی دەستهەلاتدارن عیراقێ لسەر هەمان رێبازو بیرو ئایدولوجیا سەردەمێن بەرێ خوە بەردەوام بون ئەڤ قوناغە ب خرابترین قوناغ دهێتەهەژمارتن بو ئێکەمین جار د مێژوویا گەلی کورد چەکێ کیمیایی و قەدەغەکری بەرامبەر خەلکێ سڤیل و بێ گونەهــ هاتە بکارئینان ، ئەڤ قوناغەژی یا بەردەوام بی هەتا ۹---٤--- ۲۰۰۳ ژ ناڤچونا رژێما دکتاتور
د روژگارا ئەڤرودا هەمان فەرهەنگا کەڤنەپەرستی و شوفێنی بەرامبەر گەلێ کورد چاپ دکەن دخوینن
،، صالح عبدالجبار ،، 14-7-2026
