دەنگی توەسپی

08/09/2026

خەڵکی توەسپی حاڵ پەرێشانە
چاوەڕێی ئێوەو ڕەحمی یەزدانە
هەرچی بەرپرسەو کاری بە دەستە
خزمەتی خەڵکی لە لا مەبەستە
قۆڵی هەڵماڵئ بە بئ یەکو دوو
کێشەی توەسپی چارە بکا زوو
وەعدو بەڵێنێک کەوا داوتانە
جێ بە جێی بکەن مەردو پیاوانە
حەمام بە بای سک قەد گەرم نابئ
زەوی بە بئ ئاو چی لئ شین نابئ
ئەوەی بە باشە دێتە دەر لە زار
جئ بە جئی بکە بیکە بە کردار
مێژوو خاتری کەس ناگرئ کاکە
ناوتی بە جوانی تێدا تۆمار کە
ئەمڕۆ بەرپرسی لە جێو مەکانئ
سبەی چی دەبی خودا ئەزانئ

07/09/2026

07/09/2026

دوای ئەوەی ئەنجومەنی شارەوانی سلێمانی ڕۆژی چوارشەمە ۲/۹/۲٠۲٦ لە کۆبونەوەی ئاسایی هەفتانەی خۆیدا بڕیاری پەسەندکردنی گواستنەوەی شارەوانی توەسپی و فراوانکردنی سنوری دا ، بۆ ئەو مەبەستە شارەوانی سلێمانی نوسراوی ئاراستەی پارێزگاری سلێمانی کرد، وە پێویست بو پارێزگاری سلێمانی ڕەزامەندی بداو وەڵامی نوسراوی شارەوانی بداتەوە،بۆ ئەو مەبەستە سەردانی پارێزگاری سلێمانی بەڕێز:دکتۆر هەڤاڵ ابوبکرمان کرد،وێڕای گەیاندنی سپاسو پێزانینی خەڵکی گەڕەکی توەسپی بە جەنابیان ، کە لە ماوەکانی ڕابردوو هەوڵی داوە بۆ چارەسەرکردنی کێشەی توەسپی ،جەختی کردەوە هەر نوسراوێک لە هەر جێگەیەکەوە ئاراستەی بکرئ بە مەبەستی بەرژەوەندی گەڕەکی توەسپی بئ دواکەوتن ڕەزاەمەند دەبئ،لە ئێستاشدا دوپاتی کردەوە کە بەردەوام دەبئ لە هەوڵەکانی و هەرچی لە توانایدابئ درێخی ناکا بۆ خەڵکی ئەو دەڤەرە، لەدرێژەی گفتوگۆمان لە گەڵ جەنابیان باسی هەموو ئەو بابەتانەمان کرد کە پێویستە بۆ گەرەکی توەسپی، خۆشبەختانە سەردانەکەمان بەرهەمدار بو، وە دڵنیا بوینەوە لەوەی بەرپرسە بەڕێزەکانی ئەم شارە مەبەستیانە هەرچی زووە کێشەی گەڕەکی توەسپی چارەسەر بکرئ،وە کارئ بکرئ هەموو ئەوانەی پەیوەندیان بە گەڕەکی توەسپیەوە هەیە دڵخۆش بن،. بۆیە دووبارەو هەزار بارە سپاسو پێزانینمان هەیە بۆ هەموو ئەوانەی بە ڕاستی خەمخۆرانە بیر لە قەزییەی گەڕەکی توەسپی دەکەنەوە ، بە هیواین تا کۆتایی بەردەوام بن،

04/09/2026

:

فَمَن يَعْمَلْ مِثْقَالَ ذَرَّةٍ خَيْرًا يَرَهُ ۝ وَمَن يَعْمَلْ مِثْقَالَ ذَرَّةٍ شَرًّا يَرَهُ
واتا: هێندەی مسقاڵە زەڕەیەک چاکەو خراپە ون نابێت.

هەر بۆیە هەرکەسێک ، جا لە هەر ئاستو پێگەیەک بئ،
کاتئ کارێکی باش دەکات و سودی بۆ خەڵکی دەبئ، توشی پاداشتی خودا دەبێت، وە لە لایەن خەڵکیشەوە ڕوبەڕوی دەست خۆشی و ، پێزانین و ،شانازی ، دەبێتەوە
وە هەرکەسێکیش ، لە هەر پێگەو ئاستێکدا بێت ،کارێکی ناپەسەندو خراپ ئەنجام بدا ،وە سودی بۆ خەڵکی نەبئ،دەبئ بزانئ ڕوبەڕوی سزای خودا دەبێت، وە لە لایەن خەڵکیەوە لۆمە دەکرێتو بەر تانەو تەشەر دەکەوئ،
بۆیە پێویستە بەرپرسەکان و ئەوانەی دەسەڵات بە دەستن باش ئەوە بزانن ، بەرپرسیاریەتیان یان دەبێتە شانازی ، یان سەرکزی،
لەو ڕوانگەیەوە سەبارەت بە بابەتی توەسپی، هەر کەسو ،لایەنو، بەرپرسێک ، دەستی خێری هەبوبی ون نابێتو هەڵوێستی لای خەڵکی گەڕەکی توەسپی بۆ مێژو دەمێنێتەوە،
بۆیە لێرەوە بە ناوی هەموو دانیشتوانو سودمەندبوانی گەڕەکی توەسپی ، سپاس و پێزانین و دەست خۆشیمان هەیە بۆ هەر یەک لە بەڕێز :پارێزگاری سلێمانی دکتۆر هەڤاڵ ابوبکر، بەڕێز: جێگری پارێزگاری سلێمانی شاهۆ عوسمان، کە خەمخۆری گەڕەکی توەسپی بون، وە بەوپەڕی پەرۆشیانەوە لە هەوڵدا بون و لە هەوڵدان کە خەڵک و سودمەندبوانی گەڕەکی توەسپی بگەن بە خەونەکانیان.

02/09/2026

دوای تەواو بونی وادەی جاڕدان ، لە ۲۸/۸/۲٠۲٦ وە هەبونی چەند تانەو سکاڵایەک، لەسەر گەڕەکی توەسپی، بە مەبەستی لێکۆڵینەوەو هەڵسەنگاندنی تانەو سکاڵاکان پێوست بوو، ئەمڕۆ چوارشەممە ۲/۹/۲٠۲٦ بخرێتە کارنامەی دانیشتنی ئەنجومەنی شارەوانیەوە تا بڕیاری پێویست لە بارەیانەوە بدرئ، بۆیە دوای وردبینی و لێکۆڵیەوە ، ئەنجومەنی شارەوانی بڕیاری ڕەتکردنەوەی تانەو سکاڵاکانیدا،کە بڕیارەکە بوە هۆی تێپەڕاندنی دۆسیەی گەڕەکی توەسپی بئ بونی هیچ گرفتێک،
دوای بڕیارەکەی ئەنجومەنی شارەوانی لە بارەی ڕەتکردنەوەی تانە و سکاڵاکان ، پێویستە ئاراستەی پارێزگاری سلێمانی بکرئ ،بە مەبەستی جئ بە جئ کردنی ڕێکارە یاساییەکان.کە ئەکرئ لە ماوەی چەند ڕۆژی داهاتو پارێزگاری سلێمانی بڕیاری پێویست لەبارەیەوە بدا، دواتر ئەنجومەنی شارەوانی داوا دەکا دەست بکرئ بە بڵاوکردنەوەی نەخشە و ماستەرپلانی گەڕەکی توەسپی کە لە لایەن ، بەڕێوەبەرایەتی نەخشەدانانی ئاوەدانی سلێمانی ئامادە کراوە،
بۆیە بە ناوی هەموو دانیشتوان و سودمەندبوانی گەڕەکی توەسپیەوە داواکارین،وەک چۆن بەرپرس و لایەنە پەیوەندیدارەکان خەمخۆرانەو دڵسۆزانە تا ئێرە ئەوەی پێویست بوو کردیان تا هەرچی زووە خەڵکی گەڕەکی توەسپی بگەن بەوەی کە دەیانەوئ ،بەهەمان خەمخۆری و پەرۆشییەوە بەردەوام بن، تا ئەوەی کە ماوە تەواو بکرئ،
جێی خۆیەتی سپاس و پێزانینی بئ هاوتاو بەردەوام ئاراستەی سەرۆک و ئەندامانی ئەنجومەنی شارەوانی بکەین، کە بەوپەڕی پەرۆشییەوە کاریان کرد تا توەسپی بخەنە چوارچێوەی دڵنیایی،

01/09/2026

سەرۆکایەتی شارەوانی سلێمانی،
ئەنجومەنی شارەوانی سلێمانی،

وێڕای سپاس ، و دەست خۆشی ، و پێزانینمان ، بۆ سەرۆکی شارەوانی خاتو لەیلاو ،ئەندامانی ئەنجومەن و، هەموو ئەو فەرمانبەرانەی شارەوانی ،کە دڵسۆزانە هەستان بە جئ بە جئ کردنی ئەو ئەرکەی پێیان سپێردرا بو لە هەمبەر بابەتی توەسپی، کە لە ماوەیەکی کەمدا ئەوەی پێویست بو کردیان تا هەرچی زووە توەسپی و خەڵکی توەسپی دەربازیان بئ لە نائومێدی و چاوەڕوانی، بۆیە بە ناوی سەرجەم دانیشتوانو سودمەندبوانی گەڕەکی توەسپیەوە دەست خۆشیمان هەیە بۆیان،
وە لێرەوە بە ناوی هەموو دانیشتوانو سودمەندبوانی گەڕەکی توەسپیەوە داوا لە سەرۆک و ئەندامانی ئەنجومەنی شارەوانی سلێمانی دەکەین ، کە سبەی ڕۆژی چوارشەمە ۲/۹/۲٠۲٦ لە دانیشتنی هەفتانەی ئەنجومەنی شارەوانی، بەو پەڕی گرینگی و ئەولەویەتوە سەیری مەلەفی توەسپی بکەن، وە لە بیریان بئ هەزارەها خێزان دەست لە سەر دڵ چاوەڕێن گوئ بیستی مژدەی دڵخۆشکەر بن، داواکارین چی لە بەرژەوەندی گشتی خەڵکی گەڕەکی توەسپیە بیکەن،
وە ڕەچاوی باری ژیان و گوزەرانی خەڵکی گەڕەکی توەسپی بکەن، کە خۆیانو ماڵو مناڵیان لە بارودۆخێکی دژواردا ژیان دەگوزەرێنن، هەمووخەڵکی توەسپی چاویان لە هیمەتی جەنابتانە کە سبەی دڵخۆشیان بکەن،

خوای گەورە پشتو پەنای چاکەکارانە

31/08/2026

11/08/2026

مَنْ صَنَعَ إِلَيْكُمْ مَعْرُوفًا فَكَافِئُوهُ
هەر کەسێک چاکەیەکی بۆ ئێوە کرد، پاداشتی
بدەنەوە یان(سپاسی بکەن و دەست خۆشی لئ
بکەن)

‎هەر مرۆڤئ ترسی خوای لە دڵابئ
دەست و، دەم و، داوێنی، ئەمینە
بۆیە گەر بەڵێنێکی دا ئەیباتە سەر
کەسێکیش گەر بەڵێنی داو بردیە سەر
بەڕاستی پێویستە سپاس بکرێت و، دەست خۆشی لئ بکرئ.
ڕاستە ئەو بۆ خودای کردووە، پاداشتەکەشی هەر لای ئەوە،
بەڵام دەست خۆشی و پێزانینی ئێمەش ،هەم وەفایە هەم دەبێتە پاڵنەرێک تا بەرپرسانی دیگەش چاوی لئ بکەن و دەرسی لئ وەرگرن.

08/08/2026

کەسئ تێمان بگەیەنئ
توەسپی ٥٠ ماڵە یان ٥٠٠٠ هەزار ماڵ!!؟؟؟
ئەمە بە حساب کۆبونەوەی هەموو توەسپی بو؟!
بەو خوایە دوو سەیارە لە سەر جادەکە دەعمیان بکردایە خەڵکی زیاتر کۆئەبونەوە هههههه
داخی ئەوە ئەمکوژئ ئەشڵئن دەسەڵات خراپە!
ئای ڕەجەبی پاقلەخۆر ئەو کات لە تەمسیلەکەیا تەنیا بوی ئێستا کۆمەڵگایەک بە کاملی بون بە تۆ .