ktebxaney_roman

07/06/2026

شێڵی و فرانکنشتاین و دێوەکەی بە کوردی دەدوێن!
شاکاری «فرانکنشتاین»ـی ماری شێڵی، بۆ یەکەمین جارە بەوپەڕی پاراوی و وردکارییەوە وەردەگێڕدرێتەوە سەر زمانی شیرینی کوردی.
ئەم شاکارە بە بناغەی مژاری زانستیی خەیاڵی دادەنرێت و بۆ نێو وێژەی کوردیش، دەبێتە بزوێنەرێک بۆ سەراپای وێژەی کوردی. تاوانە هەلی لەدایکبوونەوەی مژارێک بە زمانێکی خۆماڵی لەدەست بدەیت!
لە ئێستادا شاکاری «فرانکنشتاین» لە ناوەندی ڕۆمان و یەکەمین پێشانگەی کتێبی کوردی بەردەستە.

06/06/2026

دەتەوێت لەبارەی مێژوو و فەلسەفەوە بخوێنیتەوە، بەڵام دڵیشت بۆ چیرۆک و بابەتی خەیاڵی لێ دەدات؟
بێخەم بە، نوێترین چاپکراوەکانی ناوەندی ڕۆمان لە چەندان مژار و بابەتن و هەندێکیان بەتەنیا چەند مژارێک لەخۆ دەگرن. کۆمەڵە کتێبێکمان چاپ کردووە یەک لە یەک ناوازەتر، لەنێو ئەو هەموو چاپکراوە جیاوازانەشدا، گومانی تیادا نییە کتێبێک هەر دەدۆزیتەوە دڵت بیگرێت و بتەوێت بەرگ بۆ بەرگ بیخوێنیتەوە!
بفەرموون و سەردانمان بکەن لە ناوەندی ڕۆمان یان پێشانگەی کتێبی کوردی، بۆ بەدەستخستنی ئەم چاپکراوە ناوازانە!

06/06/2026

چ کاتێک مرۆڤ پەژارەی ڕاستەقینە دەچێژێت؟

ئاخۆ ساتی گیاندانە؟ ئەو ساتەی بۆ هەمیشە دەم هەڵناهێنرێتەوە؟ یان نا، کاتێکە نامەیەک درەنگتر لە وادەی خۆی دەگات، ژوورێک وەک یادەوەری دەهێڵرێتەوە دەستکاریی ناکرێت، ئەو ساتەیە دەزانێت چیتر لەگەڵ کەسێکدا نادوێیتەوە؟
هیچ شتێک هێندەی بەدەستگەیشتنی وشەیەلی کەسێک بەسوێ نییە خۆی لە ژیاندا نەمابێت. نامەیەک بەزیندوویی نووسرابێت و بەمردووی بکرێتەوە. هەر وشەیەکی دەبێتە سەنگێک و هەر دێڕێکی لەوە پشتشکێنتر دەبێت بە مەبەستی نووسرابوو؛ مردوویەک بۆمان دەدوێت و ئێمەش ناتوانین وەڵامی بدەینەوە…
لە هەموویشی ناخۆشتر یادەوەرییە، یادەوەرییەک شیرینی دەکاتە تیژاو؛ چونکە مردووان لە یەک تەمەن و لە یەک شوێن و لە یەک بارودۆخدا نامێننەوە، لە یادەوەرییەکدا پیرن و لە یەکێکی دیکەدا ساوا، لە یەکێکدا بەهێزن و لەوی دی لاواز، لە یەکێکدا لەگەڵمانن و لەوی تردا بزر. دایک، وەک سەردەمی منداڵی دێتەوە بەرچاومان، وەک ئەو وێنانەی ساڵانێک پێشتر چرکێنرابوون، لە ساتی تووڕەیی، نەرمونیانی، قوربانیدان، ناساغی، کوێرەوەری و داماویدا. دایک دەبێتە ژیانێک، لە یەک یادەوەریی جەرگبڕدا کۆ کرابێتەوە.
لە ئێستادا «نامە بۆ دایکم»ـی خوان خێلمەن لە ناوەندی ڕۆمان و پێشانگەی کتێبی کوردی بەردەستە!

06/06/2026

بۆ دەبێت هەندێک منداڵ تا گەورە دەبن بۆ خۆیان ببووژێنەوە، کەچی هەندێکی دیکە هەموو هەوڵیان بۆ ئەوە بێت جێیان بمێنێتەوە؟
خەڵکی وا باسی بەهرەمەندی دەکەن وەک بڵێی تۆوێکە و گەر قووڵ بیچێنێت، گومان لە چەکەرەکردنیدا نابێت. بەڵام بەهرەمەندی بەتەنیا هیچی وات بۆ ناکات. ڕەنگە ژیری لە چەند لایەکەوە دەرگات بۆ بکاتەوە، بەڵام هەرگیز بە سۆز و خۆشەویستی ناگاتەوە. ڕەنگە کونجکۆڵی هزر ڕووناک بکاتەوە، بەڵام ناتوانێت زام و برینی پشتگوێخستن چاک بکاتەوە. تەنانەت کام منداڵەی زۆرزۆر ژیر و بەهرەمەندە، هێشتا هەر لەژێر کاریگەریی ژینگەکەیدا دەبێت و کاری گەورەی لێ دەکات.
زۆر جەرگبڕە کاتێک دەبینیت منداڵ یان لاوێک هەموو ماکێکی سەرکەوتن و پێگەیشتنی هەیە یەک شت نەبێت، ئەویش شتێکە خۆیان ناتوانن بۆ خۆیانی دابین بکەن: باوەڕ و پاڵپشتیی دەوروبەری. ئەو هۆکارەی زۆرترین ئاستەنگ بۆ منداڵ دروست دەکات نەبوونی بەهرە یان بێتوانایی نییە، نەبوونی هاندانە. قورسترین ئەرکیان شارەزابوون لە بابەتێکدا نییە، ئەوەیە خێزان و دەوروبەر و جیهان—و هەندێک جار خۆیشیان—وا لێ بکەن تۆزێک گرنگییان پێ بدەن.
ڕۆمانی «مەتیڵدا»ـی ڕۆد داڵ لە ئێستادا لە ناوەندی ڕۆمان و پێشانگەی کتێبی کوردی بەردەستە.

05/06/2026

دەکرێت ژیانێکی دوورودرێژ، لە چەند چرکەیەکدا بگۆڕێت؟
زۆربەمان پێمان وایە مێژوو لەگەڵ ساڵ و دەیە و سەدەکاندا دروست دەبێت. وا باسی سەردەم و بزاڤ و شۆڕشەکان دەکەین وەک بڵێی تەنیا ڕۆژمێر بتوانێت دیارییان بکات. نەخێر. ئەوانەی تاڵاوی مەرگەسات دەچێژن، مێژوو دەبێتە چرکەسات، جا تیسکەی تفەنگێک، ناڵەی تۆپێک، تەقەی دەرگایەک، هاوار و ناڵەیەک یان گیڤەی تیرێک بێت. چرکەساتێک دەتوانێت ڕابردوو و داهاتوو لێک جیا بکاتەوە.
ڕەنگە هەر لەبەر ئەمەش بێت یادەوەری پچڕپچڕە. زەبری دەروونی وەک ڕۆژی ڕووناک نایەتەوە بەرچاومان. یادەوەری لە ڕێی دەنگی ئاشنا، دیمەنی ئاشنا، بە شەقام و کۆڵان و گۆرانی و خەونی لەبیرکراوەوە، دێنەوە بەرچاومان. ڕابردوو ئێستا دەشێوێنێت و ئەوەی چەندان ساڵە نێژراوە، دەست بە قسە دەکاتەوە…
ڕۆمانی «بیست‌وچوار چرکەی ژیانی شەهین» لە ئێستادا لە ناوەندی ڕۆمان و پێشانگەی کتێبی کوردی بەردەستە.

05/06/2026

کام یادەوەرییانەمان بۆ دەمێنێتەوە، کاتێک مێژوو
هەموو هەوڵێک دەدات بیانسڕێتەوە؟
هەندێک کارەسات بە ڕەوینەوەی تەپوتۆز، وەستانی شەڕەتەقە یان ناشتنی مردووان دەبڕێتەوە. بەڵام زۆر کارەسات هەن ساڵەهای ساڵ درێژە دەکێشن و دەبنە مۆتەکەی گەلێک. دەبنە بەشێک لە دەرودەشت و بیروڕای گەلەکە و کار دەکاتە سەر یادەوەری، کاروکردەوە و خۆڕاگرییان.
ناوازەترین بەرهەمی وێژەیی نایەت باسی کارەسات و خەموخەفەت بڕێسێتەوە؛ دەپرسێت: خەڵکی دوای ئەم کارەساتە چۆن بەردەوام دەبن و چی لەبارەیەوە دەکەن؟ چۆن پاش ئەو هەموو داماوییە پێناسی خۆیان دەپارێزن؟ چۆن وێنا دەکەنەوە گەر خەیاڵدانیان وێران ببێت؟
ڕۆمانی نایابی «بۆنی نمساری ئاجۆر» لە ئێستادا لە ناوەندی ڕۆمان و پێشانگەی کتێبی کوردی بەردەستە.

04/06/2026

04/06/2026

بۆچی دانیشتووانی شارۆچکە سەرکزەکان، گەورەترین پەژارە لە دڵی خۆیاندا سەرکوت دەکەن؟
شارۆچکەکان لە دوورەوە زۆر ساکار دەردەکەون. شەقامەکانیان هیچی تازەی تیادا نییە، هەڵسوکەوتیان دووبارەیە، یەکتریش بە ناووناتۆرە دەناسن. بەڵام لەژێر هەموو ئەم ڕووبەندی ساکاری و ئاسوودەییەوە، دەریایەک لە گێرمەوکێشە، حەزوئارەزوو، خەونی سەرکوتکراو، سووکایەتی و کاروکردەوەی پەنهان شاردراوەتەوە.
هەموو شارۆچکەیەک بەزموڕەزم و چیرۆک و… دانیشتووی خۆی هەیە، دانیشتووانێک، مرۆڤانێک، کەسانێک کە هەزاران ڕازونیازیان لە دڵیاندا هەڵگرتووە، خۆیان دوورەپەرێز گرتووە، قسەیەکیان لە دڵدایە ناتوانن بیکەن یان خولیایەکیان هەیە ناتوانن شوێنی بکەون. ڕەنگە بۆ بێگانە سەمەرە، بەدخوو، لاواز، یان دەستەمۆ دەربکەون؛ بەڵام سەرباری ئەمانە، لەگەڵ ئەم تایبەتمەندییانەیاندا، خاوەنی ئارەزوویەکن هەموومان پێی ئاشناین: کردوکۆش بۆ ئەوەی خەڵکی بەهەندمان وەربگرن و سەنگمان بۆ دابنێن.
لە ئێستادا کۆچیرۆک و شانۆنامەکەی شێروود ئەندرسن لە ناوەندی ڕۆمان و پێشانگەی کتێبی کوردی بەردەستە.

04/06/2026

گەشتیار کە کوێرەڕێی وڵاتێک دەگرێتە بەر، چی بۆ دەردەکەوێت؟
نەخشەکان پڕن لە کەژوکێو، جۆگە و ڕووبار و سنوورگەلێک لەلایەن بێگانەی زلهێزەوە کێشراوە. بەرپرسان تۆماری گوندەکان، سەرچاوە سروشتییەکان و خەڵکی دەپارێزن. بەڵام هیچیان بەو نووسینانە ناگەنەوە لەلایەن ڕێبوار و گەشتیارانی ڕاساڵەوە نووسراوەتەوە، چونکە بابەتییانە و دوور لە هەموو لایەنگیرییەک باسوخواس و گوزەرانی وڵاتی خانەخوێیان گێڕاوەتەوە.
گەشتیار هەم بێگانەیە هەم گۆڤان. تێبینیی وردەشت و وردەهەڵسوکەوتێک دەکەن ئاکنجییانی وڵاتەکە سەرنجی نادەنێ، بۆ نموونە: میواندۆستی، سۆز و خۆشەویستی و هاوسفرەیی، پۆشاکی خەڵک و سەرداران، جموجووڵی ناوبازاڕ و سرووتەکان، دەمودووی گفتوگۆ و ڕەوشتەکان. ئەوەی بۆ نیشتیمانییان ئاساییە، بۆ ئەو کەسانەی بۆ یەکەمین جار بەرکەوتنیان لەگەڵدا دەبێت، سەرسووڕهێنەر دەبێت.
«گەشتێک بەناو باشووری کوردستانی عوسمانیدا»ـی گەشتیاری فەڕەنسی کلیمەن، لە ئێستادا لە ناوەندی ڕۆمان و پێشانگەی کتێبی کوردە، بەردەستە.