مركز المصطفى للحاسبات

Call Directions

مركز المصطفى للحاسبات Contact information, map and directions, contact form, opening hours, services, ratings, photos, videos and announcements from مركز المصطفى للحاسبات, Shopping & retail, شارع الزهور, Tikrit.

احيانًا البطارية تقرر تسوي مفاجأة... وتطلع منتفخة !احدى الحالات التي وصلتنا كانت لبطارية منتفخة كلش، لدرجة انها رفعت غط...
19/06/2026

احيانًا البطارية تقرر تسوي مفاجأة... وتطلع منتفخة !

احدى الحالات التي وصلتنا كانت لبطارية منتفخة كلش، لدرجة انها رفعت غطاء اللابتوب من مكانه وتسببت بتوقف الشحن وتوقف احدى دكم الماوس ⚠️

بعد الفحص، استبدلنا البطارية بوحدة جديدة، ورجعت اللابتوب تشتغل بصورة طبيعية، كذلك رجع شكلها طبيعي دون اي انتفاخ او تشوه ورجعنا دكمة الماوس الى مكانها واشتغلت ايضًا بدون مشاكل ✅

من الاسباب اللتي تؤدي الى انتفاخ البطارية استخدام اللابتوب في اماكن حارة او وجود مشاكل في فتحات تهوية اللابتوب او الشحن المستمر لفترات طويلة او تفريغ البطارية لمرات عديدة او بشكل طبيعي لانتهاء عمرها الافتراضي.

تتوفر لدينا بطاريات بنوعيات جيدة ولمختلف أنواع اللابتوبات، مع امكانية التوصيل الى جميع محافظات العراق 🇮🇶

📍 العنوان:
تكريت - شارع الزهور - قرب حدائق زيونة، مقابل شركة الهمام للموبايلات.

نتشرف بزيارتكم وخدمتكم.

🚚🇮🇶 متوفر الآن التوصيل إلى جميع محافظات العراقمهما كانت احتياجاتك من الحاسبات، اللابتوبات، القطع الاحتياطية، الإكسسوارات...
16/06/2026

🚚🇮🇶 متوفر الآن التوصيل إلى جميع محافظات العراق

مهما كانت احتياجاتك من الحاسبات، اللابتوبات، القطع الاحتياطية، الإكسسوارات أو الملحقات، أصبح بإمكانك طلبها واستلامها أينما كنت وبأسرع وقت ⚡🔥

💰 أجور التوصيل إلى جميع المحافظات: 5000 دينار فقط

📲 للطلبات والاستفسارات، راسلنا عبر الصفحة أو من خلال رقم الواتساب المثبّت.

📍 العنوان:
تكريت - شارع الزهور - قرب حدائق زيونة، مقابل شركة الهمام للموبايلات.

🌹 نتشرف بزيارتكم وخدمتكم دائمًا.
مركز المصطفى للحاسبات

بصورة عامة من نفتح لابتوب.. نكون متوقعين نلگة اتربة.. زنجار.. ممكن اثر رطوبة اذا كانت متروكة،بس مال نلگة قمل بيها هاي جد...
06/01/2026

بصورة عامة من نفتح لابتوب.. نكون متوقعين نلگة اتربة.. زنجار.. ممكن اثر رطوبة اذا كانت متروكة،

بس مال نلگة قمل بيها هاي جديدة !

رجاءً إقرأ المنشور كامل قبل لاتعلق.للبيع ارخص لابتوب شغال في العراقAcer 370 موديل انتاج سنة 2006Pentium ابطأ معالج ممكن...
22/10/2025

رجاءً إقرأ المنشور كامل قبل لاتعلق.

للبيع ارخص لابتوب شغال في العراق

Acer 370 موديل
انتاج سنة 2006
Pentium ابطأ معالج ممكن تشوفة بحياتك
Ram 752 M.B يعني ثلاثة ارباع الگيگا
HDD 80 G.B يعني اذا تنزل عليه لعبة وحدة يقبط
Windows XP
تحتاج عشر دقايق يلة يفتح النظام.
بدون بطارية شحن.
بطارية البايوس منتهية.. يعني كل ما تشغلها يطلعلك التاريخ غلط وحتى لو عدلتة يرجع نوب.
اللابتوب ما تصلح لأي شي تقريبًا.
مميزة اللابتوب الوحيدة ان وياها شاحنة مجانية.
ممكن تخليها بالبوفية مع الانتيكات وتتفرج عليها.

سعرها 10 الاف دينار... وبس تطلع اللابتوب من المحل بعد ما نعرفك.

ملاحظة مهمة: المنشور للمزاح فقط 😁

في يوم من ايام رمضان اثناء الافطار.. صاحب هاي اللابتوب كان ياكل شوربة عدس.. وفي لحظة معينة قرر ان يشارك هاي الشوربة مع ل...
11/10/2025

في يوم من ايام رمضان اثناء الافطار.. صاحب هاي اللابتوب كان ياكل شوربة عدس.. وفي لحظة معينة قرر ان يشارك هاي الشوربة مع لابتوبة..

وصلتنا للمركز هاي اللابتوب الي كان مبين علية اثار الشوربة بحيث البطّارية كانت ملتصقة مع الجسم وبالاضافة كانت حرارتة كلش عالية.. بحيث اذا خلّيت ايدك عليه او لمستة راح تنچوي من گد الحرارة !

بعد ما فتحناه اكتشفناه ان بالاضافة لآثار الشوربة كان وياهة اكو غبار السنين كلة متجمع بهذا الجهاز المسكين

سبب المشكلة ( بالاضافة للشوربة 🌚 ) هو الإهمال في التنظيف الدوري والحرارة الزائدة الّي خلت أداء الجهاز يقل بشكل ملحوظ، وكاد يضر بالمكونات الداخلية.

قمنا بتنظيف المراوح، مع استبدال المادة الحرارية (Thermal Paste) الي كانت متيبسة ومتحجرة ، بعدها صارت حرارة اللابتوب طبيعية ورجع وكأنّه لابتوب جديد.

الّي يشوف الجهاز قبل وبعد التنظيف من جوة يمكن ما يگدر يفرقهم.. مثل ما يگول ابو المثل: رجعت شركة! 🌚
من الاعطال اللي ممكن ان يسببها استمرار ارتفاع درجة الحرارة بدون معالجة عطل بالمعالج او بكارت الشاشة وبهاي الحالة من الصعب جدا تصليحها.

خدمات الصيانة تجدونها في مركز المصطفى الكائن في تكريت - شارع الزهور - قرب حدائق زيونة، مقابل أزياء أحمد العبيدي.

نتشرف بزيارتكم 🌹

اذا استمر الوضع على هاي الحالة..هاي اللابتوبات راح يكون مصيرهة بالحاوية.اكثر شي يريح الگلب من العميل يكون گلبه على لابتو...
01/10/2025

اذا استمر الوضع على هاي الحالة..هاي اللابتوبات راح يكون مصيرهة بالحاوية.

اكثر شي يريح الگلب من العميل يكون گلبه على لابتوبة ومتابعهة دائمًا، لأن حرفيًّا اكو اشخاص سنين يلة يتذكرون ويجون ياخذوهة.

بدون اي مبالغة..عدنا حاليًّا اكثر من 30 لابتوب متروكة بالمحل اصحابهة ما يقبلون يجون ياخذوهة او يماطلون بالموضوع وينطون مواعيد وهمية،
قسم من هاي اللابتوبات ما تسوى هواي بس تظل مسؤليّة عليك..وقسم ممكن تسوى اكثر من 200 الف !

الموضوع مو اليوم والبارحة..صارلة اكثر من 4 سنوات ! ، والمشكلة اذا تتلفها يجون بعد فترة يطالبوك بيها ويتعذرون بشتى الاعذار اكو مگدروا يجون لو اجوا والمحل معزل او ان هم من خارج المدينة.

برأيكم ، شنو الحل الامثل مع هيچ لابتوبات ؟

بطلب خاص من احد المراكز الطبية في مدينة تكريت لإجراء فحص لأجهزة UPS من الاحجام الكبيرة حيث ان الاجهزة تعمل بصورة طبيعية ...
23/09/2025

بطلب خاص من احد المراكز الطبية في مدينة تكريت لإجراء فحص لأجهزة UPS من الاحجام الكبيرة حيث ان الاجهزة تعمل بصورة طبيعية لكن عند انقطاع الكهرباء تنطفئ بعد بضعة ثواني فقط.
بعد الفحص الميداني تبين انتهاء العمر الافتراضي للبطاريات جميعًا. احد هذه الاجهزه كان يحتوي على 30 بطارية والاخر 8 بطاريات والثالث 16 بطارية.
وبعد عمل طويل استمر حوالي الـ3 ساعات تم فتح واستبدال جميع البطاريات القديمة ببطاريات جديدة وذات كفائة عالية ومن ارقى البطاريات المتوفرة بالسوق المحلية.
بعد انتهاء العملية تم فحص الاجهزة كلها وعادت للعمل بشكل طبيعي والحمد لله.
⚠️ نصيحتي لزبائننا الكرام لدوام عمل البطاريات لاطول فترة ممكنه ان لا يتركوا الاجهزة دومًا على الكهرباء ولا ان يتركوها تعمل حتى نفاد البطاريات بالكامل، وعند تبديل البطاريات يجب شحن الجهاز لمدة ثمان ساعات قبل ادخاله الى الخدمة.

خدمات الصيانة تجدونها في مركز المصطفى الكائن في تكريت - شارع الزهور - قرب حدائق زيونة، مقابل ازياء احمد العبيدي.
نتشرف بزيارتكم 🌹

من شخص يگلك تصير بأرقى العوائل.هذا المثل العراقي يُستخدم للحالات او الاشياء الي متتوقع انّو تصير.وحدة من الحالات اللي اج...
18/07/2023

من شخص يگلك تصير بأرقى العوائل.

هذا المثل العراقي يُستخدم للحالات او الاشياء الي متتوقع انّو تصير.

وحدة من الحالات اللي اجتنا لابتوب Dell Alienware ( لابتوب من الفئة الراقية مخصصة للالعاب والبرامج الثقيلة ) وصاحبها ماخذهة بـحوالي 1800$ )،
المراوح تطلع صوت كلش عالي ( خصوصًا اثناء الحِمِل عليهة ) وتزيد درجة حرارتهة بشكل ملحوظ وادائها يقل ،
تم تشخيص العطل انو اكو مشكلة بمنظومة التبريد الهوائي ( المراوح والموزع والمعجون الحراري).
بعد ما فتحنا اللابتوب تبين ان المراوح تحتوي على كمية من الاوساخ و المعجون الحراري يابس بشكل كامل.
تم تنظيف اللابتوب من الداخل واخراج الاوساخ الموجودة بالمراوح وكذلك نظفنا المعجون الحراري القديم وبدلناه بمعجون جديد (النوع المستخدم هو mx4 الّي يعتبر من ارقى الانواع الموجوده بالسوق ).
و بالمناسبة اللابتوب تحتوي على مروحتين للتبريد..مو بس وحدة مثل معظم اللابتوبات.
ورجعت اللابتوب تشتغل بشكل طبيعي ومثل قبل.

خدمات الصيانة تجدونها في مركز المصطفى الكائن في تكريت - شارع الزهور - قرب حدائق زيونة، مقابل ازياء احمد العبيدي.
نتشرف بزيارتكم 🌹

حلو الشخص من يحاول يصلح لابتوبة، بس مو حلو من يقرر يتفنن 😁من الحالات المرت علينا بالمحل،شخص عندة فيشة الشحن خرجت من مكان...
13/07/2023

حلو الشخص من يحاول يصلح لابتوبة، بس مو حلو من يقرر يتفنن 😁

من الحالات المرت علينا بالمحل،
شخص عندة فيشة الشحن خرجت من مكانهة فقرر يلحمهة على طريقتة الخاصّة ويغرگهة بالشَمِع،
المشكلة مو هنا..
المشكلة ان هو حل المشكلة فعلًا لكن اثناء شد اللابتوب ما كان منتبه للواير ومخليه بطريقة غلط بحيث گفر اللابتوب السفلي مطبوگ عليه ومسبب قطع بالوايرات،
والنتيجة جابهة علينا وبَدَّل الفيشة وعاش حياة سعيدة. 😁

خدمات الصيانة تجدونها في مركز المصطفى الكائن في تكريت - شارع الزهور - قرب حدائق زيونة، مقابل ازياء احمد العبيدي.
نتشرف بزيارتكم 🌹

Address

شارع الزهور
Tikrit

Opening Hours

Monday 09:00 - 21:00
Tuesday 09:00 - 21:00
Wednesday 09:00 - 21:00
Thursday 09:00 - 21:00
Friday 16:00 - 20:30
Saturday 09:00 - 21:00
Sunday 09:00 - 21:00

Telephone

+9647701798360

Website

Alerts

Be the first to know and let us send you an email when مركز المصطفى للحاسبات posts news and promotions. Your email address will not be used for any other purpose, and you can unsubscribe at any time.

Shortcuts

Share

Category