08/09/2026
Sunnudaginn 30. ágúst kláraðist íslandsmótið í rallycrossi. Þetta var fimmta umferðin og úrslit óráðin í öllum flokkum og spennan var sérstaklega mikil. 62 keppendur voru skráðir og gekk keppnin vonum framar enda vel mönnuð og keppendur upplagðir í slaginn.
Einnig var minningarathöfn um einn af brautryðjendum sportsins Jón Sigurð Halldórsson en hann lést í slysi rétt fyrir fyrstu keppni á brautinni. Aðrir brautryðjendur voru heiðraðir fyrir sína aðkomu að byggingu brautarinnar og eru þeir einnig sæmdir heiðursfélagar í AÍH fyrir sitt mikla og góða starf, þeir eru Guðbergur Guðbergsson, Birgir Vagnsson, Ólafur Sigurjónsson og Karl Gunnlaugsson heitinn og Einar Gíslason í ET.
Okkur sem störfum í AÍH þótti vænt um þessa stund og að fá að taka í höndina á þessum köppum sem lögðu grunninn sem byggt hefur verið á þessi 35 ár sem starf hefur verið þarna, enn og aftur takk fyrir ykkar aðkomu herramenn!
Við þökkum starfsfólki kærlega fyrir sitt mikla framlag í sumar sem og keppendum fyrir drengilega og góða keppni ásamt styrktaraðilum sem hafa aldeilis lagt okkur lið í að gera þetta vel. Nú er eftir Rednek mótið 19-20.sept og búumst við við metþátttöku í öllum flokkum.
Takk kærlega fyrir frábært sumar. 😎✌️
