17/08/2026
Viltu verða meðal þeirra fyrstu til að prófa nýju LOOP Ström flugustangirnar?
Þriðjudaginn 18. ágúst, milli kl. 14 og 17, verður sérstakur LOOP eftirmiðdagur í Veiðiflugum þar sem nýju LOOP Ström flugustangirnar verða frumsýndar í Evrópu.
Ström er ný stangaröð frá LOOP sem væntanleg er á markað í lok ágúst. Stangirnar eru byggðar á 7X-tækni LOOP, sömu grunntækni og hefur verið notuð í 7X stöngunum sem hafa notið fádæma vinsælda undanfarin ár. Með Ström hefur LOOP þróað þessa nálgun enn frekar og notar fullkomnari kolefnisuppbyggingu en áður í stangaframleiðslu sinni.
Fulltrúar LOOP verða á staðnum, þar á meðal Eoin Fairgrieve, yfirhönnuður flugustanga hjá LOOP, og Steve Kelly, sölustjóri LOOP í Evrópu. Þetta er því einstakt tækifæri til að skoða og prófa Ström stangirnar áður en þær koma á markað í lok ágúst – og vera um leið á meðal þeirra fyrstu í heiminum til að fá þær í hendurnar.
Þeir Eoin og Steve verða einnig með fleiri nýjar LOOP-vörur í farteskinu sem eru væntanlegar á markað á næstunni, þar á meðal Classic X fluguhjólið, sem var frumsýnt í Bandaríkjunum á dögunum.
Nú er rétti tíminn til að skoða nýjungarnar, prófa græjurnar, spjalla við fulltrúa LOOP og fá innsýn í það sem er fram undan hjá LOOP.
Léttar veitingar verða í boði.
Hlökkum til að sjá ykkur sem flest!
