19/08/2026
Kæru stuðningsmenn,
Nú styttist í fyrsta leik tímabilsins.
Þann 1. ágúst síðastliðinn byrjaði nýtt og spennandi tímabil með Liverpool klúbbnum á Íslandi, og ætlum við að tryggja að það verði betra en nokkru sinni fyrr!
Við gerðum fullt af skemmilegum hlutum á seinasta tímabili. Héldum m.a. golfmót, fjölskylduhátíð, árshátíð ásamt fánadögum fyrir stuðningsmenn um land allt.
Við seldum einnig í annað skiptið Liverpool páskaegg en allur ágóðinn af sölu þess fór óskiptur til góðgerðarmála. En í lok seinasta tímabils styrktum við Reykjadal um 1 milljón þökk sé okkar frábæru félagsmönnum og þeim sem fjárfestu í páskaegginu og tóku þátt i happdrættinu á árshátíðinni.
En af hverju ættir þú að gerast meðlimur? Sem félagi klúbbsins færð þú meðal annars:
- Aðgang að viðburðum fyrir stuðningsmenn um land allt.
- Möguleika á miðum á Anfield í gegnum klúbbinn.
- Hluti félagsgjalda í Liverpool klúbbinn fer í styrktarsjóð klúbbsins sem lætur gott af sér leiða á hverju ári.
- Afslátt á Árshátíð Liverpool klúbbsins þar sem við fáum fyrrverandi leikmann Liverpool í heimsókn.
- Möguleika á að vinna glæsilega vinninga í nýrri Fantasy deild klúbbsins, meira um það síðar!
- Afslætti hjá samstarfsaðilum – m.a. hjá Minigarðinum, Jóa Útherja og verslunum Bestseller og við erum stöðugt að vinna að því að bæta við nýjum samstarfsaðilum og fríðindum.
- Jólagjöf ásamt tímariti klúbbsins Rauði herinn og nælu.
- Þátttaka í öflugu félagsstarfi sem miðar að eflingu samfélags Liverpool stuðningsmanna á Íslandi.
📅 Nýtt tímabil hófst 1.ágúst – skráðu þig núna!
🌐 Skráning fer fram í gegnum: https://www.abler.io/shop/liverpoolklubburinn, nánari upplýsingar má finna á liverpool.is
💸 Félagsgjald er 4000 kr en hægt er að bæta við fjölskyldumeðlimum á aðeins 2000 kr fyrir hvern einstakling. Hafðu samband í gegnum [email protected] ef þú vilt bæta fjölskyldumeðlimi við félagsgjaldið þitt.
YNWA
Liverpool klúbburinn á Íslandi
