31/07/2026
‼️ÁRÍÐANDI TILKYNNING‼️
Það er með mikilli gleði sem við getum deilt frábærum fréttum með ykkur
Loksins getum við sagt frá því að Skúrinn hefur verið seldur! Það gleður okkur innilega að reksturinn haldi áfram og að nýir eigendur taki við á þessum góða stað.
Laugardagurinn verður síðasti dagur Adda og Svenna í Skúrnum. Það verður eflaust bæði ljúft og svolítið skrýtið að loka síðustu vaktinni eftir rúm 11 ár, en um leið erum við full tilhlökkunar að afhenda reksturinn í góðar hendur.
Við viljum nota tækifærið og þakka ykkur öllum fyrir ótrúlegan stuðning í gegnum árin. Takk fyrir hvert skipti sem þið komuð við, fenguð ykkur að borða, spjölluðuð við okkur og létuð gott orð fara af Skúrnum. Án ykkar hefði þetta ferðalag aldrei orðið svona skemmtilegt og eftirminnilegt.
Strákarnir munu einungis vera með pizza ofninn heitan á föstudagskvöldinu og grillið verður heitt á laugardeginum en pizza ofninn verður kaldur.
Fljótlega eftir helgi taka nýir eigendur við og við óskum þeim innilega til hamingju með kaupin og velfarnaðar í rekstrinum. Við erum sannfærð um að þeir taki við frábærum stað með dýrmætan hóp viðskiptavina og vonum að þið takið jafn vel á móti þeim og þið hafið alltaf tekið á móti okkur.
En áður en við kveðjum, endilega lítið við á laugardaginn, fáið ykkur djúsi Skúrsborgara og sendið sætan fingurkoss á strákana sem hafa staðið vaktina í Skúrnum í 11 ár 🥳
Lokað verður sunnudag og mánudag.
Frá hjartanu, takk fyrir allt 🧡
Skúrs fjölskyldan
Addi, Svenni, Rósa, Þóra Magga og Skúrsbörnin fjögur 🥰
