04/07/2026
الناس الجديده اللي نورو صفحتنا من يومين يارب يكون شغلنا عجبكم 🥰
بعتزرلكم جدا علي ردي المتأخر بس احنا فاجازه وقافلين الطلبات اول ما نفتح هنعلن هنا بإذن الله كل جديد بينزل علي الصفحه نورتونا واتمني نكون عند حسن ظنكم.... وبمناسبه البوست المبهج دا في احتفال نجاح كمان كم يوم هقول في كلمتين مهمين تابعو علي الصفحه لما أنزله 🥰 اجازه سعيده عليكم
بشكل عام بحب البسبوسه 🤫🤫🤫
كنت زمان لما انزل اسكندريه كان اساسي عندي انزل محطه سيدي بشر عشان وانا مروح أجيب شويه بسبوسه على هريسه من عند أحمد حسنين
أشهر محل هريسه و بسبوسه في التمنينات والتسعينات وبدايه الالفيه التانيه
انما التورته والحلويات الغربيه مليش فيها خالص
بس لما جيت إيطاليا قابلتني مشكله واعتقد انها بتواجه أغلب الناس اللي زي حالاتي
لما يكون في عيد ميلاد ابني او مناسبه جميله طبعا هنا ف إيطاليا مفيش بسابيس ( جمع بسبوسه)
فكنا بنحتار لما نروح نعمل أوردر التورته لعيد ميلاد عشان الكحوليات والمواد المضافه اللي احنا معرفهاش إو محرم علينا استخدامها بحكم عقيدتنا واسلامنا والحمد لله بنفول لربنا ( سمعنا واطعنا غفرانك ربنا واليك المصير)
بنحاول نمشي المناسبه بأي حاجه إو نلف وندور لحد مانلاقي محل يعمل طلبنا بشروطنا الاسلاميه
امبارح بقي نشرت منشور بشاير لمس
بفضل الله نجحت معانا في النظري والعملي ولكن كانت المفاجأة اللي اكتشفتها النهارده انها شيف حلواني معتمد بتعمل تورتة عيد ميلاد وخطوبه وأفراح ومناسبات وحاجات من دي ف بصراحه فرحت جدا أن في حد ممكن لما نروح نطلب منه أوردر تورته أو حلويات منبقاش شاكين في المواد المضافه من
liquore
إو اي مواد كحوليه
اول ما شوفت الصفحه بتاعتها دخلت عليها عشان اتأكد انها هي طلعت هي 😅😅 اتاريها شغاله ف المجال من سنين في إيطاليا اساسا يعني مش حد كده بيقلب عيشه
وكان عندها محل في روما وقفلته عشان بتنقل ف محل أكبر الله يوسع عليها يارب
ولكن مشكلتي زي ما قلت ف البدايه اني مش بتاع تورته وكلام ساقع ،
سألتها امسسسس بتعرفي تعملي بسبوسه وهريسه قلت لي اه. طبعا من زمان ودي احد المنتجات الاساسيه اللي بتشتغلها بإحتراف
طلبت منها صور لشغلها والمفاجأه لقيت كنافه وقطايف 😍😍😍😍
يعني في رمضان هانحتاجها واعياد الميلاد والمناسبات الحلوه ونوبات الاشياق للبسبوسه
ان شاء الله لما تفتح المحل الجديد هانزل لها روما مخصوص اجرب الحاجات دي بنفسي 😅😅
عشان تاخد شهاده معتمده من الفود بلوجر محمد هلال 😅😅😅
في التعليقات هانزل لكم ليك الصفحه بتاع شغل مس ايمي اعملوا عليها اعجابات وشجعوها واتعاملو معاها
هاتعمل لكم تخفيض إجباري لحد اخر السنه عشان نجحت في العملي للرخصه الايطاليه
والنجاح مش ببلاش 😅😅😅
