28/07/2020
السلام عليكم ورحمة الله وحبه 💚
معلش رح أزهقكم هالأكم يوم (بشَفَقْ)، بس بحاجة جدا للدعم بأول أكم يوم قبل الإفتتاح، للي لسا ما عمل لايك وما عمل دعوة لأصدقائه رح تروح عليه شغلات حلوة 😁💚
رح أوضحلكم شوي عن مشروعي المحبب
(شَفَقْ) هو اسم نقابي اللطيف الي لبسته قبل ٣ سنوات تقريبا وكان الي حكاية معه، سميت المشروع (شَفَقْ) تيمناً به ولإنه من يوم ما لبسته وهو كل الخير في حياتي..
(شَفَقْ) هو عبارة عن تخطيط سنة كاملة وتجارب سيئة مريت فيها وتردد وخوف إني آخد هالخطوة، إلى أن شاء الله وتم تنفيذها اليوم بفضل الله بتاريخ ٢٨/٧/٢٠٢٠، وهالإشي كان لعدة أسباب، منها أولاً حابة أكون سبب بسيط في نشر اللباس الشرعي اللطيف الفضفاض الواسع الأنيق واللي بوضح إنه الستر أبداً مو يعني انك تطمي حالك ولا يعني انه يكون لباسك مو مرتب ولا انه رح يعيق حركتك ويقيدك ولا انه مو حلو؛ بالعكس ما في أحلى من اللبس والأناقة بس بنفس الوقت واسع وفضفاض، ومنها إنه في كتير بنات كانوا يسألوني عن لباسي وحابة أفيد الجميع والله ياخد بإيدي لأسعدكم، ومنها إنه نترك بصمة وأثر بعد الممات ان شاء الله لتذكرونا بالخير 😁💚
كنت بتمنى يكون المشروع قبل هالوقت بالتحديد وتلبسوا لبسة العيد من عندي، بس معلش يلا حوشوا عيدياتكم وتحمسوا لتشتروا من (شَفَقْ) 😁
فبسم الله نبدأ دروباً جديدة وأياماً جديدة، اللهم توفيقاً وسداداً وإخلاصاً 💚
لا تنسوني من لطف دعائكم بالنجاح والتسهيل والاستمرار بالخير 🌸💚
الإنطلاقة يوم الثلاثاء ٢٨/٧/٢٠٢٠
الإفتتاح بعد عيد الأضحى المبارك، سيتم تحديد التاريخ تماماً خلال الأيام القليلة القادمة ان شاء المولى 💚💚
لا تبخلوا علينا بالدعم 😁😁💚
