សៀវភៅអ្នក - Your Book

20/04/2021

ចាក់ដោតសាហាវ

បង្ខំខ្ញុំ ឱ្យសំដែង ឱ្យខ្ញុំសម្ដែង ឱ្យធ្វើដូចជាមានស្នេហា ខ្ញុំក៏ធ្វើសមអស្ចារ្យ ដូចមានស្នេហា..
តែការពិតខ្ញុំគ្រាន់តែសម្ដែង...
សម្ដែង..... សម្ដែងថាមានអ្នកស្នេហ៍ សម្ដែងថាមានអ្នកថែ តែការពិតខ្ញុំនៅម្នាក់ឯង
https://youtu.be/kkBrafvGOg0

14/04/2021

សៀវភៅចេញថ្មី💓💘
កក់សៀវភៅ បេះដូងស នៅទីនះ តម្លៃត្រឹមតែ 33000៛ ប៉ុណ្ណោះ
បេះដូងស ស្នាដៃអ្នកនិពន្ធរតនា

14/02/2021

អបអរសាទរ អ្នកឈ្នះរង្វាន់ដែលបំពេញគ្រប់លក្ខខ័ណ្ឌចំនួន២រូប
សូមផ្ញើលេខទូរស័ព្ទ និងទីតាំង មកកាន់ ប្រអប់ទទួលសារ រឺក៏ Chat មក Admin ផ្ទាល់ក៏បាន, សេវាកម្មដឹកជញ្ជូន អ្នកឈ្នះជាអ្នកទូរទាត់។
»» You're born to find more!
»» Happy Valentine's Day!

12/02/2021

បិទស្អែក ម៉ោង 6PM

ថតរូបឈ្នះរង្វាន់! ឈ្នះសៀវភៅ សំណោកអនុស្សាវរីយ៍ ចំនួន ៣ រង្វាន់!!!
==============================
>> លក្ខណ្ឌចូលរួមលេង៖
1 Like page : សៀវភៅអ្នក - Your Book
2 Share Post នេះ ជា Public ដោយ Mention មិត្តភក្តិ ចំនួន 3 នាក់
3 ថតរូបអ្នកជាមួយសៀវភៅ (ជាអ្នកធ្វើការ) តាមបែបណាក៏បាន ដែលអ្នកចូលចិត្ត
4 Comment រូបនៅខាងក្រោម Post នេះ។ រូបថតដ៏ស្រស់ស្អាតត្រូវលក្ខខណ្ឌ ដែលបានទទួល Like ច្រើនជាងគេ និងយ៉ាងតិច 50Like នឹងក្លាយជាងអ្នកឈ្នះរង្វាន់។
5 ចាប់ផ្តើមប្រកួតចាប់ពីថ្ងៃនេះទៅ រហូតដល់ ថ្ងៃទី13ខែកុម្ភះឆ្នាំ2021 ម៉ោង 6:00PM
​​​​​​ 6 ប្រកាសលទ្ធផល ថ្ងៃទី14ខែកុម្ភះឆ្នាំ2021 ម៉ោង 9:00AM
==============================
>> Admin សុំរក្សាសិទ្ធិក្នុងការកែប្រែលក្ខខណ្ឌផ្សេងៗដោយពំុចាំបាច់ជូនដំណឹងជាមុន!

>> Good Luck !

11/02/2021

តើធ្វើយ៉ាងណាទើបអាចបង្កើតសំណាងអោយខ្លួនឯងបាន?
សំណាង! ភាគតិចណាស់ដែលវារត់មករកអ្នកដោយខ្លួនឯង បើអ្នកតែងតែត្រូវការសំណាង ចូរអ្នកត្រូវរកវិធីបង្កើតវាដោយខ្លនឯង។ ក្រៅពីការអភិវឌ្ឍខ្លួនឯងអោយក្លាយជាបុគ្គលិកដែលមានសមត្ថភាព អ្នកត្រូវធ្វើអោយខ្លួ​នឯងក្លាយជាមនុស្សមានសំណាងផងដែរ។ ការប្រតិបត្តិកិរិយាមារយាទល្អចំពោះមនុស្សក្នុងក្រុម និងថ្នាក់លើក៏ជាចំណែកនៃការបង្កើតសំណាងអោយខ្លួនឯងជារឿយៗផងដែរ។
ទំនាក់ទំនងគឺជាហេតុផលសំខាន់បំផុតដែលមនុស្សគ្រប់គ្នាពុំគួរមើលរំលង។ ការបង្កើតទំនាក់ទំនងល្អនៅក្នុងស្ថាប័នដែលអ្នកកំពុងធ្វើការ ជាមួយបុគ្គលិកគ្រប់ជាន់ថ្នាក់ គឺជាការសាងគ្រឺះរឹងមាំដល់អ្នកខ្លួនឯង។ ចូរកុំមានការរើសអើងចំពោះបុគ្គលិកថ្នាក់ទាប ឬបុគ្គលិកដែលពុំធ្លាប់មានស្នាដៃ ត្រូវចាំថាប្រសិនបើគាត់នៅតែជាបុគ្គលិកនៅក្នុងស្ថាប័ននេះ គាត់នៅតែជាប្រព័ន្ធខ្សែដែលអ្នកនឹងត្រូវការនាថ្ងៃមុខ។
ការសាងទំនាក់ទំនងល្អ វាជួយអោយអ្នកអាចឈរជើងបានយ៉ាងរឹងមាំនៅក្នុងស្ថាប័នមួយនោះ មិនថាអ្នកធ្វើកិច្ចការអ្វី មនុស្សទាំងនោះនឹងនៅចាំជួយយកអាសារអ្នកសម្រួលដល់កិច្ចការទាំងឡាយរបស់អ្នក ធ្វើយ៉ាងណាអោយបានជោគជ័យទៅដោយរលូនជានិច្ច។ ការធ្វើជាមនុស្សល្អក្នុងក្រសែភ្នែកមនុស្សគ្រប់គ្នា គឺជាការសាងកំផែងរឹងមាំអោយអំណាចនៃសមត្ថភាពការងាររបស់អ្នក។
នៅពេលដែលគ្រប់គ្នាចងចាំអ្នក គេនឹងចងចាំដល់ភាពខ្លាំងរបស់អ្នក។ មនុស្សទាំងនោះតែងជឿថា កិច្ចការដែលអ្នកគ្រប់គ្រងតែងតែទទួលបានជោគជ័យ នោះហើយជាសំណាងដែលនាំឱកាសពិសេសៗអោយរត់មករកអ្នកជាហូរហែ។ ជាអ្នកធ្វើការមិនប្រាថ្នាអ្វីក្រៅពីការឡើងដំណែង និងឡើងប្រាក់ខែ ឬជាប្រាក់រង្វាន់ និងពានសរសើរពីថ្នាក់លើ ឬស្ថាប័នដែលខ្លួនតាំងនៅ។ ដូច្នេះឱកាសដែលអ្នកអាចទទួលបានអ្វីៗទាំងនេះខ្ញុំសូមហៅថាឱកាសពិសេស។
នៅពេលដែលភាពខ្លាំងនិងភាពល្បីរបស់អ្នកកាន់តែរឹងមាំនៅក្នុងស្ថាប័នមួយ មនុស្សនឹងកោតញញើតនូវអំណាចរបស់អ្នក។ នៅពេលដែលអ្នកតែងតែនៅក្នុងក្រសែភ្នែកល្អរបស់ថ្នាក់លើ នោះមានន័យថាអ្នកបានក្លាយខ្លួនជាបុគ្គលិកឈានមុខគេហើយ។

09/02/2021

https://youtu.be/gs5B5byHurw

សម្រាប់អ្នកដែលមានបំណងចង់សូនស្នាដៃឱ្យក្លាយជាសៀវភៅ។ នាងខ្ញុំសូមចែករំលែកប៉ុន្មានចំនុចសម្រាប់អ្នកគួរមានម.....

09/02/2021

ឧទាហរណ៍ដូចជាសៀវភៅភាសាអង់គ្លេសមួយក្បាលដែលអ្នករៀននៅសាលា គ្រូរបស់អ្នកនឹងប្រើពេលរហូតដក់បីខែទៅប្រំមួយខែដើម្បីបង្រៀនអ្នកអោយចប់សៀវភៅមួយក្បាលនោះ តែប្រសិនបើអ្នកយកសៀវភៅនោះមកអាននិងសិក្សាស្វែងយល់វាដោយខ្លួនឯង អ្នកនឹងប្រើពេលត្រឹមតែមួយខែឬតិចជាងនេះផង វាអាស្រ័យទៅលើការព្យាយាមរបស់អ្នកខ្លួនឯងតែប៉ុណ្ណោះ។
ខ្ញុំថាដូចនេះមិនមែនមានន័យចង់អោយអ្នកមើលស្រាលទៅលើការសិក្សានៅសាលារៀនដោយមានគ្រូចាំណែនាំពន្យល់ដោយត្រឹមត្រូវនោះទេ ការសិក្សាស្វែងយល់ដោយខ្លួនឯងតែមានខុសនិងត្រូវ ដោយហេតុពាក្យពេចន៍មួយចំនួនអាចធ្វើអោយអ្នកភ័ន្តច្រលំ ឬសមត្ថភាពនៃការស្វែងយល់របស់អ្នកនៅមានកម្រិត។
ដូច្នេះបើចង់អោយច្បាស់លាស់ពីសារ ឬអត្ថន័យដែលអ្នកប្រទះឃើញនៅលើសៀវភៅ ឬបណ្តាញអុីនធឺណែតអ្នកត្រូវប្រើការស្រាវជ្រាវបន្ថែមដោយប្រើតាមគោលការណ៍មួយទៀត។
ការណាត់ជួបសាស្ត្រាចារ្យ ឬរៀមច្បងនៅសាលារៀន ឬនៅកន្លែងការងារ ឬមកពីស្ថាប័នផ្សេងៗទៀតដើម្បីធ្វើការជជែកវែកញែករកខុសនិងត្រូវ អំពីអត្ថន័យឬសារដែលអ្នកបានកត់ត្រាទុកក្នុងចម្ងល់នោះ គឺជាវិធីសាស្រ្តស្រាវជ្រាវដ៏ល្អបំផុត និងងាយចងចាំបំផុត។
ការបានផ្លាស់ប្តូរយោបល់ពិភាក្សាចំណេះដឹង ជាមួយក្រុមមនុស្សដែលមានចំណេះដឹង និងជំនាញខ្ពង់ខ្ពស់ជាងអ្នក គឺជាឱកាសដ៏ល្អមួយ ដែលវានឹងជួយអោយអ្នកអាចបម្លាស់ខ្លួនឡើងតោងទៅទីខ្ពស់បានយ៉ាងលឿនបំផុត។ រៀមច្បងទាំងនោះ គាត់នឹងពន្យល់អ្នកយ៉ាងក្បោះក្បាយបំផុតនូវចម្ងល់ទាំងឡាយដែលអ្នកបានសួរ មិនត្រឹមតែទ្រឹស្តី គាត់នឹងមានបន្ថែមបង្ហាញនូវបទពិសោធន៍នៃការអនុវត្តនូវចំនុចនីមួយៗទាំងនោះផង។ ប្រសិនបើគាត់ជាមនុស្សដែលមកពីស្ថាប័នផ្សេងៗទៀតផងនោះ គាត់នឹងមិនរអែងចិត្តក្នុងការពន្យល់វែកញែកកាន់តែលម្អិតនូវការអនុវត្តនៃចំនុចនីមួយៗទាំងនោះ ដោយលើកបង្ហាញពីស្ថានការណ៍រាំងស្ទះផ្សេងៗ និងដំណោះស្រាយផងដែរ។
នៅពេលដែលអ្នកកំពុងឈរចើញនៅក្នុងស្ថាប័នមួយមិនថាង្នកកំពុងបម្រើការងារនៅក្នុងផ្នែកមួយណា អ្នកនៅតែត្រូវការជំនាញ២បន្ថែមទៀត ដែលទាំងពីនោះគឺ យល់ចិត្ត និងជំរុញចិត្ត។

08/02/2021

https://youtu.be/kRoE9A3Yw98

របៀបសរសេរអត្ថបទខ្លីវាអត់ខុសពីការសរសេរតែងសេចក្តីទេ វាត្រូវមានសេចក្តីផ្តើម តួសេចក្តី និងសេចក្តីបញ្ចប់។ ក.....

08/02/2021

https://youtu.be/ECZahIl9Sec

វីដីអូនេះនឹងបង្ហាញអ្នកពីគន្លឺះខ្លះនៃការធ្វើការបោះពុម្ពសៀវភៅ។ សម្រាប់អ្នកនិពន្ធថ្មីៗដែលមានគម្រោងចង់បោ.....

08/02/2021

ធ្វើដូចម្តេចដើម្បីបង្កើនគុណភាពការងារ​?
បើអ្នកអាចបញ្ចេញសមត្ថភាពពិតបានម្តងពីរដងរួចហើយ អ្នកនឹងមិនមានភាពភ័យខ្លាចក្នុងការលើកមតិយោបល់ បញ្ចេញសមត្ថភាពរបស់ខ្លួនឯងនាពេលបន្តបន្ទាប់ទៀតនោះដែរ។ យ៉ាងណាមិញ យោបល់ដែលលើកឡើង តែងតែមានខុសនិងត្រូវ។ ដូច្នេះអ្នកត្រូវរកវិធីធ្វើយ៉ាងណាដើម្បីអោយមតិភាគច្រើនរបស់អ្នកសុទ្ធសឹងជាមតិត្រូវ ធ្វើយ៉ាងណាអោយមនុស្សទាំងអស់ជឿជាក់លើសមត្ថភាពរបស់អ្នក ជឿថាប្រសិនបើជាស្នាដៃរបស់អ្នក ឬមានការចូលរួមគាំទ្រអំពីអ្នក អ្វីៗនឹងទៅបានដោយរលូន។
ចូរគិតបន្តិចតើធ្វើយ៉ាងណាទើបអ្នកអាចក្លាយជាមនុស្សមានសមត្ថភាពខ្លាំងដូចនេះបាន?
អ្នកដែលមានសមត្ថភាពខ្លាំង ជាមនុស្សដែលពូកែស្រាវជ្រាវ និងសាកល្បង អ្វីដែលខ្លាំងបំផុតនោះគឺខួរក្បាលរបស់គាត់ពោរពេញទៅដោយដំណោះស្រាយ ជាមនុស្សដែលតែងតែមានផ្លូវមុខនិងផ្លូវក្រោយជានិច្ច មិនថាគាត់ធ្វើអ្វី ឬស្ថិតនៅក្នុងស្ថានការណ៍បែបណាក៏ដោយ។
ទំនោរនៃការស្រាវជ្រាវរបស់មនុស្សពូកែមានច្រើនរបៀបប្រសិនជាអ្នកចង់បង្កើនសមត្ថភាពអោយកាន់តែមានឥទ្ធិពល ក្រៅពីការសិក្សានៅសាលា អ្នកគួរធ្វើការស្រាវជ្រាវបន្ថែមលើជំនាញសិក្សារបស់អ្នកតាមប្រព័ន្ធអុីធឺណែត ព្រោះថានៅលើបណ្តាញវេបសាយមួយចំនួនគឺមានការចែករំលែកចំណេះដឹងយ៉ាងទូលំទូលាយ ដែលជាប្រយោជន៍យ៉ាងមហាសាល សម្រាប់មនុស្សដែលមិនប្រើអុីនធឺណែតដោយខ្ជះខ្ជាយពេលវេលា។
ការអានសៀវភៅ មិនថាសៀវភៅបកប្រែ ឬសៀវភៅជាភាសាជាតិដទៃ បើវាជាសៀវភៅដែលផ្តល់ចំណេះដឹងទាក់ទងនឹងជំនាញដែលអ្នកកំពុងត្រូវការ វាក៏អាចជួយអោយអ្នកទទួលបាននូវភាពងាយស្រួលក្នុងការស្វែងយល់ពីគន្លឹះផ្សេងៗដែលពេលខ្លះអ្នកក៏អាចមើលរំលង។ ការអានគឺជាការស្រាវជ្រាវដ៏មានឥទ្ធិពលមួយ ការអានក៏ជាការសង្ខេបនូវរយះពេឡនៃការសិក្សារបស់អ្នកដូចគ្នា។